拍板風味 (已結業)

$138 任食雞煲或烤魚火鍋一行七人，四大三細嚟食火鍋性價比幾高，同埋勝在唔會太多人如唔食雞煲，亦可選擇烤魚，好大盤食完加湯就可以打邊爐食物雖然唔算太特別，但選擇都算多，特別推介係即炸響鈴，真係熱辣辣上枱，而且好好味，我地前後order咗4碟大人加埋$8豉油費及加一後，$160左右唯一缺點係可樂雪碧要另外俾錢，但有竹庶茅根、啤酒、韓國雪碧、芒果汁及烏龍茶，都叫唔錯。有時入咗單可能會漏俾食物，但服務態度幾好，會幫你追或再俾過你

早前我們喺何文田勝利道嘅「拍板風味」訂咗個鮑魚大蝦大盆菜！但一直未抽到時間安排到邊日食，直到早兩日大約知道今日應該會有時間，所以我們就早兩日預訂好今日去外賣自取返屋企食！一打開嗰陣見到個鮑魚大蝦盆菜舖砌得好整齊，而且份量好足料豐富！大蝦真係相當大隻，肉質好鮮甜彈牙！鮑魚都算幾大隻，而且燜得都幾腍，質感好爽滑彈牙！海參都幾爽口彈牙！食咗表面層之後，見到中間有隻超大嘅元蹄，肉質非常鬆軟，豬皮嘅質感都幾軟滑，真係幾抵食！醬汁嘅味道調教得都好，味道唔會過鹹！

㸃了怪味雞煲味道ok.無乜特別。其餘火鍋配料很失望。$345牛頸脊又瘦又鞋。菜忙了影相少得可憐。叫四款有兩款無。好怕這類型餐廳,想多元化,但又做得不好。基本白飯都話未有要蒸返熱。叫了些川菜,非法好味。皮蛋鵝腸超好味值得ㄧ試。

由於早前喺網上見到何文田勝利道嘅「拍板風味」推出咗每日首10位人客可以享用到$80任食大閘蟹嘅優惠，所以我們一早預訂咗今晚去食！店員同我們講話大閘蟹幾種唔同嘅蒸法，有清蒸、藥膳花雕蒸、古法蒸同菊花蒸，我們始終都係鍾意清蒸，因其他嘅蒸法會掩蓋咗蟹嘅鮮味！除咗大閘蟹任食之外，仲有蟹粉水餃嘅餃皮都幾煙韌，入面嘅肉都幾鬆軟，尖椒皮蛋嘅味道就相當辣，生炒糯米飯炒得都幾乾身同埋有枝豆！最後仲有蕃薯糖水送同飲品任飲！另外！我們加叫咗招牌烤魚同田鷄，招牌烤魚我們揀咗清湯底，魚嘅肉質非常鮮甜嫩滑！田鷄相當肥美飽滿，肉質超結實彈牙，味道好鮮味！

今晚我們去咗何文田勝利道嘅「拍板風味」食晚飯！喺點菜嗰陣店員向我們講話，他們推出咗個烤魚或鷄煲，就可以用$1換購一道菜嘅優惠，所以我們叫咗烤大桂花魚，真係好大條，肉質非常鮮甜嫩滑，加$1換購香草煎班球嘅表面煎得色澤好金黃，肉質相當結實彈牙！雖然係$1換購，但份量都幾多！墨魚滑同蝦滑係新鮮手打，所以質感好爽口彈牙！九肚魚相當肥美肉厚，味道超鮮甜！安格斯手切牛肉嘅肉質好香滑軟綿，牛肉味相當濃郁！豬膶嘅肉質好爽滑！白鱔片嘅肉質超爽甜彈牙，而且整個口腔都充滿著魚油嘅芳香味！所有材料都非常新鮮，而且清洗得相當乾淨衛生！

