拉麵來 (已搬遷) 新店位置

跟朋人途經旺角， 見到有間拉麵館以日文 寫著他的當舖名字， 覺得幾得意便走入去試試，一嚐日本拉麵！ 我同朋友各叫了一碗拉麵 ，朋友及我叫了他的招牌菜牛舌拉麵及這個糖心蛋！1.牛舌拉麵: 厚厚的牛舌伴著拉麵，一隻分開一半的唐沁蛋，湯充滿豬骨骨髓味，很快已被我吞下半碗了，唐沁蛋也滋味無比，拉麵也很彈牙！2. 雞皮春捲: 不油不膩的雞皮炸出香脆可口、 裏面嘅餡料非常之好味！

今日去左旺角嘅拉麵來食lunch😝老闆娘好nice 一坐低就向我介紹佢地鋪頭嘅特色拉麵 選擇困難嘅我我睇左好耐都未決定好哈哈😊最後我聽咗老闆娘嘅建議 點咗期限定嘅牛舌牛尾湯拉麵🙈同埋蘋果梳打🍎-------⭐牛舌牛尾湯拉麵（$108）呢款係期間限定 聽老闆娘講 好多鋪都冇賣有牛舌嘅拉麵 所以呢款真係幾有特色😄湯底濃度同麵條軟硬我都係要左正常嘅 講返個麵先 湯底味道唔錯嘅 因為小編食野比較清淡 所以中意清清地 中意重口味嘅朋友可能會覺得唔夠鹹要叫濃味湯底🙈麵條雖然偏幼身 但食落都彈牙有口感👍牛舌有兩大塊好厚身 用鰹魚同昆布汁醃過 所以好入味！👍另外老闆娘仲好好加左隻溏心蛋比我 一咬就爆晒蛋汁 好正❤❤😍-------⭐蘋果梳打（$25）呢個疏打好fresh 配拉麵一流哈哈😄係咁熱嘅天氣飲真係好爽好清新😂😂-------總括黎講野食同服務都唔錯 呢到午餐時段仲有午巿套餐供應 好抵食！大家去開旺角不妨試下呀🙈------評分（10分滿分）味道：8賣相：7性價比：7回頭率：7------餐廳資料名稱：拉麵來地址：旺角黑布街23號地下前往方法：旺角站E2出口

============= #極上海老吟釀湯麵$104 蝦肉新鮮彈牙湯底香濃鮮甜 湯頭用日本甜蝦、海虎蝦、蝦味噌同日本清酒煮成蝦味相當鮮甜 可以當餐湯咁飲 好特別京葱令味道清爽解膩  炭燒雞翼拌薯仔沙律$39 無骨雞翼內藏餡料 無碳燒味道 似醬煮  魚介豚骨拉麵$82 濃厚的豬骨湯底 湯底選了特濃  有一層香油浮係面頭 杰身 湯濃稠度頗高 麵係幼麵選了硬麵 比較有口感 麵軟硬度剛剛好 叉燒好肥 有一大圈肥肉 溏心蛋醬油味道無  不過切開有糖心  綠茶可樂  Yum: 🤙🏻🤙🏻🤙🏻/5 Revisit:😉😉😉/5 Price: $100/head

整間店以日本舊年代的風格裝修，好有日本街頭的拉麵店feel，在香港竟能吃到日本的味道平時見好多人排隊，今日只有幾個所以決定去食跟一般嘅日式拉麵店一樣，麵條可以自己選擇喜歡的軟硬度，湯的濃度，另外蔥、蒜和香味油要不要也可以隨自己喜好，而且有好多調味料可以調配自己喜好的味道牛舌牛尾湯拉麵（人間限定）- 牛尾湯以牛尾及牛脊骨餚製6個鐘而成，所以牛骨味很濃，至於主菜是採用安格斯牛舌，濃濃的牛舌味之中夾著淡淡的日式感覺，可能因為煮之前用鰹魚昆布湯醃過結果，整體好味得來又有好有層次白松露野菌豚骨湯（木）- 此店主打是豚骨湯的，湯底煮得濃稠，充滿了鮮味，非常好，而此麵則以豚骨湯底為基礎再配以白松露醬，紫椰菜絲及炒雜菌，木耳，青蔥，紫菜，另外有兩塊自家製叉燒，有點日西fusion菜嘅感覺，配搭得很好雞皮春卷配胡麻醬車厘茄沙律 - 雞皮外脆包住餡料內軟，口感很好，而且雞皮的油脂很香，配合沙律吃一啲也不油膩章魚小丸子 - 有整整四大粒外皮有少少脆，最值得一讚嘅係個醬，從來未食過嚟款醬同一般章魚小丸子嘅醬不同，更濃郁更好味再配合木魚食，味道更有層次嘴對嘴脆炸蒜香墨魚咀 - 你想像不同以為是很大粒的通知是細細

