慢煮工業 (已結業)

I have eaten from here for several times. The food is good at the beginning. However, the attitude of services is getting more worse from time to time, especially the female staffs. I feel more and more disappointed.

對於小店的服務要求不應該太高，點了客慢煮安格斯牛三文治。以食物配搭同味道均很好，只是咬下烘焗過的三文治，白面包只經涼了一截。口感硬梆梆的三文治，縱然有好豐富的材料，都補救不到失落的味道，失望！

當初睇介紹話係公園入面有慢煮牛扒三文治食的時候，我個心都呆一呆。心諗係公司入面邊有野食呀，有都係魚蛋丶燒賣呢D街邊小食姐，邊有去到慢煮牛扒咁過份呀。見今日天氣好，決定去行個圈睇下咩來頭。慢煮安格斯牛扒芝士三文治，味道比我想像中好食，真係幾好味。經過8小時慢煮的牛扒非常之腍，唔需要好大力先咬得開塊牛扒，非常軟熟。牛扒選取的部位唔肥，所以唔會好油膩。因為用慢煮的方法去煮，所以唔需要擔心牛扒會硬。芝士同沙律醬的味道可以豐富牛扒的味道，加上生菜的鮮脆，味道非常好！(只係份量唔夠我飽芝士明太子流心蛋大啡菇，芝士比較硬，所以冇完整地溶到菇入面。明太子不多，所以味道不算濃。流心蛋煮得有點過熟，雖然都係半熟的程度，但係做唔到流心的效果，而味道亦都唔錯。菇好新鮮好多汁，蕃茄醬汁的味道帶點酸，幾醒胃，唔錯！

上一次，岩岩新開果排，賴生同屈小姐係呢間小食亭食過，比佢地個慢煮安格斯牛扒三文治+滑蛋吸引左，所以今日行開尖沙咀就過一過去再碰下面之但係一去到呢，賴生心入面覺得好似伏伏地⋯，我地之所以會番去係有2個原因，1）係食物既味道，2）係老闆既用心⋯今次令賴生覺得伏既係⋯本來老闆打理得間野乾淨企理，招牌都光猛，2個人都著住件好型既圍裙慢慢咁爲客人準備食物⋯但今次賴生見到既係⋯煮理嘅人改變左，又冇著件好型既圍裙⋯Under Vacuum 個招牌完滅⋯熄左，再加我地點3樣野⋯佢地幾乎可以同時出晒⋯上次老闆係逐樣逐樣慢慢整慢慢上的⋯（不過都可能係因為佢地熟手快手左）講埋食物⋯1）慢煮牛仔骨（2星）配粗薯條 （1星）- 個舊所謂既慢煮8個鐘既牛仔骨⋯居然係冇味咁濟既⋯，抵讚嘅唯一一樣係個texture!好淋- 粗薯條，熱唔夠熱，脆唔夠脆，而且冇薯味，仲要冇加鹽⋯(可能走健康路線？！）如果唔點茄汁真係完全食唔落⋯點左都係食到5條咋⋯2) 慢煮安格斯牛扒三文治 + 滑蛋（4.5星）- 塊扒大約5成熟！ 仲好香同好重牛肉味，單論扒既份量都唔少雖然有少少筋，但味道補番數！- 個三文治包煎過，熱既，中間夾住沙律菜

平日經過尖東站，都是來去匆匆，完全沒留意這裏有間小食亭。朋友推介這裏的慢煮牛扒三文治，不過今次又唔想食太heavy ，就試吓慢煮雞扒三文治（$32）！好食嘅話下次再encore！同朋友一人叫咗一份，朋友的就加了炒滑蛋（$5）。麵包烘得鬆脆，塗上了牛油及芥茉醬，非常開胃。慢煮雞扒充滿肉汁，嫩滑無比。雖然不太清楚慢煮是什麼意思，不過好味就得啦！要小心！雞肉嘅肉汁會流出黎架！配上爽甜的沙律菜，絕對是清新之選！（朋友果份炒滑蛋都好厚好滑呀！）秋天嘛，在戶外進餐就最適合不過了！熙和的陽光及微涼的秋風，為這頓簡便的午餐增添了一份寫意呢！

