摩登堂 (荃灣廣場) (已結業)

新春搞新意,光顧這間新開的泰葉及甜品專門店,果然冇令人失望,而且實在有驚喜,點了一個摩登團年套餐,包括有：花膠海鮮冬陰功湯、金箔鮮蟹肉 百花釀蟹鉗、泰式古法黑醬油去骨豬手、冇骨海南雞、雞油泰國臘腸炒豆苗、還有一個很特色的黃金鹹蛋鮑魚叉燒酥盒、更加一定要點的蟹黃蟹肉一齊撈起沙律、每個餸不但好味, 而且賣相份量都很令人滿意,另外叫了他的特色飲品,包括全芒果沙冰,份量簡直驚人,超啱打卡, 而那個仙草泰式奶茶,又很有地道風味,期望的飯後甜品泰式糖水鍋配3.6牛乳紫薯汁,簡直令這個團年飯 更加開心快樂。

差唔多新年喇😎同屋企人係荃灣行完花市近近地去荃灣廣場食飯經過見到呢間新派泰菜好似幾多人食好彩啱啱入到唔洗排 小幸運🥰入去見到啲餐具低調金色有啲高級感😎見4人座位都好闊落 應該坐得好舒服餐牌好多野都好想試 叫到一枱都係～👇🏻👇🏻👇🏻🟡手工無骨海南雞 （例牌）首先海南雞正常發揮～果三個醬同平時食嘅有啲唔同唔知係唔係融合咗泰式嘅味道呢因為左邊啡色嗰個醬有少少似馬拉盞 幾特別.🟡串燒：炭燒牛肉&豬肉串&菠蘿串牛肉同豬肉其實不相伯仲～都好食配埋個沙嗲醬冇辦法唔好食其實每款最少叫三串 但我哋叫咗六串都好快食晒😋串燒菠蘿超級Juicy 大大嚿又多汁食完啲濃味嘢就啱晒👍🏻.🟡香辣九層塔炒蜆呢個炒蜆真係不得了一上枱嗰陣時真係嘩一聲～超級大兜我諗其實應該有三至四人份量個醬汁好惹味好想配返啲白飯一齊食夾埋成煲應該有成40-50隻😳底下仲有少少沙律菜可以解膩～細心.🟡金菠蘿虎蝦蟹肉炒飯其實食完個蜆其實都開始飽不過因為冬天凍冰冰又想有啲飯到肚相比起之前食嘅其他嘢個炒飯就相對清淡～ 有蟹肉同埋大蝦仲有頭先食完都仲想再食多串嘅串燒菠蘿🍍呢度都有一大條 ~正呀~係有菠蘿嘅菠蘿炒飯但係咁樣反而可以中和返飽滯感又可以食返

新年前同朋友飯聚，見荃灣廣場有間新派泰菜，就試下。6點幾已經幾多人等位，好彩唔算等得耐。我地叫左：炭燒豬肉串燒（3串起）$45燒得好香口既豬肉串，有陣陣炭香味，豬肉點埋醬汁一起食，更加惹味烤金菠蘿虎蝦蟹肉炒飯 $138依個菠蘿飯非常之大碟，有新鮮菠蘿，仲有鮮蝦。飯粒粒分明。馬拉盞炒時菜$72依個通菜勁大碟，炒得好有鑊氣同惹味。絕對要叫。百香果x 笆樂✕綠研茶$39好大杯，夠解渴，但略嫌有啲香水味。湄公河雜錦濃湯船河檬粉x1 $ 88有好多丸，半粒流心蛋，炸豬皮，湯底略嫌唔夠濃，適合唔太重口味既人士。佢配既辣醬好惹味。配埋一齊食好香口。絕對適合一家大小去既餐廳。

今年試了一個好有特色的團年套餐,首先上枱的是一個利用虹吸壺的花膠海鮮冬陰功湯鍋,除了特色外,整個灌湯也很有儀式感, 味道和材料也很不錯,然後的金箔蟹鉗,賣相很吸精,一個簡單的叉燒酥盒配上黃金鹹蛋鮑魚,又有另一番食味,個人最喜歡他的泰式古法黑醬油去骨豬手,簡直是皮軟肉滑,很滋味,至於他的招牌無骨海南雞,一樣冇得彈,想不到大大碟的雞油炒泰國臘腸豆苗也能夠很有鑊氣,至於他的蟹黃蟹肉沙律齊齊一齊撈起., 好有節日氣氛,還有他的餐後甜品,泰式糖水鍋,原來包括有 各式鎮店甜品,可配上紫薯或黑糖或班蘭糖水,超正各人都大感滿意, 期望這一年有新的開始。

