摩登堂 (荃灣廣場)

營業中

休息中

荃灣廣場裝修吸睛新派泰國菜，餐廳係正商場3樓入口，由西鐵站經如心廣場行過嚟，幾分鐘就到，平日都好好生意，琴晚星期三，7點幾已經滿座，每枱限坐90分鐘🤭🤭食物：班蘭生椰乳沙冰 $43菠蘿冰美式咖啡 $36泰式炒通菜（辣） $88大蝦菠蘿海鮮炒飯 $118（2人）冬陰功海鮮湯（大辣）$98泰國皇室鳳爪沙律（辣） $68打拋豬肉生菜包 $88另加一佢哋嘅冬陰功海鮮湯係會有火座熱住等你可以慢慢飲，一路都夠熱嘅，其他食物嚟到果陣都夠熱，幾好。班蘭生椰乳沙冰嘅班蘭味好出，一飲就好飲到班蘭味，都幾好飲。份量：呢度大概係2-3人份量～份量夠飽環境：店舖環境好新好靚，就咁出面望睇唔出係食泰國菜，感覺好似cafe但全部都係梳化櫈，坐得幾舒服，環境一流服務：上菜速度好快，唔需要點等食物就到齊職員唔算多，但都有留意客戶嘅需要，俾碗俾匙羹果啲😊價錢：價錢合理，每人平均300左右

今晚跟爸爸到荃灣廣場吃這間新派泰菜，看過餐牌很多不同選擇，有主食、湯類、炸物、串燒、特色飲品和甜品等。大蝦炒金邊粉，吃泰國菜，怎少得食金邊粉呢？金邊粉份量相當大，而且味道很好吃，而且仲有好多爽口彈牙的大蝦，口感味道都一流。好鍾意金邊粉和多款配菜，所以吃起來口感脆脆的十分吸引。而且仲可以混了特製的微辣醬，吃起來更為惹味。舊城秘製無骨黑醬油豬手，這碟豬手超豐富超好味，爸爸都讚好。豬手大大隻，而且已經去了骨吃起來十分方便。豬手的肉較腍身，醬油味濃，啖啖肉，滋味無比。還有很欣賞的是豬手的肉和皮已分離，已經分成了一件件，所以吃起來很方便。豬皮充滿啫喱口感，又不油膩，充滿着醬油香味彈牙。烤珍寶手臂大頭蝦，沒想到這隻大頭蝦是如此的巨大，超多蝦膏。成隻大頭蝦都是啖啖肉的口感，而且蝦膏爆多，吃起來鮮甜無比，爽口彈牙，一絕。這個菜式也相當值得嘗試。泰國D24榴槤酥球，榴槤酥球外皮金黃香脆，入面口感煙靭，中間有滿滿的榴槤餡醬，喜歡吃榴槤的必定喜歡。這個榴槤球的粉皮不會太厚，所以吃起來不會過於油膩，又有滿滿的榴槤餡醬，超惹味，一咬下一湧而出。吃過豐盛晚餐之後少不了吃甜品，這餐廳也有多款不同款式的甜品，今次我吃

今日同男友紀念日，要食餐好既，幫襯左荃灣一間充滿泰國風格既泰北餐廳。2個人叫左好多野食，有炒金邊粉、青咖哩雞配蒜蓉包、椰汁蜆湯，並搭配了一杯鮮芒果沙冰和一份小丸子綠茶蕨餅紅豆蓉牛乳雪糕。喱家泰北餐廳充滿左泰國既傳統風格，從裝潢到擺設，處處可見泰國既元素。餐廳內佈置簡潔而典雅，令人感到舒適和放鬆。炒金邊粉係一道經典的泰國菜，粉條煮得剛好，口感彈牙，蝦夠爽口，配上新鮮既蔬菜同豐富既調味料，味道鮮美。青咖哩雞配蒜蓉包係一道搭配得天衣無縫既組合，咖哩香辣味道同蒜蓉包既酥脆口感真係好正。椰汁蜆湯係一道清爽既湯品，蜆肉鮮嫩多汁，搭配椰汁既香甜味道，好甜！菜品味道鮮明，食材新鮮度同烹飪既技巧都令人滿意。此外，我還點左一杯鮮芒果沙冰同一份小丸子綠茶蕨餅紅豆蓉牛乳雪糕作為甜點。鮮芒果沙冰清涼爽口，好岩夏天，丸子綠茶蕨餅紅豆蓉牛乳雪糕則是一道經典既泰國甜點，口感綿密順滑，綠茶同紅豆既搭配非常和諧，帶來了濃郁既味道同豐富既層次感。

