拉麵天王 (已結業)

在元朗食拉麵，食來食去都係壁球場旁邊果間，仲要大排長龍，有需要轉吓口味。位於千色後面，聽聞有一家唔太起眼的拉麵店要排隊，為左避開人潮的我，選擇了下午時段，果然一去就有位。拉麵選擇唔多，主要係選湯底，咁我選左限定天王-胡椒。有少少嚇親。碗麵勁多芝士,芝味好濃，有點兒太漏。不過可能係個人口味，芝士搭胡椒總係怪怪地唔係太夾味，胡椒辣味似搶左芝士香味。胡椒天王日式餃子下次都係傳統D少花巧，要豬骨湯底較好。

開始有秋意, 約朋友去元朗踩單車郊遊, 好耐無踩了, 咁既天氣真係好爽。吹左風之後想食返d 暖野, 搵到呢間好有特色既日本拉麵店, 成間店裝修令人覺得好似去左日本咁。坐低之後店員送上兩張點餐紙, 自己揀選邊隻拉麵同口味、香油、麵的軟硬等, 我同朋友都點左呢期既限定蕃茄拉麵, 蕃茄拉麵每日賣完就無架啦。等左一陣店員就拎拉麵黎, 見到有好多蕃茄蓉同似係手拆既蟹肉, 蟹肉的鮮甜同蕃茄好夾, 攪勻之後湯底變左橙紅色, 試下啖湯, 好濃香新鮮蕃茄味, 唔係茄膏既味, 食落好似有少少辣, 非常惹味呢! 溏心蛋有流心效果, 好滑溜, 又有蛋味! 兩塊叉燒係腩位, 好嫩滑一d 都唔鞋口! 再加上少少椰菜, 令個麵清爽唔會膩。我地加左個烤餃子小食, 餃子皮薄薄脆脆, 用料實在, 一口一隻, 點左酸微微既餃子汁, 好好味!

叫了一個白天王試食，隻蛋屬於流心蛋，紫菜好味，叉燒普普通通，湯底很重豬骨味不錯，麵底屬於博多幼麵很彈牙，木耳椰菜都ok唔太硬身。店內有免費冰水飲，想飲汽水有支裝落單。下次可以再試試。蛋及紫菜我個人會推薦額外加多一份品嘗，無得頂

這店離家很近,每次經過多數有人排隊,望入去感覺總是很神祕,座位很小,有點像小居酒居,今晩终於沒有人排隊,即管入去試下…打開餐牌,只有幾種麵選擇和朋友隨便點了兩個,果然麵彈牙,湯底很濃郁,配菜也很出色,難怪只賣款麵,求精不求多,吃得出店主對麵食的熱誠

今日放工到了元朗搵男朋友用餐 所以決定來試試過間拉麵店 每次行過都會看到餐廳內坐滿客人 今晚我們7點到，人流就不太多 不用等位門外看到店內的廚師認真的煮麵座位不算太多 好彩今晚我不用等位 但到我離開餐廳時又已經大排長龍四款天王每款都有特定既特色 今期的限定天王最後我跟男友點了一個黑天王同一個限定天王（味噌天王）汽水是樽裝的 我最愛飲樽裝汽水常常感覺罐裝汽水冇樽裝咁好男友點的味噌天王最特別的是有一粒帆立貝刺身係一碗熱熱既湯底上不過我都是覺得如可以分開上就會更好但男朋友則覺得帆立貝刺身係拉麵上感覺得意 可以又食到刺身又食到拉麵除外，湯底有濃濃既味噌味，而且又有大量粟米，筍，所以十分清甜麵量都幾多，男士食用都會飽我點的黑天王黑蒜味沒我想像的濃，但豬骨味都好重我最欣賞的是大大片叉燒肉質好林 而且大大片 啖啖肉好似都有2片的 所以份量好足夠小食餃子外皮薄 但煎得不算太脆 但勝在料多 入面包滿份量好多既豬等配料 看到皮都谷到漲卜卜大愛的芝士年糕因為外皮十分煙韌，而且暖暖地重點係一咬下，芝士好濃 但唔會太鹹，而且芝士不斷湧出，仲可以做到拉絲效果是次用餐最感到lucky的是遇岩唔洗等位