荃灣廣場人氣泰菜「摩登堂」以泰國水上市場為主題，室內裝修充滿泰式格調，主打新派泰菜以及泰式茶飲甜品，我發現佢哋無論係主菜定甜品都勁大碟，份量滿足超抵食！湄公河雜錦濃湯船河送餐機器人送上，勁大碗有啲嚇親，船河湯底濃郁，船河爽彈有口感，配有豆卜、雞蛋、豬皮、貢丸、牛肉、芫荽，非常足料。烤金菠蘿虎蝦蟹肉炒飯賣相出色，份量滿足好抵食。好大塊烤菠蘿水份充足夠爽甜，炒飯香口乾爽，配搭虎蝦同肉鬆，另外都有啲菠蘿粒豐富口感。馬拉盞炒時菜用咗通菜黎炒，馬拉盞醬汁比較重口味，通菜入味份量滿足。手工無骨海南雞可以揀例牌、半隻、全隻我哋揀咗例牌已經好大份，雞肉嫩滑，已經拆咗骨，方便食用。香茅雞中翼（4隻）香茅味好突出，雞翼啖啖肉好入味。📍摩登堂 (荃灣廣場) (荃灣)荃灣大壩街4-30號荃灣廣場3樓350-352號舖

呢間見佢周末要等位，搵左個平日去試下晚餐。🔸曼谷醉貓炒金邊粉好大的一份。店員話撈埋旁邊的芫茜更好食，果然冇介紹錯！又一隻大蝦再加幾隻中蝦，上面有一堆蛋絲增添口感。🔸手打月亮炸蝦餅4件好脆好有蝦味，仲要俾多幾塊蝦片，蝦片好好食。配左兩款汁，一隻係酸甜，另一隻係辣汁。我唔食得好辣，沾酸甜醬已經好滿足 。🔸金磚蒜蓉包4件🔸紅咖哩安格斯牛坑腩煲牛坑腩份量好多，有嚼頭，我尤其喜歡連住牛筋的位置。紅咖喱唔算好辣，配住蒜蓉包食好夾。🔸冬陰功紅蝦湯唔似平時飲開既冬陰功，好有蔬菜的清甜，原來加了好多紅蘿白和瓜等等，唔怪得似羅宋湯，好有益，值得推蔫！湯内有大蝦、蜆、青口等，我覺得口味偏辣，要叫番杯凍飲中和。🔸爆打鴨屎百香果茶好特別的味道，唔似平時的百香果，似青檸，爭d 以為黎錯飲品，擺了個烏龍。 整體上好清新，消滯解膩。服務都唔錯，我已經飽左，否則想試埋甜品。

係荃灣行街諗緊食咩好嘅時候，經過呢間餐廳，見到裝修都幾靚就行左去睇下食咩。原來係泰菜餐廳，同平時感覺唔同，環境好清新除左一般嘅泰菜之外，仲有好多特色甜品，種類豐富相當吸引，打卡一流斑斕香葉包雞 $49雞肉連埋斑斕葉一齊去炸過，葉已經好酥脆，好香口惹味，搣少少葉一齊食，口腔充滿斑斕味的的骰骰唔會太飽，小食嚟講啱啱好，點埋雞醬好正泰國D24榴連球 $48唔好以為佢係普通放題質素，外層鬆較煙韌，內層係榴連流心，鐘意榴連嘅人必食，勁香被榴連餡填得滿滿手工無骨海南雞 （例牌） $88十分出出色嘅海南雞，肉質好嫩滑，味道好鮮。好食到連雞皮都唔放過，而且佢嘅醬一啲都唔吝嗇，絕對夠沾曬啲雞。呢道菜必食烤金菠蘿虎蝦蟹肉炒飯 $138份量唔惹少，材料豐富嘅炒飯，菠蘿烤得好香甜，好開胃。配埋蟹肉食炒飯好爽，而且有好多大蝦仁係裡面，唔止係面得一隻大蝦咁簡單爆打四季春柑桔茶$39食到咁上下要飲返杯好野，佢嘅茶底用左四季春幾清香，一路飲除左好出嘅柑桔味之外，果肉都會食到。貪心嘅我加多3蚊有珍珠，煮得好彈牙，唔錯榴連妹妹提拉米蘇 $46食到最後梗係要試埋個甜品啦，未食已聞到陣陣榴連香，一畢落去啖啖都係榴連滋味，口感

