慶記 (已結業)

大角咀不嬲都係美食聚居點，本身諗住去食那個ㄋㄚˋ ㄍㄜ˙ 點知太多人，所以過咗嚟新樓呢邊食慶記！😂⭐口水醉雞卷 $54⭐小籠包 $38⭐巴東牛肉條撈麵 $34⭐茶燻煎軟雞拼滷肉撈麵 $60其實我覺得呢間小店真係臥虎藏龍🐉，有幾種麵嘅配搭我覺得係香港比較少見！😍我絕對會因為個麵而翻兜😋先講巴東牛肉條撈麵，明明係印尼野，估唔到係呢間主打上海野搵到佢嘅蹤影😂 巴東牛肉非常入味，椰奶香茅味都好出，牛肋炆得軟身。而撈麵係另上，可以好似日本沾麵咁樣食，好fusion😣另外一款撈麵 - 茶燻煎軟雞拼滷肉撈麵，唔似得台式滷肉，佢哋嘅滷肉係比較大粒，比較有口感😋 茶燻煎軟雞我喺香港完全冇食過呢個味，如果大家以前喺大陸食過”綠茶餐廳”，exactly 係燻鴨嗰陣味，勁香但唔會有苦澀味，雞肉嫩滑仲好Juicy 😍小食方面就正正常常，口水醉雞卷每件都係啖啖肉，口水汁個汁好重慶，但係酒味就唔係好出，肉與皮之間有少少啫喱狀，精瑩剔透，雞肉好嫩滑完全唔鞋🐔 小籠包就係上海野必叫，肉汁都算多，但係皮唔夠薄，所以都average😣

今晚唔好停 繼續在大角咀食食食😚#@hingkeetkt暖色木系設計 舒服好坐主打上海麵食 小食 款式多價錢唔離地 主食$34.00 起👍叫咗幾樣招牌美食#巴東牛肋條慶麵比想像之中大碗 湯底融合東南亞味道好飲之餘 又不會太死鹹 仲帶點甜味 牛肋條軟淋入味 有牛氣🐮份量都唔少 件件份量十足慶麵麵質爽口滑韌 浸得耐唔會淋bet bet😚#香酥排骨拼滷肉撈麵未見過咁大件 仲要厚切😮酥脆入味 完全熟曬👍肉粒帶點肥膏❤整個撈起伴住惹味醬油😋#xo醬蟹肉小籠包皮薄餡靚 肉汁味甜😋#生煎胡椒包賣相靚 勁多肉汁胡椒味好出 正爆包底煎得好靚仔食落香口脆卜卜🤤🤤🤤🤤🤤🤤這餐真係超值享受😚

大角咀利奧坊果頭越來越多美食，身為為食專家緊係要去尋找下美味的上海菜啦！今次同屋企人去到慶記叫左以下幾款上海美食 ：⚛ 小籠包 ～ 皮夠薄，記得要用湯匙來伴住食，因一咬湯汁爆哂出來，肉餡味鮮。⚛ 紅油百花抄手 ～ 豬肉魷魚蝦打勻在一起來包，咬落有質感，我叫左麻辣分開上，謙謙就可以食到了，因佢下面的汁是甜甜的醬油味，而我緊係會點麻辣汁啦！點一點再提升味道唔錯。⚛ 香酥排骨拼滷肉撈麵 ～ 排骨係即炸豬扒，炸得夠酥脆，入口唔會油淋淋幾好。⚛ 茶燻煎軟雞拼滷肉撈麵 ～ 煎的雞香脆可口，雞肉夠嫩，而個撈麵因加上滷肉份外滋味。

今晚去左大角咀搵朋友, 朋友提議去慶記食晚飯, 於是小妹就跟住個地膽搵食😆🌟熱桂圓蜜🍯桂圓味清香, 蜜糖唔會死甜!🌟熱玫瑰花蜜🌹🍯花蜜味道清甜滋潤🌟拌山渣糖漬青瓜🥒青瓜咬落去山楂味超濃而且爆哂汁, 內內外外都比山楂汁包圍住, 酸酸甜甜, 非常爽口, 食慾大增, 中意食山楂嘅朋友絕對唔可以錯過, 超推介😋! 🌟XO醬蟹肉🦀小籠包一上枱新鮮熱辣辣, 夾落去幾飽滿, 不過要小心因為一失手湯汁就會流出嚟😂! 一入口好香XO醬味, 食落係滿滿嘅蟹肉😍! 蟹肉, 湯同XO醬, 三者融為一體, 味道平衡, 唔會有其中一樣特別搶味! 加埋少少醋一齊食, 蟹肉嘅鮮味更出, 推介!🌟紅燒豬🐷軟骨湯飯🍚豬軟骨好多好大舊, 甜甜地幾入味, 軟骨部分好爽脆! 湯飯份量幾足, 湯汁濃郁, 飯粒亦好吸湯, 味道唔錯!🌟茶燻🍵煎軟雞🐔拼滷肉慶麵🍜茶燻煎軟雞茶燻味唔算重, 不過外皮香脆, 肉質唔乾, 沾埋醬汁幾惹味! 慶麵麵質順滑, 吸湯能力ok!

