摩登堂 (荃灣廣場) (已結業)

摩登堂 (荃灣廣場) (荃灣)📍荃灣大壩街4-30號荃灣廣場3樓350-352號舖大大塊豬扒河粉，感覺上豬扒有少少乾身，但面量好充足，味道都正！豬手比到好大驚喜，佢真係炆到好腍，同樣地都係超級入味，建議可以加個白飯嚟送。最後叫咗榴槤甜品，超香嘅榴槤味夾喺麵包中間，夾埋一齊食個味道真係好正！

今次黎到荃灣食泰國菜😋餐廳門面已經好吸引，入到去發現裝修好靚，又大又有泰式風味，好多卡位，同三五知己或者屋企人黎都好適合👍🏻👍🏻👍🏻🧡泰式黑松露燒雞 $88新菜式🤤🤤雞肉好又嫩又滑，黑松露落得好多，好香~而且估唔到黑松露同燒雞食係咁夾😍😍配埋飯食好正！🧡摩登堂A5日本和牛船粉 $108啲粉係粗身，好好食！個湯又甜又入味，A5和牛好多塊，好嫩😚連埋其他配料一齊食，滿足！🧡追加沙嗲串燒雞肉（2串）、網米蝦春卷（2件）、蒜蓉牛油雞中翼（2隻）$68🧡追加沙嗲串燒雞肉（2串）、沙嗲串燒豬肉（2串）、網米蝦春卷（2件）$68我哋追加咗好多小食🤣款款都好正😻😻串燒燒得好均勻，沙嗲醬一流！雞翼皮脆肉嫩，春卷好香脆，點醬食好正！🧡流金歲月丹麥厚吐司 $68吐司好厚又大塊👍🏻入面好鬆軟，配料豐富又好食，甜得黎又唔膩~🧡鮮椰子冰淇淋 $38同樣地配料好豐富~雪糕整得好好食，好清甜，好啱飯後食👍🏻🧡接骨木、藍花伯爵紅茶 +$28🧡生椰楊枝金露 +$32

摩登堂今次要介紹荃灣一間喺荃灣廣場嘅泰式餐廳「摩登堂」，無記錯荃灣廣場喺荃灣嚟講係第一間商場，舊時荃灣廣場有一個音樂噴泉，不過而家拆走哂，淨返大型連鎖店進場！如果輪椅人士要搭升降機要留意層數，得一部升降機先可以上三樓，入面都好闊落，燈光光猛，有卡位同普通座位，叫嘢食係用QR Code落單，仲有機械人幫手送菜去食客位置！1.摩登堂A5日本和牛船粉$108+元祖泰奶茶700ml（加珍珠）$9+芋泥芋蓉雪糕$28+追加兩款小食（2串沙嗲串燒雞肉和2件網米蝦春卷）$48（9/10）呢個A5日本和牛船麵個和牛有得揀半生半熟或全熟，我就揀咗和牛半山半熟，麵就揀咗金邊粉，估唔到金邊粉都掛到汁，入面仲有勁多配料有豆卜、約10片日本和牛、2粒貢丸、紅蘿蔔絲、洋蔥、芽菜、半隻雞蛋同豬油渣等，份量超級豐富！元祖泰奶茶：我加咗$3加珍珠，珍珠煙韌，奶茶略甜，一定要叫少甜，算好飲！芋泥芋蓉雪糕：呢個雪糕芋泥芋蓉勁多，香芋味濃，雲呢拿雪糕夠滑唔甜！我仲追加咗兩款小食，叫咗2串沙嗲串燒雞肉和2件網米蝦春卷，個雞肉串沙嗲香爐，雞肉嫩滑，網米蝦春捲炸得夠脆，入面有一隻蝦，蝦肉彈牙，仲好似有紫菜！2.星加坡炒貴刁 配冬瓜

今日同好耐冇見嘅朋友食飯，就揀咗荃灣廣場嘅泰國風味餐廳,呢度裝修同店名一樣摩登時尚，清新簡約,設有卡位梳發枱凳,配柔和嘅燈光，感覺舒服寫意，而且可以用QR Code 落單,方便快捷椰香沙嗲串燒牛肉(3串)肉質唔錯👍🏻沾上沙爹醬非常惹味手工冇骨海南雞 （半隻）雞肉很嫩滑，啖啖肉無骨最正🎉菠蘿虎蝦蟹肉炒飯份量十足,入面有唔少蟹肉同埋豬肉鬆，炒得幾乾爽,唔油膩😋馬拉盞通菜味道濃郁，十分惹味😋榴槤糯米飯雪糕加入榴槤果肉的雪糕糯米飯,榴槤控不要錯過!玫瑰泰茶氣味芬芳独特,玫瑰花味突出。

