新光潮州菜館

營業中

休息中

上個星期我同兩位朋友第一次光顧此店, 但好相信都會係唯一一次了! 食物非常無水準(可以講係好唔得), 而且價錢超貴(三個人食左$780, 重要係減左價, 因為佢地d cold Crab 唔食得入口都比人), 服務亦好差.我地食左一客duck meat (唔好食),一客oyster congee (OK) , 半客cold 烏頭魚(肉梅同無味), 一客duck wings (OK), 一隻cold crab (就係個crab令我地好激氣!!), total 原本係$880 (係,無錯,係$880, 其中個cold crab係$380一隻!) $380一隻crab無問題, 因為一般cold crab 都係比較大隻的, 我們order 時知道價錢亦覺得ok. 但個crab黎到時,竟然只有平時d小花蟹甘"大"隻! Size 細都算, 但d肉竟然可以又梅又無味,重有小小怪味tim! 我地覺得好不滿,於是同個staff講,要求佢收小一半, 佢無咩悔意之餘, 重唔肯小收一半, 最多小收$100甘大把! 但end up 張單都要$780, 因為其他野都無講明點計的. 果晚我同朋友係做野做到10點幾,

always go there for midnight eat after sing k at cal red; there oyster congee is quite good, although i have to say its rather expensive, give the deco and environment, but nonetheless; food are generally quite good

waiters keep on selling u expensive dishes, terrible service, very rude. food not good. i ordered the "salt water boiled clam", cold crab, marinated duck meat. the clam tasted like rubber band, very very hard, no way a normal person can swallow that. the cold crab was not juicy at all, very dry, like frozen food. as for the duck, below average quality. i bet u can get better quality for at least half of the price Sun Kwong charges u. i will never go there again, even if it is free!

其實已經喺新光食過幾次，但今次第一次check單，才發現呢间潮洲酒家好揾笨！今晚叫了幾個餸，鵝片、方魚肉碎粥、沙茶牛肉芥蘭、蠔仔煎旦...一睇單，一碟鵝片(只是一般酒樓例牌嘅份量)竟然收$120,一問個伙計,佢竟然答:「收$30位,你哋4位,所以收$120」唔係啩,竟然逐位計,我都係第一次聽。嗰窩方魚肉碎粥又以$120,普通一窩粥要$120,無海鮮,材料普通,要$120,痴線......新光潮菜....BYE BYE....我已經將呢间酒家列入黑名單，亦會叫朋友及各位Open Rice網友唔好幫襯佢!

個人意見，閣下少去新光可能唔多清楚，依間唔係老百姓價錢的潮洲館，係好多做美市倫敦金同新聞界o既消夜竇，同隔離粵華會比，價錢亦完全係兩樣野。人家粵華會九點後o的sorry 小菜要賣特價時，新光的黃金時間才剛開始。凍魚飯三拼百幾並冇特別收多你(我平時叫筍蝦+ 腸墨都係咁上下)，一碟小小的自家製椒醬肉(用特細碟裝住，愛o黎送粥)，都要收你幾兜o野喇。Walk-in 者唔係熟客，或打開荷包，又豈會知新光有乜好食？蒲新光，幫趁者真係預o左點貴野食，若你叫普通炒作，一般會瀨野。人家在新光食下凍魚飯咸蟹屎蝦炒個花翅，兩三條友可以食成千幾蚊埋單；去尖沙嘴富瑤宵夜食兜蟹粥蒸條海鱸加個炒麵都係咁上下價錢，此為家家有求。當然，依種取價，未必每個人都覺得合理。之不過，新光已經經營兩代人o勒，至今屹立不倒，自然有佢道理。如果想平，去登龍街旺記潮洲檔，就會平好多，碗飯仲特別大碗添。一唔係，行前轉個灣的太湖，亦都算係擺得落肚。無論去邊，記得叫埋我，我勁為食，不過只限食好野。^_^

巨型瀨尿蝦, 售$180隻, 不分輕重大小; 比橋底辣蟹貴$30隻, 產地一樣,size差唔多, 我們沒要。潮州凍蟹,$525隻,後來自動減價$500隻, 但我們也沒要。只叫了:印尼巨蜆有肉, 好韌,味道炒差, 唔野味,$70例牌,可以接受。蒜容粉絲帶子, $40隻, 超細, 唔新鮮, 好很韌, 同高級酒家(尖東利苑)差不多價錢, 但品質比佢差好多。老水拼盤, 包三種食物, 我們選了鵝片、鵝腸及翼尖, 味道ok,冇咩特別, 離譜係賣$140 例牌(埋單至知價錢, 否則唔要)。環境好廹夾, 場亦好細。服務就差勁,一坐低茶都未到就催住我地叫咩菜,我們叫了, 還未吃完後又催叫菜, 又催埋單, 吃了只有35分鐘就要走人, 晚飯食a到咁趕, 重衰過大排擋。同場看到有客人投訴, 毫仔粥之毫仔太老。埋單3個菜加茶芥加一共$390。茶錢收了,但又唔問我們飲咩茶,是但比壺茶膽茶就算。隔離橋底辣蟹都係賣同類既野,售價比佢地平2成, 重無加一及茶芥。佢老闆, 真係搶得就搶。走時重有幾個人等位, 香港老襯真係多!貴唔緊要, 最重要係物有所值!