荃灣廣場新開咗好多食肆呢一間結合咗泰式菜同埋泰式甜品嘅新式泰國餐廳更加係好多人喺度排隊同家姐兩個人諗住坐得舒服啲，就揀咗呢間餐廳食晚飯餐牌設計得好靚之餘所有嘅菜式圖文並茂選擇嘅種類亦都非常之多睇完之後我哋就用咗QR code落單米網蝦春卷入邊除咗有蝦同埋少少蔬菜之外仲有啲cream cheese喺入邊令到口感層次更加豐富泰北咖哩雞肉金麵係泰北名物香港好少有地方可以食到而佢嘅咖喱湯底係超級濃郁上面有啲炸脆咗嘅脆物配搭住咖喱湯食非常之掛湯而令到佢隻雞髀亦都好大隻雖然佢嘅湯底咁濃郁，但係配埋洋蔥青檸等配料亦都將佢嘅油膩感覺中和我覺得嚟到呢度呢一個麵係必食香茅烤豬頸肉配泰式醬呢度嘅豬頸肉烹調火候亦都啱啱好，唔會過乾，亦都保留咗豬頸肉油脂，配搭埋佢嘅泰式醬亦都相當惹味大蝦柚子沙律配脆米餅柚子睇吓喺出邊就食得多，但係配脆米餅都係第一次調味好開胃，作為前菜嘅沙律非常之出色泰式炒通菜都幾有鑊氣得來，亦都非常之惹味家姐食完都話好食整體上呢間餐廳坐得非常之舒服得來嘢食嘅質素都好高份量亦都幾多下，所以最後我哋都好飽，所以冇嗌到甜品下次嚟食，一定要再試吓佢啲甜品🥰

芒果冰沙多冰無味、價錢又偏貴、金邊粉份量正常、但都係無乜味，沙嗲牛串燒超靭，又一定要同款叫三串，係蝦餅同生菜包正常d，但唔會話係好食。野食都未食完就狂收你碟，侍應不停係你位附近行來行去望住你張枱等收碟，差左未企你隔離，收左起碼五次，最離譜係係你食緊野都照收碟，差d撞到對筷子！要水又扮聽唔到，叫第二次先拎過來，又成樽水咁隊俾你，叫你自己針！呢間野越來越少人排隊，真係唔會再有下次！中途見個阿叔侍應趕走左個客，不停話晚市無套餐，個客即刻話唔食走左

#ftf_荃灣🇹🇭 摩登堂泰菜果然夠摩登🤤食物款式新穎多元，環境裝修開陽暖和，最啱約埋三五知己食泰菜，嘆甜品！大蝦柚子沙律配脆米餅 $98⭐️⭐️⭐️⭐️⭐️沙律新鮮爽口，大蝦的鮮甜搭配著柚子的酸甜，搭配脆米餅更增添口感，讓人一口接一口無法停止。打拋豬肉生菜包 $88⭐️⭐️⭐️⭐️豬肉香氣十足，味道濃郁，加上清脆的生菜一起包裹，吃起來非常清爽美味。曼谷蟹肉蟹黃炒飯 $128⭐️⭐️⭐️⭐️炒飯用料十足，蟹肉和蟹黃的鮮甜在與飯粒混合後散發出來的香氣非常誘人，非常適合作為主食享用。生椰楊枝甘露 $42⭐️⭐️⭐️⭐️這道飲品清涼而又甜蜜，椰汁的香醇和楊枝的酸甜完美結合，是消暑解渴的絕佳選擇。米網蝦春卷 $58⭐️⭐️⭐️⭐️這款春卷外脆內軟，蝦肉鮮嫩，香料的調味恰到好處，讓人一入口就感受到滿滿的幸福感。🍴 摩登堂 (荃灣廣場) (荃灣)📍荃灣大壩街4-30號荃灣廣場3 350-352號舖回頭率🤡🤡🤡🤡性價比🤰🏻🤰🏻🤰🏻🤰🏻#feedtiffood #吃吧孩子 #吃到懷孕

早前去了荃灣廣場泰式餐廳「摩登堂」 ，餐廳位於商場3樓，供應fusion泰菜，將傳統泰菜帶出新口味☆ 摩天輪小食拼盤食物放在摩天輪上，單單看著已很吸引。小食共有五款，有口感酥脆的米網蝦春卷、鮮香蔗蝦、焦脆斑斕香葉包雞，還有香茅雞翼和咖喱角等，份量滿足☆ 冬陰公海鮮湯充滿泰式風味，酸酸辣辣瞬間打開味蕾。人多的話、可以選擇玩味十足的虹吸壺冬陰公☆ 沙嗲雞肉串燒經炭火燒烤，面層略帶微焦，配上惹味沙嗲醬，帶出食物味道☆ 蝦頭油大蝦炒金邊粉麵條炒得香口，配以大蝦和蝦仁，口感味道相當豐富☆ 芒果糯米飯雪糕泰式經典甜品芒果糯米飯，加上椰子雪糕中和芒果甜味，味道不錯