跟朋友在元朗逛完一整天街，朋友說想吃日本菜，我們便開始尋找日式餐廳。於千色廣場後面也有很多的不同種類的餐廳，我們便在一個角落發現了這家拉麵天王。我和朋友也是拉麵迷，看到這麵店便決定要試一試！門面以招牌日本拉麵店的紅燈籠配上豚骨二字，十分清楚的讓人知道這是家拉麵店。簡潔的門面十分具日本麵店的味道。店內位子不多，一排枱凳面向著開放式的廚房，十足日本的拉麵小店麵店提供四款拉麵選擇，白、赤、黑和限定天王，分別指豚骨湯口味，辣味，黑蒜油以及其間季節限定的口味。麵店讓客人自己選擇口味，麵的硬度等，讓客人可以自己決定自己的口味。小食方面，選擇較少，建議餐廳可以再增加小食的多樣化。今期的限定天王有兩種，胡椒天王 & 味噌天王。前者是以胡椒湯底配上滿滿的芝士，加上豚骨湯底，十分新鮮的配答 ; 後者是味噌口味配上原隻帶子，濃郁的湯底配上鮮味的帶子又是另一特別的限定天王。先來一道烤餃子，外焦內軟的烤餃子十分吸引，金黃香脆的外皮包著豬肉，作為飯前小食十分不錯，二人分享分量剛好豚角煮味道濃郁，燒烤過的表面令燒烤的味道在滷水的味道中散發出淡淡烤味，十分特別除了兩款小食以外，主角當然少不了拉麵吧。我們2人各點了一碗

拉麵天王元朗分店在2015年9月開張至今都有人龍排在門外，因為只有約10個座位吧。今晚我點了限定拉麵-- 味噌帆立貝天王拉麵，7月上旬先開始有供應，上季的限定款式胡椒芝士天王拉麵亦有得選擇。拉麵的製作我看到他們的手藝有水準，麵款的賣相亦精緻，廚房師傅制作認真，服務亦好，粟米較為細粒好食，筍同紫菜有點靱，唔得要吐出來，叉燒肥瘦均勻，好味，帆立貝未煮透，個心仍然結冰，加了黑松露醬掩蓋雪藏味，甜品芝士年糕唔錯，暖暖甜甜煙韌。眼見不少情侶光顧這店，另外沒有掛鈎或竹籃放置皮包背囊。

今次黎到元朗，緊係要試下朋友推薦既拉麵天王啦，鋪面黎講唔太大，但好彩咁岩去到人唔多，咁就即時坐低喇!同大部份既拉麵鋪一樣，有一張拉麵紙可以選擇湯的濃度、油度、有沒有蔥、有沒有叉燒、麵的硬度等…而最後可以按自己需要點一些小食。我自己比較傳統，鐘情於豚骨拉麵，咁於二話不說，點左一碗白天王($69)，要濃味湯底、正常油度、硬麵身。而朋友則點左限定天王($89)，是這一間拉麵度定期更換的特色拉麵，今次就係味噌帶子拉麵。坐左一陣，拉麵就已經整好。先呷一口湯，雖然我係選濃湯，但湯底依然偏淡，沒有濃湯底有點膠質的那種感覺。幸好，質感雖然不足，但味道仍是足夠的，豚味依然突出，更重要是有椰菜同豚肉混和後既鮮甜味。一啖麵，硬度剛好，每一條都分明，而且麵可以帶到湯。味玉帶甜，好味。叉燒黎講，正正常常咁，無話特別出色。小食我地點左，餃子($28)同芝士年糕($12)。餃子熱辣辣，肉味幾香，好味！芝士年糕味道同放題的芝士年糕一樣，可以說是滿足了自己芝士的癮。可能是自己食開比較重口味、湯較稠身既拉麵，食得咁清淡反而有少少唔慣。但友人試了一口我的湯，都說味道不錯。以$69食到碗拉麵，算係唔錯，值得想食拉麵又想慳住既

