新強記燒鵝乳鴿海鮮酒家 (已結業)

燒鵝：一句講哂：勁令人失望。賣相唔得唔在講，唔熱又肥，鵝味又淡，似鴨多過似鵝。重話自己是燒鵝皇！鮑魚雞粥：鮑魚OK，粥底唔算好，雞皮多，唔鍾意成碗粥好油。炒蜆：都唔熱！？？係咪“返丁”？？炒蜆唔熱？no way!!!鮑魚時蔬: 最好係D菜，可惜我不算很喜歡食菠菜。。。

中秋節, 唔洗等位有個地方食飯鮑魚雞粥$15 - D 粥夠綿, 好食沙爹粉絲蟹煲$78 - 沙爹汁加埋落粉絲度好惹味, D 蟹都算有肉乳鴿$45 - 呢個價錢, 唔抵食, 冇肉.... 好普通侍應做O野快手, 抵讚廁所衛生環境什惡劣......

9 月4 日晚去大圍新強記食飯, 見到有特價菜金銀蛋時菜幾吸引, 就問伙計時菜會係咩菜, 但係得出o既答案係我去其他地方問都唔會聽到o既答案, 佢話唔知架, 廚房用咩菜就係咩菜, 呢d 特價冇得指定, 咁我就好聲好氣叫佢幫我問下廚房用咩菜啦, 因為我比錢就有權知廚房整咩比我食, 個伙計仲回應話, 好多客都問過都唔會知用咩菜, 連我做落單o既都冇權知, 於是我就叫佢叫經理過o黎, 個經理仲好笑, 除左都係話我知我冇權知用咩菜之外, 仲話我知用d 綠色o既菜整囉, 我聽到之後都唔知好嬲定好笑, 同佢講:唔通會用d 藍色o既菜整咩, 我夠知用綠色菜啦, 個經理就話我知冇藍色菜架, 我又同佢講, d 人問你例湯係乜, 用咩料煲你又可以答人? 我覺得咁o既廢都可以對客人講o既, 同埋消費者都冇權知用咩菜, 真係幾過份, 今時今日咁o既服務態度, 仲差過大牌檔, 我就唔會再幫襯, 睇完我呢編o野o既你當然都知去唔去架啦!

每次黎呢間食都係食粥多，因為粥真係幾綿同夠味，十蚊碗鮑魚雞粥唔係二打六貨色，鮑魚片都幾多，亦唔算細碗，就算剩雞粥都一樣好掂，試過小菜就麻麻，個蜜汁鱔好淋，或者係炸起備用貨色啦，齋煲唔多夠味，或者呢間粥先係強項啦，要食小菜都係美林對面間好D

差不多一年前去過之後，昨晚再次光顧大圍的新強記，可惜教人失望。失望事件簿：1) 鮑魚雞粥- 非常"希"，而且味道唔夠2) 其他菜式都係一般水平3) 除了$10的雞粥外(質素下降，已不再超值了)，再沒有其他優惠。4) 我見到有『小強』在枱底自由行>_<

由於在附近上學關係不時都會到此光顧味道以及價錢上係okay既特別是馬拉糕但是衛生方面真的....首先有同學發現小強繼以又有同學光顧後不適所以已經好一段時間沒有再光顧了

有事要去大圍一趙，先o黎食個早晚餐。鮑魚雞粥-沒有味的雞粥，質地好浠，不過10蚊一大碗，有雞又有鮑魚，都唔好咁高要求。燒鵝-買相好一般，鵝皮色澤唔靚，雖然我無食，但老豆勁讚，而其他人的口碑亦不錯。生炒骨-如果我評分只是合格，排骨切得細細粒，買相唔夠大體，脆口度亦一般石班兩味，有西蘭花炒班球及蒜蓉蒸班塊，我較欣賞炒班球，班球肉質唔錯，啖啖肉好有質感，最緊要是沒有雪味，而且又唔會霉。鮑魚菇時菜-非常夠份量，好多菠菜，同時又好多芡汁，所以味道略為鹹少少。還送飯後甜品-紅豆榚，埋單好似3xx，5個人都算抵食的。

多年來,大圍新強記,以$1雞粥,$10鮑魚粥馳名港九,姑勿論這個諗頭,是否有用,但見這夜,生意也不差.當然面皮沒這麼厚,來到只點雞粥吧,兩個人,好歹也吃到很多東西,自稱燒鵝大王,年前吃過實在麻麻,今次索性唔叫.三味菜式,一人一碗鮑魚雞粥,鮑魚粥十個大洋一碗,就算用罐頭鮑也蝕大本.雞肉也同個粥底做到朋友,不是肉還肉,粥還粥之流.如果以$10粥水準去評,已經合格有餘,起碼在心靈上,已經吃了鮑魚.其他三味,除個蝦仁豆腐煲要點技術之外,白灼東風螺,芥菜膽,自己灼都灼到個味來.在大圍生存多年,一路用這個策略去速銷,多年如是,又唔覺佢做唔住,難怪有口痕友講過呢間野係開來洗黑錢的.)日前蓮香聚,席上有朋友一言驚醒,大圍尚有間老牌酒家.......