平日去到都滿座 有多款特色菜式 門口見到甜品超吸引就打算一試🤪-▫️ A4和牛雜錦船湯粉 ($138)內有和牛、豬肉丸、札肉、豬腩肉、豬紅及豆卜 都幾足料😋湯底好濃郁 飲落幾香口 飲完唔會頸渴 和牛簡左半生熟 質感嫩 ▪️ 手打月亮炸蝦餅 ($88)蝦餅共有6件 炸得香脆 蝦餅好彈牙 伴碟仲有脆蝦餅 好香脆🥰▫️泰國D24榴槤酥球($48)榴槤酥球有4粒 岩岩炸起熱辣辣 中間流心效果出 榴槤濃郁🤩🤩🤩🤩▪️ 紅咖喱安格斯牛坑腩煲 ($128)安格斯牛坑腩肉質嫩 內有多款蔬菜 茄子、紅蘿蔔、翠肉瓜、杏鮑菇 咖哩質較稀 味道如果淡啲就更好！▫️流金歲月丹麥厚吐司 ($88)超邪惡😈簡左朱古力口味 吐司上有朱古力雪糕 連埋吐司食幾夾～▪️全芒果沙冰 ($48)呢杯好fresh好大杯! 芒果味好新甜 真材實料 無色素味😻仲有真果肉係面頭

平時都見佢好多人食，想試一次，所以特登揀咗晏晝兩點時段比較少人。餐廳門口一個甜品玻璃櫃非常吸引，地點環境亦都好方便就去荃灣廣場喺荃灣西鐵站行過嚟都係5分鐘路程。我覺得呢間泰式餐廳比較特別，佢哋嘅午市餐牌同晚市係唔同的。我哋分別叫咗兩個午市套餐，再加小食。首先係A5和牛船麵，好大碗湯底亦都非常濃郁，第二係豬手飯，豬手炆得好腍配上獨有嘅豬手汁可以食晒成個飯。我哋叫咗個小食包括有炸蝦卷，上湯菜，雞肉串燒，豬肉串燒，泰式雞腳。佢哋嘅小食都非常之好食，串燒配上獨有嘅沙嗲醬真係食到停唔到。 最後我哋叫咗兩個甜品，一個係榴槤雪糕糯米飯，第二個係芒果糯米飯加雪糕。榴槤雪糕總括嚟講呢間泰式餐廳非常之有特色，俾我嘅感覺係同傳統嘅泰式餐廳唔同，會比到驚喜嘅新菜式

今次大約6:00嚟到，暫時比較少人，所以待應安排咗個窗邊嘅卡位比我地座。但係食食吓去到7:00左右已經有好多人排隊等位。-🌟 河內雞絲扎肉湯河｜$63以一個商場舖頭黎講真係好抵食河粉份量極多雞絲同扎肉份量都唔細味道唔錯-🌟 香茅豬扒湯河｜$78份量一樣大豬扒香口不過肥膏部份較多-🌟 沙嗲豬三串｜$45不過不失，正常水準-🌟 芒果糯米飯雪糕｜$32配搭特別，芒果糯米飯雪糕三樣野好夾、而且抵食整體野食大份又抵食，隨左野飲價錢比較貴小小。

今日嚟到荃灣廣場，本身未有idea晚餐食咩好😂經過門口廚櫃見啲甜品好似幾吸引😍睇吓menu先發現原來係食泰菜🥘再睇到個色彩繽紛嘅甜品同飲品menu🤤我嗰心已經跟咗入去啦😚今次好可惜蒜蓉包一早已經賣晒🥹如果唔係會想試吓佢嘅咖喱🍛🍞焦糖嘉年華丹麥口吐司 ($88)話咗因為佢嘅甜品先食😆就算食得幾飽都要叫🤣我哋仲要揀咗個最飽肚嘅🫣因為焦糖爆谷真係太吸引🤩切開先發現原來真係原舊多士😬最初仲以為似某大連鎖店咁係脆脆多士粒😅吐司烘過，微微溫暖，內𥚃都幾香幾軟熟😌不過外皮真係太厚太硬，食落有啲乾😥下次可能試吓食冰會好啲😂🥘冬陰功海鮮湯 ($88) 見到四位用嘅冬陰功係虹吸式勁打卡🤩可惜得兩個人只能叫2人份🫢點知原來2人份都咁大煲😱平時呢個分量4個人分都夠哂😂海鮮都好多，酸酸辣辣🌶️又惹味又開胃😋🦐曼谷醉貓炒金邊粉 ($128) 見到咁多蝦真係好吸睛🤩🤩蝦肉爽彈👍🏻金邊粉煙靭有口感，炒得夠乾身，唔會痴埋一團😌甜甜酸酸好開胃😋🥬馬拉盞炒時菜 ($72) 睇嚟呢度咩都係大大碟😆呢個價咁大碟菜真係幾抵食👍🏻通菜新鮮，馬拉盞惹味😋