小妹嫁來香港已經三年，昨晚招呼幾位從大陸來港探我的親朋戚友晚飯，自然帶他们去小妹的至爱拍板風味。原先我想介紹他们吃那裡的首本羊腩煲、水煮鱼、糯米飯等，哪知去到風味，經理坤哥見我熟客，指指牆上海報。小妹一看，是「極品風味盆菜」。妙也，盆菜是地道香港特式，親朋戚友在大陸羊腩煲和水煮魚食得多，但肯定未食过盆菜，一於讓他們品嚐一下！鲍鱼、花膠、海参、發菜、鹅掌、柱甫、大蝦……各適其適，親友吃罷，無不豎起拇指。坤哥好介紹，小妹真給他一個大大的👍🏼也！

拍板風味要同各位為食朋友講一聲，快啲去旺角勝利道拍板風味食盆菜，事關拍板風味的「極品風味盆菜」，名副其實，堪稱極品。元蹄、鮑魚、花膠、海參、瑤柱、海蝦、魚肚、北菇……應有盡有，共冶一盆，百味紛陳，卻又渾然一體，窮珍饈之薈萃，留齒頰之餘香。講多無用，食過就知，莫說我唔介紹，錯過自誤。

2⃣️星期前食左呢間野嘅任食套餐大閘蟹，仲有好多其他小食個乾炒糯米飯超正丶粒粒分明，好有香蔥味，調味啱啱好，非常香口！可以話係好食過大閘蟹！啲蟹唔知係唔係養過一輪，比較瘦削，不過佢就勝在有幾款唔同嘅蒸法俾你任食，呢個價錢都係唔好咁多要求😁有得食好食啦其實都俾佢店入邊嘅川菜吸引住，好鬼香見人哋食仲大大碟添，有啲衝動想叫水煮魚😆不過都係爭取時間食蟹啦！

無意中係FB見到每日首10位可以$80任食大閘蟹, 同埋屋企人黎試下.$80真係任食, 仲有不同蒸法, 有古法, 清蒸, 菊花蒸, 藥膳花雕蒸.仲有不同小食, 包括枝豆, 蟹粉水餃, 尖椒皮蛋, 糯米飯, 糖水仲有薑茶等等!6時開始, 店內無乜人. 不過環境算舒服仲有幾部電視.時間一開始, 店員已經自動送上不同小食.尖椒皮蛋 - 賣相好靚, 食落都有70分. 皮蛋真係流心不過無咩味.蟹粉水餃 - 係普通既煎餃羅黎做水餃, 得個湯有2粒蟹粉. 水餃只係暖, 湯都食唔出有蟹味. 枝豆 - 又係無味, 凍凍的望落已經唔新鮮糯米飯 - 賣相靚, 食落真係炒得好靚又夠熱, 呢個真係必食, 好好食又多料!主角黎啦, 1st round係清蒸 - 蟹都算大隻同新鮮, 有D會甩左隻腳, 甩左隻手甘. 不過都算係甘啦.膏算多, 亦甜. 蟹肉都清甜, 中價貨仔.藥膳花雕蒸 - 係凍食黎架, 成隻蟹都係藥材酒味, 好濃, 不過會搶去鮮甜味.仲有菊花蒸, 真係有多粒菊花係面. 不過食唔出同聞唔到菊花味.3個人食左22隻, 其中一隻係死蟹有臭味. 不過$80任食真係好抵!

噚晚同D波友在旺角打完桌球，一齊揾嘢食，度度都咁逼，要排隊至有得食，边有心機排吖？幾條友边行边倾，漸行漸遠，去咗勝利道，見到有间「拍扳風味」，仲有啲位，立即樁入去。点知一食之下，食出彩虹，好耐未試过食得咁愜意，简直係飛來口福！我哋主力食大闸蟹，一般大闸蟹食得多，呢次竟然有得生食！用花雕加白酒加蒜头生浸大閘蟹，口感跟熟食完全不同，鲜甜無比，齒頰留香。食完一隻生，食番幾隻熟，熟的除了普通清蒸，仲有药膳食法，即加药材和花雕來蒸，據經理介紹，此乃健康食法。至於点解健康，我哋一味掛住食，冇留意經理解釋。除咗大闸蟹，白灼牛肉、清湯腩都好正。特別要提一提個糯米飯，可以話係我有生以來食过最正斗嘅糯米飯。食完呢餐，二話不說，我立即訂定枱，下星期帶老婆同外母乸嚟食，事关佢哋係上海人，最鬼鍾意食大闸蟹！