是日又早咗收工，去咗大角咀奧運站附近嘅「慶記」吃晚餐，係一間主打滬菜/上海麵食嘅餐廳。店內裝修簡潔明亮，感覺好乾淨舒適餐牌上有各式各樣的小吃、點心、飯、麵及飲品可供選擇。採用自助點餐功能，非常方便小籠包四隻外皮厚薄適中而且具彈性，裏面嘅豬肉餡同湯汁都好充裕，爆出鮮味生煎胡椒包煎包嘅表面同底部都灑上咗黑芝麻，更添香口～底部煎到金黃色的，好香脆可口！一咬開裏面係胡椒肉餡，微微胡椒辣香，幾惹味哦香酥排骨拼滷肉撈麵排骨大大件，炸到金黃香脆，充滿酥香，豬肉味都幾香濃呢！配上台式風味—滷肉撈麵，麵條吸收晒滷肉嘅醬汁精華，好好味呀茶燻煎軟雞菜飯雞件都幾大舊，帶有獨特茶燻香，氣味好特別，啖啖肉，好正啊，佐飯一流！飯裏面加入咗類似雪菜嘅醃菜，另外飯面上有梅菜醬，味道同口感都好豐富呢捷榮桂花烏龍茶現泡茶包，烏龍茶香清雅脫俗，同時有清新嘅桂花香熱玫瑰花蜜入口帶有蜜糖甜香，散發著陣陣玫瑰花香，感覺好滋潤

利奧坊:1個唔太起眼既商場，原來係卧虎藏龍，今日一於試下“慶記”，主打上海菜，由湯麵、撈麵、冷麵、菜飯、小食，一應俱全! lunch time有set，可以跟罐裝飲品，加$2轉枝裝豆漿香酥排骨拼滷肉慶麵 set（$68）~湯麵配料足，有豆卜，白蘿蔔，韮黃，配上肥瘦適中既滷肉，咸香掛湯! 香酥排骨另上，由於即叫即炸，香，做到外焦內嫩!巴東牛肉條撈麵 set （$54）~每啖都有月桂葉，椰奶香茅味，巴東牛肉非常入味，而撈麵係另上，可以因應自己既要求而決定加入汁既份量，非常掛汁~口水醉雞卷 （$34）~份量可以，一共有8件，每件都係啖啖肉，口水汁麻而不太辣，雞脾肉嫩，肉與皮之間有少少啫喱狀，絕對值得一試!生煎胡椒包 （$26/2）~係台式胡椒餅x 上海生煎包既組合，底脆皮薄，胡椒味夠突出，又保留到肉汁，仲要即叫即做，係必食之選!

朋友住大角咀，都好多年成日都聽佢話附近好多好野食今日就決定去試一試結果就黎左呢間餐廳餐牌選擇多，有主食(菜飯,慶麵,撈麵)和小食等茶燻煎軟雞 拼滷肉菜飯雞既份量好大，外表香脆食落有茶燻味，好特別配上滷肉飯真係一絕香酥排骨 拼 滷肉慶麵一樣炸得香脆，火喉剛好麵條彈牙爽口 同滷肉好夾小籠包一定要小心食!!因為充滿湯汁一咬就爆好惹味4粒完全唔夠呀!!口水醉雞卷店家秘製既醉雞加上口水汁有種酸辣既風味正~~~~~~~~

#跟住我食唔中伏.之前過來大角咀探朋友已經食過一次今日又來🤤真係好中意佢啲 #小籠包皮薄多湯汁😋今次嗌咗XO小籠包不過XO味又唔算好出，雖然都幾正但XO令個小籠包湯有點油膩，我覺得原味好味啲🙈.口水醉雞卷係 #必食好中意佢冷盤入囗好開胃😉茶燻雞感覺無上次咁香，不過今次個皮更脆💞上海排骨湯麵都唔錯，好好食👌🏻排骨大塊又厚肉，個皮勁脆，入面都夠多汁最後都係個麵得我歡心，所以次次過來都想食🤤而且價錢貼地，very good🙈....#ca師奶餐廳_大角咀