今日天氣非常好啱晒出去食好嘢今日去左荃灣食一間高質泰國菜A5 宮崎和雜錦船湯粉一嚟到湯底非常濃郁湯底好重泰國香料味同埋牛鮮味另外船麵嘅配料非常之多，除咗有鮮嫩嘅和牛片之外，仲有超級敦厚嘅豬腩肉，豆卜，豬肉丸，半熟蛋，同埋我勁鍾意食嘅豬油渣，仲有扎肉Tim 😋一啖啖塞滿成個口滿足到爆！至於和牛，我哋叫咗半生熟上即刻食嘅話係入口即溶廚師仲好細心，自己自家製造一個好出色嘅泰式辣嘅XO醬，非常惹味。幸福摩天輪泰式小食呢個係用一個摩天輪式嘅轉盤上菜非常創新有創意入邊每一格都裝住唔同款式嘅泰式小食有炸雞翼，蝦春卷，泰式雞卷，香脆咖喱角，炸榴槤波波。我自己非常鍾意個炸蝦卷，食入口外脆內軟之外，鮮蝦味非常突出，值得一讚。另外鍾意食榴槤嘅人超級超級值得推介一試榴槤波波。口感同埋味道都非常驚喜。流金歲月丹麥厚吐司呢款係榛子朱古力花生丹麥厚吐司呢個真係不得了鬆軟嘅厚吐司上面鋪滿左滿滿嘅黑朱古力雪糕；迷人嘅榛子碎加埋有少少麥提莎點綴。仲有少少棉花糖。我覺得呢個係釋放壓力之選。食完真係有心靈飄飄下嘅感覺。焦糖生椰咖啡呢個咖啡組合暫時未喺出邊飲過非常有新鮮感同埋創新味道好夾，我叫咗少甜因為本身唔係太鍾意飲甜嘢但係

好耐冇食泰國菜，所以今日試咗呢間😙-🦀黃咖喱脆皮軟殼蟹 ($138)呢道菜係明爐上，keep住熱辣辣，仲有兩大隻脆皮軟殼蟹，好少餐廳會原隻上，仲要真係好大隻啖啖肉😍我哋另外加咗錢配蒜蓉包($28)，好濃蒜味同咖哩好夾，不過如果再脆啲就更加香口~🍜曼谷醉貓炒金邊粉 ($128)可以自選辣度，怕辣嘅都可以揀唔辣😋金邊粉軟硬適中，配上自製醬汁好開胃好惹味，仲有碎蛋同埋幾粒蝦仁，口感幾豐富，份量都比想像中大好多，可能三四個人都夠分🫡🐔手工無骨海南雞 ($88)口感滑嫩，有三種醬可以點，不過如果有酸辣醬就更好啦~仲可以加$12配香茅雞油飯，飯粒分明，大大碗好滿足😌🧋黑糖泰式珍珠奶茶 ($38)味道幾有驚喜，出面唔多泰國餐廳有得飲，而且珍珠幾煙韌，不過可以揀返甜度少啲，正常甜度略嫌太甜🥲🍋爆打香水檸檬茶 ($36)飲到有少少香茅味，味道幾新奇幾有泰式風味😂一樣大大杯，甜度適中，味道清新🫶🏻餐廳空間幾大，座位舒服，食物選擇多，而且菜式幾創新，甜品都好吸引，可惜今次小編食得太飽冇試，下次有機會一定要試吓🫡另外啲菜式嘅擺盤都幾精緻，打卡一流😆味道 8.5/10服務 8/10環境 8.5/10回頭率8.5