知道拉麵天王元氣彈天王(即紫薯咖喱)有一段時間, 大概這限定天王也即將完結了吧, 灰熊本身覺得這口味的拉麵怪怪的, 卻突然說想吃, 那當然要陪他去吃了。今期的限定拉麵口味有紫薯咖喱和胡椒芝士, 我們都怕胡椒口味會過於辛辣, 而普通的豬骨湯、黑蒜、辣味已不能滿足我們, 所以我們都選吃紫薯咖喱了。我們來到時, 剛巧不多客人, 客人是一段段時間來的。跟往時一樣, 自己寫紙, 不用逐樣說, 比較清晰, 缺點是花很多紙張, 不環保。限定天王 元氣彈天王 $89選用沖繩名物紫薯, 結合天王專屬豬骨湯頭, 香滑忌廉撞上秘製咖哩油而成的拉麵。很大膽創新的配搭, 有創意, 我鍾意, 想一想, 我們家中都有吃咖喱薯仔, 這配搭, 其實是很合理的。兩個都吃同一款拉麵, 不用爭。先試一口湯, 咖喱味是淡淡的、清新的, 微甜, 微辣, 不重香料口味, 有點像某咖喱味杯麵的咖喱香味, 質感不會過於濃稠, 不油, 作為一個拉麵的湯底恰如其份, 而且稍後還有紫薯溶於其中, 調出這個偏淡的湯底, 實是聰明之作。粟米、椰菜用料新鮮, 爽口清甜, 起到減輕膩滯感的作用, 也均衡了營養吸收。叉燒有三片, 每片厚薄適中, 肥瘦

位於元朗千色附近的拉麵天王，是一間以拉麵為主的日本餐廳。元朗西菁街20號益輝大廈12號地舖紅磡德民街17-27號我和媽媽都是日本愛好者，知道有新口味限定天王推岀，因此帶媽媽來試一試。其實也想試紫薯天王，可惜已換上味噌拉麵了。竟然是限定，一於點這兩種拉麵。味噌天王拉麵$89採用白味噌和濃香豬骨湯的味噌拉麵，上台時有濃郁撲鼻的味噌香。放了一粒冰凍帆立貝刺身在中央，先吃刺身，鮮嫩彈牙味噌湯底濃稠，放久後甚為杰身。拉麵選了硬身，硬度適中，掛上拉麵不錯吃哦胡椒芝士天王$89上次已點過的拉麵，胡椒味依然香濃。胡味特岀，媽媽很喜歡。烤餃子$28這裡的烤餃子外皮煙靭，豬肉味不太濃，沾上醬油會更好吃。豚角煮$25看上去色澤深色吸引的豚角煮，可惜有點勒身，有點失望。反而切成粒的豚肉，帶有燒香，較好吃哦。

聽聞最近出了新限定拉麵，於是去試一試新產品日式咖哩元氣彈限定天王 - 令人懷念的日式咖哩味湯底，把整碗麵都注入了美味的咖哩味。糖心蛋，粟米，幼細嫩滑的拉麵都因為咖哩的味道而有所提升。元氣彈，是紫薯蓉所組成，比想像中凍了點，而且有點乾，加一點湯底進食效果更佳。赤天王 - 對筆者來説有點辣，但對愛食辣的會愛不惜手。那種辣是兩重辣：入口後一會會慘出一點辣味；當準備吞入肚時，第二重辣立即出現。火辣感覺，充滿你的口腔，面部，以至肚子裡。麵身較幼，沒有粗硬口感。貼心的配料早已為食客準備妥當

係我個人第二間最鐘意食既拉麵店👍🏻👍🏻👍🏻紫薯咖哩配搭得好好😋😋 麵好幼細好鐘意，加上我個人好小食肉，呢間可以走肉正！👍🏻另外胡椒拉麵味唔喊濃度岩岩好，好開胃😋總結黎講正！9分

