新桂香燒臘

營業中

休息中

作為柴灣人點可以唔食下 =)喺新桂香買叉燒都係靠彩數係叉燒大冒險黎~~ 今日係叫左叉燒乳豬飯主要視乎師傅斬到咩位俾你都試過幾次係極肥/ 極瘦我今次算好彩😂唔鞋口又唔太肥調味得啱啱好攞嚟送飯就一流醬料唔會過濃不過乳豬就一般喇有幾嚿都唔夠脆皮乳豬就比較唔夠味要靠個海鮮醬汁去補救不過食叉燒都要睇時間啊~ 有時會好早就賣晒順帶一提如果堂食嘅話好大機會要坐街邊如果大家係好注重衛生嘅話就要考慮吓適唔適合自己啦我會建議大家買回家加料就最好 =)

今日經過柴灣, 當然要順道一試早前KOL推介嘅呢間全港 Top 1 叉燒 ㄧ新桂香。店鋪係漁灣邨旁嘅一條小巷,係柴灣站步行約10分鐘。由於未食lunch, 所以買咗 (1) 半斤叉燒 ($100) 同 叉燒燒肉飯 ($48)。店員推介咗半肥瘦, 叉燒切法適中, 有d厚身d, 有d薄身d。肉質好淋身, 約三分一肥, 三分二瘦，有燶邊, 再配合偏甜嘅叉燒汁, 的確好好食, 俾十個like。同埋, 喺成個運送嘅過程當中, 啲叉燒汁完全冇流過出嚟, 實屬難得。雖然價格比較貴,$192/斤,但係真係值得。而叉燒燒肉飯比較一般, 叉燒一樣係半肥瘦, 但切法會再薄身 d, 燒肉整體感覺一般。

新桂香燒臘，可以說是柴灣區內的叉燒名店，經常可見到網上的食評，全港最貴最港最好食的叉燒等等.點餐時必需要和店員說明個人喜好，瘦，肥，半肥瘦，全肥，任君選擇，如有庫存，師傅一般都會滿足需要。是夜簡單點了一個瘦燒肉瘦叉燒飯，燒肉皮仍有部份脆皮，略帶硬，味道則淡了一點點。叉燒則可算屬於上品，肥瘦適中，合個人口味，肉質嫩，不算硬，略帶蜜汁甜味，有燶邊，好食。

✨半肥瘦叉燒 $150 5:30pm去到新桂香，見到佢攞啱啱整好嘅叉燒岀黎，不過好多人一早就黎左攞飛。好好彩到我個陣都仲有得買，不過就唔係剩返好多😮。想講佢啲叉燒真係好好味!!!半肥瘦真係做到好平均，仲要有少少燶邊🤤🤤🤤烤岀黎豔紅色，佢啲蜜汁仲要係用麥牙糖調製，食落去甜而不膩。就算要排隊我都會再去買🤤😋💕十分推薦👍🏻👍🏻👍🏻 真心人間美食🤩🤩決左下次試吓其他部位嘅叉燒❤️❤️

🍾最近好有人氣既新桂香燒臘, 今日入開柴灣就試下佢啦! 大約11:30am去到, 😱離遠已經見到有一群人係門口等緊, 認真誇張. 🧐行到去見到大部分人都係買外賣, 而我地堂食等左3分鐘就有檯. 全店地方真係唔大, 🗂得兩張二人檯, 門口出面再放多兩張, 真係要拿拿聲食完走人🤭🐖叉燒飯 ($45)🐖🪑一坐低即刻叫野食, 姐姐都即刻放低兩碗湯🥣, 當然要一試佢地既叉燒飯啦. 🌝2分鐘後食物上檯, 全部都係薄切叉, 有一半係肥, 另一半係瘦, 食落有肉汁, 肉味都可以既, 但未去到傳說中既驚豔🌚🦢肉鴨飯 ($45)🦢🤩另外一款叫左燒肉同鴨肉飯, 燒肉D皮真係脆到一個點! 佢無五層肉, 但都幾好食既! 👍鴨肉好有肉味, D皮整得仲更加出色, 呢個價錢有呢個份量既肉都算係咁啦! 😊超值既午餐之選! 而美中不足就係果兩碗湯飲落有陣燶味, 😖佢似刮走左煲燶左既料, 留返D湯咁...之後聽到姐姐講買外賣如果唔要湯可以減$2😳😋總體 (味道, 性價比, 環境, 服務態度) : 8/10——————————————————————————————🍾This restaurant is loacted in

🤔叉燒..大家又會諗起去邊度買呢⁉️唔係用冰鮮豬，食得出用新鮮豬肉，肥瘦適中..口感軟嫩多汁..仲有濃邊添🤤依間可能係全香港最正嘅叉燒🤤位置雖然有少少偏遠，但係值得老遠走去買，講真有啲咪知蓮三星嘅叉燒都食過，但都真係冇去整咁出色。真係咁岩最近就去咗間尖沙咀嘅三星米芝蓮中菜廳佢啲叉燒調味過重，非常一般。

Welcome to my 新桂香 Sun Kwai Heung char siu album❗️ Only looking at its glazing and glowing surface, I am already mouthwatering🤤 This legendary char siu has the magical enchantment that you feel like you can still smell and taste it through the photos. Instantly become one of the flavours that I cannot forget in a lifetime. Trying the classic 半肥瘦 half-fat-half-lean cut. In terms of texture, it is tender and it has a little chew. Not the chew that will resist your teeth, but a chew that helps releas