最近因為疫情關係，試多咗好多外賣，慶記就係其中一間，試過佢嘅胡椒包後，而家晚市開番，難得可以出街食晚飯！決定堂食一次試吓其他食物😬估唔到餐廳用QR code落單，唔知係咪因為疫情關係呢🤔不過愛麗絲就十分贊成呢一個點餐方法，顧客可以隨時點單，店員亦唔需要時刻問顧客落單未😂口水醉雞卷 (8件)$34🌕🌕🌕🌕🌗雞卷肉質紮實嫩滑，雖然自身嘅酒味就唔算濃郁，但口水雞汁集香麻辣於一身，最緊要汁可以另上，咁就唔怕太重口味！--生煎胡椒包 (兩隻) ($26) 🌕🌕🌕🌕🌕新鮮熱辣食果然味道更好，即叫即整，大概等咗15至20分鐘，包底金黃香脆，裏面嘅肉汁有濃濃嘅胡椒香味，小心辣親🤪如果冬天食一定更滋味。-香酥排骨拼滷肉菜飯 ($62 )🌕🌕🌕🌕🌗主角係厚切嘅半肥瘦排骨，皮脆肉嫩又juicy，本來已經好夠味，你亦可以沾沾跟碟嘅醬汁，酸甜酸甜十分開胃，配菜嘅滷肉同菜飯就不過不失，但如果菜底係綠色蔬菜，會更加分～-特色山葵醬雞絲冷麵 ($40) 🌕🌕🌕🌕🌕山葵醬加咗少少沙律醬，不但冇咁嗆喉，仲更加帶出wasabi嘅味道👍🏻將幼身嘅冷麵條同埋碗底既生抽汁撈勻，會令你食唔停口！-食飽飽之後，每人歎返一杯捷榮嘅凍頂

同朋友行街行到攰 想坐低食少少野 經過大角咀見到呢間主打食上海野 就入去坐低入到去發現嘢食價錢經濟 我哋叫咗生煎胡椒包-好濃嘅胡椒味 食完個胃會曖粒粒 而且個包煎得好香 熱辣辣食仲有少少湯汁 真係一流小籠包-每次食小籠包都覺得係撞手神 好多個皮好厚或者冇湯汁 估唔到呢間價錢經濟嘅餐廳 竟然食到皮薄餡靚嘅小籠包 個湯汁仲要勁多 可以飲足幾啖 香酥排骨拼滷肉菜飯-份量勁多 我諗嗰度起碼有三碗飯 排骨炸得好香 但係入面仲keep住好Juicy 茶熏煎軟雞拼滷肉慶麵-個麵煮得啱啱好 唔會過淋過硬 雞有好香嘅茶味 亦都啱啱好入邊好嫩滑 食完之後好滿足 我同朋友都決定聽日會再嚟食

上海點心小店 - 主打上海麵食及手工點心, 價錢親民, 鐘意食上海菜既朋友要試試! 👍🏻必試 - 招牌「生煎胡椒包」❗️即叫即煎, 餡料以新鮮豬肉混合黑白胡椒粒、洋葱及京葱等等, 一咬落去係爆汁, 湯汁超多🤤! 包身煎得夠香脆, 胡椒味重但不太嗆, 每一啖都充滿着肉香與黑胡椒味, 底部煎至脆皮, 好惹味😋!//茶燻煎軟雞慶麵//慶麵裡面有豆卜、白蘿蔔、韮黃及香蔥, 湯頭鮮甜, 麵條爽口彈牙, 份量多。茶燻煎軟雞與慶麵係分開上的, 煎雞外脆內軟嫩, 一啲都唔乾身~

去利奧坊探朋友，一起吃晚餐，就在樓下有家性價比高的上海餐廳慶記，麵食和小食價錢都很親民，一場來到，想試這裏的特色食物，在其他上海餐廳吃不到的更加要試試。這裏座位超多，晚市來到也不用等位，樓底高，裝修感覺挺舒適的。採用QR code 掃碼下單，方便快捷，點了飲品凍豆漿真的可以立刻送上呢！香酥排骨菜飯$48, 香酥排骨就是豬扒，酥炸過的豬扒，皮脆肉爽，肉質新鮮，也挺大塊的。有薑蒜辣醬另上，微辣而香，醮豬扒提升香氣不錯！菜飯菜粒也多，每口飯都有爽口感覺，吃得又健康。喜歡有一小勺梅菜醬，拌飯吃時像有梅菜扣肉的味道呢！茶燻煎軟雞拼滷肉慶麵$66, 別以為麵的份量很少，其實吃完非常夠飽。慶麵還是第一次吃，麵條口感煙韌有彈性；半肥瘦的滷肉拌湯麵還是第一次，平常都是吃滷肉飯而不是湯麵，覺得滷肉可令清湯味道更濃，吃麵條時，又增加滑嘟嘟口感。 茶燻煎軟雞其實是炸雞扒，很大塊哦！炸得外皮脆脆的不油膩，雞扒肉質嫩滑，仍然有肉汁，沒有炸得太乾身，廚師功架不錯呢！還有一碟像泰式辣醬的酸甜醬，只有微辣，微微酸甜，拌炸物吃一流！還點了兩款小吃。特色食物就是這裏的紅油百花抄手$52,與一般紅油抄手不同的是裏面的餡料用蝦

