新南苑私房菜火鍋鷄煲 (華僑商業中心) (已搬遷) 新店位置

今日同匯豐舊同事兼好姊妹慶祝生曰晚餐兼團拜🎂🎊🎉。今次揀左新南苑私房菜火鍋雞煲；任食雞煲、任食頂級既火鍋同海鮮配料、甜品、仲有野飲任飲！🐔🍲食唔夠喉既話，仲可以係出火鍋前再任點。而且仲要係獨立房間，自成一角，真係好正。雖然得三個鐘，但係已經食到好飽好滿足，希望大家滿意安排。

25-02-208（初十）尋晚同舊同事睇完楊丞琳演唱會，直踩落旺角搵好野食！我想食麻辣雞煲，但未諗到食邊間？舊同事介紹呢間新南苑，佢話之前食過覺得唔差，咁我未食過嘛！好啦！今晚就你啦！當時落到旺角都已經係零晨十二點幾，好在呢到收3:00am，都足夠時間食野，同埋價錢都唔貴，平時原價$268/位，我地係貓頭鷹時間黎，就$218/位，另外我同朋友吹水都好大聲，選擇坐房，每位要另加$20，房間可容納4人，岩晒我地呢啲嘈喧巴閉既嘩鬼，房內仲有電視睇！如有任何需要，按房內既對講機就可以喇👍一入房即點個中辣雞煲，諗住食完雞煲就打邊爐，點知我地兩個人，一食就食左3份雞煲，兩份中辣，一份大辣，我食過好多雞煲，真係第一次食到可以添加，超抵食！而且啲雞肉都好嫩滑！有驚喜！雞煲又多配料，再經我勁落指天椒粒，極度惹味！可惜就係同事忘記左原來仲有個海鮮拼盤，我地食左太多雞，已經食唔落個海鮮拼盤，只好同店員講叫佢地收走唔好浪費！不過就比我影張相先🤪另外配料，有一碟安格C肥牛，豚肉，蟹棒，響零，油炸鬼雖然第一次黎食，都要踩吓場先，眼見廳面都比較窄，因為實在太多枱了！枱與枱都痴得好近，洗手間都好逼，好在有提供房間選擇

新南苑這個名字很熟，原來真的是觀塘那家。以前常吃它的小菜，今天來一嘗它的雞煲和火鍋。雞煲很多辣椒，美其名是辣雞煲，但其實一點都不辣。不能吃辣我我也不用灌水解辣。不過挺入味的！好吃！蟹窩花甲湯底,個人認為不是味精湯，因為吃完沒有很口渴的感覺。⭐️注意：全程只喝了一罐忌廉。這個本地手切牛頸脊很好吃，肉味雖然不濃厚，但由於切割厚薄適中，下鍋後涮一涮，很易形成七成熟的狀態，口感一流。配料方面，芝心獅子狗極其推薦！十分特別。海鮮也是大分新鮮的。總結：味道好！服務也有禮！而且不會裝看不見，值得一讚

今晚第一次試旺角分店，想比10個叻d員工，good good good service,好耐係香港未試過窩心的服務！食物當然好味啦，海鮮好新鮮， d 飽魚，蝦......正

約朋友食飯有人話想食雞煲有人話想打邊爐最後有朋友提議食呢間可以一次過滿足我地我地叫左海鮮火鍋半放題套餐呢個套餐有雞煲食同火鍋雞煲好香呀~!!!d雞肉好嫩滑食完唔夠喉可free追加（任食）野飲任飲~!!估唔到有鰻魚送~!!!前菜唔錯個套餐送海鮮拼盆~!!!超豐富啊D鮑魚仲郁緊海鮮超新鮮啊！火鍋配料有好多都係任食有部份要加錢蝦同龍躉片可免費追加食過好食係咁encore~!!!d海鮮真係好新鮮~!!!平時打邊爐好少可有龍躉片仲要可免費追加真係超值肉質夠實淨同大份必食推介炸魚皮好脆烏冬同薯粉都好彈牙套餐送手切牛頸脊+頂級配料仲有甜品同涼茶相當豐富呢度有蒸鍋食 （需早一日book定）呢個都好吸引不過下次先試

年尾時候同朋友去旺角辦年貨，食飯時間，朋友提議去華僑 商業 中心3樓 「新南苑」食雞煲 。餐廳內環境闊落 ， 餐廳部分都是卡位形式設計，非常有創意。 餐廳還為顧客送上三款小食， 一個海鮮拼盤， 海鮮拼盤非常豐富， 每款海鮮都是新鮮運到。我們點了一個普通雞煲，熱辣辣的雞肉吸收了洋蔥味非常入味， 香噴撲鼻 ，而且雞肉嫩滑，但可是有很多骨。之後我們我打咗個 皮蛋芫茜作火鍋湯底， 還有 韮菜餃，各款丸類。更可以自由任飲汽水，我個人最鍾愛的是餐廳裡的自製的涼茶，食幾多火鍋都不怕熱氣，因這類凉茶可以下火超正。