我同d frd 一次唔小心入左呢間野...事原係我地諗住去食蟹..個frd就話去橋底辣蟹隔離果間(佢意思係越華會)點知入錯左呢間.佢話佢地都有蟹食..咁咪去囉..之後個好識講野既侍應介紹左d 出名既野過我地食...sorry 太耐唔記得係咩...我地一行8人...食左二千幾蚊..我覺得又貴又唔好味!

星期五晚如女友食晚飯, 其實我地都唔係第一次光顧呢度.好多菜式都試過拉, 有以下既推介:-花雕蛋白蒸蟹: 蟹係即選即劏, 夠新鮮, 又大隻啖啖肉, 但蟹味一般, 不過蛋白蒸得好滑, 亦可能加了雞油所以令原本平凡的蛋白非常好味.鹅頸肉: 有嘲頭, 肉質比鹅既其他部份較實而肉味更濃.咸菜胡椒朱肚湯: 好好飲!! 胡椒味好濃, 好辣但不辣不濃胡椒味又點算係正宗胡椒朱肚湯呢.炸墨魚丸: 送酒一絕, 炸得爽口彈牙, 又不油膩, 如果試過慈雲山三記既炸墨魚丸, 你會覺得三記做得太油膩.潮州菜這裏也算做得比較正宗好味! 但價錢略貴.

22-8-2005 1920朋友既朋友遊香港，被邀請食一頓晚飯，地點當然由我話事，而他們咁Q又係我返工附近，咁駱克道近銅鑼灣有好多都冇食過，之前食過越華會，咁我就帶佢地去食潮州菜。連我得三個人，咁我地就叫了三菜一湯：鹵水拼盤、鮑魚汁煮雞、豉汁蒸鎗魚及豬肚湯。豬肚湯除了主角外，還落了鹹菜，幾夠味，但鹹左少少；鮑魚汁煮雞味夠濃，汁夠杰，可惜雞太肥；豉汁蒸鎗魚味道不錯，有住家feel，魚質都幾實，不過有一樣唔係咁好既野，係單牌上係沒有講明只係半條起，對一些新朋友來說可能唔熟規條；鹵水拼盤係當晚比較出色的，縱使得三款：鹵水鵝、鵝腸及鹵豆腐，鹵得香、鵝腸夠爽、豆腐沒有被鹵水搶去味到，但有香味。總括來講，出色的意思是做到傳統味道，不過沒有講明半條起既魚及雞太肥已經係喊面的邊緣！

上周日舉家食飯，一行九人，訂左七點半，我地七點廿分已抵達，因一家庭成員有要事未能準時出席，所以落左單先，冷盤上先，隨後於八點三再叫起菜，多謝店員既通容。點左鵝片拼墨魚片、凍烏頭、蠔仔粥、炒蜆、蝦棗蟹棗、通菜、瑤柱芥菜膽。烏頭幾好食(可能未食過啦)，蠔仔粥保持水準，炒蜆就份量好少，其他正常水平。可以係一個選擇。

我女友同四個女姓朋友今晚去完呢到食飯，點左幾樣餸共三百幾元，當中有一個係$26的章魚肉碎粥，我女友落單時問左兩次$26有幾大碗，個待應答左兩次係一窩。上菜時的確係一窩，夠幾個人食。埋單時張單五百幾，我女友查單發現有個$150不明的賬目，於時問個待應，個待應話係窩粥，明明之前問左兩次話係$26一窩，竟然而家話係$26一碗給一個人食，而家五個人的一窩，所以咪$150羅($26 x 5 = $130，唔知點計$150出來)，個待應竟然仲話而家你地都食左啦，咁你地想點丫!~ 好似講到我女友唔岩咁喎，問左兩次都話$26一窩，而家擺明屈啦，講左好耐，佢地卒之肯收番$26一窩。但係事情仲未完，減完張單都仲要四百幾，明明落單計左大約只要三百幾，點解仲要多左成百，於是再問，佢扮醒咁話拿個計數機遂條數計俾我女友睇，點知按來按去，條數都計唔到同張單的上面一樣，佢仲夠膽死話茶每位$10，芥每位$15，大佬，你俾d咩茶咩芥要成共$25一位呀?富豪魚翅酒家呀? 呢樣都算你啦....就當你真係$25一位茶芥，但條數唔Balance，咁即係之前亂計啦!!!!!卒之，因為我女友的四位朋友都係苛善類，唔想攪咁耐，所以