星期五嘅晚上同左朋友一齊去荃灣 摩登堂 食泰國菜，晚餐時間都幾爆，不時有食客等位。我地獲安排坐卡位，而座位之間都有間隔，私隱度高。落單用qrcode，餐廳仲有用送餐機械人，上餐效率高。食物方面，我地叫左烤金菠蘿虎蝦蟹肉炒飯賣相唔錯，有一大邊菠蘿。菠蘿咬落鮮甜多汁，冇渣，非常開胃清新。虎蝦食落肉質都彈牙，有鮮味。肉鬆，豆，菠蘿粒，蟹肉炒飯，炒飯乾身，粒粒分明。配味適中，唔會太重味。份量都大份。小食叫左個第一次見嘅 斑蘭香葉包雞用斑蘭香葉包住雞肉粒，細細粒，包得好精精緻。雞似嫰滑，有淡淡嘅葉香味。馬拉盞炒通菜份量足，用嘅通菜幼身嫰口，炒起吸收左馬拉盞醬汁，味道香濃。香濃嘅馬拉盞都非常下飯。泰式街頭烤麵包斑蘭咖央榴槤奶油一般餐廳比較少見嘅菜式，簡單嘅材料但製作出色。烤麵包暖和，外面帶少少脆，裏面軟心，配上濃厚，質地滑嘅榴槤奶油，超好食。斑蘭咖央醬就偏甜少少，個人比較鐘情榴槤口味。飲品分別叫左 爆打香水檸檬茶爆打四季春柑桔茶兩款茶同樣較清新爆打香水檸檬茶 偏重茶味。爆打四季春柑桔茶，偏重果香味，柑桔味淡香可口。餐廳環境唔錯，服務有禮，食物質素都唔錯。

望入去 裝修潔淨舒服 成個氣場同平時泰國餐廳好唔同門口甜品display勁吸引店員姐姐帶我到卡位 可以望到夜街景🥥烤杏仁生椰 $39椰汁面有滿滿的Cream 好似富豪雪糕既口感 再加上烤杏仁片 泰風得黎又有新意🦐冬陰功海鮮湯 $88/2位有個小爐一同上枱 暖住個湯，湯好足料 蝦+蜆+青口+魷魚...每樣海鮮都新鮮彈牙 有驚喜，另外...個湯底都真係幾辣 飲完一小碗 成個人都暖笠笠🥗泰式烤安格斯牛排沙律 $138份量好多 沙律面鋪滿安格斯牛牛片，自家調既沙律汁 甜甜酸酸 加入小小菠蘿粒 好味 🐔斑蘭香葉包雞 $49/4件連表面層斑蘭葉都炸得好香 打開飄出濃濃香料香氣🦀黃咖哩脆皮軟殼蟹 $138同樣有個小爐暖住，一鍋有兩隻軟殼蟹，咖哩偏咸香又唔會好辣，仲有好多配菜:甘荀+茄子+翠肉瓜+菇...最鐘意食佢個茄子 吸晒味*有送餐機械人註場幫手

位於荃廣3/F 近天橋既一間泰菜（行去AEON個條）夜晚7/8:00 都唔少人排隊等位環境闊落 舒適👍🏻適合成班一齊吹水聚下甜品擺系門口都已經好吸引❤️多元既菜式 好多選擇叫左幾款菜曼谷醉貓炒金邊粉 128$份量足夠 足料 都有5/6隻蝦 仲要系新鮮👍🏻👍🏻唔會太油膩 肥淋淋加埋個甜酸醬 加分‼️馬拉盛炒時菜 $72唔會太鹹 夠惹味👍🏻秘制黑醬油無骨豬手 $ 138一隻好多份量 三四個人share都得👍🏻肥瘦適中 醬汁配合👍🏻兩杯特飲❤️烤杏仁生椰好想再試 唔會好溜 有陣椰子既清香👍🏻加上烤杏仁陣香氣夠出 夠吸引🤤百香果 × 笆樂×綠研茶唔會好甜！清香適合解膩👍🏻流金歲月丹麥厚多士榛子朱古力醬，簡直一流超濃‼️份量比我想像中唔係好多，多士嘅厚度唔係一磚正方形咁啱晒主菜食得好飽，但係又想食埋個甜品佢本身擺喺門口已經好吸引不妨試吓🤤🤤

