悅香飯店 (已結業)

有些食肆我只會光顧外賣，極少堂食，悅香就是典型例子。這裏的貴妃鷄做得很出色, 古老的做法, 與我童年時家裏嫲姐的做法應是一樣.....口感也是一樣, 但可惜鷄的鮮味卻找不到了。以前家裏嫲姐的做法是將鷄用醬料調好味後再上湯中弄熟, 然後將熱的鷄放進一盆冰水中急凍, 吃的時候才將鷄慢慢加微熱回室温。此做法可將鷄的脂肪保留, 鷄便香滑可口。我想悅香的做法大概應是一樣。嫲姐十多年前巳告老還鄉, 再也沒有機會嚐她做的鷄了。我最喜愛的吃法, 外賣鷄回家, 做好一大鍋乾瑤柱白粥, 粥裏加小許蔴油, 一口粥, 一口鷄....太好味了！到過一次悅香堂食, 其他的小菜只是非常一般, 不值一提。唯獨貴妃鷄是水準一直不變。美中不足之地方, 近年的本地鷄的濃厚鷄味以大不如前，如悅香能用鷄味更重之加美鷄, 我相信美味程度會更上一層樓。我個人絕不介意多付一些....雖然悅香鷄巳不是便宜了！

我好少寫食評，但這間唔寫唔得。我原本和朋友去生記，不過無訂位，就無位。惟有行到邊食到邊，點知以為門面老字號，差極有個譜，點知....招牌貴妃雞普通，算正路通菜雙魷可以一吃招鹽鱔既不香又不脆，無味無度全晚最拆招牌的就是焗魚腸，勁劣，上菜時已嗅到腥腥地，蛋皮下水汪汪，一看就不對勁，黑黑地，入口勁腥，把我至愛弄成如此，再沒心情吃下去，這店以後和我絕緣。現今古老菜館都沒有這味菜，因為難弄，又無貨源，又哈人整，若沒能力，就不要獻醜。

是一位長輩介紹我去呢度, 結果幫襯好多次, 因為我是愛吃雞之人。當然, 雞肥廋當造是有季節之分, 有時肥有時廋, 但總觀來說是香港少有好雞之店。那只貴妃貴,不混醬吃已夠味, 但加薑蔥油、辣醬或大生蔥一起吃，也別有風味。點了個時菜牛丸湯，有菜有肉有水也幾好味。從來沒有在這裏點海鮮，因為知道這項目不是此店強項。

招牌雞: 每人都叫一碟係幾有雞味而且好滑可以再試生炒骨: 3個人食唔夠食太細碟不過幾脆d汁都唔會一pea野咁好食!椒鹽鱔: 麻麻地得個脆字味精太多而且冇乜味鮮魷炒菜: d菜炒得幾好係d魷魚少左d....

好失望～又少一個飯堂雖然係老字號，非但不能保持上一代既水準...仲要係陸x 咁既態度。好食都算數，但係唔好食！梅菜扣肉冇味，雞又瘦，聖子唔新鮮，得碟菜食得吓(好在哎！唔係要食白飯)，又冇左舊時好好飲既海螺頭湯。隔離枱 咋型，個老細仲走出黎同客講：係咁嫁啦！嘩～人地投訴得都唔會係第一次黎食晚飯啦，咁既做生意態度唔怪啲 夥計都係咁。

素聞悅香的香妃雞很出名, 有幸一試, 果然是一流. 雞肉本身已是有口感, 有彈性, 有雞味, 也做很十分入味, 不用加調味, 已叫我一吃再吃. 雖然其他菜式也不差, 但和香妃雞一比, 其他菜也失色了.

今晚一行5人5個餸. 鎮江骨,上湯灼菜,白切雞,豆腐班腩煲,炸鮮魷. 唔知係咪自己有d感冒,所以覺得d野食好普通. 樣樣樣野都好似無咩味咁.最好食係個雞,係滑而不肥.烤鮮魷都好食.炸得夠脆而乾身,唔會好油.

樣樣都好... 環境(酒家feel), 食物, 服務(唔係酒店式, 但係夠有善又唔扮野), 價錢都無得頂... 呢度有搭枱, 不過如果你唔鐘意又可以唔搭... 正排酒家style... 少少麻甩... 啱哂我... 正!!大山地褒豬錚, 少有例湯... 下火...招排雞人人枱都有一碟... 好又雞味皮又好脆, 惦呀!蝦醬通菜... 嘩不得了!!! 好好獲氣好正呀!!!!京都骨... 好香好鬆化好入味...呢個我差唔多一個人食哂!椒鹽鱔球好香口不過唔夠椒鹽連白飯兩碗多謝$295

夜晚同朋友仔daddy做生日所以專登過海黎食飯一早訂左雞燉翅另外點左香妃雞,豬腳仔,金銀蛋莧菜,蒜蓉白菜仔同豉汁蒸鱔雞燉翅湯底好清唔油連燉完既烏雞亦保持嫩滑口感翅份量雖然唔多但都算粗香妃雞雞肉滑有雞味,雞皮唔算厚而且中間無肥膏豬腳仔味道唔錯又夠入味,平時唔多食呢味既我都忍唔住食左三件金銀蛋莧菜好清,但鹹蛋同皮蛋明顯只係後加無一齊煮,所以好鹹食左一件就放棄左蒜蓉白菜仔唔油味道ok豉汁蒸鱔好滑又入味,而且算係煮得唔油,ok因為朋友仔家人識個老闆關係服務當然好不過如果要試真係一定要訂位入座時七點已經差唔多full house問心如果呢個價錢我寧願去港大校友會更好

