弘 CHIRASHI (已結業)

在家對面有一間專門經營日本丼飯的料理店，經常都見到有人在排隊，心中早已暗暗擬定多時，希望能跟喜歡嚐鮮的家人去試下，前陣子大家終可夾齊時間一起造訪一下。店內地方不算大，一貫新派日式食店風格，灰白對比的牆身傢俬，感覺氣派時尚，座位算是寬闊，坐得舒適，倘大的壽司及水吧開放式櫃檯，讓客人盡覽師傅的功架。筆者一坐低已被門前的薔薇海鮮二段丼海報所吸引，早已立定心腸要試一下這美極了的海鮮丼，而家人分別點了極丼和溫泉丼，當然還有其他沙律和小食。薔薇二段丼，此丼分為兩層，上層放了由藍鰭吞拿魚與間八捲成的玫瑰花綻放造型，吸睛度極高，一來到已謀殺了不少菲林，藍鰭吞拿魚赤身魚味濃郁，口感軟嫩甜美；經火炙過的間八鮮美大片，帶點魚脂香，肥美嫩滑， 配上鹹香的三文魚子、甜甜的蛋絲和蔥花，多重味覺享受。底層的日本飯上面放了濃香的蟹膏，鮮甜的蟹肉和香甜Q彈的海膽魷魚，中間還有醋漬八爪魚片， 酸香彈牙。黏軟飽滿的飯粒，配上各種食材，每一啖都鮮度爆燈，各自各精彩，鹹香與鮮甜游走於味蕾之間，口感豐富醉人，讓人一粒飯也不願浪費，鮮香味美。極丼，充滿海洋氣息的一款丼飯，新鮮厚切的刺身完全遮蓋了飯粒，油脂滿滿入口即化的粉色大拖羅、

朋友想要吃日本菜, 隨便的在openrice看了看, 見到這家可在openrice訂位, 星期三又有八折優惠, 所以就過來了。訂了七點, 但公事實在太繁忙了, 所以臨時電話打過去要求推遲半小時, 還好有位, 職員回答時也有禮。叫了個極上海鮮2段丼, 附一個海帶湯。 魚生新鮮度還可, 是上面的蟹拑就真的不太新鮮。 丼比相片見到的小, 不過以兩位吃不多的女仕, 再加一些燒物是可以的。下面放有溫泉蛋, 送飯一流。要了燒牛脷跟燒羊架, 一串3片小小的牛脷要$38, 老實說是貴的, 而且燒過頭, 硬了。 燒羊架一件$42, 這個好吃多, 推介。

由於open rice 有訂座優惠，近排間中都會咁樣訂位。但今次失左手。響前一晚訂左第二日既位。唔知點解出到黎變左後日。或者我真係睇錯，又或者係大家個鐘唔同時間（因為我23點50幾分先訂）呢間宏，平時行過都唔覺眼既，無諗過坐得舒服唔多人。仲要好好味。叫左小小串燒。有雞肉大蔥串，燒烤既至愛。雞肉唔肥加埋大蔥嘅juicy 配合得好好。牛舌唔硬加埋黑椒啱啱好。蒜蓉茄子超好味。梅酒甜得黎好易入口。佢既丼飲好大碗。二百幾蚊，但我覺得係二人份量囉。上層係刺身有帶子、三文魚、蟹鉗、仲有海膽。下層有蟹膏有d 核突但攞嚟撈飯真係好好味，仲有溫泉蛋同玉子。六百幾蚊埋單。但已經食晒串燒同刺身喇！

