掌壽司 (已結業)

觀塘工廈向來都多隱世特色小店，今次黎到駱駝漆依間掌壽司，主打日本空運刺身同壽喜燒，當中見到佢地既二人套餐就最包羅萬有😚1. 柚子汁拼帶子刺身沙津沙律菜同帶子十分新鮮，配上柚子汁，開胃一流😊2. 刺身盛（鯛魚，油甘魚，拖羅，赤蝦，活赤貝，海膽）時令刺身加上精心既擺盤，真係令人垂涎三尺，由富有口感既油甘魚食到最後肥美既大拖羅，每一款都各有特色，聽店員講個menu仲會依季節而轉變，真係既不時不吃。3. 壽司盛（池魚，碎蔥吞拿魚茸，帆立貝）三款壽司當中最愛就係池魚，口感係我至愛，有咬口加上油脂感適中。4. 澳洲M9和牛鍋物湯底係壽喜燒湯，同和牛真係夾到天衣無縫，加上，仲有少量粉絲同雜菜拼盤，唔怕唔夠食呀🥰5.天婦羅沙甸魚沙甸魚用一層薄薄既炸皮包裹住，不是太油，食哂都唔太heavy最後以豆腐雪糕作結，可以話三個人食都夠飽呀！

偶爾去觀塘工廈覓食總有種尋寶的感覺，今日揀的掌壽司絕對係寶！同朋友叫左二人餐時令沙律-有干貝同蝦選擇，我哋揀左蝦，蝦有調味過，趁埋酸酸May May 的汁好開胃-沙律有魚干，口感馬上UP刺身盛-要highlight 拖羅同油甘魚，非常厚切肥美，一塊等於坊間的double-螢光魷魚爽口，亦係出面比較少食到壽司盛-碎吞拿魚好肥美香甜，下次黎單點都值得！-帆立貝大大塊好鮮壽喜燒鍋物-揀左清清地的鰹魚湯，想更品嚐清楚牛同豬的肉味-牛係澳洲M9和牛，牛味超濃，大塊並唔碎濕濕

第一次黎，目的是試吓新嘢。唔錯，睇餐牌幾多野揀。我選擇了帆立貝海老飯，平時我都係鐘意蝦同帆立貝，所以要試吓。前菜有芝麻醬沙律、湯、茶杯蛋。茶杯蛋唔錯。主菜到了。帆立貝都新鮮，最正係三隻蝦！好大隻！新鮮！鮮甜！最重要係，有膏架！！餐飲叫了蘋果茶，甜咗啲，早知少甜。飯後有雪糕送。本身諗住無乜期望，唔係d乜嘢牌子雪糕，雲呢拿又似係無特別。但係，食落原來好有牛奶味，不錯不錯👍🏻。睇吓個杯上d字，似乎香港製造。加埋一，一百六十幾蚊，小店來講質素幾好，唔洗下下去連鎖。

觀塘實在太多隱世嘅餐廳，尤其是喺駱駝漆嘅呢一間掌壽司，佢嘅門面唔算係好奪睛，但係望入去好有日式嘅裝修風格👏-今晚都係揀咗個二人餐，店員話二人餐大約係散叫嘅八折，而一個二人餐又包咗刺身、壽司同熟食，啱晒啲唔想諗嘅客人👍👍-1.帆立貝沙律呢個沙律真係好高質，食落去有爽脆嘅口感之餘亦都有軟軟嘅帆立貝，配埋柚子沙律汁，好開胃😋-2.刺身盛：油甘魚，拖羅，夕身，赤蝦，活赤貝，海膽呢個刺身望落好吸引，食落回味無窮🙈店員建議我哋由油甘魚開始食，再順時針咁樣去食👍最正我覺得係個拖羅同埋赤蝦，前者油脂真係好豐富，魚油味好香，而後者十分爽甜，蝦頭有好多膏😻😻-3.壽司盛：池魚，碎蔥吞拿魚茸，帆立貝碎蔥吞拿魚蓉，食得出唔係叫貨嘅質素，應該係新鮮整出嚟嘅魚蓉，所以係食到好新鮮嘅味道👍池魚配搭左薑，所以完全唔怕會腥😋而帆立貝保持一貫高質嘅水準，好厚身🎉-4.沙甸魚天婦羅呢個沙甸魚非常特別，仲要用天婦羅嘅形式去整，個人覺得加上檸檬汁好好味，細細條一啖一條，好夠脆同香口😋-5.鍋物：澳洲和牛 100g，北海道豚肉 100g（壽喜燒湯）呢個鍋物真係會令到大家都食到飽飽😋肉嘅分量其實係好多，特別想讚澳洲和牛，切得厚身但