近日天氣寒冷 ，最好食火鍋 取暖， 最近約埋幾個朋友去旺角，華僑商業中心3樓 ，新南苑 食雞煲 。有先我打咗一個細雞煲， 雞件雖然份量多，但係每件都很細小，而且多骨，肉少。所以很快便吃光了。之後我們安排咗一個皮蛋芫茜湯底 加蕃茄薯仔湯底。餐廳先送上一個海鮮拼盤， 以人頭計，每人一隻鮑魚，生蝦 ，生蠔，大扇貝 ，帶子， 及其他海鮮等等。 新款新鮮 ， 味道鮮味。 但只是 一次性提供 ，如要再追加便要自費。另有基本火鍋配料， 也是以人頭計每人一份。 但飲品可以隨意任飲。

之前朋友帶我食過，由於唔錯，所以今次三五知己約埋再去。首先黎既係任食雞煲，可以選擇辣既情度，當然可以選擇唔辣，員工服務態度好好，會幫大家久不久炒吓個雞煲，食夠之後就可以轉火鍋打邊爐。先黎一盤跟人數既新鮮海鮮，有鮮鮑魚、大聖子、海蝦、生蠔、鮮帶子同埋魚片，海蝦同魚片可以無限添加。火鍋配料同飲品都有好多選擇。埋單前仲有北海道牛奶甜品送，好味。真係值得再去。

經常睇d 介紹都有新南苑，而旺角有分店！又到邊爐的季節，就過黎試試！餐牌上 嘅 上半part屬不用加錢嘅任添火鍋配料！首先選個湯底先，呢度雞煲聽講 幾好味，可惜我前幾日食完就選清清地！新鮮蟹窩花甲湯底！$258再加每人醬油及前菜$20 再加一醬料出去自己添加，旁邊自助菜吧！想食咩菜自己拎！飲品方面：都係經常放題出現嘅飲品，特別少少就有OJ 、韓國牛蒡茶、果汁先生嘅蜜瓜椰汁！最貼心仲有自己煲嘅五花茶。餐前小食：每人一件 蒲燒鰻魚手切牛肩脊：光澤通紅，感覺新鮮有厚度！海鮮拼盤： 跟人頭送每人一隻！包括扇貝、鮮蝦、生蠔、北寄貝、蚌仔、龍躉件、脆骨腩，仲有識郁嘅鮑魚！鍋底有隻鮮蟹同大量花甲，湯底清甜！牛肩脊肉味濃，淥好耐都唔會好韌！芝心獅子狗： 呢個超正，芝味濃！唔係度度有得食。鮑魚撈番上黎無縮水，鮮甜唔韌！！食飽飽 仲送每人一個3.6北海道牛乳燉蛋白 熱辣辣, 滑溜溜！唔會過甜埋單 $611.6 /2 以高質食材 都唔算好貴嘅！

嗰日約咗朋友食飯，啲朋友有啲想食雞煲有啲想打邊爐，所以最後決定係去咗新南苑私房菜火鍋雞煲。餐廳就近旺角地鐵站，由地鐵站行過去幾分鐘就到，地點非常方便，而且環境舒適。 除咗有海鮮半放題套餐，另外仲有蒸鍋。除咗飲品任飲之外仲有涼茶，涼茶非常足料。配料選擇非常之多。除咗小食之外，仲附送鰻魚。首先上咗個招牌麻辣雞煲，我地點左個小辣，鍾意食辣嘅朋友可以點大辣，雞肉非常嫩滑而且好入味，最後加咗啲油炸鬼，油炸鬼吸收曬D精華，非常野味，雞煲仲係任食。食完雞煲之後就到火鍋，火鍋點咗新鮮蟹鍋花甲湯底，入邊除咗有花甲仲有成隻蟹添，湯底非常鮮甜。生猛海鮮拼盤有蠔、脆肉鯇、龍躉片、象拔蚌仔、大蜆、元貝，竟然仲有大大隻鮑魚，海鮮非常新鮮，而且好有份量。仲有頂級火鍋配料及手切牛頸脊，頂級火鍋配料餡料特別，而且爽口彈牙，特別係芝心獅子狗最為特別，牛頸脊脂肪分布平均，而且肉質嫩滑。蔬菜選擇好多，而且新鮮翠綠。仲有其他任食配料，絕對不能錯過。有Heart甜品，甜度剛好。餐廳食物質素一流，服務態度好，而且價錢超值。