上次與男友好奇到弘一試巨形響丼丼，兩人共享都吃得肚滿腸肥，丼飯專門店確實不同凡響，最近心血來潮又去朝聖啦！  在大門處發現今次的目標！ 賣相漂亮的薔薇2段丼，用來討女性歡心最適合不過  今天入座時間略早，人流較少，可以佔據四人桌坐得更舒適！XD  因為薔薇2段丼製作需時，追加給男友的極丼反而最先上桌 雖然整體分量不算多(也許是碗太大造成的錯覺？)，但極丼的飯完全被刺身覆蓋，新鮮厚切的食材色澤誘人：肥美的藍鯨吞拿魚腩泛著迷人粉紅，入口脂香極重、珍寶帶子嫩滑鮮甜…確實值得一試。  邊吃邊聊，沒多久我的薔薇2段丼也登場啦~~ 上層以不同的刺身捲起再拼在一起，彷似綻放中的薔薇花束，吸睛度極高。  花束由間白與藍奇吞拿魚兩款刺身，再加魚子、蛋碎、蔥花組成 藍奇吞拿魚採用赤身部分，入囗無筋，細滑豐潤，魚鮮味重 較少見的間白刺身先薄切再火炙，肉質軟綿帶火炙焦香，味道稍淡正好可以中和吞拿魚的濃郁。  下層是蟹膏、海膽魷魚、松葉蟹肉與八爪魚漬物四種食材的配搭，鋪得滿滿的將下面的米飯都全蓋住。三種食材有濃有淡，口感味道各有特色，所以店員會建議不要全部拌飯吃，要分開品嚐。  海膽魷魚 - 海膽混合

二段丼在香港比較少見，加上賣相吸引，吃貨當然要試試！薔薇二段丼 ($298)二段丼，顧名思義，分為兩層。上層放滿刺身，下層是蟹膏飯。藍鯨吞拿魚赤身砌成玫瑰花外型，非常精緻，賣相相當吸引。旁邊是捲成筒狀的間八魚，再加上三文魚子作點綴。間八魚表面經火炙後更帶出魚香味，味道不錯。下層亦相當足料，分別有蟹膏、蟹肉、海膽魷魚。蟹膏蟹肉非常鮮甜，口感滑嫩，非常有驚喜。最適合喜歡吃蟹，但又怕麻煩的人！意猶未盡，之後再點了海鮮丼。海鮮丼 ($178)海鮮丼包括藍鯨吞拿魚大腩、帆立貝、海膽、油甘魚、赤蝦。當中以大腩最為吸引，脂肪分布豐富，入口即溶。赤蝦亦出色，爽口彈牙，非常新鮮。

薔薇二段丼😍有姿勢有實際👍🏻用藍鯨吞拿魚卷成紅玫瑰，炙燒間白同油甘魚卷成白玫瑰，一啖一件，煙燻香味同邪惡的油香在口中散開😍下面一碗是蟹膏同蟹肉拼的飯丼，邪惡😈饞囗人士至愛😍最後食番件醋漬魷魚淸清口😋😋😋Through openrice訂枱有8折，折後盛惠230個大洋😋二段丼份量不少，老公叫了個普通的生魚丼飯，約$100，魚生都新鮮，不過比較薄身，飯微暖有醋味，口感也不錯👌很別緻的杯子😀

呢排好似好興食丼飯，依家香港都有好多食丼既鋪頭不過我覺得要食好味既丼飯最容易不過最緊要係刺身夠新鮮，如果唔係，乜都係假呢度既丼飯整體都好新鮮，唔係擺到出哂水果種，而係無腥味，chill得剛好。而且剌身種類多，有海膽，拖羅，都係我的最愛，所以好有私心甘幫佢加左唔少分！而且刺身全部厚切，咬落啖啖肉，好實在。我就最中意拖羅，都幾夠肥美但又不油膩，肉質幾靚，食得過。玉子好有心思甘印上餐廳名，好有代表性呢！飯的份量剛好，始終刺身先係重點，哈哈！

