惠 (已結業)

今日同frd book左食lunch omakase，已經卑左1500訂，我frd準時去到，但我因為開會overrun遲左15分鐘到，個廚師都唔肯等話要我地改期再食，係我frd堅持話我2分鐘內去到先留台，何其巴閉，又唔係無落訂金要走數。食飯全程個廚師都無停過口係度誇誇其談自己有咩路數由日本攞到d靚魚生返香港，完全吵到我同frd傾計，仲寸我地話唔係夜晚放工去chill下食返貴價dinner menu。。完全唔係一個價值1000蚊一個人既lunch service水準。。

身為一個吃貨，梗係要周圍搜尋美食。嘢食好味得來抵食當然係好重要啦，一直以為一分錢一分貨呢個諗法就錯啦，今次嚟到一間位於灣仔嘅日本餐廳，佢呢度有人見人愛嘅廚師發板，午市嘅餐牌仲要非常抵食，而且食材非常新鮮💗，師傅製作用心💗。正所謂池中之物，豈能逃過我既口腔，食左呢個深海池魚，仲要配埋個酸汁，酸酸甜甜嘅感覺一流💗，出面都食唔到。再黎多個中拖羅，魚味濃烈，仲有溶溶地感覺，當我以為已經最鮮既味道💗，點知下一件就係大拖羅，加重曬之前所有魚既味道，溶化曬我口入面每一個地方，之後黎埋鰤魚，令到我成腦都諗住啲魚跳下跳下，因為件件都非常新鮮💗，好難唔記得，下次一定要再食多次。

因為媽咪生日，所以想揀一間好味之餘有得體嘅餐廳，無意中比我發現咗呢一間有omakase嘅餐廳。入到去餐廳環境非常舒服，座位好闊落，有日本楓葉🍁，設計簡約舒適。而且價錢中等，一家人一齊食都唔會負擔好大，最緊要係經濟又實惠。🔅茶碗蒸，佢加左少少香葉，帶有清香，令啲蛋既味道提升，我都叫啊媽學下遲啲叫佢整返比我食。🔅中拖羅，少少肉肉地，都很重脂肪味道，響個口度留得長。🔅北海道黎既馬糞海膽，好鮮甜好新鮮，一匙一匙放落口嘅感覺非常開心，啊媽佢都好滿意，叫我每年都要食幾次添

今日同妹妹一齊去港女打卡📸食好嘢，今次就去咗一間幾出名嘅壽司店，叫做惠。聽聞佢係由米芝蓮師傅🧑🏻‍🍳去煮嘢食，所以非常有名。對於我來講嘢師傅煮嘢食固然重要，但最重要嘅係嘢食夠新鮮🦞🦀。一開始食左個煎帶子配呢個薄荷汁，帶子入面未完全熟既感覺幾好食😌，薄荷汁令度整體好fresh。之後食左個吞拿魚醬油漬壽司🍣，味道比較濃郁，同平時食吞拿魚既感覺不同，有一番新既嘗試。明太子白蝦壽司🍣呢個我之前都未試過，都幾特別，明太子既少少咸帶起左白蝦🦐既鮮甜，加埋舊飯團平均左味道啱啱好。最後食左靜岡黎既蜜瓜🍈，好甜多汁，入口琳琳地，好易入口，攪到我不知不覺就食曬啦

如果想食Omakase真係要試吓呢一間位於謝斐道嘅日本餐廳sushi kei 。佢嘅餐廳座位非常闊落，一個長長嘅吧枱，清晰見到廚師精湛嘅廚藝表演👍🏻。每樣嘢食都整得好好味，廚師發板精彩嘅地方就係每一次食都會唔同，係廚師去決定嘅，每次都有驚喜👍🏻。師傅一黎就比左中拖羅，夠新鮮，夠魚味，但之後黎既大拖羅令我深深愛上左大拖羅，入口融化咗👍🏻，脂肪量好勁👍🏻，食完成個口都係。食完之後食左鰤魚，令到佢陣味再提升左另外一個陣次，平時食開既鰤魚陣味係無咁濃的，但今次陣味特別唔同啲，魚味重左👍🏻，又鮮甜👍🏻。跟住食既真錭壽司，同之前既味道唔同啲，食落既鮮甜感又唔同，睇落差不多既魚竟然比左我唔同既感覺👍🏻。最後仲有食到喜之次壽司，我之前都未食過，師傅話喜之次係響日本好珍貴既魚，唔係咁多地方食到，佢既鮮甜味係最多👍🏻。