「慢煮」即是把食材放入真空袋中，浸入水中以低溫烹調，目的是要保持食材的鮮味。另外，肉類纖維沒有太大破壞，因此質感比較嫩滑。慢煮製作需時，因此通常只會在高級餐廳才有提供。最近見雜誌採訪有間在尖沙嘴百周年紀念公園小食亭換竟然有間以慢煮作噱頭的小食店，名為「慢煮工業 Under Vacuum」。這間小食店想試好耐，2個月前竟然發現有團購而且非常抵食。套餐只售 $58 包含一份慢煮安格斯牛扒芝士三文治 or 慢煮雞扒芝士煙肉三文治 or 慢煮牛仔骨配粗薯條。還有雙重芝士流心蛋大啡菇 or 慢煮墨西哥粟米 and 普通飲品。在團購完結前終於記起自己買了這個優惠，今日特登走來享用。很難想像公園內的小食亭是那麼的前衛、充滿西洋風味。小食亭自成一角，非常突出。老闆的選址確實了得！這個小食亭沒有魚蛋、燒賣、雪糕雪條或維他奶。出售的食材不街坊，有安格斯牛、牛仔骨、豬手、溫泉蛋、煙三文魚……只有在西餐廳出現的食材竟然在小食店出現。最特別是超過一半的菜式是用「慢煮」的新興方法處理。最驚喜是慢煮菜式的價錢比起以慢煮作招徠的西餐廳便宜得多，只需幾十元就可以品嚐到。最厲害是有個慢煮48小時的牛仔骨，但只要$48，超

今日專程行到呢度 食下佢地既沙律 食左啡菇沙律 但同上次食果個大啡菇唔同 只係一塊塊既炒菇 沒有芝士同蛋所以無上次咁impressed . 同時又試左同學既三文治我覺得煙三文魚加蛋真係好好味炒蛋好香滑 配埋咸香既三文魚 非常好食

自從上次發現有呢間慢煮既小店，我就三日唔埋兩日就會買黎當lunch ，慢煮特別唔同啲，第一次食煙三文魚牛乳滑蛋三文涌，個滑蛋真係好香奶味，三文魚又係我至愛，第二次就係食雞扒沙律，個雞扒真係滑到不得了，同埋個芥末沙律醬真係一流，直到今日試埋個安格斯律扒芝士三文治，我相信我會日日lunch都會嚟食，個牛扒重牛肉味之餘，個肉質仲要唔韌，好鬼淋，不過我今日嚟買既時候，見到人地用團購，搞到我好似好蝕咁，人地買$38一個三文治套，我就買$48一份三文治，我即時上網搵團購，但係原來已經完左啦，唯有等下次再有團購。不過正價我都覺得低食既😆

(想試!) (想試!) 一直都係得個想字, 因為呢個位基本上真係唔會路過...呢日同隻肥肥出尖沙咀行街, 自然醒已經係中午, 啱啱起身又未會肚餓, 所以一於出咗去先~未肚餓又未食野, 比我諗起呢間 (唔多就腳既) 小店!!響紅磡站慢慢爬過去, 去到佢啱啱開舖無耐, 不過已經有 3~4 個客響度等緊野食~即刻同肥肥研究 menu... 決定今次先試鎮店之寶: 慢煮安格斯牛扒治!因為唔多肚餓, 打算 share 食, 所以再加錢 +炒滑蛋, 咁每人半份三文治就應該夠晒飽啦!!熱辣辣既天氣梗係要補充水份啦, 所以試咗支手工啤...原本睇中 "薑姑娘", 不過肥肥唔 like 薑既, 所以揀 "小野貓", 點知... 賣晒!!? 可能係未返貨啦... 最後揀咗另一支 "山羊", 跟住就係............. 等!!!!還好呢日唔曬, 如果唔係, 響呢個無遮無擋既地方等, 都真係幾大鑊~等咗大約 10~15 分鐘左右, 有啦有啦!!!拎上手, 賣相 wowooo... 好吸引, 啦啦聲行埋一邊準備開餐~影完相就急不及待放入口, 嗯..................安格斯牛扒肉味唔算太濃,

