新強記燒鵝乳鴿海鮮酒家 (已結業)

去完寶福山致祭離去的親友, 下來時已9 點多, 正飢寒交迫之際, 發現對面敘是在沙田馳名已久的「新強記」, 於是二話不說便衝了進去。隨便點了數個小菜: 咕嚕班塊、例牌燒鵝、蒜蓉芥蘭、豉椒炒蜆, 還有特價的雞粥和鮑魚雞粥。咕嚕班塊幾好食, 份量唔少。燒鵝雖然出名但就只係一般, 唔算好食。炒蜆係特價$28 蚊, 但都幾大碟, 仲炒得ok 好味喎。芥蘭都炒得好好味, 但份量比較少, 同埋比較貴($40)。最抵食都係d 粥, 9 點半後雞粥$1 碗, 雖然好細碗(只有飯碗大少少), 仲冇咩味(白粥再放舊雞落去, 但d 粥底幾綿幾滑),但收你一蚊碗, 仲任你叫, 都算係好抵喇。鮑魚雞粥就大碗好多, 都只係十蚊, 多幾舊雞, 又有幾片鮑魚(似係隻飽魚), 都係冇咩味, 就係抵食囉。ps.茶錢八蚊位都唔算平~

星期六與雞丁去左這裡吃飯小妹一心諗住係大排檔噢途中雞丁才說這裡是一間酒家入到去都幾多人一坐低就送上花生同熱手巾唔錯唔錯我地一心想來食海鮮所以就叫左炒蟶子(例), 避風塘瀨尿蝦, 本來想叫埋個椒鹽軟殼蟹可惜小妹怕肥所以無叫到兩味海鮮不過不失蟶子上台唔係好熱個款似一早炒定一大碟之後再放上碟出街不過肉質還算爽口瀨尿蝦一碟8隻有一隻係死蝦肉質梅梅其他個d都好鮮味唔錯再追加左個鮑魚雞粥椒絲腐乳通菜同豆腐( 唔記得個名不過佢話係招牌菜係咁推介我地食)鮑魚雞粥10蚊碗粥底唔算好綿雞入味10蚊都ok椒絲腐乳通菜完全唔得椒絲薑乳通菜一d都唔好食炸豆腐有8大舊麻麻地入口都尚算熱面頭有好細pat蝦膠不過唔係話十分好吃記得爸爸成日話同我來這裡食話lee到既乳鴿同軟殼蟹好好食偏偏我就係無食到不過如果這裡的東西真係咁出名無理由side dish 都做得唔好架嘛... ...仲有雞丁食完避風塘瀨尿蝦無人主動幫手換碟! 要嗌幾聲先有人來清理-_-

下午三點左右,入到去,見有十多枱客,也算旺場,我們一行四人,柯打了很多食物,計有:燒鵝例牌,乳鴿一隻,特價鵝瀨一碗,雞粥三碗,及幾樣特價點心:鴨舌拼海淅,山竹牛肉,珍珠雞,雞札,海鮮叫了:三刀一條(68元),基圍虾半斤(四十元),炸生蠔.上菜也算快,不過侍應只有二個,部長一個,傳菜的來到,要找侍應上枱也不容易,而侍應也特別畸形,是越叫越走的,遠遠見你招手,就向相反方向走,要等他無意行近時,突然發難,他避無可避,便給你服務,使這變成捉迷藏遊戲一樣,十分好玩.食物方面:燒鵝是保持水準,不過不失,點心也不錯,乳鴿郤是畸形的,切開四份,一邊大,正常哂士,一邊細三份一,分別實在太明顯,當然不收貨,捉迷藏遊戲中捉到部長,他說是刀法的問題,教我們把兩邊拼合,成為完整一隻鴿子,便知沒有問題,說完即閃,我們於是照他的指示去做,但却資質愚魯,怎也不能拼成一隻鴿子,於是又開始捉迷藏遊戲,部長卒之又落網,告之拼鴿遊戲不成功之後,也無奈把鴿子收去,放在柜枱上,隨後新的鴿子便上場.郤不畸形,遊戲落幕.海鮮的三刀是養魚,又蒸過火，是失敗之作，虾是不過不失的，最精彩的是炸生蠔，稍嫌粉漿太多，蠔身十分軟滑，甘香．特價的

我從小吃到大的酒家﹐真係好有感情﹗﹗我們每次都叫蒜蓉開邊蝦﹐雞粥﹐焗蠔或炸加拿大蠔﹐紅燒乳鴿*2﹐薑蔥蟹﹐蒸或豉汁蒸魚(D肉好滑)﹐蒜蓉抄通菜(有時吃其他菜)﹐豉椒炒蜆﹐白灼基圍虾同白粥反而係我的最愛(亦不使怕會肥啊~^0^)﹐燒鵝瀨。。等等都係好正﹐好好味。耐左沒吃我會特別掛住佢地D粥~ 如果佢地可以有多一點糖水的選擇就PERFECT喇﹗Overall, I think this restaurant offers exquisite chinese cuisine with reasonable price.