觀塘嘅駱駝漆大廈出名多嘢食多嘢行，之前嚟行街，都試過食呢間咗壽司，隔咗咁耐冇食，心血來潮又想食下🤭🤭🤭行完街之後就黎左食，平日既晚上仍然係滿座！🤭諗緊食咩之制，都係試佢2人餐，咩都唔洗諗。佢個餐有時令沙律，刺身盛（鯛魚、油甘魚、拖羅、海膽、赤蝦、螢光鱿魚）而壽司盛就有（帆立貝、池魚、碎蔥吞拿魚）另外，仲有鹽燒魚鮫同埋壽喜燒鍋物，包括M9 和牛 100g、北海道產豚肉 100g，最後有是日甜品。咁多野食，唔係唔叫二人餐呀嘛？🤭😂🤭😂🤭😂平時出去食好少會食咩個沙律，但係佢今次係三文魚子，配上醬汁，呢個沙律真係好好味！😍刺身來講，赤蝦真係好出色，個蝦頭直頭100分。每款刺身都好鮮味！😍而個壽司盛，我就覺得正常發揮，唔算有咩特別，但係都係好食嘅。本身唔食魚鮫嘅我，我食咗一兩啖，覺得唔太差，但我老公係極力推介呢個！佢係覺得超級好好食，可能係我唔食魚鮫，所以覺得ok啦🤭😂😂😂最後最後，食咗個壽喜燒，個湯真係超級鮮甜，我飲咗兩大碗，和牛同豚肉相比，我好鍾意佢個和牛，未去到話入口即溶，但係佢肉嘅質感10分軟熟😊😊😊總括來講，呢間餐廳依然保持到一年前嘅水準，希望下次再返嚟食嘅時候，依舊好食。

這間位於觀塘工廈的（掌壽司）近期聽好多朋友介紹過都話好食，今日終於可以訂枱試下晚餐! 餐牌上有很多種類的食物，每樣都想試小小，所以決定點了一個二人套餐，唔使諗！時令沙律🥗沙律的材料切得非常細小，容易入口，蔬菜配料多又新鮮爽口，蟹子粒粒晶凝通透，醬汁酸酸甜甜很開胃!刺身盛🐟海膽好新鮮好Creamy,鯛魚入口有魚油香，油甘魚咬落肉質實而彈牙，魚味鮮甜，拖羅油脂滿滿，絕對是入口即溶。牡丹蝦大大隻，爽口鮮甜！壽司盛🍣帆立貝壽司好滑清甜爽口，池魚壽司味道好甘香，碎蔥吞拿魚壽司魚的份量好多，軟綿綿又香又甜有入口即溶的感覺！鹽燒魚鮫🐟魚鮫煎得又香又脆，魚肉好香好滑，加入少少檸檬汁更加提升魚的味道。壽喜燒鍋物🍲牛肉選用了澳洲M9和牛，還有北海道豚肉，肉質軟嫩入口即溶，之後就會加入野菜同醬汁，野菜解膩，同時將蔬菜嘅甜味融入醬汁當中，再加入肉類味道就會更加香甜。特別係同煮至軟腍嘅洋蔥一齊食，甜味同肉味都更突出！豆腐雪糕🍦雪糕不會太甜，淡淡的豆腐香味，幾好食！

觀塘工業大廈裏面有好多有質素的餐廳，其中一間位於駱駝漆大廈（掌壽司）這裏的食物質素及服務都不錯，價錢亦都好合理，入到餐廳大約有12至14張枱全部都爆滿，好彩早一兩日已經訂咗所以有位👍我們二人就點了二人套餐，有沙律、刺身、壽司、燒物、壽喜燒及甜品等！時令沙律菜有蕃茄仔、炸蓮藕片和蟹籽，配菜樣樣都好新鮮，口感豐富，加入柚子汁味道更加清新！刺身有鯛魚、油甘、拖羅、海膽、赤蝦、螢光鱿魚，鯛魚肉質緊實彈牙，甘爽鮮甜。拖羅油脂豐富，入口即溶。海膽味道香濃鮮甜。赤蝦有手掌般大隻，爽口蝦球仲有蟹膏。壽司盛有帆立貝、池魚、碎蔥吞拿魚，帆立貝好厚肉好清甜，池魚油香味濃郁，肉質香軟。吞拿魚腩整成魚蓉，口感香滑！鹽燒魚鮫-火候掌控得非常之好，魚皮燒得香脆金黃，魚肉保持到鮮嫩！壽喜燒鍋物壽喜燒嘅汁調味適中，有澳洲產M9 和牛100g、北海道產豚肉 100g，和牛煮熟後再浸係蛋液入面點住食，口感好嫩滑，豚肉肥瘦適中，肉味濃郁，雜菜吸入壽喜燒嘅精華，超入味！最後食埋個豆腐雪糕，又香又滑！