🍜ラーメン濃厚魚介豚骨湯麵 ($98)湯底略有點油同咸，但份量足夠，叉燒肥瘦適中，整體一般小豬評分:賣相: 📷📷📷味道: 🐽🐽🐽環境: 🍽🍽🍽(5分為滿分)#piggyyyyydiary #eatwithpiggyyyyy #溜豬遊記

拉麵湯底都是精華所在，是每間都有各自湯底秘技。午飯時經過旺角黑布街有巨型海報就被北海道蟹吸引了！地點位於旺角站E2 出口再步行6分鍾 環境風格很美特別是懷舊產品 北海道花葉蟹 HKD 178 有原隻蟹腳浸在湯底內吸盡精華。殻己為客人開邊，只須用提供的勾子便很容易食用。 蟹肉粗粗、鮮甜而湯底所用是噌味雞白湯除外，還有叉燒，肉質是半肥瘦；香荀；溏心玉子及爽脆玉蔥絲嘴對嘴脆炸蒜香墨魚咀 HKD 38 小食吸引，好貼我口味！首先用炸蒜把墨魚咀弄得脆口。紫菜 HKD 7 小食是分開上，以保持脆口度，炙叉燒2枚 HKD 25 炙燒類一直都是首選，今次所點叉燒肉質經過炙燒後更突出火藥玉 HKD 25火藥玉辣很搶但仍可接受。 混入湯後，好配合。 抺搽波子汽水 HKD 15解渴又解辣

朋友帶我黎呢間「拉麵來」食飯 ，對間舖了解五多 淨係覺得好食 ，原來自東京，曾獲日本拉麵最高權威「魂之一杯」拉麵大賞中的豚骨組亞軍 ， 香港店更曾邀請東京店創辦人小林宏次來港駐店，親手製作拉麵 甘岀名架 ！！ 收錢位 好似日本車飛站 😆😆 熊本黑蒜油豚骨拉麵 🍜 $ 92 飲一口湯先 ， 豚骨味濃郁 一點而不油，做到濃而不膩 ，加埋黑蒜油仲好香添 😋 咬口豚肉，豚肉肥瘦比例適中 入口鬆化 大大件 。七色野菜咖喱豚骨拉麵 🍜 $98 湯底意外地清清地 好易入口 ， 主要以蔬菜為主 料好多 仲有豚肉片同肉碎添 麵條揀左粗身， 咬一口，麵條咀嚼有勁，富有彈性，吃著餘味帶點麵粉香。 而且掛湯能力討好 。 炭燒雞翼拌薯仔沙律 🥗$39雞翼無骨 入滿餡料 多汁又飽滿 ，沙律有薯仔粒添 幾有口感架嘴對嘴脆炸墨魚咀 🦑🦑 $38 炸到外面好脆 墨魚咀好爽口喎 第一次試 口感幾特別喎 ！！ 綠茶可樂 ， 幾特別 淡淡綠茶味🍵

