新桂香燒臘

營業中

休息中

🥢柴灣朝聖老字號人氣古法燒味飯🥢柴灣這個對我來說是一個很遠的地方，難得經過來到這地方，一定要試試這間，聽講是柴灣街坊都知道的燒味店，聽聞每日出爐4次都超快售罄🥢叉鵝飯 叉雞飯$43 跟例湯🥢例湯又幾夠火喉，鹹鹹的好快飲曬一大碗🥢叉燒直到今天仍沿用古法做燒味，叉燒肥瘦適中，很有豬肉香，鹹甜適中，肉質鬆化有彈性，是舊式的叉燒味道，雞肉很滑溜，而且蔥薑醬任添,唯一就是比較油膩，但食燒味唔油膩就無意思啦🥢雖然是坐門口的小檯子比較麻甩，但都需要等一陣先有位置，一路食等位時，見到人龍不斷，無論是來買外賣飯盒，或斬料的人真的很多，見到師傅不斷斬，就知道呢間店是名不虛存 新桂香燒臘地址：柴灣柴灣道345號金源洋樓地下 17 號

高水準叉鴨飯💰$34柴灣都有間高質燒味店！望到d叉燒都覺得好吸引 色澤均勻 半肥瘦中和左肥膩的感覺，口感好有層次 蜜汁既味好香 仲要燒到有d焦 咬落又脆相對鴨既部份 份量較少 但有隻脾 肉質夠嫩 吾會好乾 👍🏻價錢比出面貴少少但值得❗️

因為今日地鐵罷工 所以唯有係屋企附近食為咗令星期六有更好嘅飯餸 特登行咗去好出名食叉燒嘅新桂香 佢哋嘅叉燒真係好出名😂好多名人特登去佢哋嗰度食 而且價錢一啲都唔平🌝我都幾肯定係我食過最貴嘅一間😂 一斤叉燒已經差唔多成$200 😂 但係佢貴得都有理由今日叫咗一條半肥瘦叉燒 其實叉燒有分兩種分別係淋叉燒同爽叉燒 平時正常食到嘅係淋 爽叉燒就比較少見到 爽叉燒系列肥膏都比較硬講番正題先 今日啲叉燒全部都好淋 個叉燒醬幾好食 果然貴得有理由 不過耐唔耐食一次好啦 真係好鬼死貴😂

今日無地鐵出街去了奶奶家，起奶奶家附近，就有哩檔叉燒店，但卻因價錢比較貴，所以奶奶一直沒買這家給我吃🙈🙈🙈但自命愛吃叉燒的我，又怎會甘心🤣🤣所以吃飯前，偷偷吃過才回家🤣🤣我問店鋪阿姨，叉燒最少要買多少?她答最少買40元，那我就買40元吧～接過手後數一數，才只有8舊🙈🙈好貴呀～到吃時發覺，原來他的貴是有原因🙈外邊脆而肉質鬆，叉燒醬亦不太濃，甜味剛好，肥的位置還要是散發著甘香🤦‍♀️🤦‍♀️但小食多滋味，大食就錢包鬆了（沒錢）🙈🙈可塞多幾張銀行底單了🤣🤣

今日又係燒味之旅，又係雞鴨飯，冇叫叉燒燒肉食因爲驚豬瘟。好喇，今次係去咗柴灣嘅新桂香。久聞其名，今日一試。叫咗切雞鴨飯，最近啲食親雞鴨飯唔係有雞脾就有鴨脾，都幾好彩，今次有雞脾。又係脾+胸嘅配搭。新桂香嘅雞同再興有啲唔同，佢真係白切雞，冇醃過，只有雞味，有啲肥啲，啱啱熟，好滑，反觀再興果啲好瘦，但有味，各有特色。蔥油好好味，因多蔥，中意蔥可以叫多蔥！而燒鴨呢，其實燒鴨或者燒鵝最好食係塊皮，肉係其次。新桂香燒鴨醃得好夠味，而且燒得靚，塊皮漲卜卜，咬落去有鴨油泌出黎，好惹味。而汁呢，應該係燒鴨汁加蜜加埋製成，香甜惹味，不過我唔中意甜，都係叫走汁好啲。