我同朋友一齊去吃飯, 起初有個四眼叔叔(服務員)招呼都好好, 同我地有講有笑, 但係估唔到最後埋單, 個叔叔即變臉, 起初以為咩事, 企係到望住我地, 跟住就開聲話我地TIPS 少, 真奇怪係客人比多少係隨意, 點可能咁既態度, 香港既旅遊業可能就比呢D人搞死.. 我真係以後都唔會再去呢D服務差既地方光顧, 幾好食都假.

昨晚與好友一同到此處食潮州打冷, 對此食店其中一個員工好不滿, 我們6個人食左7樣野, 包括避風塘炒蟹, 菜, 墨魚加鹵水鵝, 水瓜煎旦, 方魚肉碎粥等等, (只係食左1樣海鮮), 埋單要$10xx, 原來個蟹佢地冇同我地講幾重, 照計可也, 勁貴不特止, 個waiter 仲當面話tips少, 我未見過食飯比錢會有waiter當面話tips少, 呢D算什麼客戶服務!! 我們唔會再去此間食店!!!!

原本打算去看飯碗班最後一堂的作品, 跟住再跟大隊去吃晚飯.後來大皇請我到一品齋幫手做訪問, 來個上半場甜品.本來約好去妹記小廚, 但已結業(按KC食評), 之後來到呢間舖.舖面不太大, 大檯還是要等一陣才有.一如以住菜式由KC拍板.鹵水拼盤,蠔餅,沙爹牛肉炒芥蘭,川椒雞,香檳骨,沙拉骨,涼瓜煎蛋,欖菜肉碎炒茶樹菇,春菜煲,大芥菜煲,魚肉碎粥,蠔仔粥,九肚魚,綠豆清心丸拼盤好大碟, 材料絕對不少. 有鵝片, 鵝腸, 大腸, 豆腐, 墨魚. 個人覺得最好味是鵝片和鵝腸, 頗入味. 但腸類食物不宜多吃. 偶爾吃是不大問題. 個人覺得最好食係呢味.川椒雞味道濃, 熱辣辣來吃真的不錯, 雞肉炒得嫩, 也是不錯的菜色.蠔餅皮脆蠔肉大大粒冇沙, 好味. 食左之後覺得和喜萬年好味幾條街.蠔仔粥和魚肉粥我兩樣都喜歡, 但個人覺得魚肉較有口感.沙爹牛炒芥蘭個汁太杰, 沙爹味道十分港式, 反而芥蘭幾腍.九肚魚又係麻麻地, 的皮好似好霉咁. 有點像以前公司的(食送)...其他香檳骨, 沙拉骨, 兩個菜煲等不過不失, 可以一試.綠豆清心丸第一次吃, 幾好味, 清心丸幾有咬口.最後的功夫茶一啖正好消滯.每人百五元

幾十歲人都好少去上堂，今次同Openrice的食友柴娃娃上左幾堂，上堂當然教到Miss嘔血，之後的飯局也是重要節目之一。星期五晚原本去妹姐小廚，點知執左，所以一行人等就拉隊來了這裡。十點幾依然多人，呢度得一張大檯，都要等左一等至可以全部坐低。我們十四人，撇開魚蝦蟹等貴價菜，實在可以吃很多菜色。叫了鹵水拼盤、蠔餅、九肚魚烙、川椒雞、香檳骨、沙拉骨、涼瓜煎蛋、沙爹牛肉炒芥蘭、欖菜肉碎炒茶樹菇、春菜煲、大芥菜煲、方魚肉碎粥、蠔仔粥。鹵水拼盤是伙記的推介，雖然要三百大元，但幾大堆頭，亦好多野食，計有鵝片、鵝腸、大腸、豆腐等等，種類其實不算很多，但份量幾多，我們合十幾人之力食到後期都有得剩，人不夠多還是叫三併好了。味道普遍有水準，鹵水不算很有香味，但都叫交到功課，最好味的要算是鵝片，呢排點都係食鵝的最佳時間；蠔餅都不錯，這裡是介乎炸及煎之間，中間軟熟而邊位脆口，食得過；比起蠔餅，九肚魚烙就差一皮了，無厘火氣亦好腍身，九肚魚一向魚味不足，夾埋就好像吃一塊沒有味的東西一般；川椒雞不是個人喜愛的菜色，但這裡的也做得不錯，雞件已起骨，用麵醬爆得香口，夾炸脆的辣椒葉來吃都不錯；潮州菜沒有生炒骨或咕嚕肉，反