香港而家好多拉麵店，林林總總，總有一間係你左近。好多過江龍拉麵店都做得唔錯，但我比較鍾意試啲唔太出名既細鋪，咁先有驚喜架嘛。今日我地試一間未食過既拉麵店，叫拉麵來，踏入店內只有區區幾張枱，陳設裝潢古典日式，仲有部彈珠機作為擺設。食拉麵最重要係個湯底，餸都係其次，要濃而不咸，食完唔會係咁灌水太多味精先叫好。我嗌左個黑蒜油拉麵，湯底用既湯頭主要係豬骨為主，黑蒜油亦都好香。麵條彈牙爽口，10分滿分我會俾8分，比起一啲有名拉麵店一啲都唔輸蝕。

一蘭盛極一時，但我還是覺得這家拉麵比較出色，他們第一家店在天后很多年的了，是一家默默耕耘的拉麵店，旺角分店仍然能夠保持味道，可算是難能可貴，2家店貫徹裝修風格，選用了很多懷舊的日本漫畫擺設，食拉麵之餘，同時也欣賞一下店內擺設，與三五知己也多了一些話題。拉麵重點一定是湯底，選擇湯底，最好是選擇濃湯，他們的濃湯濃而不膩，值得一試。佢地午市仲有午餐配套，餃子都香翠，炸蝦大隻，唔洗膽心，佢地有好多小食選擇。

—一直都有follow 小不啦嘰little importance覺得佢哋d手繪畫填色好靚拉麵來餐牌正正就係佢哋作品之一木~白松露豚骨湯麵($110)偷飲咗啖湯底 幾濃厚鍾意食菇菌類嘅人應該會好滿意水~香濃雞白湯麵($92)另外附上骨膠原波波 倒落拉麵攪混就ok食起上嚟真係有黏稠嘅感覺枱上有芝麻 蒜頭食到有d膩可以呷昆布醋追加咗竹筍($7) 木耳($7) 另外有個碗盛上 份量頗多替玉($17)見你差唔多食完 店員會主動問麵底係咪上得綠茶可樂($22) 可樂($15)—————————————————拉麵來旺角黑布街23號地下

前幾日同朋友經過呢間拉麵店，見到都幾多人排隊，又見佢嘅環境裝修得幾好，就決定試一試呢間餐廳啦，我就叫左個新出既拉麵同小食。北海道花咲蟹蟹味噌雞白湯拉麵呢個拉麵價錢都唔平，所以對佢期望就自然想高啲，但睇黎呢個拉麵嘅性價比唔算好高，雖然拉麵嘅湯底都好濃，而且麵都好好食，但就略嫌蟹腳唔夠鮮甜，感覺急凍左好耐咁蒜香墨魚咀呢個墨魚咀雖然份量好多，而且賣相都唔錯，但就略嫌調味唔夠，味道比較淡，如果加返多啲椒鹽就較好啦

我同朋友都好喜歡食拉麵，亦會四出搵不同美味的拉麵品嚐，今次來到旺角黑布街23號地下的「拉麵來」，這家拉麵店我在大坑也幫襯過，今次就來旺角分店食最新的拉麵。剛新推出「櫻花蝦豚骨湯拉麵」及「七色野菜咖哩豚骨」，還有新上市的「章魚小丸子」、「自家製餃子」、「炭燒雞翼拼薯仔沙律」及「嘴對嘴脆炸蒜香墨魚咀」。先講這個櫻花蝦豚骨湯拉麵，差不多大半碗都是櫻花蝦，好壯觀，湯味香濃，拉麵爽口彈牙，豚肉夠腍嫩，很好味。至於七色野菜咖哩豚骨，有好香濃的咖哩味，十分惹味香口，再加上拉麵掛湯後更滋味。小食中章魚小丸子都自家製餃子都好好味，即叫即製，章魚小丸子夠章魚香，自家製餃子脆口惹味。至於炭燒雞翼拼薯仔沙律及嘴對嘴脆炸蒜香墨魚咀，就比較一般，普通了一點，試一次無妨。

