恆達油渣麵

營業中

休息中

呢一間真係真真正正嘅隱世小店，喺油麻地一個極小型嘅街邊檔街市入面，如果唔係有朋友極力推介嘅話，行過路過一定會錯過，呢度嘅豬油渣麵好出名，不過我自己就覺得佢嘅老火湯更加出色，仲要每日唔同款嗰下先至勁。40蚊一碗細size，睇下啲湯渣就知道真材實料，飲落去非常滋潤非常清甜，蜜棗紅棗龍眼肉杞子呢啲材料應該唔少得，慢火煲返幾個鐘令到碗湯好入味。入面嘅地方非常淺窄，得一張圓枱再加長邊嘅簡陋Bar枱位，不過性在食物質素高而且有人情味，偷聽入面夥記嘅對話估計應該係一家人一齊做。

呢間油麻地名物聽就聽咗好耐今次第一次幫襯，地方細得驚人，只有一張四人圓枱，再加長條枱類似吧檯位五至六個，不過佢入面啲餸就認真兼抽，除咗見到有大大隻嘅鹽焗蟹同花螺，當然仲有佢嘅招牌老火湯，聽講日日唔同款，足料到爆，今日呢一碗係花膠石崇魚豬骨湯，個湯又香又濃，材料足火候足，淨係睇啲湯渣就知啲料有幾堅，完全冇味精無添加，呢碗係細size，已35蚊一碗呢個價錢真係冇得輸。呢度另一個招牌菜係豬油渣麵，今日食咗嘢所以冇空間食多一碗麵，下次會嚟再試埋佢。

好多人都話呢一間油麻地非常唔顯眼嘅豬油渣麵好好食，今日終於有機會試到，感覺都係一般，可能期望太高啦，佢唔係唔好食嘅，不過以38蚊嚟講就畀想像中略為貴咗少少。食落去我覺得個上海粗麵畀豬油渣更加出色。另外我梗係有落到傳說中必食嘅辣菜脯啦，都真係幾辣，不過落咗之後碗面嘅味道有提升咗好多。

如果不是細佬極力推介，我根本唔會行既街道，因為晚上附近都比較多流鶯。聽講平時要排隊等位，因為入面非常簡陋，只有一張4人圓枱，而旁邊是面壁排櫈。如果坐出面就沒有枱，只能用椅子當枱吃飯，所以一團人最好不要多過4人。旺角自家小店地方細小簡陋，遊客及年青人生絕對不敢也不會去的地方但食評好評如潮，只因沒有落任何味精而且份量又大大碗。最好賣竟然係是日例湯。禽晚係雞骨草煲豬環脷，今晚係石頭魚花膠湯，我地連續都幫襯左2晚，另外蒸鱔，糯米飯，油渣麵，都係賣點。

一入去幾分鐘已經知道呢間係人情味小店，因為出出入入嘅客人都會同老闆娘吹水，好順口咁落單，人均最少都嗌碗湯，見佢都係30幾蚊住家老火湯，真係好平好良心🐽 招牌豬油渣麵(細) $3x第一次黎無胃口無食到，但見個個都會叫豬油渣，所以專程再黎多次。成碗麵都鋪滿豬油渣，好足料喎，同埋好淋，都幾爽口，有啲似食緊肉咁其實唔佢口感食落其實唔似食緊豬油肥膏，如果想食香脆口感嘅咁佢未必啱。配上海麵底，有啲似食緊扁烏冬但無咁濟咁飽，不自覺會食好多，老細話呢啲麵唔飽肚🥹，btw記得要配埋佢哋自製辣菜脯更加清新解油膩，辣得幾過癮🌶️（以前食過第二間豬油渣乾到硬，就算索左汁都會痴牙同埋好油，果次食到有陰影，但呢間完全顛覆咗我嘅壞印象🥰）🫁 豬肺湯 $3x佢話每日一個湯，逢星期四係豬肺湯，我諗佢嘅意思應該係唔係隨便嗌，就又要星期四去先至會有得食豬肺，因為我上次第一次去已經想飲豬肺㗎喇，今次去到直接嗌咗，原來係佢是日例湯黎，黐線真係超平囉$30一碗⋯好癲⋯完全係良心價，仲要勁乾淨勁淋好好食🥹，老闆娘話洗得好辛苦，要洗成個幾兩個鐘🐷 好多豬紅 $3x勁多粒豬紅，最鍾意豬紅出邊嗰層好似膜咁嘅東西，輕輕咬會咬唔開嘅口感，唔會