對上一次嚟長壽司食，已經係年幾前嘅事。記得上次食完之後，好食之餘又好飽，一直念念不忘。今晚終於再嚟食佢，依然冇令我失望。同老婆book咗七點枱，準時去到。一坐低，店員就遞上餐牌，我哋叫咗個二人前，坐左冇耐，就上菜啦。先泥個沙律，沙律嘅汁酸酸甜甜， 好開胃，加埋佢有粒粒魚子，食落更有口感。跟住6點刺身盛。上菜之後，店員好詳細咁介紹每款刺身，又建議埋食嘅次序，由淡到濃(鯛魚>油甘魚>螢光魷魚>生蝦>海膽>拖羅)。刺身overall泥講都幾新鮮，特別值得一提既係海膽，好大塊，而且味道濃郁，好味😋跟住上枱既係壽司，分別係帶子刺身壽司，詞池魚司同埋吞拿魚蓉壽司。三款壽司既味道都各有特色，味道都唔錯。跟住就係燒物——鹽燒魚鮫。呢個燒物，我真係直豎拇指👍🏻。或者本身我係中意食香口野既人啦，呢個魚鮫真係燒得好出色。外皮脆，但肉質夠嫩，加埋檸檬汁，香口得泥又好清新，認真讚！跟住就係壽喜燒鍋物配『M9和牛』同埋『北海道豚肉』。兩款肉都好稔，好配壽喜燒既汁，點埋生雞蛋一齊食，真係好食到停唔到口。最後，上埋個豆腐雪糕。呢個雪糕甜度適中，為整個晚餐劃上完美句號。總括嚟講，

疫情開始緩和，加上太耐無出街食飯，今日一於約埋媽咪外出食下好東西我們大約一時半到達掌壽司，一入門口，店員溫馨地招待我們入座，還介紹了他們的午市定食，原來款式有那麼多。我們叫了刺身定食，及薑汁北海道豚肉定食，跟餐有前菜、茶碗蒸、蜆肉味噌湯，及甜品沖繩海鹽雪糕。刺身定食：共有六款刺身，分別是三文魚、油甘魚、劍魚腩、帆立貝、赤海蝦及海膽。刺身非常新鮮，及甜美無比，款式多樣化，有我最愛的赤海蝦及海膽，而且份量亦不少，到現在仍回味無窮薑汁北海道豚肉定食：北海道豚肉果然肉質鮮嫩，入口溶化，經薑汁烹煮後，非常入味，伴飯一流，大人小孩都啱食這次用餐的經驗非常滿足及愉快，食物不單有水準，份量十足，招呼亦親切，加上座位寬敞，坐得舒服，下次一定會再來光顧

好耐冇同朋友，出嚟走一走，疫情影響冇得走，今次過觀塘開返個日本餐，日食 掌壽司，嚟過幾次，呢度食得真係幾舒服。幾開懷。同埋份量多，好食唔錯服侍好。我叫咗個A餐刺身定食168。有三文魚，油甘魚，吞拿魚，帆立貝，同埋有脫売蝦，定食其中包括嘅，有菜沙律， 同埋味增湯，仲有個茶碗蒸，加埋個甜品，呢個餐非常夠份量，最主要肉質鮮美，刺身新鮮，疫情火熱。都保留到一貫嘅好味，同埋新鮮。朋友叫咗個火炙魚生蟹膏丼飯，都非常夠睇頭，完全唔唔係一個女士可以食得曬嘅當飯，丼飯加埋嗰啲蟹膏，撈起真係入口容易，仲有蟹肉喺入面，所以有口感，有美味再加埋個樣又靚喎，好似識得笑咁，食落去都搞到我哋都好開心!