同親肥髀食飯都係想食日本菜，今次搵咗呢間日本餐廳，晚餐時間去到無訂枱都ok，地方幾大，座椅唔迫，淺木加橙色梳化，光猛乾淨，坐低大家點自己喜歡嘅食物二段丼（$158）（三文魚、藍鰭吞拿魚赤身、赤蝦、油甘魚、蟹籽、蟹肉、海膽、三文魚子、蛋、青瓜）賣相好靚，一座塔兩層，兩層都好豐富，魚生真正新鮮，全部厚切，解凍剛好，嫩滑又唔腥，魚味好新鮮，連平時唔食白身魚嘅肥髀都食晒（佢仲好奇問我係乜魚，話好好味）我食咗大大隻嘅赤蝦，好嫩好鮮，下層嘅飯好靚，中央挖洞藏咗塊新鮮海膽，好鮮好甘香！一啲都無化開！飯鬆軟，夾雜好多蛋、蟹肉同三文魚子，啖啖餸多過飯！好味！呢個價錢好抵食！鹽燒牛脷串（$38）牛脷串一串三塊，牛脷好厚身，又唔韌，好肥美，灑咗少少鹽吊味！剛剛好！燒多春魚串（$38/3串）魚燒得乾身，魚肉好香，魚子好爆肚，卜卜脆！鹹香好味！炸脆米流心芝士波（$48）叫錯了（本來想叫年榚，✔️錯了😞）來到賣相得意，細細粒好得意，外面脆米卜卜脆，脆米其實無乜味！芝士流心溶晒，好濃芝士味，芝士年榚（$38）叫錯再叫番啱（因為肥髀堅持要食）烤得啡色，其實係醬油色，外皮煙韌，入面半溶芝士好香濃！帶啲微鹹味！好好味！同脆

班馬騮游完水個個好似餓鬼，上次同肥髀食過呢間日本餐廳，佢仲念念不忘，順便再帶媽咪來食，去到無訂枱都ok，地方幾大，座椅唔迫，淺木加棗紅色梳化，光猛乾淨，坐低大家點自己喜歡嘅食物茶：夠熱幾香！麵豉湯：夠熱唔會好鹹，係廚房自煮嘅（即食沖湯係飲得出）加啲蔥同豆腐海帶！兩樣都好滑！日本風味！弘丼淺草（$108）媽咪食，啲魚生片好似掠衫咁掛滿個碗邊！堆滿個碗！好誇張！好靚！媽咪大讚呢度嘅魚生新鮮！香蔥伴藍鰭吞拿魚腩蓉海膽三文魚籽溫泉蛋（$128）個名長到癲，賣相好靚，好多吞拿魚腩蓉，打得嫩滑，好肥美好鮮，青蔥只有好少（因為太鮮味，一啲都唔使蔥去癖味）三文魚子好似寶石脹卜卜，鹹香好味，溫泉蛋嫩滑（比肥髀𢳂咗大半走）海膽一塊好鮮嫩，味道甘香，好濃嘅海膽甘味！正！白飯唔會好多，鬆軟剛好撈晒啲餸！二段丼（$158）（三文魚、藍鰭吞拿魚赤身、赤蝦、油甘魚、蟹籽、蟹肉、海膽、三文魚子、蛋、青瓜）肥髀堅持再叫！赤賣相好靚，魚生真正新鮮，全部厚切，解凍剛好，嫩滑又唔腥，魚味好新鮮，連平時唔食白身魚嘅肥髀都食晒（佢仲好奇問我係乜魚，話好好味）我食咗大大隻嘅赤蝦，好嫩好鮮，下層嘅飯好靚，中央挖洞藏咗塊新鮮海膽，好鮮

老老實實，對香港的丼飯從來興趣都不大，因為總是吃不到新鮮價格相宜的丼飯，要去到日本才心甘命抵的怒吃。直至朋友send了這間的二段丼飯相片給我，作為吃貨有點想試，那就去吧。門口貼了大大張海報，介紹薔薇二段丼，疑似是情人節/母親節/父親節佳品，(明正言順「一客三食」？)好吧，我承認「期間限定」4隻字總是特別吸引。馬上就選好了。店裡環境頗闊落，座位鬆動坐得舒服。先來奉上麵豉湯和漬物。薔薇二段丼($298)兩層的海鮮丼，上檯一刻不禁嘩一聲！實在擺得幾靚，(又是上網呃like的時候了，笑)中間是吞拿魚，圍邊有捲成花型的火炙間八，中間包著玉子條和三文魚籽，一整塊入口有半溶的魚脂感覺，初時我以為是油甘魚，不過按圖索驥(看memu)應該是間八。漂亮的花好快就成為我肚中的物。揭開上層的碗，下層原來另有乾坤，原本腹黑的我只為二段丼底層一定「冇咁截」，但這個中間是八爪魚片，圍著有滿滿的蟹膏、蟹肉和海膽魷魚。都是相對貴價海鮮，感覺是意料地落足本，即使兩個人share食亦夠分。個人喜愛海膽魷魚的咸鮮和潤滑彈牙的口感，至於蟹膏、蟹肉亦是新鮮貨色，蟹肉層次分明沒有「粉」感，很好。極丼($178)朋友另外叫了個海鮮丼

