德昌魚蛋粉

營業中

休息中

早上10 去了九龍城德昌食早餐平常多人排隊可能還早所以不用我叫弓魚柳腸仔雞旦加牛油多士魚抑和多士都好味還有一抔港式奶茶好味但女朋友叫魚旦粉魚旦味道普通唔知點解咁多人排隊早餐26ok

星期日行完九龍城商場已經2點幾,有少少肚餓咪行過馬路去德昌食鱼旦粉,條龍唔算長大概5、6人,等咗5分鐘就有位。坐低叫咗碗魚旦雲吞河好快就到。湯底OK有鮮味,魚旦就冇得頂,彈牙兼爽口,雲吞都幾好食河粉碎咗些少,雖然食咗呢間好多次但係都耍比隻手指公德昌。

Before I moved back to Hong Kong I came eat here every time I visit Hong Kong. I am quite familiar with the restaurant. This is not the restaurant if you except great service or to be very clean; and you will never want to come on the weekend to avoid the crazy line-up. And more important you come here for one reason only - there fish ball and fish cake, I haven't have better yet in Hong kong. Their ho-fan (thick rice noodle) is average, the broth need more taste for sure. but the fish ball

上年經過九龍城記得此店; 因為正正中午有條人龍等位之後上openrice 起佢底今日....... 成為龍友梗要去試試, 如果咪點叫龍友喎 名物 : 紫菜魚蛋河 $24 份量幾足, 先飲淡湯..唔係魚骨湯, 只係一般師父湯魚蛋好似兵兵波咁白雪雪, 沒有預期的魚鮮味, 彈性亦一般 魚片有無特別, 河粉亦然與一般來貨賣緊 $12的無異 總結 : OK la

聽聞呢間魚蛋粉好出名的?而我去到係人山人海的..環境真係一般...地下仲有大把垃圾.服務也不見得好凍檸茶.14元.我影少左一張相..落糖重手左..飲落口超甜...而茶味不足魚蛋粉..魚蛋我只感到很少魚味.又唔香口,有些好普通的店都比佢好食..湯底淡,幸好有大量冬菜...我本來俾OK...喊面的原因.我食食下食到有沙.擦一下....個心有的驚先俾喊面

一個酷熱既天氣, 30幾度..係德昌門口都排左約5分中... 見咁多人等..打死都唔走聽聞馳名魚蛋粉最出名牙 叫左一碗, 只係 $20 , 感覺好抵,不過再叫多杯凍飲解下渴,就加多 $14蚊... 相比之下,, 杯野飲好貴馳名魚蛋粉 ( $20)河粉比平時較幼同薄,入口爽d, 唔會太吸水搞到漲晒,魚蛋認真彈牙, 中間唔至於空心, 但係彈落口又唔會食到成口都魚腥魚肉味..一碗4-5粒..魚片唔會太厚 , 質感同魚蛋差唔多 , 最緊要唔腥彈牙,食得出係自家制湯底就太一般啦,冇咩吸引之力。環境迫就迫d, 不過歎下冷氣<如果唔抬頭望清楚,真係以為自己係大排攤食緊...

母親節同媽媽飲完茶, 行下街經過此店, 大排長龍細佬話這間魚蛋粉非常出名, 一定要試. 雖然之前一餐吃得很飽, 但都排隊一試.一行四人, 清一色叫魚蛋粉, 一致認為魚片好吃過魚旦, 但整體而言, 不是很突出, 與其他麵店無異. $20/碗, 值不值得真是見仁見智.反觀, 搭枱的一對母子所叫的營養餐, 看起來很不錯. $24 (包鮮奶), 非常大份及抵吃.

其實唔係好記得食既日子,因為都去過成兩三次真係好好味!自從第一次食過墨魚丸之後,次次都親都一定會叫!因為未食過咁特別既墨魚丸^^~好有空氣感(入面好似空心咁)出面的墨魚丸通常都係比較軟心+彈牙佢呢隻係好爽口再加少少彈牙~最強係墨魚味超濃郁 >///< 真係好好味~所以之後去親食都係墨魚+魚蛋雙拼~男朋友就好鍾意食魚蛋+魚片~不過自從我地發現單叫魚蛋河都有魚片送之後=.=我地就只會叫魚蛋河平勁多囉-__-之前蠢左。。。大家有機會去試下啦

媽媽話好想試吓德昌魚蛋粉，因為我哋每次去到門口都見到大排長龍，怕等得耐，不過今日唔肚餓又唔趕時間，就即管等吓啦! 其實個個都食完就走，所以都唔係等好耐啫。佢D魚蛋話係手打o架! 真係幾好食，雲吞和水餃水準亦高。我們發現這裡除了潮州粉面出色外，原來西茶都好得，我見同枱個哥哥叫咗個營養餐，有一塊扒、炒蛋、煙肉及多士，仲可以配鮮奶，都係$24，真係抵，而且一睇就知道好食，下次再嚟真係要試吓先得。