成日經過荃廣想試雖然今日食左TEA唔餓但夜晚都要食野架有很多菜色一早預知己售清的情況試了他們的雞翼河粉和辣炒硯真的很多己售清是太歡迎了？不過有入座前預先通知並有牌顯示先說說雞翼河粉，河粉的口味有點淡，雞翼外脆，肉則一般。不過辣炒硯很惹味，辣椒的香辣味道非常讓人滿足，而且份量挺足的。飲品方面卻喜出望外，他們的楊枝甘露飲品濃郁甘香，喝起來很愉悅。而芋香椰奶飲品則是椰子味道濃郁，非常好喝。兩個人唔餓情況下完全夠食

七點坐低最普通既炭燒豬頸肉、馬拉盞炒通菜、炸蝦餅、紅咖哩牛腩、咖哩牛肉串燒賣曬。係咪要就黎執所以無入貨呀？奉勸大家食之前問下有咩係有先選擇食呢間啦。碟木青瓜沙律得十條左右幼木青瓜絲仔。碟春卷勁無誠意，睇番同其他食評既相截然不同。甜品叫左後上，要同staff講兩次另加等二十分鐘先有得食。唯一好就係有一個姐姐不停幫你加飲既水🤣🤣QRcode落單 機器人送餐都要收+1，服務費係俾番同事既話，條氣都順啲😕

吸引到我去食完全係因為佢喺舖頭出面嗰一個冰櫃，見到工作人員喺度整一個個好似金字塔咁樣嘅綿綿冰好吸引呀！兩個人叫咗:A4和牛雜錦船湯河粉($138): 可以自己選擇唔同嘅麵嘅，當然我哋揀咗最正常嘅河粉。上菜嘅時候已經見到份量好多，我哋兩個女仔都唔係好食得晒，其中材料有A4和牛，豆卜，牛丸，扎肉，洋蔥，芽菜，雞蛋等等。河粉夠滑，而且湯底唔會好濃，都算幾清甜嘅。紅咖喱安格斯牛坑腩煲($128): 除咗牛坑腩之外，亦都有牛筋，茄子，菇，紅蘿蔔等等。牛腩份量都幾多，而且配料都絕對唔馬虎，每樣都好大嚿，而且紅咖喱亦都偏甜，相信小朋友都會啱食。如果配埋蒜蓉包就好啦，不過我哋兩個太飽啦，所以冇叫到。沙嗲雞肉串燒(三串起)($45): 雞肉真係啖啖肉嘅，如果沙嗲醬可以多少少花生味就仲好。手打月亮炸蝦餅(6pcs)($88):呢樣係每逢泰國嘢係必要嘅，除咗食蝦餅之外，仲會有幾快下片浪底，蝦片炸得夠脆，而且蝦餅亦都好有份量，爽口彈牙！雖然我哋兩個女仔已經好飽，但係甜品係第二個胃呀嘛，所以我哋都叫咗泰國奶茶雪山刨冰船($98)。 一上枱已經覺得好震撼，成個雪山有成隻手掌咁高，而且真係擺盤擺得好靚，餐廳亦都好細

環境方面,摩登堂位於荃灣廣場,舖頭裝潢以木紋同色調為主,感覺清新自然。入面有啲泰國風,仲有盆盆綠色植物,帶出東南亞渡假風情。間舖光線充足,明亮開揚。爐端黃咖哩脆皮軟殼蟹,上咗枱後第一件事係食浸入香滑嘅咖哩汁入面嘅軟殼蟹。呢道菜咖哩汁好香,喺舌尖滾動有陣陣薑黃香氣撲鼻。鮮甜爽口Q彈, 蟹嘅鮮味同咖哩汁嘅香辣回甘交織成完美組合。仲有個脆皮效果,咬下去即化,酥脆口感真係難以忘懷。除咗蟹肉之外,紅蘿蔔粒、菇菌、瓜都係必食,令菜式更豐富。鮮菠蘿蟹肉大蝦炒飯係另一擺台,一入饌就被陣陣燒烤焦香味熏貫。呢個炒飯飯粒勻勻。除咗蝦蟹之外,菠蘿都好新鮮,爽脆之餘更有淡淡果香。蝦蟹鮮甜滋味迷漫開,正。甜品都絕對係一大賞,芒果糯米飯雪糕最妙在芒果料凍製而成,入口即溶化,香甜芒脯同糯米香交織。仲有隻榴槤老爸果肉雪糕,就算冇食成隻榴槤,都可以不經意間便體驗到榴槤既馥郁香氣!無論係香氣、口感同顏色,都好似食真係咁。榴槤果香撲鼻侵入每個角落,甜而唔膩。飲品方面,芋泥椰乳就話咁啱啱開餐,凍凍地咁消暑解熱啱啱好。芋頭味香甜厚重,混合椰奶味道更顯和溫。仙草泰式奶茶除咗紅翠相間,仲有種茶味獨特香氣,同慣常奶茶有啲分別,係另一種

