德興火鍋．海景軒 (已結業)

i will never go to this shop again!!!service bad~~ I agree with the comments below that the waitress and waiters are so ...s..t..u..p..i..d..and the food are expensive~~ i am not sure if that is my problem, but i feel abit sick after eating the food.. anywayz, i hope that is not because of their food.. against my expectation, quite disappointed though..

散場７點正，扶手電梯落一層，魯一居已經一棚人等位，飛話两位要等5張，但係從外面睇都有d 4人吉。我準備走埋去話3或4位睇會唔會straight in時候，螢子拉我走，結果去呢度。螢子消化不良，冇打邊炉。叫小菜佢呢樣又唔好、樣又唔食，話食d清清，結果佢第一樣揀煎瑤柱蓮藕餅（激死！咁叫清清?） 佢話無乜胃口，只叫多两個小菜–煎釀豆腐拼燒肉＋百靈菇扒雙蔬, 心忖唔知夠唔食。幫我寫單個女侍應烚得很，叫佢寫時候佢已經四圍望想叫黑衣部長幫拖，唔知一個都無，於是衫袋喥出纸硬著頭皮親自操刀。講名，佢收唔到，咁講把啦，总共３個４位数字，都落得好慢，重要refer番menu慢慢抄番個名落佢張纸同我張咭喥！佢行去counter喥係725pm，之後我見到其他落完單都有張電腦printout attached埋張咭喥，係我冇。唔放心於是搵個年青黑衣男部長A check有冇落單，佢check完話有，於是放心等。呢間德興楼底高，新乾淨企理，不過唔夠冷氣，加上唔少人食火，冷氣應該開大Ｄ。等一輪，第一味终於出場，係煎釀豆腐拼燒肉。我坐張圓中間位當時乜都冇，個位傳菜／侍應先生當時亦只係得我個碟係個tray喥，佢居然將碟（

今日我地一班舊街坊趁weekend聚聚舊，專誠走去新場MegaBox德興食晚飯．點知食落一肚氣．．． 罪行1：我地一早訂左位，最後都要等45分鐘先俾到枱． 罪行2：我地一埋位，枱面只得一個$1,666十二人餐的餐牌，要三催四請叫waiter，先慢慢拎個小菜menu，由於我地人多，我叫個侍應拎多一本menu，佢居然好醒咁話：你地咪有一本囉．．．俾佢吹漲！ 罪行3：menu的選擇實在奇少，我地打算改套餐，點知睇黎睇去得個$1,666餐，於是叫個經理來問有無其他選擇．．．佢居然答：係得呢個，D客通常來是吃火鍋，你地可以轉食火鍋．小菜係得o個幾樣，今日人多，我地由今個月7號做到而家，你地個個新屎坑（D客飯都未食，身為一個食肆經理居然咁講野，真倒米），我地無得俾你揀咁多，個個客都食呢個餐，要小菜你預左實遲出兼漏單，咁你食唔食？．．．我地一行十一人個個即刻滴晒汗，疾左佢幾句，佢都覺得自己無問題（我無錯！），好野！ 罪行4：一路食，其實唔止得我們覺得呢度D service奇差，周遭的客人都食到mama聲．最後上紅豆沙時仲搞笑．我地食餐，梗係預左一人一碗，殊不知，我地一人分得1/3碗，碗碗裝到好似俾人

趁公眾假期去左mega box, 見到下午茶二時開始，就選德興因信譽，點知..不是費時間去等位，卻是將時間"等"食物前來，叫左炸兩、兩粒蝦蛟、鳳爪、排骨、鮮魷! 用左45分鐘等到兩粒蝦蛟，用左20分鐘見到炸兩，問部長點解點心紙說即叫即蒸，炸兩到達時面青口唇白, 部長並沒有顧客服務態度表示..說由廚房行黎，少不免會涼左!? 20分鐘見到排骨同鳳爪，排骨舊舊哎呀全部都係骨而鳳爪擺的位置剛是上層人o地籠點心將牠cut去手指第一個關節位..認真朽教..已經嬲嬲o地,,一個鐘後見到鮮魷黎到卻跌曬響側邊,,很久都未試過飲茶禁騎呢..d點心有時過左去隔鄰,有時隔鄰又黎錯..埋單部長又錯單...希望德興管理層要好好注意培訓員工，對於我作為一個荼客，不會再黎-激氣.

lunch去飲茶, 嗌咗成枱野, 隻蝦餃好大隻,桂花糕好好味~~埋單一位唔駛$50,仲係望住個靚海景食~~抵!!

可能由於新開張，或者人手配合上未能做到最好，上菜的速度非常之慢，由叫他們上菜開始，足足等了30分鐘才送上第一度菜，味道方面，屬一般，唯地方較寬敞。

開咗業只有三天, 好多人排隊幫襯. 可能mega box唔係咁多中式酒樓卦?!是夜食打邊爐放題, 九點後$101, 已包小賬. 食物跟一般德興差唔多, 水準係其他打邊爐放題之上. 最正的係個奶皇和叉燒水晶包好食咗好多, 因個皮薄咗. 另外叫多咗碟三文魚剌身, 幾新鮮, 但本人不太好三文魚, ok 啦!裝修靚, 新嘛, 環境舒服, 部份有海景添. 最唔好的係成日漏單, 追好多次, 見隔鄰食客都幾勞氣. 不過大部份亞姐都好有禮貌, 咁新開亂d, 都值得原諒. 希望慢慢會改進喇!