「恆達油渣麵」係由一家四口一同經營嘅油渣麵店，深受大眾街坊歡迎，有滿滿嘅人情味。 舖頭細細間，但係食品多選擇到嚇親大家！又有小炒、蒸品、湯品、糖水、粥品、粉麵等等……多到唔知點選擇😆此店沒有華麗嘅裝修，但有光芒嘅出品，佢個老火湯正是其中之一，係值得推介！此店老火湯每日不一，今日就係（魚翅豬骨湯）-魚翅味道非常出，飲出時間換來嘅精華。裡面應該還放咗魚落去熬製，入口鮮甜而帶骨香味，不過飲落去會有啲碎魚骨，大家小心。（豬大腸油渣麵）-記得加佢個菜脯，完全令到碗油渣麵提升了唔少精華。不過麵質冇想像中咁好食，但亦都唔難食嘅，油渣唔太乾身，大腸夠入味同淋，入口軟滑帶滷香味，配搭油渣麵是正確的😍下次一定要試埋佢個蒸魚同炒花甲！

快將凌晨才下班，同事一行幾個帶我去他們宵夜老地方，就是這家油渣麵！聽說所有小炒都是老闆娘落手煮，這個椰菜花炒雞肉超好食！推介的花甲更加是不能抗拒！醬汁直頭可以送好多碗白飯！最特別一定係一碗沒有味精的湯！ 太好飲的關係，離開之前更外賣一碗帶回家，因為每天的湯都是新鮮製作，差不多店家要休息，直接多送我一碗！ 實在太好了！

石崇魚花膠湯$30😳好飲。店舖雖小，五臟俱全。仲有鱷魚肉煲川貝$200。食物唔係叫好好味，不過不失吧😊會再去😋油渣麵普通啦！糯米飯好食👍🏻不過潤腸唔好食🤭有潔癖嘅人千其唔可以去😂

夜晚喺旺角飲完野又想食野，本身想去食果間已經 last order 左，行行下講起網上介紹過呢間 恆達油渣麵，於是就行過去睇下仲有冇得食， 好彩仲有， 好多年無食過 油渣麵 喇真係。一家小店坐位唔多，聽得出好多都係成日嚟嘅熟客，一坐低店員問飲唔飲湯，本身因為啱啱先飲完一輪酒都無意慾要飲湯，就同佢講聲唔好意思下次先試啦， 點知佢話：「飲啦，好正架，個個嚟都一定飲架～」，好！ 既然出呢招就試下，湯係「石崇魚煲花膠」又真係幾好飲，真係好似住家飯有碗湯飲嘅感覺。 佢個油渣麵，同之前食過果啲好唔同，佢唔係炸到好盡好乾好脆果種，係仲有咬口仲有味道，配合埋佢啲菜脯爽呀～ 佢亦可以兩拼其他食品，我地就揀左豬手，亦係好腍好入味，成碗野你話係咪美酒佳淆？老實講就真係唔係，但係作為街坊小店深宵食堂，的確係唔會輸。另外雖然佢招牌係油渣麵，但係見其他客人 好多都係食小菜客飯，似乎都係高手嚟，搵次要試下先。

幾年前～朋友帶過我地食恆達食海鮮黎之前 佢話預左有d迫既～我地唔介意 最重要好食🙊🙊🙊係門口望的確唔會留意加上佢個牌寫 食油渣麵～所以應該自己行過唔會入去因為朋友係熟客仔知有咩好食～叫左蜆～蝦～蟹～螺花膠湯( 最後仲送左幾碗比我地拎走❤️)蟹係老闆娘自家醬汁❤️好好食❤️

我相信唔係被人領住我嚟都未必知道呢間店（係我孤陋寡聞🥲）唔好睇佢遠離大街，亦唔好睇小佢無乜裝潢，佢都有人慕名而來嘅。1️⃣9️⃣3️⃣0️⃣ 晚餐時間🍚 生炒糯米飯加臘腸係凍嘅天氣食係非常非常有風味😋 飯夠熱多花生，醬油恰到好處，臘腸係超juicy 唔硬又香，真心想再食！🍲招牌油渣麵佢嘅油渣麵成碗麵用五花腩肉煮，就咁食我就覺得唔夠好食，配店主特製辣菜脯簡直畫龍點睛😆🧆蘿蔔牛腩蘿蔔夠腍無渣，牛腩對我而言有啲騷，但整體不錯嘅。其實恆達係煮家庭菜，佢仲有燉湯、豬肺湯、蒸魚、肉餅呢啲餸賣相都不俗，即使無美麗嘅裝潢，坐摺檯，但最重要店舖嘅人好nice，好似返咗屋企食飯咁，好有人情味，有機會都要嚟食多次呢。