同謙謙近近地去荃灣廣場搵食🤭🤭🤭今次就來到摩登堂發掘美食，佢地有對 Slogan 幾得意‘’吃上癮的酸香辣，感受到的人情味‘’。✡️ 香茅豬扒檬粉 ～ 湯頭好香濃帶豬骨的甜， 檬粉連湯食更滋味，香茅豬扒夠鬆化。✡️ 飛天炒小椰菜 ～ 本身圓碌碌的小椰菜開半吸收哂d 飛天汁，幾惹味喎。✡️ 香茅雞油香飯 ～ 謙指明要叫個油飯來配豬頸肉， 佢話咁食最夾喎，飯煮得幾香黃金色帶點雞油香。✡️ 炭烤蜂蜜豬頸肉 ～ 最愛豬頸肉烤到邊邊位帶點香脆， 而中間就勁爽口。✡️ 黑糖珍珠雪糕 ～ 食完重口味，緊叫返個甜品清一清，黑糖珍珠煙煙韌韌的配上雪糕一絕。✡️ 榴槤糯米飯雪糕 ～ 夠創新，榴槤蓉加在糯米飯上，搭住食又唔錯喎，旁邊仲加球雪糕添。🧋 凍芋泥椰乳加珍珠🧋 黑糖泰式珍珠奶茶加紅豆

餐廳以泰國水上市場為裝修風格，佔地約二千呎，空間感十足，設有船形特色卡座，坐落十分舒適，打卡一流～ 食物方面主打多款經典泰式料理，亦有特色小食、甜品同特飲！椰子雞湯飲得多，椰子香茅奶油蜆比較罕見，份量好足，適合多人share，用小鍋上，保持溫度 ，唔怕凍曬，入面有少量新鮮蜆肉，奶油香氣十足，唔油膩，幾清甜，飲到一滴不漏😆青咖哩無骨雞柳微微帶辣，肉質嫩滑，有大有細，仲有好多蔬菜，搭配香脆嘅蒜容包超級match！唔夠飽嘅建議可以再加點麵包或白飯，一啖飯一啖汁，唔覺唔覺就清曬～ 食完肉都要食返啲菜中和吓，呢度有飛天炒小椰菜同馬拉盞炒時菜，兩款炒至入味，濕潤度適中，鹹香可口，幾適合配飯，前者一口一粒，後者爽脆無渣，新鮮又鮮甜，比較有驚喜！甜點有街頭烤麵包，三塊軟熟麵包配上自選cream，要咗班蘭咖央、朱古力榛子同榴槤奶油，餡料份量飽滿，唔會得少少，而且甜度啱啱好，要趁熱食😂 另外有泰奶茶提拉米蘇，creamy細膩，比想像中大份，性價比高！

🚇交通：近荃灣西地鐵站A2出口，大約六分鐘到荃灣廣場。🏠環境：室內面積大而寬敞，裝潢以大地色為主調，門口的玻璃櫃展示了不同款式的甜品，以卡座為主，有大玻璃窗的屋形卡座，中庭是整齊的木系卡座，以植物🌳作裝飾，整體帶有度假風情氣氛，光線明亮而舒適。🤵🏻服務：QR Code下單，收取加一。🍽️午市：提供套餐，附送湯和飲料，亦可加錢配小食、甜品。🍛青咖哩無骨雞飯配冬瓜雞湯 $68+轉油飯$6👍份量豐富，青咖哩內有嫩滑的雞肉塊、茄子粒和蘑菇粒，☺️蘑菇燉得很軟又彈牙，咖哩汁是濃味而不辣，😙拌飯一流。另外配送的雞湯內有粒粒冬瓜，十分清甜。🥤是日梳打500mL朋友點的是青蘋果味梳打，很清新。🦀蟹肉蟹黃醬拌泰式板麵配冬瓜雞湯 $98［季節限定］份量挺多，不論是麵或蟹黃醬，板麵有點類似烏冬麵，😚配上絲絲雪白的蟹肉，再倒入濃郁的蟹黃醬，鮮香味俱全😋，不過個人覺得白飯或幼麵會較易拌勻。🍵泰式拉茶（熱）個人點了少甜，很不錯，入口順滑而濃郁。🍖椰香沙嗲串燒雞＋豬肉（4串）$ 48😚燒得表層很焦香，但肉質不會柴口，淋上了花生醬更香口。🥭芒果糯米飯雪糕🍦 $32🍧雪糕有兩球，配上新鮮🥭芒果肉粒和糯米飯，淋上🥥椰漿，經典