今晚好想食拉麵呀，原因係見到好多朋友都去左日本旅行。。。好掛住日本拉麵嘅味道元朗係個美食天堂😇基本上咩都有得食想試呢間好耐喇，成日起隔離按摩今日唔按摩食個拉麵先☺️☺️☺️門面好有日本feel呀 小店入面位置唔多有d似日本街邊嘅拉麵店圍住師父整拉麵，完全開放式入到去周圍望 睇下有咩好食4大天王任你選擇😂😂😂店員放底杯水就同我地介紹今日嘅限定王係咩喇😊 今日有兩個限定王一個係咖哩紫薯，一個係胡椒芝士😍😍😍😍😍其實一入黎已經索到有咖哩香味日本咖哩我最中意，甜甜地又唔會太辣而且紫薯我又係好喜歡所以決定叫呢個😋😋😋胡椒天王本來我老公都想試，個佢又想食辣wo 最後都選擇左赤天王☺️天氣咁熱 一人一支汽水先😁😁😁$10 都合理嘅 夠凍而且係一支支比起罐裝好飲d好快師父就親手交兩碗麵比我地喇😋😋😋好足料呀！先講我個咖哩紫薯天王先球紫薯真係好大呀！同咖哩都好夾不過球紫薯唔係熱係凍嘅所以有一種冰火交融嘅感覺紫薯味道比較淡 所以加一啖湯食剛剛好赤天王係老公點嘅，我無佢咁食得辣不過飲左啖湯我又覺得可以接受wo不過入面都幾多黑椒，食嘅時候小心d好容易成口d牙都係😂😂😂麵入面嘅配料都好多咖哩紫薯除左一大球紫薯仲有好多粟

一早就已經聽過拉面天王既大名，見到元朗開左！即刻跑去食  佢有好多種天王，黑蒜 辣 原味 仲有限定，今次我叫左個櫻花蝦拉面限定的櫻花蝦拉面，淨係個賣相都可以拎滿分，成個湯超濃蝦味，唔會過咸，推薦而拉麵可選味道淡/普通，香油淡/普通，麵條軟硬等，十分貼心，我今次就揀左淡味既硬面，真係做到淡口，不會太咸！好岩我呢d多多要求既食客不得不提既就係半隻溫泉蛋，蛋白部分唔會煮到太老，而蛋黃就甜甜地，勁好味！！份量黎講都算幾大碗，一個人(男人)都係勉強食得哂一碗   但係係香港黎講呢間既拉面又唔算好貴！！超級推介！

天氣熱就唔多想食飯就揀麵來食下啦~除咗米線，拉麵就係其中一個唔錯既選擇遊遊下趁時間尚早就搵地方食下啦被門口的裝橫吸引就一於入去試下啦~內裡的裝修都充滿日本氣息有幾款拉麵可供選擇白、黑、赤、限定天王今次的限定天王有胡椒天王、咖哩紫薯天王信義妹係赤、胡椒天王同咖哩紫薯天王徘徊很久最終都揀定了同行友人差啲想打鑊我....................哈哈哈呢度既汽水係樽裝所以點都叫番支來飲下既~~始終都覺得樽裝汽水($10@)係好飲過罐裝既~而調味品亦都井井有條咁擺放好有昆布醋、芝麻、七味粉可自由添加的辣芽菜味道微辣帶少少酸係選擇拉麵可以揀軟硬度口味香油都可以揀濃淡當然仲可以選擇走蔥與否啦友人選了赤天王$79友人選了普通濃度的湯底，微紅的湯底有淡淡的辣味湯底亦都有濃濃的豬骨濃香普通濃度的湯底鹹味適中信義妹最終就揀了胡椒天王$89一來到完全滿足到信義妹呢個芝士控芝士多到滿瀉，完全見唔到兩塊叉燒芝士份量係可以多到把拉麵緊緊纏住胡椒湯底點了濃口味，濃濃的胡椒香加上芝士完全愛味濃者必選雖然點了濃味的湯，但亦都唔會過鹹，鹹味剛好叉燒係半肥瘦，口感鬆軟叉燒本身味道不濃可以沾上湯汁味道更佳烤餃子$28餃