恆達油渣麵特色－家庭式經營，牆上貼滿不同種類嘅菜式蝦醬腩肉蒸飯腩肉嘅份量好多，每匙可以係一半飯一半腩肉咁食落口，total要叫一碗半飯先食得晒全部腩肉，白飯可以免費任裝🤤豬肺湯值得一試好清甜，好大碗都係$25整豬肺湯要花好多時間工序先可以清洗乾淨整個豬肺，所以呢個價錢真係好抵飲。豬肺湯最正就係無落味精都可以做到咁清甜，非常推介👍👍不過日日會有唔同款式的湯當然會重複的，所以去到都要碰吓運氣睇下會否有豬肺湯😃💪🏼

一年多沒有來，感覺還是和上年一樣。這間店好得太過份了，小小的店，食物選擇很多，而且很便宜，店員又nice。在門口望望已有店員招呼我們，邊介紹今晚有花膠湯。我們點了想吃的油渣麵$33二人分享，因為我們不太餓。朋友想吃辣菜莆，我叫他拿小碗，店員立即聽見，邊說想要什麼叫就得啦，邊拿過來。辣菜莆辣度太高，我受不了，但通常都這麼辣吧。油渣麵湯底很好喝，不會太鹹，麵和油渣也很合口味。花膠湯30，湯濃郁得很，像家常湯，好正，花膠大大塊，不論是否真花膠，也誠意十足。抵飲得太過份。白菜豬手汁$12是隱藏menu，烚菜加上豬手汁，味道不再沉悶，令我們驚訝的是份量之多，通常在外吃到只有一半或更少吧，價錢卻只是$12，埋單時令我不敢相信。走的時候店員又友善講拜拜。整體感覺好好，香港平靚正小店，如果在家附近有這樣的店就好了。下次想試其他野食

健康老火靚湯各式小菜俱全上湯肉味濃郁小店人情更濃吃過很多「he」做的油渣麵，亦吃過不小名牌油渣麵，恆達就一直沒去過。晚上九點才完成工作，只剩一小時堂食時間，於是便專程去恆達吃頓簡單的晚飯。到達後當然要點招牌油渣麵。很快便端上一大碗熱騰騰的麵。先喝一口湯，覺得肉味很濃郁，是豬骨湯的味道。豬油渣不是炸得很乾那種，而是有點像去了大部份肥油的豬腩肉。另外還有很多嫩滑的豬肉片。比較喜歡老三的麵條，但這裡的亦是不過不失，份量頗多，吃得飽足。看見很多客人點蒸魚和其他客飯。大家都吃得津津有味，聽說這裡的老火湯和碗仔翅很有水準，所以點了這兩碗外賣。可能快要關門，所以點了小碗但都給我大碗。店員都很友善親切，充滿笑容。老火湯確實很鮮甜入味，碗仔翅亦十分足了，有很多肉絲和木耳絲，味道濃郁，確實沒有介紹錯。

今日好想飲湯，友人介紹飲湯必試呢間。但黎之前佢同我講果度環境超地道，地方比較細，家庭式經營嘅，驚我去到唔鍾意，所以同我講聲先。係街頭已經見到門口有堆人，佢話就係果度啦，門口放左好多已蒸熟大大隻嘅蟹同瀨尿蝦已經夠晒吸引😋裡面環境果然係好細幾狹窄，成間加埋都冇10個位，一嚟道就試左個湯先😋今日係土茯苓煲豬橫脷 $20，可以去下濕，好大碗好多有料豬骨豬利，一飲落去，果然冇介紹錯，冇落味精，好甜好好飲，聽講聽日係花膠湯，我都好想試😍之後叫咁係門口見到嘅膏蟹同瀨尿蝦😋蟹係凍食 #港式醬油蟹講 $180，好大隻，超多膏，真心勁抵，仲要好鮮甜，超滿足瀨尿蝦都係蒸嘅，好大隻都只係$40，都係咁鮮味最後叫左個豉椒炒花甲 $100, 份量都都，好夠味，我本身好鐘意豉椒，好夠鑊氣今晚食左樣樣野都好正呀😋超滿足，又平又好食，仲有我好想試埋其他湯，係日日唔同架