最近日本菜癮起 去左食丼飯做晚餐諗住可以滿足哂咁多個願望食到唔同款式刺身 剛好餐廳推出左依款二段丼薔薇二段丼一個夠二人食既海鮮二段丼二段丼上層有六朵刺身花 每朵刺身花都有三至四片刺身中間既吞拿魚花被外邊五朵間八花圍住花的頂部則以三文魚子, 蔥花和蛋絲作點綴視覺效果一流 完全是一件藝術品吞拿魚是赤身 魚味不及間八濃 但仍有魚的香味輕輕燒灸的半生熟間八生和熟的程度剛好 魚味濃郁下層海膽魷魚 蟹肉 蟹膏品嘗次序應由淡到濃海膽魷魚帶有爽口嚼感 伴有海膽汁紫菜絲蟹肉份量多 蟹肉極鮮甜蟹膏最濃味 且口感綿滑 伴有薑蔥辟去腥味三款用來佐飯適合不過下層正中心還有一小杯八爪魚漬酸甜適中 八爪魚鮮味更突出極丼藍鯨吞拿魚大腩 帆立貝 海膽 油甘魚 赤蝦 玉子吞拿魚腩厚切 入口即溶 油脂香諄帆立貝超甜美 唯獨略嫌不夠厚切海膽一點也不苦 油甘魚 赤蝦 亦同樣新鮮刺身整體質素高 配搭亦令口感更為豐富性價比高的一餐晚餐

最近刺身飯熱潮有增無減，facebook每天充斥住各式各樣的剌身飯實在令人不是味兒。今天與友人難得經過銅鑼灣，刺身飯穩起，便順道去弘大吃一番吧由銅鑼灣時代廣場穿過鵝頸橋街市，行多五分鐘左右便到達弘。坐下不久，已被門口的薔薇二段丼吸引住，話明節日限定，二話不說立即點這個飯另外再點了個價錢較為大眾化的極丼每個剌身飯會跟一碗麵豉湯薔薇二段丼 $298甫上枱吸睛度爆燈，超大堆頭，當然手機先食📸上層的玫瑰花剌身是以油甘魚（間八類)包着甜蛋和三文魚子，再用火槍輕炙。中間的是赤身呑拿急不及待先嚐一口，油甘魚煙韌鮮味，赤身魚味十足，兩種魚各有特色正所謂一朵鮮花送給摯愛，帶媽媽來吃最適合不過。而下層有海膽魷魚、松葉蟹碎和蟹羔。松葉蟹碎上加了日本調味香料，而蟹羔加了薑蓉驅鯹。個人認為由海膽魷魚開始，然後順時針方向品嚐是最prefect的蟹羔鹹香鮮濃，撈起飯來心心眼便出來了極丼 $178叫了個高級剌身飯，平平地加多個極丼。剌身分別有日本甜蝦、大呑拿魚腩，海膽、帆立貝和油甘魚甜蝦爽滑勁甜，海膽厚肉新鮮💯💯💯💯💯大呑拿魚腩，夾起來像塊晶瑩剔透的豬肉，一入口油滋滿捨，好味到不得了兩個人叫了兩個剌身飯，埋單$500