今次到灣仔【惠 Sushi Kei】朝聖，師承北海道米芝蓮二星名廚，日本直送最新鮮的珍貴食材 🍣🎋 店內環境非常優雅舒適，木系裝修、楓葉、小石春路，充滿日本味 🇯🇵 全壽司吧枱設計可以近距離欣賞師傅手藝，每一道菜師傅都會介紹食材和食用方法，非常細心🌸 Omakase Lunch Set Saku 咲 🌸 $1080( 茶碗蒸、刺身五點、六貫手握壽司、小肴、汁物、甜品 )每樣都好出色和非常新鮮，有幾款特別喜歡：✨ 大拖羅刺身 - 脂肪分佈好像雪花一樣，天然魚肉油脂超甘香，口感豐富入口即溶✨ 鹽燒鰻魚 - 鰻魚皮卜卜脆，燒得剛剛好不用醬汁也很夠味，魚脂加少少檸檬汁好香口，最後食配上的黑豆可以去油膩感✨ 兵庫縣室律生蠔 - 原隻上生蠔，超級大隻又夠飽滿味道濃郁，加上金箔配埋生紫菜和酸汁，充滿海洋味道✨ 北海道馬糞海膽壽司 - 大大份海膽味道濃郁好鮮甜，入口即溶超滿足 享受了一餐超美味的Omakase 🥢 好滿足

平時食omakase 💞💞💞一般都比較嚴謹氣氛難免緊張但主廚峻師傅佢師承北海道米芝蓮二星廚師五十嵐信幸🌷🌷🌷廚藝高超之外仲好好傾添成餐飯食得好開心😊😊😊果日我食嘅lunch set叫「咲」($1080/位加一)淨係seasonal刺身都有5款手握壽司共有6款💘仲有其他前菜、煮物、甜品等等材料新鮮，物超所值唔怪得下午分兩場之餘仲爆滿啦美食太多不能盡錄😅揀幾樣最精彩嘅出嚟分享下先刺身:✅「野生」平政魚好正原來係油甘魚近親都係第一次試🙂魚上刀紋盡顯師傅刀功肉質爽滑比例完美✅冰庫縣室津蠔差唔多有手掌咁大🦪🦪🦪🦪加上金箔更顯矜貴蠔身海水味較淡加上生紫菜味道非常平衡壽司:✅平時燒嘅銀鱈魚食得多原來用bb銀鱈魚製作成壽司另有一番風味！💯油脂甘香，魚味突出✅嘩嘩嘩！啲馬冀海膽爆曬出嚟鮮色鮮豔非常嫩滑海膽迷必試！😉同場好多客人喺度傾生意下次我都帶埋啲客嚟再食先！

Omakase無疑係視覺味覺嘅大享受！根本就係食藝術！Sushi Kei嘅午市Omakase套餐（價值：$1080）有蒸蛋、五款刺身、六款壽司、一款熟食、湯和甜品！開始啦！平政薄切：用柚子皮和紫蘇花，原來唔係只係靚靚裝飾，加埋紫蘇花食落口好香好清！味道好特別！深海池魚：用咗網燒逼油份出來，再加白醬油，令魚更加香！原來腩位脆啲，背位滑啲㗎！室津生蠔：加咗生紫菜同金箔，賣相即刻高級十倍！生蠔好新鮮，好滑，入口即溶，好高質！黑綠魚：魚味好濃，用網燒帶出油份香味，燒到少少皮脆，搽少少白醬油，再用菊花點綴，根本就係藝術品！師傅說紫胡椒酸酸辣辣，配濃味魚最好！大toro：又一次感受到入口即溶嘅感覺！我破天荒加了wasabi，師傅說是為toro解膩！Wasabi完全不轟鼻！Toro和wasabi原來是絕配！食完sashimi有一款熟魚俾你暖暖胃。再來就係sushi！伊佐木帆立貝：加岩鹽白蝦：好有驚喜！入口即溶！差啲喺口度流返出來！大愛！金目鯛：網燒過好香，再加了生紫菜根室海膽：師傅玩層層疊嗎？點解可以疊到咁高？係我食過最清香、香甜嘅海膽！100分！吞拿魚醬油積：Surprise！原來加咗一片洋蔥，好

今日老闆請食lunch超開心🥳，估唔到佢仲會帶我哋去食Omakase,成班同事都開心到跳起。見到門口有一棵楓樹🍁，金黃色嘅樹葉，令我諗起秋天，好有舒壓嘅感覺😌。平時食開Omakase都幾貴💰，今次呢一間價錢中等$1080一個人,但係呢個價錢已經包含埋生蠔同埋海膽等等高級食材，所以相當抵。一黎就食隻岩手縣既廣田灣生蠔，雖然去唔到旅行，但喺度食生蠔感覺好似去左旅行咁，新鮮，味美，老闆萬歲🎉之後仲食左北海道馬糞海膽，令我更加鍾意上老闆佢今次請客，我之前都未試過咁甜既海膽，希望老闆佢下次係加我人工😆，令到我每個月都可以再黎食多次啦。

今次就去咗灣仔駱克道嘅一間日本餐廳去朝聖，聽聞呢度超多人👥，而且套餐仲會有限量添，所以要一早book定位。廚師同服務員都非常有禮貌，餐廳環境裝修簡約舒適，有日本嘅風格。果然係名不虛傳💯，食物質素非常好，一個字 “鮮”🐟。先黎一個中拖羅先，都有肉感，非常新鮮🦐，再黎多個大拖羅🐟，有強烈嘅衝擊感，入到口化曬，魚味更加濃烈，正👍🏻。之後食真錭壽司，咬落有一點口感💋，魚味鮮甜，聽聞真錭係日本魚王🐟之稱，果然好食啊。帆立貝壽司🍣我平時就食得多，但今次覺得又厚身又甜👅，好食過之前多多聲，想黎多幾件。