一直都好想試吃荃灣廣場入面嘅MORE THAN泰國餐廳!今日終於有時間去試，十分之期待!我同老公二人都好肚餓🤣主食: 泰式肉碎飯哇，個presentation咁肉酸嘅🤧同menu圖中完全不符。食落口仲失望🥲肉碎就係無調味嘅肉碎。第二個主食: Pad Thai 首先，個Pad Thai 竟然係西炒飯味😅一樣個河粉係無調味，蝦得兩隻，而且係柴嘅。好失望。小食方面，叫左兩樣，第一款: 泰式豬頸肉好感動，呢個終於正常少少🤏🏻個醬似返個泰式醬，好惹味，豬頸肉就正常發揮。仲有另一款: 燒海蝦本身隻蝦應該算新鮮，所以肉質彈牙，蝦膏都有唔少，on top 俾左一堆蒜蓉，先叫做有啲味。飲品方面:泰奶，Oh my god ，唔得😅泰奶精髓在於甜，完全唔甜，亦無乜茶味。失望。生椰咖啡，都唔係太好味😅整體嚟講，價錢中位，食物方面唔係好得，可能佢主打係甜品類？但飲品都唔掂。環境尚算舒適。但呢個價錢可以有更好味嘅選擇☺️

⛔️劣質泰國菜⛔️門口裝修好似好高級，入到去就一般茶餐廳隔局，但都ok從入座時間8:20pm開始既5分鐘內，已經聽咗起碼5次「8:45pm last order, 9:30pm 要離座」，我8:30pm已經落曬單，但8:32pm就有員工行埋嚟話last order…….本想叫甜品，但佢話無得後上，所以無叫（好彩）入面大約9成滿座，員工大多目無表情，行屍走肉一樣，因為肚餓，勉強點了三樣食物，速度驚人，兩分鐘後即上兩個菜…..例牌海南雞$78❌❌❌❌只有雞既腥味、凍、上菜時俾我感覺每碟一早切好，用保鮮紙包實，所以碟雞上菜嗰陣係好實，醬汁味道奇差，整體 0/100分（食剩大半）沙爹牛肉串$54❌❌3串，叫正常少少，但偏油同肉質乾，似街邊$10串，40/100分（食曬無影）蟹肉炒飯$128❌❌❌❌❌只係一個普通嘅炒飯底，上邊𢳂咗兩茶匙嘅罐頭蟹肉落面，重點係啲蟹肉好似喺雪櫃攞出嚟一樣係冰凍嘅…….-200/100分（食咗一啖）我食咗一啖即刻叫取消，走人👎🏻👎🏻👎🏻

坐得舒服, 地方闊落, 好有係泰國食新式泰國菜嘅感覺!『甲抛葉西班牙豬肉碎煎蛋飯』HK$78豬肉碎肉味好夠, 加埋甲抛葉炒起特別香🍃煎蛋係正宗有濃邊, 蛋黃夠濃郁🍳白飯都想提一提, 幾香軟有米味🍚『泰式清湯河 (豬扒)』HK$78清湯河有泰式豬皮, 豆卜🫡豬皮脆卜卜, 脆食浸湯食都得🤟🏻豬扒醃得入味又厚身, 大大塊食唔哂😬河粉好夠滑身, 配落個清湯食得好舒服! 豬扒以外仲有幾種餸可以揀, 河粉外可以揀金邊粉🥰『泰式大蝦炒金邊粉』HK$98自己食泰國嘢最種意叫, 食其他菜式唔會有嘅美味✨依間炒得非常唔錯, 粉夠乾身, 蝦夠大隻夠爽, 羅望子醬份量適中, 唔會太酸或太淡🙏🏻花生碎超多!!! 加分💚『手打月亮炸蝦餅』跟餐加HK$28好夠大件, 蝦肉夠扎實🦐炸皮脆而薄😆『(半份)青木瓜海鮮沙律(少辣)』跟餐加HK$48叫左少辣, 可能冇咁泰國風味, 但反而食到木瓜絲嘅甜味🫶🏻大蝦都係大大隻, 好爽⚡️仲有蕃茄仔花生🍅『芒果糯米飯雪糕』跟餐加HK$28芒果好夠甜, 糯米飯軟羅, 跟兩個大雪糕球🥄『元祖泰奶茶』跟餐加HK$3茶葉應該用Cha Tra Mue, 跟餐加3蚊又幾抵!『泰式奶茶雪山刨冰船』