睇過食評，見朋友亦試過，又見可以用OpenRice 訂位，所以就去試下，星期日怕多人，提前12:30用餐，去到得一枱客，諗住可能太早，隨意叫咗個松葉蟹同淺草海鮮丼，先講造型，係幾吸引，相機先食，睇到都覺得好食，但真係食落去又唔係咁特別，同真係有啲難度，要先夾起晒啲魚生，先可以慢慢食飯，某程度有啲難搞，本身啲魚生比較一般，唔好太大期望，難怪隔離枱位女士食咗一半就走人。個蟹飯就真係得個樣，燒蟹蓋食唔出蟹味，淡得緊要，下層啲飯同樣淡口，蟹肉的醋亦未能帶出蟹味，整體來說期望過高，跟風去影相還可以。另外，就係單手侍應，有位男侍應全程見佢左手插袋，唔知係咪造型，上菜、加茶、落單都係單手，除咗同女侍應玩，希望佢注意一下安全，始終飲食業都有好多熱嘅嘢。

晚上工作完去灣仔吃飯，來了這家最近很人氣的魚生飯日料店試試看。餐廳座落在離灣仔站步行12分鐘的灣仔道上，這條路我比較少來，我們7點45到餐廳已經要等位了，大概等了10分鐘即可入座。餐廳裡面裝潢簡單，空間比較小，所以桌子都是和旁邊靠在一起的，想來浪漫晚餐的話不好意思旁邊都是人（笑）。這邊出名吃魚生飯，我們每個人各點了一款試。第一款我們點的是期間限定的薔薇二段丼($298)。我看到網路上這款魚生飯照得超漂亮，對我這個相機食先的人來說就一定要點哈哈哈！上來有上下兩層，上層正中間是一朵薔薇花，特別的是這是由吞拿魚製作的薔薇花，卷得很漂亮，送給女友一定開心哈哈哈哈！旁邊是有四朵由白身魚卷成的白薔薇，魚肉非常新鮮肥美，而且有微微炙燒過再加上上面的魚子超級香！好睇又好食！下面一層是由三種食材組成的丼飯，顏色豐富，味道甚佳！這三種分別為海膽魷魚，碎蟹肉和蟹膏，店員建議由魷魚開始最後再吃蟹膏，因為味道由淺至濃。魷魚很爽口，蟹肉清甜，我覺得最特別是蟹膏。可能不是每個人都能接受得到蟹膏的味道，因為重口味，但加上姜粒和蔥花不會覺得腥，我覺得很特別還蠻好吃。下一個魚生飯是極丼($178),裡面的海鮮很豐富，有帆

每次遇到不快的事情我總會來弘吃刺身飯，可能因為這裡的飯有治癒心情的能力?🤔 朋友繼續一成不變吃她的極丼，因為有她最愛的赤蝦，帆立貝，油甘魚與海膽，刺身蓋滿了整碗飯。新鮮的油甘魚魚真的很鮮甜，雖然不是最豐富油脂的部位，但是滿滿都是大海的味道。海膽的鮮一入口像吃進整個海洋般，讓人不住點頭稱讚。藍鯨吞拿魚大腩厚度讓人十分滿意，軟嫩入口即化。鮮嫩彈牙的赤蝦，品嚐到濃郁的蝦膏，愛蝦的蝦迷定必喜愛。帆立貝吃起來軟嫩中帶著輕微的彈勁和脆度，新鮮美味沒半點腥味，很優質。日本餐廳必備的味噌湯，用料非常實在，裡面的豆腐，海帶滑嫩，不會太鹹的味噌味，又很香濃，不錯的說。美麗的事物總會令人心情愉快起來，包括這薔薇二段丼。喜歡吃蟹膏，蟹肉的我，對於這薔薇二段丼尖叫指數絕對破表。有別於在其他日式餐廳所吃到的，這裡的刺身除了新鮮之外，而且還給得大方。薔薇藍鯨吞拿魚與間八的綻放，一上桌就很吸睛，是不是很美? 不只好看還很好吃~ 吞拿魚口感非常好，清爽美味。火炙的間八新鮮又大片，配上脆卜卜的魚籽與甜香的玉子，多重味覺享受。蟹膏，蟹肉真的是甜得要命，口感又滑又嫩，舌頭輕輕一頂就全數化成蟹的鮮甜味，也將先前的不快一掃而空。