今日白色情人節！要去食餐好！未入門口已經俾甜品吸引到😍目標已經鎖定咗打卡刨冰！雖然係泰國菜，但果然同鋪名一樣More than Thai~ 甜品係我食過嘅泰國餐廳入面選擇最多嘅！泰菜選擇唔算多，但大路嘅都有✨宮廷無骨鳳爪 $58小小辣 唔點食辣嘅朋友都食到✨手打月亮炸蝦餅 $88呢個好厚肉，好彈牙，推介！炸得好脆，跟泰式辣醬✨香茅烤豬頸肉配泰式醬 $98豬頸肉肉質爽脆，而且份量好足厚薄適中，一啲都唔會烤得乾食落仲有肉汁，唔係豬肉乾咁✨A4和牛雜錦船湯河 $138呢個必食推介，湯底夠濃啲牛食得出唔係普通牛肉，有牛味推薦半生熟，會嫩啲而且好足料，勁大碗，起碼二人份量有炸豬皮，丸，豆卜，豬肉，蛋食完呢個已經勁飽☺️✨泰式奶茶雪山刨冰船 $98但係點都要試埋呢個刨冰船！一拎過嚟已經飄住煙，勁大座打卡一流！刨冰重奶茶味，而且原來入面勁多料有西米，芋圓，珍珠，餅乾推薦！💕食完泰國菜再食埋甜品，十分滿意，抵食！👍🏻

呢日約咗姨甥女行街順便食晚餐，揀咗呢間位於荃灣廣場三樓的摩登堂餐廳主打新派泰菜、特色甜品及茶飲冬陰功海鮮湯河冬陰功湯底香濃，酸辣味平衡，不會太辣，配搭多款海鮮，味道鮮香酸辣曼谷醉貓炒金邊粉醉貓炒金邊粉的餸名很特別，金邊粉炒得乾身有鑊氣，配上大蝦、豆乾等食材，喜辣的可淋上跟配的辣醬就更加惹味烤金菠蘿虎蝦蟹肉炒飯虎蝦肉質鮮甜加上絲絲蟹肉及肉鬆，搭配埋烤過後份外香甜的菠蘿，令到炒飯味道更加豐富黃咖哩脆皮軟殼蟹軟殼蟹炸得酥脆，配搭辣度溫和的黃咖哩就最適合，因為口味偏甜，不會蓋過了軟殼蟹的鮮味金磚蒜蓉包蒜蓉包厚切焗至外脆內軟，蒜香味濃，用來蘸點黃咖哩就最夾米網蝦春卷米網炸得酥脆，卷着爽甜的鮮蝦，蘸點埋泰式甜辣醬，口感香脆惹味手打月亮炸蝦餅蝦餅炸得金黃酥脆，入口鮮甜彈牙，配搭辣醬或泰式甜辣醬都同樣滋味全芒果沙冰採用呂宋芒及愛文芒果打成果蓉加上沙冰打得軟綿，入口香甜，芒果味濃生椰楊枝金露有齊楊枝金露的材料，包括芒果、金柚、西米，另外再加入椰青肉及椰汁，味道香甜仙草泰式奶茶選用泰國的Cha Tra Mue 作茶底配搭台灣仙草，茶味香濃而不澀，入口順滑流金歲月丹麥厚吐司選用比利時朱古力榛子醬、金莎朱古力

經過門口見到多好甜品， 有刨冰、丹麥烤吐司、雪糕等，Menu其他款式都好多元化，泰式燒烤、涼拌小食、炸物、炒飯、海南雞主食都有手打月亮炸蝦餅上菜熱辣辣，炸到金黃色賣相吸引，咬落爽口彈牙，食到一粒粒蝦肉口感，下面跟左唔少炸蝦片做小食估唔到香茅豬頸肉份量好多，每件豬頸肉肥瘦均勻，外皮烤到啱啱好皮有脆邊，食落少少爽口juicy唔會柴冬陰功海鮮湯我地揀二人份量，但係都估唔到原來有一鍋份量咁多😍 海鮮都好足料🦐🦑🐚下面仲跟埋火爐一路熱住，賣相打卡又可以飲到啖啖熱湯無骨鳳爪好入味，味道微微偏酸唔會過辣，做開胃小菜啱晒北海道牛奶雪糕雪糕用左3.6牛乳北海道牛奶整，好重奶味🥛