對於悅香，未去過的生客最好有個心理準備。人地做了幾十年日夜都爆唔憂做，雖然老細同太子都好好招呼，但老店的伙記嘛.... 食物水準一款一款，叫親海鮮都好會貴，至於招牌菜香妃雞水準穩定，禽流感時都沒影響。今晚叫的幾個餸都係安全之作，蝦青豬肉，嗤哂食肉獸但忌鹹的人最好唔好叫。椒鹽鰻魚，新試的，好多骨，鰻魚無味，稍失望，同事卻OK，鯪魚球水準之作但冇乜特別，生炒骨，一般食店水準之上，個個都讚不絕口。

和同事們晚飯。叫了8至10人套餐,共有8個菜。最令我期待的,當然是這裡的"悅香雞",因為見燒味部除了雞外,並不見其他燒味。而同事之前也激讚這裡的雞好吃,愛吃雞的我,當然份外期待。另外,也有蠔餅、豆豉鯪魚油墨菜、冬"姑"鵝掌、牛仔骨...其他的已經記不起...整頓飯腦裡只想著"咸"。那碟雞,外表的確吸引,吃了第一件,感覺還好,因為很滑。但味道只吃到"齋咸"。再吃第二件,已經喝掉了一杯茶。心裡還想吃第三件,但因為太咸,喝了很多水,已不太吃得下。牛仔骨又是咸,吃了一塊就放下了筷子。身邊的同事也放下了只咬了一小口的牛仔骨...因為太"un"了。其他的食物,其實很一般,不覺份外好吃。而且食物不夠熱。應該唔會有下次了。

老媽推介這間老牌雞店, 於是便跟蒙牛到來一試, 碟頭中等價格, 但size都算不少2個人柯打了半隻霸王雞, 蠔仔煎蛋及茄子蝦仁, 上菜速度屬於一級快, 不雖10分鐘便上枱, 蠔仔煎蛋的蛋煎到老晒, 蠔仔又細隻又少, 味道雖然咸度適中, 但煎到柴皮咁, 真係好唔掂, 無心機再夾落去, 茄子蝦仁唔太油, 茄子顏色炒得好靚, 蝦雖細隻, 但都係新鮮, 不過整體味道太淡, 主菜的雞反而係最遲先上喎, 半只雞的份量比一般食肆的大, 2個人食好像多了點, 但係雞好新鮮, 肉地夠厚身, 咬落有口感唔會un, 滑就ok啦, 都算不錯, 話晒都$90半隻, 對佢都應該有d期望, 但唔係想像之中咁正, service就一般啦, 一間老牌的菜館, 叔父輩侍應的招待相信你都想像得到啦, overall麻麻地啦, 以前無咩好野食就會覺得佢好食, 但今時今日唔會啦!!

昨天晚上和朋友在書展會場逗留了幾個小時，才依依不捨地離開，離開時己十時多，朋友以前在悅香吃過晚飯，印像不錯便建議再去試吓，我也多年冇去了，正好再回味一下。店外寫着十一時半關門，仍有時時開便走進去，伙計立即殷敦地招呼坐下，店內仍有三、四枱客一坐下伙計便告知香妃鷄已賣光了，想叫八珍豆腐煲又沒有了豆腐，後來叫了生菜鹅掌煲($48)、西蘭花炒双魷($55)及魚肚粟米羹($48)。幾味都算不錯，我特別欣賞那煲鹅掌，煑得很軟但唔會太冧而夾起時散晒，食落有口感而汁不會像膠水一樣瑚口，而双魷就普通啲，魚肚羮較淡了一點但加了古月粉後便不覺的淡ｏ埋單二百，不貴也不平，可以一試!

從未見過一間服務質素如此差劣o既食肆。坐底o左三個字都冇人招呼，自己出去問侍應拎menu個個都口黑面黑，完全唔知咩叫服務。一點鐘坐底，一點三自己拎menu點好菜，1:50分一樣o野都未有o黎，叫o左個雞煲擺明唔夠煲仔菜o既煲，就咁俾o左個煲仔飯o既煲載。問部長佢仲死撐話係咁大嫁啦不嬲。點o左四樣o野最後o黎得三樣。埋單好似死老斗咁，多謝都唔識講聲，o野又完全唔掂，食到超級一肚氣。

好久沒有去悅香了。以前愛吃的雞﹐九龍這邊就是泉章居的鹽侷雞﹐港島區就是悅香的香妃雞了。(其實九龍區還有以前裕華地牢賣的燒雞﹐但這味早已沒有了)泉章居最近光顧過幾次﹐水準已不及以前﹐幸好還不算差﹐還可以偶爾光顧。最近路經灣仔﹐就找找香妃聚聚舊吧。似乎時代的變化無分港九地區。悅香的香妃雞在調味方面是沒有問題的﹐只是明顯地雞味不及以往的鮮﹐且雞毛也沒有徹底清除乾淨﹐要扣分。整體上跟泉章居一樣﹐不及以前﹐但水準又未跌至合格線以下﹐不過亦近了﹐如果下次去食﹐比現在還要差的話﹐香妃想不失寵也難。而另外叫的咕嚕肉也做得不好﹐肉是全瘦的﹐甜酸汁也太濃厚。半隻雞一碟肉﹐吃是絕對吃得飽的﹐但連茶錢加一共銀一百六十﹐似乎是悅香唯一與時並進的地方。