上次在大角咀 大街找東西吃， 經過利奧坊見到有家門面光鮮的上海菜，就入去試下。餐廳位於大角咀大街利奧坊。 我由奧運站地鐵那邊行過去大概數分鐘， 交通都幾方便。餐廳裝修非常光鮮，有上海式燈籠，和小籠包藤籃作裝飾。 坐的地方也寬敞， 環境幾舒服。餐牌比較簡單， 主打菜式有上海小籠包和小食， 湯麵類有撈麵或肉燥麵， 也有上海菜飯作為選擇。我點了一個茶薰煎軟雞菜飯， 賣相非常吸引， 雞皮被煎至金黃色。 淡淡茶香， 咬落去外面皮脆，雞肉肉嫩。小食我點了一個經典上海小籠包。 最喜歡是他的皮非常薄， 可算是皮薄餡靚。 咬落去湯汁流出， 湯調得很鮮味。另外加了個熱桂圓蜜， 裏面有幾顆桂圓， 甜甜的，熱熱的， 冬季飲感覺潤喉潤肺。

週末放假就梗係要周圍揾嘢食喇～原來大角咀利奧坊開咗咁多食食肆，見到呢間慶麵仲有下午套餐，又唔係太多人，就入去試下喇。紅燒豬軟骨湯飯（$54）- 勁大碗，仲有三大舊又腍又入味嘅豬軟骨。湯底仲幾多飲，唔經唔覺就食曬成個湯飯，真係勁飽。香穌排骨拼滷肉慶面（$60）- 個排骨係即叫即炸，唔怪得食落非常之酥脆。排骨大大嚿，仲好juicy添。另外慶面好煙韌彈牙，配上滷肉口感更佳。熱玫瑰花蜜 （+$12）熱桂圓蜜 （+$12）生煎胡椒包（$26）- 第一次食咁有胡椒味嘅生煎包，嚟到熱辣辣，仲有好多湯汁，爭啲辣親嘴。胡椒味好重，食到尾仲覺得有啲辣。而生煎包底都煎到好脆身，真係非常美味。xo醬蟹肉小籠包 （$35）- 小籠包皮薄餡靚，拎起時都驚吉穿。除咗有熱辣辣嘅湯汁外，餡料嘅蟹肉同XO醬嘅味道都好夾，一定要試。

慶記位於商場內，環境及衛生情況比一般小店好👍🏻店內光猛闊落，值得一讚🌞餐廳使用QR code落單😇 1. 紅燒豬軟骨麵 ($46)(+$2跟餐豆漿) 🌟3/5分豬軟骨同麵都份量多，味道正常😇醬汁香濃，略油🤪豬軟骨煮得唔夠軟，不能食埋啲骨；麵就煮得耐左少少，有啲過熟😝跟餐豆漿係入貨，唔少餐廳都飲到，唔算太甜，無乜特別🙂不過加2蚊有成枝豆漿，CP值幾高~👍🏻 2. 巴東牛肋條菜飯 ($54)(+$2跟餐豆漿) 🌟3/5分一樣牛肉同飯份量都多，不過似牛腩多過牛肋條😝牛肉有幾舊好淋，唔洗咬咁滯😋但都有幾舊比較柴，有啲銀🤨個汁幾重香料味，送飯唔錯👍🏻菜飯同一般既菜飯唔同，有啲咸肉粒係入面，幾香不過食落無乜味。另外菜飯既菜已經變左黃色，相信係焗得太耐😕3. 口水醉雞卷 ($18/ 4舊) ⭐️3/5分無骨既口水雞卷，食落幾滿足，呢個價錢有4大舊，相當抵食!😍👍🏻麻辣味比較重，唔太食得出醉雞既味道。而且個汁有啲啲苦，個人就唔太喜歡個汁😣 4. 生煎胡椒包 ($26/2個) 4/5分即叫即整，最少等20分鐘🤯不過即整既一定熱辣辣，唔會太差~煎得好香脆👍🏻胡椒味好重，咬落去都有好多湯汁😋冬天食真係暖粒粒🥰