這位食友太老實了,這樣低的價錢去食鮑魚雞粥,最便宜的鮑魚多少錢一斤?想老闆早D執笠乎?雞當然是雪貨,而鮑魚只是凍肉店十五元一大包的螺片而已.不過,如果不計較材料的平貴,而只欣賞味道的話,便可心安理得.本人覺得這店最好的出品,除了雞粥之外,燒鵝和炸生蚝都甚佳.不計服務欠佳的話,也是值得幫襯的.

連續2個星期六都專登駕車去新強記，因為佢哋D雞粥實在太好味，雖然隧道費係貴D，但都值得！我每次都叫一窩飽魚雞粥($78)，有好多雞，仲好有鮮雞味，唔似係雪藏雞，不過唔知係咪真飽魚，我唔信$78可以食到真飽魚，因為一窩有好多片！燒乳鴿係must order item，好大隻，有好多肉，雖然唔係用BB鴿，但肉地好得，每次佢哋都有一張乳鴿券送！咕嚕肉也不錯，份量好多；大石班兩味($98)好好味，有兩種煮法：用蒜蓉蒸同埋用西蘭花炒，我比較鍾意用蒜蓉蒸，因為香口D!!羊腩煲唔得，羊肉炆得唔"諗"，如果係老人家食，我諗連假牙都飛埋出來，比起天后o既富東，新強記就遜色好多，可能富東o既係靚羊，話晒$168一煲，新強記只需$78左右；總括來說，新強記係不錯o既選擇！

今早一放工(剛上完通宵班)，跟老婆大人一人一架電單車去到大圍，車就停在新強記旁邊，之後就直接入去飲早茶。都係一D普通既早茶點心啦，不過佢個菨頭糕就幾特別，你可以食得出一片片既菨頭，又鬆又軟，正！呢道無車仔既，想食野咩？自己出去拿。

在這兒食晚餐，叫左十元鮑魚雞粥同煎蠔餅。粥係好多水，真的好清淡，完全可以食到水的味道。好似朋友說的那樣，真的係十元貨。見隔離叫左一碟好大的煎蠔餅，我地又叫，點知原來蠔係要搵先食到，好大部份係炸粉做出來的假象，仲要係無味的。要件＄５５，大排擋好ｎ陪，仲要平一點。

剛從寶福山送友人一程，下山後與兩個朋友食飯兼聚舊；不想走太遠的楓林，近近地選了這裡。人數不多，點菜數量有限，燒鵝是這裡的指定動作，食味不錯，保持水準；當然配上了鮑魚雞粥、炒蟶子、高湯娃娃菜…簡簡單單的一頓飯；小菜味道可以，鮑魚雞粥亦不覺得太凸出，極其量只是咸粥底加滑雞及兩三塊但三個朋友談了鮑片而矣！朋友間談了很多，而有更多是可不言而語，保重！

上次瀏覽此網頁新強記的資料時得知雞粥味道不錯剛巧最近要到大圍一趟便決定一試究竟本來決定到新強記時選鮑魚雞粥和燒鴿可惜午市燒鴒沒有特價雞粥則盛惠$20，有點失望後來和友人選了學生餐\揚州抄飯包汽水($25)和雞粥($20)雞粥的味道真的很不錯哩$20一碗我也覺得值得(如果晚上來$10一碗應該更好吧..)揚州炒飯和普通茶餐\廳的味道近似但是因加上西芹，竟有腰果肉丁獨有的香味XD如果喜歡腰果肉丁的朋友不妨一試揚州炒飯XD學生餐\揚州炒飯很、非常大碟我懷疑一個大男人/男生可否獨自吃完而兩個女生SHARE應該可以吃得很飽另外椅子的坐墊頗舒適但椅背很硬整體來說:不錯啦~下一趟晚市再來吧是次賣單$45

踩隃七個多小時單車, 回到大圍已是六點半, 記得上次有送乳鴒的coupon, 便決定到這裡晚飯。暴曬過後, 都沒什麼胃口, 就只點了十元一大碗的鮑魚雞粥, 一人一碗, 再加那隻燒乳鴒share 來吃便算了。燒乳鴒皮香肉嫩, 是很不錯的。粥是白粥底的, 但卻煲得很綿, 滲著少許的雞油一起吃, 也是十分可口。甜品是免費送的馬豆糕, 雖是免費, 但也不兒嬉。馬豆糕棄馬豆而用粟米, 感覺更好, 超甜粟米粒配味道偏淡的椰汁糕, 效果居然是出乎意料地好。連加一茶介, 一個人才20 元, 滿意的一餐。