忙完早上落荃廣食lunch，行來行去唔知食邊間好，係門口望下個餐牌就俾好熱情的店員拉左入去食餐廳唔收cash 只收電子貨幣，而且中午只有90分鐘就需要還枱。叫左Set lunch海南雞飯 ，雞有驚喜，雞既份量都算多，比想像中滑，而且側邊有d酸蘿蔔，好岩胃口，附上的蘿蔔雞湯，熱辣辣，唔錯。為食＋$38 叫左半份無骨雞腳，呢個好爽口而且夠辣味但又唔算超辣，推薦甜品佢有好多款式，好辛苦有選擇困難既我簡左芒果糯米飯雪糕，夠特別，而且唔洗額外叫多個甜品變相食緊2款甜品個雪糕有椰香味而且唔算好甜，感覺冇咁大罪惡感。總括呢到抵食而且味道唔差，但冷氣好勁，夏天一流

我常堂走行人天橋到荃灣廣場3樓，每次經過摩登堂門口總是站滿等位的人，今天趁著人不太多，終於有機會來試試。 店員安排了窗邊的位置，十分舒適，點歺是用電話數碼自行點殲的，看到殲牌的食物都十分吸引，但因我們只得兩人，所以不能點得太多。 首先是點了個前菜涼盤，宮廷無骨鳳爪辣，這是我吃過最特別的無骨鳳爪，肉不但很爽很脆，而家加上了一種青綠色的秘製醬汁 ，小小酸的味道，又不會太辣，十分開胃。 接著是主菜爐端黃咖哩脆皮軟殼蟹，黃咖哩很惹味，軟殼蟹的確很脆，我們還加了兩片蒜蓉包，絕對是絕配。 吃泰國菜當然是不少得冬蔭功海鮮湯，酸味和辣味適中，湯裡有兩隻大蝦，鮮味十足，而最特別是雞脾菇是原粒的，相當有口感。 最後是摩登雜錦船麵，我們選了油麵，面上的豬油渣炸得十分香脆，還有牛丸，豬肉丸和扎肉，底部也有很多芽菜，面的份量也不少，十分足 料。 最驚訝的是摩登堂雖然是用機械人送歺，但職員的服務也非常好，這次用殲非常滿足，一定會再來試試其他菜品，也會推介給朋友。

今日去完仔仔學校既學習成長分享會返左荃灣廣場去搵食醫肚。見平時要排隊既摩登堂冇乜人，咁就入去試試喇！因為已經係下午茶時段，但下午茶餐睇落唔太吸引，餐廳非常好，仲可以點午餐。所以我點左星加坡炒貴刁配冬瓜雞湯。貴刁配上辣醬，甜甜辣辣，非常有風味。但冬瓜雞湯就偏鹹。原本想再點午餐既海南雞飯，可惜手機點餐時顯示已售罄。唯有改點半隻海南雞配油飯。雞肉唔夠嫩滑，油飯亦只有其色沒有應有香味。跟餐點左泰式奶茶，有獨特既泰式茶香，糖水另上，所以可以自己調甜品。午餐可以$28追加街頭咖央多一份。呢份咖央多熱辣辣，牛油配上咖央醬，好好味！最後再點$18多點左北海道牛奶雪糕，整餐飯最好味既竟然係甜品😅

依間野度度都見賣廣告 吹到咁勁就嚟食下 甜品正常水準啦 主食麻麻 主打火山排骨得一舊係骨其餘4舊完全係瘦肉冇骨 肉質仲要個煲湯瘦肉咁 應該改名叫火山瘦肉野飲都係唔太掂 應該冇下次

係荃灣行完街經過呢間餐廳比門口嘅甜品display吸引咗 加上好耐無食過泰菜 所以最後就決定食呢間6點半左右嚟到仲未洗等位可以直接入座 食到一半已經見到出面好多人排隊 建議大家可以預早少少嚟攞位蟹肉魚子醬脆筒沙律脆筒上面有滿滿嘅蟹肉 仲有魚子醬點綴 一口一個好過癮 造型亦都夠哂精緻蝦頭油大蝦炒金邊粉蝦肉大隻得嚟好彈牙 而且金邊粉好乾身唔會炒到黏埋一舊咁蒜蓉炒通菜通菜份量好足 而且落得幾多蒜蓉下 不過食到最後覺得有少少咸D24樂園 (榴槤丹麥厚吐司)吐司名符其實好厚身 上面有炸榴槤波波 榴槤肉 棉花糖同雲呢拿雪糕 每一啖入口都充滿住榴槤香味 好邪惡阿!生椰楊枝甘露 (少甜)飲落似椰汁西米露 仲有芒果粒同柚子係入邊 沙冰夠哂凍!爆打香水檸檬茶 少甜飲落有淡淡香茅味 溝埋香水檸檬個味感覺幾特別