男朋友應承咗帶我食一間好好味嘅日本餐廳，我都期待咗好耐。今次就去到一間係灣仔嘅日本餐廳，入到去原來係食Omakase,真係有公主👸🏻般嘅享受。一向都食開日本餐嘅我，對日本食物係有啲要求嘅，中等嘅價錢，食到咁高質嘅料理🍣，真係正呀，回味無窮一定會返嚟再食。深海池魚食完好想唱🎤返首baby shark🐠🐠,魚味都幾夠，配埋個酸汁都幾得意。平時我唔係幾鍾意食生蠔🦪既，但今次食過呢隻岩手縣廣田灣生蠔都幾唔錯👀，好易入口之餘又幾肥美👍🏻。之後黎左大拖羅，入口溶化，如雪❄️降下，口腔沖積住果陣味。最後黎左個我鍾意食既蜜瓜🍈，仲要靜岡度黎，好甜又多汁，搶埋男朋友👨🏻‍🦱果份黎食，哈哈

講到好好推介嘅廚師發板，當然要推介下呢一間位於灣仔駱克道嘅Omakase。香港而家真係越來越多廚師發板，但係好食嘅真係唔係好多。新鮮👍🏻嘅食材係最重要嘅，特別係食刺身。師傅同我哋講食材係新鮮到港，所以必定可以保留到最佳嘅鮮味😋。一開始黎左個深海池魚，肉質甜甜地爽爽地幾特別， 佢配埋個酸汁酸酸甜甜既感覺幾特別。餐廳當日推介左生蠔🦪，咁咪試試，一試就愛上左佢，又鮮甜又肥美。之後黎左件中拖羅🐠，有少少口感之餘有入口溶溶地既感覺。仲有明太子白蝦🦐壽司🍣，鮮味十足，成個口都係果陣味度，正啊

今日同我老公👨🏻‍🦱兩周年紀念，原本都唔知食咩好，點知原來老公係想比驚喜我一早就book咗呢一間喺灣仔嘅日本🇯🇵餐廳。老公一早就將花🌹放咗喺嗰度，一去到服務生就拎出嚟，貼心又有驚喜。環境相當之靚，午餐lunch set $1080，性價比非常高。先黎我最鍾意響大阪食既大拖羅，響呢度食既味道同響黑門市場既素質無分別，又新鮮，又入口溶化，我好想叫多兩件黎食😂食完之後師父介紹左鰤魚🐟比我地試試，同啱啱食既大拖羅味道大有不同， 口感比較多，鮮甜多一啲，幾特別。最後黎個北海道馬糞海膽，海水味都重👍🏻，但好甜，想黎多個都唔得，咁啱係最後一個，下一次一定要搶埋老公果件🤤

日本餐真係人見人愛😋，基本上九成嘅人都鍾意食日本🇯🇵嘢，依家仲多咗好多老人家鍾意食添。所以今日就帶咗爸爸媽媽👩🏻👨🏻‍🦱一齊過嚟食。難得一家人食飯當然要食好啲啦👍🏻，今次就去咗灣仔呢一間sushi kei食Omakase🍣👨🏻‍🍳。薄薄地切既針魚，🐟魚味較淡，但魚脂味濃郁，估不到的口味效果，仲加上配備既薑豉油，鮮味更加帶左出黎👍🏻。之後再上埋厚切既鰤魚片，肉質鮮甜👅，脂肪更濃厚，最後黎埋吞拿魚醬油漬壽司，令到口腔魚鮮味👀提升到極致，齒頰留香，走左啲味道仲留緊響個口度，好想再黎多次食💋。

食日本餐最緊要就係夠新鮮，新鮮嘅食材，其實唔使點煮都已經好好味💗。今次嚟到呢一間位於灣仔嘅高級日本餐廳，午餐價錢中等，食材非常新鮮，令人回味。廚師亦都係好親切，會細心講解食物💓，了解客人需要。深海池魚，佢既肉非常爽嫩💓，相信一定係池魚王，咬落去有彈牙嘅感覺，配上酸酸地嘅汁仲有蔥油嘅香，簡直係完美嘅配搭💓，食落超開胃。要食到好味既煎帶子真係唔容易，因為新鮮，煎出來容易出水，煮太耐又會唔好味，但廚師就拿捏得啱啱好💓。帶子面頭係乾身，香口嘅表面，外脆內軟💓。海膽真係唔係每一個地方都好味，北海道馬糞海膽係我最鍾意嘅💓，因為北海道嘅海膽係會比較鮮甜，海水味道比較重，色澤都非常均勻，望到就好想食💓。靜岡蜜瓜超級甜，平時喺香港見到都$200一個，呢度竟然有得食，真係大飽口福超值💗。