今天來到觀塘食午餐，「掌壽司」正位於活化後的「駱駝漆大厦」第三座。午市時段餐廳外已有多人等位及買外賣，由於我早已訂位，所以很快便能入座。餐廳比較寬敞，沒有局促感。餐牌中的午市定食很吸引，食材豐富而且有多種選擇。“刺身定食”，非常豐富，刺身有：三文魚、油甘魚、劍魚腩，帆立貝、赤海蝦和海膽，材料新鮮，質素相當高，賣相亦討人歡喜。還配有：前菜沙律、茶碗蒸、蜆肉味噌湯、白飯和雪糕甜品。“M9和牛壽喜燒鍋”，壽喜燒是我的至愛。100g澳洲M9和牛、野菜鍋、前菜沙律，日本雞蛋、白飯、雪糕甜品。雪花和牛入鍋中一灼，點些蛋漿來吃，入口即溶，滋味無窮。吃完牛肉後，再喝鍋裏的湯，全部都是牛肉精華，非常美味。最後，還要提一提那個雪糕：沖繩海鹽雪糕，甜中帶鹹，口感特別。總括來說，這裏的環境不錯，食物美味，份量充足，價錢實惠，令人有一份驚喜。

和朋友到官塘駱駝漆大廈購物，逛累了便選擇在掌壽司午餐。這裡燈光柔和，空間感足夠，環境舒適，服務員態度很有熱誠。而食物方面也很有水準，令人回味！刺身定食$168剌身定食很有驚喜，所有剌身都很新鮮而且是厚切的。有三文魚，油甘魚，赤海蝦，鰹魚，和海膽這五款，我很喜歡他的赤海蝦和油甘魚，海蝦很鮮甜爽口，油甘魚充滿著油香。前菜有滑滑的茶碗蒸、很多蜆肉又不會過鹹的味噌湯，還有粒粒飽滿的壽司醋飯和甜品。澳洲M9黑毛黃牛壽起燒$168壽喜燒的和牛牛味濃郁，而且份量十足，醮以拌勻的日本產鮮雞蛋漿，令和牛更香滑，野菜鍋內有很多新鮮的雜菜。沙律材料新鮮還有白飯和甜品。雲呢拿雪糕很香滑，這甜品為這頓午餐畫上完美的句號。

觀塘駱駝漆大廈有好多臥虎藏龍嘅餐廳呢間就係其中一間！今日終於完成左個Project喇要食好少少獎勵自己「澳洲ᴍ9黑毛和牛壽喜燒」未食純目測已經十分吸睛😍和牛嘅油脂分布好靚，雖然無日本和牛🥩咁多油脂，但我反而鍾意食呢種和牛，牛味特別濃，唔係好重油膩感所以食哂6塊都無膩嘅感覺‼️壽喜醬汁甜度適中👍🏻「刺身定食」當中有海膽、赤海蝦🦐、帆立貝、三文魚腩、油甘魚、劍魚腩🐟馬糞海膽好鮮甜呀口感細滑，入口ᴍᴇʟᴛʏ‼️另外想特別講下劍魚腩～～我本身對所有深色魚都極度抗拒，覺得特別腥，同埋有陣味但見到呢個有火炙過，就試試咩料子‼️點知好有驚喜喎呢個完全無腥味，而且仲有魚嘅甘香一直係口腔度迴旋開始對劍魚腩改觀喇！仲有要讚讚個蜆肉味噌湯有大大隻嘅蜆肉㗎，真材實料，蜆肉非常飽滿，好甜原來呢間嘅🥡外賣自取丼飯好抵食㗎$38就已經可以食到「薑汁豚肉便堂」

最近從網路上發現日元跌至一個新的低位，不禁令我想起日本生活的時光，可惜現在無法外出旅遊，只能在香港找尋日本的味道。壽司定食，壽司六點及蟹籽蟹膏飯。看起來份量普通，沒想到卻是充滿飽肚的感覺。壽司選材最重要的就是新鮮，這間餐廳挑選的絕對是新鮮又美味，嚴選材料，絕對是日本料理最重要的一環。我也極為欣賞就是他的蟹籽蟹膏，味道就像活蟹拿下來的感覺。蒲燒鰻魚定食，巨鯨級級數的鰻魚，完全震撼了我的眼睛，加上入口美味，魚肉爽口彈牙。附送前菜茶、茶碗蒸、蜆肉味噌湯和甜品。價錢合理又吸引，這會成為我的小日本嗎，哈！

呢間係觀塘駱駝漆大廈屹立多年嘅壽司鋪，午市時段真係成日都爆滿，想黎食唔想等記得要book枱，如果多人仲可以入包廂嫁！午市有好多定食選擇，今次就揀左角切魚生丼（$108），定食仲附有前菜、茶碗蒸、蜆肉味增湯同甜品。前菜係沙律，主要係菜同粟米，如果有蕃茄就好啦。蜆肉湯好足料，除左有油揚，仲會見到有幾粒蜆肉。掌壽司既魚生飯份量真係好大，有三文魚、吞拿魚、油甘魚、三文魚籽、玉子同赤蝦，啲魚肉好新鮮，加少少豉油同Wasabi成碗食晒都冇問題！另外茶碗蒸都好正，食落好滑又香！甜品方面係Coco Berry 既雪糕。