一行九人,將近下午三點才到,已經冇乜人,大枱只有兩張,可以坐十幾廿人,覺得太大,想要十二人枱,又沒有,八人枱只有兩張,九人又太廹,無奈都要坐低.點了雞粥一窩,炸生蠔,薑酒炒芥蘭,白切雞半隻,燒鵝半隻,豉椒炒蜆,豉汁蒸黃立鯧兩條，乳鴿三隻，白灼基圍虾一斤等．雞粥味道尚可，但不夠熱，雞肉尚可，是預先煮熟的咸雞，炸生蠔很大隻，是加拿大桶蠔，味道很好，炸漿不厚及很脆，值八十分．芥蘭全是菜薳，很爽脆．白切雞只是普通貨色，但稍肥．燒鵝半隻真是俾足半隻，無花無假，很大碟，但亦稍肥．味道亦很好．豉椒炒蜆是當天敗筆，肉細粒，又少，全是売，味道又太咸，牌價寫著廿八元，待應說日間沒有特價，要四十五元，更加不值，豉汁蒸黃立鯧最正，每條只收５６元，就算不是海魚也很滑，味道也很好，火候剛好．乳鴿很大隻，厚肉，醃得也入味，皮又脆，勝過龍華的很多倍，以後不需要去龍華受難了．基圍虾很足抨，僅僅熟，雖然是養虾，味道亦可接受．埋單９７０元．很滿意的一餐，消費又合理，服務ｏｋ．值得推介．

同老公兩個人食晚飯.鮑魚雞粥($10)-粥好綿,雞同鮑魚都好好味.10蚊係超值!炒蜆($28)-夠味,幾大碟,28蚊又係抵.焗蠔($15)-好大隻,d薯蓉好味.以上呢3樣必食.另外叫多左個豆腐煲,都唔錯.唔一定要叫.

我在這間酒家食飯已十幾年了。每年都有新款菜譜加入，價錢合理。消晚有大量特價小菜又大碟。齊身上過時過節我家人開餐必到的酒家。

08/07/2005 20:00約了親友食飯，一行八人，地點在大圍新強記。八點左右到達，不算太滿座，當然不用等位。點了一個冬瓜盅同七個小菜，簡評如下：冬瓜盅($68) - 未夠火路，好似將o的湯倒入一個挖空然後蒸熟o既冬瓜入面咁，料足但煲o既時間未夠....燒鵝半隻- 皮脆肉嫩有肉汁，屬招牌之作，不過肥羔幾多....石班兩味之一西蘭花炒球($98) - 班片新鮮份量足，反而西蘭花太少，炒得夠鑊氣....石班兩味之二金蒜蒸腩骨- 蒸的時間適宜，近骨的肉很滑....焗加拿大珍寶蠔($15/pcs) - 果真珍寶，原隻蠔釀滿了煙肉薯蓉再焗，材料是新鮮的，可惜亦係焗得唔夠耐，不過相信是烚過後釀上薯蓉再焗的....炒蜆($45) - 細隻，味道普通.....椒鹽鮮魷- 火喉控制很好，薄薄的一層炸醬包著鮮魷，表面的椒鹽味道亦不錯，很好的一個小菜.....北菇竹笙扒時蔬($58) - 很清新的一個小菜，不過味太淡而月個芡汁太杰.....還叫了特價的鮑魚雞粥($10)，每碗都有三兩片(素)鮑魚及雞，粥底破杰但滲透著淡淡雞味，不錯。飯後還有綠豆沙送，連白飯汽水埋單$728，都算食得過。

22/05/2005 13:00一講大圍新強記，即刻諗起燒鵝同乳鴿，不過今餐因為長輩話事，所以兩樣都冇得食，有少少失望.......不過都好，發現原來新強記o的燒腩都唔錯，皮脆肉嫩仲有少少肉汁，配合埋最佳拍擋黃芥辣真係一絕，送啤酒真係一流！其他小菜整體不過不失，招呼同服務都唔錯！

說的不是這裡有自助餐吃，而是在這裡，一切都靠自助。拿點心要自助，沖茶要自助，寫飯也是自助﹝找人﹞，沒有招呼可能是這間街坊店的特色之一。週日十點幾來到，好多人，但到了十二點，又變了無咩人，直到一點幾，都未坐滿，這裡真奇怪。食物方面，點心價錢平平地，小點8.8，中點10.8，好少吃到大點了。水準普遍不算差，碟頭都幾大，可惜冷氣有點勁，坐多陣食慢些少，點心已放涼了。來得強記，當然要試埋燒鵝及雞粥。燒鵝熱辣辣，鵝肉嫩滑夠味，果然不錯，食得過。雞粥十蚊碗，餐牌仲話有鮑魚的，得啖笑，忘記佢吧！炒粉麵普通大碟，一碟兩位男士吃也可以，至少我自己不能吃完一碟星州炒米。偏重重茨汁多油味重，典型本地茶樓風格。十二人吃了不少的東西，埋單一人五十幾蚊，吃得飽飽，算平的。當然如果要有服務及靚靚環境又或是乾淨的廁所，請不要考慮這裡。

唔知呢間係唔係正宗，不過味道就吾錯。<br>雞粥好好味，好正！燒鵝反而冇乜特別，我地叫左一碟例牌，好明顯係兩隻鵝...係咪好多酒樓都係咁嫁？有半碟係肥的，冇人敢食。<br>