之前喺社交媒體睇雪姨介紹過呢個係全香港最好食嘅叉燒，咁啱今日喺柴灣所以就慕名而來喇。星期日晏晝三點幾，本來仲擔心會賣晒同埋好多人排隊，好在嚟到都仲有得買而且舖頭只係有兩三個人等緊。 睇食評係要買半肥瘦叉燒 (不要跟飯）- 所以照叫。一斤196蚊- 個人認為屬於貴嘅叉燒！ 但係食落又真係唔錯 叉燒夠淋而且調味得好好！ 如果平時經過都可以一試啊！

一直以來，以為大榮華拖地义燒係全港最好味，直到朋友介紹（KOL 介紹前），仲諗住有咩巴支閉，會唔會名氣大過味道。前前後後食了三次，大概每隔個半月左右食一次，每次都叫半肥瘦。斬料師傅無話呃人，明明係瘦都叫肥。三次都真係半肥瘦，見到其他人的食評話好瘦好乾，我又好彩未試過。其中有次排隊，見到前面（應該係街坊）拎住密實盒去買，d 斬料師傅都唔嫌麻煩又唔黑面，環保先峰👍。味道係正的，入口有蜜味，然後食到豬肉係爽肉，唔係晦個種。义燒汁好正，唔會死咸。至於鋪頭店員唔禮貌，粗聲粗氣就一定了，不過都會維持秩序，見到有人想打尖都會叫停"人地都排隊排好耐架"咁樣耍走打尖客，正常囉，唔好期貨係酒店式服務。

因看了頂爺節目，介紹了這间新桂香叉燒，今天湊巧有时间便特意走去想試傳聞好食新桂香叉燒，雖然店夥計已說只剩肥叉燒，但應該說叉燒賣光，這劣質肥叉只會做壞招牌，當飯上枱時我以為他比錯，看上似燒肉多过叉燒。一路食個心一路媽媽声，最好笑，店内夥計正在彈某店牛腩唔好食。自已質素也管不好。名过於實，一次过，以後也不會去食。想起好叉燒，以前新世界中心有間海城酒樓夜總會，它的叉燒飯就可以保持水準，不會时好食时不好食。次次也好食。更不會似新桂香肥叉，請我都唔食。

會黎呢到係因為睇左雪姨介紹，點知咁就中左伏😑嗌半肥瘦叉燒，唔係一舊叉燒一半肥一半瘦，而係斬開幾舊全肥，幾舊全瘦，咁樣叫半肥瘦？？我將2舊一肥一瘦一齊食又好奇怪，唔知點咁。總之就係overrated la!

本身住柴灣既我基本上都會似其他街坊咁幫襯過，但一向都知出名叉燒同態度唔好。想食名氣既，可以食佢，但真心唔覺得佢真係咁好好好食，肉質地還好，味道就因人而異，可能偏咸，我覺得可以有3.5/5星；加上佢員工態度差，基本上你預左俾錢買難受，所以區外客仲要唔要特登入嚟柴灣食，自己考慮清楚。

今日去開柴灣，於是就去新桂香，買D 叉燒試下。叉燒價錢絕對係唔平，不過店舖話明係用本地新鮮豬隻做的，所以真係一分錢一分貨了。我就叫咗半肥瘦叉燒。叉燒真係好淋，而且食落去又唔會黐牙，亦都唔會有陣豬肉羶味。另外，叉燒真係有D肥膏，肉質夠鬆化，真係好好食。而個汁又好有蜜糖味道，實在好惹味。不過價錢又真係好貴呀。我都未試過買成百銀叉燒，份量係咁少嘅。平日真係唔多機會入去柴灣的，所以今次D叉燒特別珍惜，食多幾舊。

本來冇諗過要寫食評, 咁啱路過見到, 點解自從有youtuber 介紹過依間燒肉店之後, 突然有咁多劣評出現, 感覺好神奇. 利申, 我都係睇完youtube 第一次幫襯, $190/斤叉燒, 我都覺得有啲貴, 但最後都買左$100/半斤嚟試. 我行到門口, 已經有人排隊買燒味飯, 由於我只係想買叉燒, 所以有另一個哥仔問我要咩, 我話我想要半斤叉燒, 佢問我要肥叉定廋叉 ? 我話要半肥廋, 入面負責斬叉燒嘅哥仔再加多句, 咁要肥多啲定廋多啲, 有選擇困難症嘅我, 突然唔識答, 就話正常得喇. 五分鐘車程返到屋企, 未打開都已經香氣撲鼻, 雖然佢砌得有啲亂, 但見到真係顏色好靚, 同肥廋分明. 肥嘅部份好彈牙, 廋嘅部份唔韌,  真係好好食. 一家四口, 唔洗五分鐘KO 晒。我有食過 youtube 中講最貴果間, 相比之前, 果間啲汁真係有啲咸同得個肥字. 點解我話好神奇呢? 因為我買到, 食到, 感受到嘅, 都同人地唔同

一盒叉燒飯$45, 入面完全搵唔到啲叉燒，都搵唔到啲叉燒汁，食完更有有啲反胃嘅感覺。對佢非常之失望，唔明白佢出名嘅地方喺邊度，價錢貴過龍邦，但質素差過龍邦N 倍。平時話俾劣評都係得個講字，但今次真係忍唔住寫