今晚我們去咗何文田勝利道嘅「拍板風味」食晚飯！我們叫咗啫啫魚鰾煲嘅魚鰾非常爽脆嫩滑，醬汁嘅味道相當惹味，而且唔會有腥嘅味道！薑蔥魚雲煲嘅魚雲炸得好香脆，肉質好鮮甜嫩滑！涼瓜炆斑腩開頭以為係平日食開嘅斑腩，睇真啲原來係鯇魚腩嚟，肉質非常鮮甜彈牙！椒鹽田鷄外層嘅炸粉超香脆薄身，田鷄嘅肉質極之鮮甜同結實彈牙，加埋椒鹽同辣椒嘅香味，令到味道更加惹味香口，唔會有好油膩嘅感覺，而且份量十足，係本人嘅必食推介！

一個中午，在這間主打烤魚、雞煲、火鍋、川菜的館子吃了一頓午餐。不過是獨個兒吃的一頓普通不過的午餐而已，吃的當然不是烤魚和雞煲，更不會是火鍋，而是午市中西共十多款午餐中的其中一款「菜遠排骨炒河」（$45）。 這炒河的鑊氣是夠的，份量也比想像的多，排骨肉多骨少，味道尚佳，就只是茨汁過多，反有過猶不及之弊。吃罷一碟這麼有份量的炒河，伴以一碗湯味自然，相信沒下味精的例湯，還不飽嗎？

今晚我們去咗何文田勝利道嘅「拍板風味」食晚飯！我們叫咗烤黃骨魚同奇味鷄煲！另外叫咗黃鱔、田鷄同蔬菜籃！烤黃骨魚嘅肉質相當鮮甜嫩滑，無乜魚腥味，而且有四條咁多，真係幾抵食，湯底有芽菜、木耳、酸菜同豆卜，木耳好爽滑，酸菜嘅酸味同黃骨魚嘅鮮甜味滲入晒湯底度，而豆卜就吸收湯底嘅酸香味，真係好惹味！奇味鷄煲嘅鷄肉肉質相當鮮味嫩滑，秘製嘅醬汁味道非常惹味香濃！黃鱔嘅肉質好肥美厚身同爽脆彈牙！田鷄非常新鮮，肉質相當結實彈牙，味道好鮮甜！蔬菜籃嘅菜清洗得都幾乾淨衛生！

今日下午我們去咗何文田勝利道嘅「拍板風味」食下午茶！我們叫咗豬扒包、沙嗲牛肉包同炸鷄脾薯條！豬扒包同沙嗲牛肉包嘅包質好香滑鬆軟，而且仲有啲香脆，豬扒嘅肉質相當鬆化，牛肉嘅肉質非常嫩滑多汁，而且份量都幾多，蕃茄同青瓜超新鮮，味道好清新！炸鷄脾薯條嘅鷄脾炸得外皮好香脆，肉質好軟滑多汁，唔會好「嚡」同好乾，薯條亦炸得好金黃香脆！

今早我們去咗何文田勝利道嘅「拍板風味」食早餐！我們叫咗火腿餐肉煎蛋通粉、鷄扒煎蛋公仔麵同沙嗲牛肉煎蛋公仔麵！火腿餐肉煎蛋通粉嘅通粉都幾煙韌彈牙，唔會好腍身，餐肉煎得都幾香口！鷄扒煎蛋公仔麵同沙嗲牛肉煎蛋公仔麵嘅麵質都幾爽口彈牙，鷄扒煎得色澤都幾金黃，肉質好軟滑，沙嗲牛肉嘅肉質都幾嫩滑，醬汁唔算太鹹，都幾惹味！