鬧市中，坐在公園，慢活的享受慢煮下午茶！沒有冷氣、沒有店舖裝潢，只有大自然綠化的公園。當天天氣很好，少少秋涼快入夜，由天光坐到天開始暗。坐在公裡，看著眼前的園燈亮著，又有別一番寫意浪漫感。是次點了一份慢煮牛扒三文治、大啡菇、熱朱古力。每份order都是即叫即製，而且整過製作過程都會被看到，會見得到店主的製作心機。<慢煮安格斯牛扒芝士三文治> $48一吃便愛上的慢煮牛扒三文治，兩塊烘乾的方包很脆口，再夾著生菜及慢煮牛扒，慢煮過的牛扒的肉汁都被鎖位了，每一啖咬落去都充滿肉汁，啖啖juicy，肉質都很嫩滑，而且牛扒是切條夾在三文治中，所以不怕難咬開。<雙重芝士流心蛋大啡菇> $28大啡菇與芝士之間，夾著溫泉蛋，今次吃的時候，我是用刀叉切開，下次我一定要用手套整隻直接大啖食。大啡菇又大又厚肉，很juicy，一試難忘。<熱朱古力> 見到店主用一個超小的煲在直接煮朱古力，未飲已覺得店主對煮食物是有要求的，再飲過杯朱古力，真的有別一般用朱古力，甜度剛剛好，不太甜，朱古力味濃！吃得滿足的離開，然後心想，下次來尖沙咀要再過來食。

因為慢煮牛而來，的確無令我們失望！最近天氣無咁熱，所以怕熱的我覺得去下公園坐下，食lunch都ok！去到見到無咩人好開心，但其實都要等得幾耐下架，但值得既～其實我見佢都係用生命麵包，我平日都很喜歡食，但估唔到可以烘到軟中帶脆，牛肉溫度肉汁keep得好好。另外，叫左三文魚蛋三明治，三文魚和蛋原來都好夾，沙律醬和菜的份量剛剛好，但太心急，很容易食到成手都係，要小心些。薯條是跟餐加點，份量都算多！四十蚊左右一份，但有這樣的質素很不錯啊！

第三次光顧才買到棉花糖西多士～～期待已久啦，沒有讓人失望！之前也買過慢煮雞扒三文治/慢煮牛仔骨配蘿蔔糕，都好好味，特別是搭配蘿蔔糕。下次一定試下芝士流心蛋大蘑菇🍄～～

睇見網上食評就過來試下價錢唔貴，即叫即做，保証熱辣辣點了慢煮牛三文治$48，加8蚊有薯條牛軟軟的，唔會似人地用鬆肉粉整軟既口感薯條超多，粗薯好味道，8蚊抵俾食完雖然超罪惡，但絕對會再幫襯下次要試網評好味既慢煮雞三文治Btw有個小污點，收錢既帶手套，整野食既竟然無帶手套？？但overall 都乾淨衛生的

「慢煮」，這兩個字在煮食界又一新發明。慢煮，進一步應理解為「低溫慢煮」。慢煮由外語翻譯過來，有關的原字有兩組：「Slow Cook」及「Sous Vide」(讀作 “Sue Veed”)。以低溫慢煮健康烹調，有效鎖住食物水分及營養。這次終於有時間去一去會這家小店，這家就在尖東的地鐵站P2出口的左後方。有時候還會吃不到想吃的東西，要吃的朋友就記得可以以打電話或WHATSAPP留定食物，以免去到就失了預算。最後我去了共2次終於吃到我想吃的東西，1 x 慢煮安格斯牛扒芝士三文治 (+炒滑旦)1 x 慢煮雞扒三文治1 x 慢煮(英式)牛仔骨配粗薯條1 x 雙重芝士流心蛋大啡菇1 x 蒜香慢煮越南虎蝦仁沙律 (千島沙律醬)1 x 波子汽水慢煮安格斯牛扒芝士三文治 (+炒滑旦)麵包用生命麵包烘底的，加上經過了8小時慢煮的牛扒，但我個人覺得有點過熟他們會將牛扒再煎一煎，所以牛扒已有6,7成熟了，我個人比較喜歡生一點點XD但牛扒咬上去加上炒滑旦，口感很豐富，還有微溶化的芝士香，加上黑椒的調味在口裡發動著不同的味覺，非常好吃。慢煮雞扒三文治這個是今次的大推介!!! 以2小時慢煮的雞扒，滑嫩鮮甜的雞扒，而

Got the fried radish pudding because I have never tried it.They were uniform rectangular pieces which were fried evenly with a crisp surface and a soft centre.The taste was ok and the oils from the bits of preserved sausages were gone from the frying process.It got saltier towards the end after eating all the pieces so it is probably best to share it.