首先唔好講佢地d嘢食先啦，淨係佢嘅服務態度已經令我唔會再去！琴朝十點度經過，見都唔多人，咪諗住去食下佢個魚旦粉做早餐，睇吓有幾好食先！叫咗個魚旦粉，凍奶茶就聽到隔離枱個靚太同個待應講話碗麵嘅魚片好腥，之後坐櫃枱個男人就走埋佢張枱話，「魚就緊係腥架，羊就緊係騷架啦！！！點吖，換過俾你囉，食雞扒啦！」嘩嘩嘩，呢d係咩服務態度呀？！我真係睇到呆咗囉，真係... 跟住後尾聽到個阿太同d朋友講話其實碗魚片係臭，只係唔好意思咁話，先同個待應話好腥！真係好言相報卻得到呢個咁不友善嘅回應，攪到我呢個旁人都好唔順氣，登個阿太唔抵，無啦啦俾人鬧噃！講番碗魚旦粉，大碗囉！但魚旦太咸同唔算彈口， 粉就好碎，可能係d尾.... 真係無d人講得咁好！不過佢嘅辣椒油真係唔錯！奶茶就有d澀，應該茶膽出咗事，但我就唔敢同果度d人講啦，費事陣間有條友走埋嚟同我講"茶就係澀，咖啡就係苦，飲朱古力啦"咪弊，哈哈！

呢日又來到九龍城，到了晚飯時候，想起上次來到呢頭，見德昌門口排滿人龍，好奇心起，特地入去試試。坐低之後，連隨叫了兩碗招牌魚蛋河同太座一人一晼，再另加一碟油菜添。這裡的魚蛋粉都幾大碗，魚蛋魚片的份量都算幾多，油菜都係一樣，夠晒大碟。不過講到味道，雖然d魚蛋都有少少彈牙，魚片都有d鮮甜味，都係唔覺d魚蛋粉真係咁好味，好味到要有人龍挑隊入來吃喎。反而呢度的自製辣椒醬就真係幾勁，我只係落了一些落碗粉度，辣到自己眼淚、鼻水一齊來，而且髮尾仲冒晒汗浸浸涼添。假如將呢度的魚蛋粉同筲箕灣間名店比，我就覺得那裡的魚蛋粉正得多，比呢度值得一去再去啦。

德昌的大名都算得上幾響, 要不然又點會有條龍在門口排隊, 今日同阿媽中午就去排完隊我地兩個人share一碗魚旦米同一份營養餐! 先講個魚旦米, 魚旦很鮮, 很彈牙, 印象令人深刻, 因為好少可以食到咁好食的魚旦的, 唔怪得咁多人去食, 湯水係幾好味, 食到一半, 忍不住加了碟炸魚皮浸湯食, 不過原來魚皮的味道只係普通, 不推介!營養餐除了營養夠哂豐富, 可以填飽個肚之外, 味道都幾好的, 特別係件炸豬扒, 肉質幾鬆化, 幾好味, 唔係食到成口粉成肚氣那一種, 幾好呢, 杯凍檸茶都好飲, 比起很多茶餐廳更優勝!魚旦粉夠好味, 所以會再去食架

是日胃口欠佳，卻剛好約了於土瓜灣工作的朋友往九龍城開飯，想來想去想不出吃甚麼，只想出德昌魚蛋粉其實個人又未有覺得德昌的魚蛋粉有甚麼驚為天人之處；不過，勝在每個環節都做到above average的水準，穩穩陣陣，未試過有驚嚇；而一碗魚蛋粉不到二十元，至少令人有物有所值之感，吃得心滿意足；所以德昌雖未能成為我的最愛，但卻是我午膳範圍內吃廣東粉麵的首選。(如果條龍唔算長的話)今天要了個魚片河 - 河粉爽滑，魚片彈牙有魚香 - 我嫌那魚鮮不夠清甜，不過總比不少麵店要好。。炸魚皮夠脆，但其實我都係覺得唔太夠香, 而且有些部份太硬了。朋友喜歡這兒的辣椒油；其實在本港現存的麵店中算above average, 但可能夏銘記的珠玉在前，總覺得這兒的辣椒油不夠香。出乎意米地，最討人喜歡的是為我們送麵的阿叔；我們隨口的一句「唔該」，竟獲得他的熱情「搭訕」：「唔使唔該，我應該架嘛，哈哈，我仲好樂意添....」難道他是懾於我們二人的絕世容貌方出此言嗎？.....想太多了！

今日下晝去左德昌食魚蛋粉, 又係要排隊....同阿媽兩個人食左一碗米同一份"營養"餐! 營養餐係炒蛋, 火腿加炸魚柳同多士, 另外仲有杯飲品! 個營養餐就真係好夠營養, 不過味道就好一般, 炒蛋淡茂茂, 魚柳都係, 只係食到炸粉的味, 要好食, 都係要食番魚蛋粉, 個營養餐都係用以填肚..魚蛋米就唔同, 魚蛋好爽, 湯底夠味, 加一更特辣辣椒油同一更醋食更好味, 魚片一樣咁爽, 咁多人排隊, 目的都係為了這碗美味的魚蛋粉啦!個笑, 係俾碗魚蛋粉o架

其實我覺得我都幾有資格講 "我愛茶餐廳" 呢句說話! 因為我真係好多餐都係茶餐廳入面渡過的今次食呢間, 都可以話係一間茶餐廳嚟, 因為佢唔係只係賣魚旦粉, 而係賣埋茶餐廳會賣的所有食物! 見肚餓, 就入去食, 有一個係沙爹牛肉包餐, 有個牛肉包加杯飲品, 個沙爹牛肉包本來都幾好食, 因為個沙爹汁好野味, 牛肉索哂沙爹汁, 好正, 但係最可惡係沙爹牛肉係"凍"的, 令到本來好食的都變成唔好食 點解唔可以坐暖d 牛肉呢, 都唔係好難啫凍檸茶不過不失, 唔算太好飲, ok啦, 但係覺得個包認真d 整會係一個美食, 嘥左..