我地一行今次8個人黎打邊爐，一早已經book左位，佢安排咗間房仔比我地，大笑都唔怕騷擾到隔離，非常好🤣🤣👍🏼先食雞煲，叫左小辣同中辣，小辣朋友們較喜歡，中辣就稍為辣左少少，可能只係個人不同喜好。雞煲食完可以無限refill，值得一讚，亦滿足哂我地一班食肉獸嘅癮！🤤之後打邊爐就叫咗個蟹窩花甲湯底，都有一隻蟹，不過花甲就得6、7隻，一人都冇一隻🤦🏻‍♂️所以個湯頭都唔算好甜好足料。至於個得一份嘅海鮮拼盤，有脆肉鯇、大蝦、鮑魚、帶子、桶蠔、象拔蚌同蜆，都幾新鮮，淥起黎本身都夠甜，不過湯底就冇乜滲到入食材喇☹️總括黎講，得一份或加錢嘅材料鮮度唔錯，反觀任食嘅火鍋材料就一般般，唔算好吸引。在商言商，我都明白任食始終唔可能俾啲好貴價嘅食材，不過響佢入場價已經唔算平嘅情況下，情價比可以再改善。

今天是旺角一日遊，晚餐自然是在旺角。過往都是吃套餐為主，這次友人想吃火鍋放題，就選了新南苑。我們喜歡於六時進食晚餐，避開假日人潮。到達時，這裡只有卡位滿座，大枱還是空空如也。侍應帶我們坐到最一個卡位。我喜歡私隱度高的卡位，方便聊天。人多的可選房間，更方便自成一角聚會。侍應拿起餐牌，向我們介紹雞煲與火鍋。我們吃不下這麼多東西，而我又不好雞煲，所以選了海鮮火鍋半放題套餐($258)。選定其中一個湯底，他們就會送上海鮮拼盤、牛頸脊和各式魚丸。牌後是各式任點配料，建議先吃畢大部份附送的食物，再點配料，不然會造成浪費。注意只有上半部份是免費任點，下半部份是加錢點的。先到飲品櫃拿飲料。這裡不乏韓式飲品，左上放了一瓶瓶五花茶，我們立即拿了一瓶。涼茶是吃火鍋佳品，有很多餐廳都有提供，但這間是最好喝的。五花茶材料足，喝得到材料的濃味道，而不是淡淡的水加小量材料。因為太好喝，友人自己一人就喝了一瓶。食客陸續入座，看見很多人拿一罐粉紅色的飲品，我也好奇地拿了一罐喝。原來是道地的荔枝紅茶，甜甜的味道配上紅茶，跟涼茶的味道帶點相似，是果汁與茶的味道，難怪受歡迎，但不宜多喝。以為韓國的牛蒡茶很健康? 原來這瓶是加

新南苑並非第一次食， 之前得知灣仔亦開了分店， 但身為九龍人的我當然係去旺角本店食，今次只有我們兩人食， 人大了，各有家室，朋友亦都相對難約， 難得美味依舊。就算是兩位但仍然有雞煲供應，食完雞煲之後 店鋪會提供清湯底打邊爐，如果怕油膩的，可以用雞煲底打邊爐。lucky地今日嘅免費小食係我最愛鰻魚，而且老公唔食， 變相我可以食double份量。 鰻魚好味，但不夠多汁， 不對於不用錢的食物，我要求都不高雞煲依舊好味， 不會因為只有兩人就給較少分量，多肉， 中辣於我來說辣度剛好， 會食埋當中的紫洋蔥，入晒味。清湯底比我想像中豐富，有粟米，蘿蔔， 番茄，雜菇。生猛海鮮拼盤，當中蝦可以追加，鮑魚，生蠔， 扇貝，帶子， 脆魚鯇等就沒有。有我最愛 本地牛頸脊， 個人認為這一部份牛肉更加有牛味，而且唔會好似肥牛咁肥其他火鍋配料都非常美味，但食了雞煲和海鮮之後太飽， 所以添加唔多，但其家中嘅獅子卷可以推介一下，中間有芝士， 出面定唔多見。

與一大班朋友聚舊，最好當然係打邊爐啦！友人介紹這間的雞煲不錯，於是提前訂了位，14人可以坐房，但要落500大元訂金。老闆和侍應雖然好忙，但十分nice，定時會走來問我們是否需要加雞煲。這個雞煲真的不得了，雞肉嫩滑，但又十分夠味，不會過鹹，油炸鬼雖然好吃，但油膩感十足，吃完充滿罪惡感。火鍋首推花甲湯底，其次是4色湯底，有齊皮蛋莞西/蕃茄/沙嗲/麻辣四款，任君選擇。海鮮非常新鮮，唯一美中不足是蚌有沙。其他配料亦不遜色，炸魚皮，響鈴，貢丸，魚皮餃，吃完又再order了2次。這個價錢雖然略貴，但物有所值，仍會再來光顧的。

公司有同事辭職 ，大家和他食一餐餞行，見天氣涼涼地，提議來此店食火鍋。麻辣雞煲，可選擇大辣或小辣，雞味香濃，辣味夠惹味牛肉肥瘦適中，牛味香濃海鮮拼盆，勝在夠新鮮，味道鮮甜 總括而言，食物夠新鮮，雞煲美味，價錢公道