行開旺角就知拉麵鋪都有唔少，聽朋友講話拉麵來幾好食就同朋友黎試下，殊不知又真係幾好食。今日同朋友叫左一碗北海道花咲蟹蟹味噌雞白湯拉麵，原味豚骨拉麵同埋自家製餃子。飲品就叫左綠茶可樂同埋蘋果梳打。北海道花咲蟹蟹味噌雞白湯拉麵有驚喜，麵有幾件好多肉既蟹，肉質偏實，唔會散哂一pat咁。食落仲有蟹味，正。麵仲有一隻開邊既溏心蛋同巨多既筍，如果唔食筍既你就記得同店員講左先啦。之後豚骨拉麵湯底濃郁，個人黎講比較中意呢個。豚肉肥瘦均勻，食落仲有少少油香。不過呢碗本身無跟溏心蛋，如果想食就要同店員講額外加啦。跟住講下餃子，餃子配埋個醬汁酸酸地幾開胃，入面係好多豬肉，唔係偷工減料落菜就算個類餃子。綠茶汽水未試過既話值得一試，第一次飲完之後係咁心掛掛想飲多次，綠茶配埋可樂原來咁夾。另外蘋果梳打就無乜標青既地方，同平時大家飲開既都差唔多，呢款會偏多氣少少。

昨晚陪朋友去左旺角睇電腦，佢係拉麵🍜王，所以就係openrice search 左有間拉麵🍜店係附近，就去左食番個晚餐！😋店舖內裝修都好有特色，童年回憶突然間番晒黎咁，好懷念啊！🥰🥰 睇完menu後就自己畫左落單紙上，可以選多蔥，麵既軟硬度等等^_^（期間限定）北海道花咲蟹麵$178；大大碗拉麵軟度適中，仲提供埋膠手套🧤同工具比客人食蟹，蟹飲都好鮮味！（期間限定）七色野菜咖哩豚骨$98；健康素食者岩晒食，五顏六色既野菜好靚，豚肉都好腍身！咖哩味就淡左些少。炭燒雞翼拌薯仔沙律$39；雞翼內有豬肉，冇骨既雞翼，啖啖都係肉，薯仔沙律🥗好溶好易入口。嘴對嘴脆炸蒜香墨魚咀$38；都好大碟，好多炸蒜係面，墨魚咀炸得好香脆，愈食愈想食，停唔到口。綠茶可樂$22；味幾特別，甜甜地既綠茶🍵味。山葵姜味汽水$25；飲左一啖姜味較濃，都係甜甜地既味道。+++++++++++++++如果大家喜歡💕我寫既食評，麻煩比個❤️鼓勵一下我，我會寫更多更好既食評比大家！😊

今日同媽咪去旺角行街.行到六七點去搵飯食瞓拉麵食上網見到有間叫做拉麵來，同媽咪就去咗嗰間食飯，入到去俾佢嘅擺設裝修吸引着，佢入面嘅裝修係以日本嘅屋仔為主題，牆上面都有日本嘅小玩具，其中一個位置掛咗一件日本小學生嘅冷衫，坐低之後我哋叫咗兩碗拉麵，一碗係白松露拉麵，另一碗係人間限定，跟住叫咗兩款小食，一款係日式煎餃子，另一個係日本嘅小丸子，外加兩支嘢飲，一支係綠茶可樂令一支係蘋果梳打。日式煎餃子，一上枱望到佢金黃色嘅外表覺得好吸引，一試入口，果然係外脆內軟又夠多汁，齋食餃子，又或者點黑醋食，都好好味。第二樣係日式小丸子，香港人鍾意食脆卜卜既小丸子，但係呢度食落口，感覺比較正宗，同日本食嗰啲冇乜分別，日本食嗰啲軟林林，呢一個日式小丸子都軟林林，加上佢啲木魚絲，同個醬汁，配合得天衣無縫拉麵方面，媽咪食白松露拉麵。媽咪對拉鏈讚不絕口，嗰個白松露味道10分出，我哋加咗粟米粒，木耳絲，比較特別嘅係呢度分開上，而唔係加入碗入面嘅，所以感覺都好多，分量亦好足夠，至於我就食人間限定拉麵，人氣限定拉麵有長腳蟹嘅蟹腳，另外仲會好細心咁有埋剝蟹工具，呢樣係值得一既，因為佢仲有手套，唔需要話擔心食完手會污糟，至於