柴灣區 街邊燒臘舖 一定會諗到呢一間 喺漁灣邨附近地鐵站行出去大概十分鐘就會搵到 新桂香。午飯時間非常多人買外賣因為 堂食只有數十個座位 同埋你要喺炎熱嘅天氣食燒臘飯都係幾有挑戰性。 無論叫咩飯都會有一個例湯 跟餐,但大家就唔好對呢個禮堂有太多expectation都係一般味精湯嚟嘅,但係燒味就非常出色。半肥瘦叉燒非常淋滑 味道亦都控制得好好唔會太鹹 ,肥膏嘅比例都恰到好處, 喺柴灣要搵一間好食嘅叉燒 非新桂香莫屬。白切雞配薑蔥 你都係另一個絕配 切雞唔會太肥雞肉都仍算嫩滑唔會太嚡口飯量更加冇得頂非常飽肚十分推薦。

聽朋友講左好耐柴灣金源洋樓地下新桂香燒臘的叉燒好味道所以今日經過就買外賣回家食朋友教路要買原條免切咁先夠好食返到家開飯,叉燒半肥瘦咁,咬口幾好食又夠香口,豬肉味都幾好.

在柴灣工作了一年多，每一天中午也要想到底吃什麼好。這一年多吃了很多不同的餐廳，但是我發現最令我回味和連週末也想再吃的是：新桂香！（吃了幾次之後，同事先跟我說：新桂香原來曾有米芝蓮推介和東張西望有介紹過！）米芝蓮會推介也不無道理，因為那半肥瘦叉燒，足以令我有一次在週末，花上了一個半小時的車程到柴灣，就是為了吃那個半肥瘦叉燒！今天又到了午餐時間，又來到我的飯堂！哈哈哈，因為常常吃，我就叫這裡做飯堂！這裡有小量堂食的位置，如果不想外賣也可以堂食上今天吃的兩送飯（$43一盒，價錢相較外面的燒味店會比較貴），其中一款當然一定有王牌：半肥瘦叉燒！另一款我則選了燒鴨半肥瘦叉燒的意思是，一半是肥肉一半是瘦肉➤瘦肉很有咬口很爽，而肥肉軟滑甘香，兩者的配合中和了那種膩的感覺，口感有層次！➤肉身充滿炭火味又不會太干，很有佬味！➤最出色的是，叉燒有蜜味也有肉味！➤在邊邊的地方，有一點燒焦了的地方，吃上去有脆脆的感覺！*師傅會問你想要瘦叉還是肥叉，所以可以自由選擇肥瘦！本身飯的醬汁就很有味道，不會太濃也不會太淡，不會搶過燒味的味道！如果點叉燒，會有叉燒的蜜汁在飯上，會更惹味！燒鴨一對比叉燒就沒有那麼出色，只是一

自從有次親友係到買過燒味去拜山, 就愛上左呢到既燒味!半肥瘦叉燒唔係誇張 但D叉燒真係一世人食過最好味夠鬆夠肥, 但肥得黎唔會膩, 加埋D麥芽糖燒到焦焦地, 又香又甜, 送飯一流! $200/斤 雖言佢售價比市價貴好多, 但真係值得一試!燒鵝 乳豬 豉油雞都食過 高水準, 但最難忘一定係叉燒!

水準唔穩定係事實,有時好食有時好難食遇上旺季,D靚料一早比人留起曬所以好少加料斬料有時間先去堂食個飯個老細幾友善既,見我拎相機影相,仲叫我影靚D我無特別要求叉燒食邊個部份所以見到都係無特別肥太肥好油膩食唔慣,呢種瘦肉為主都OK,佢用新鮮肉,食起來無咁乾柴仲有幾分肉汁蜜味輕,肉味濃 蔥薑醬任添一間小店可以吸引到連旅客都來吃認真巴閉我仲見過有人拎埋紅酒黎配燒肉叉燒食不停掛上架的叉燒，不消一會就會賣完！吃飯的２０分鐘，人潮一直排都是買叉燒！！

今日無聊一個人去柴灣睇戲，睇完肚仔餓，突然想起新桂香15年無食過喇，好啦好啦，去聚聚舊先一個人好容易搵位😎😎嗌個半肥瘦义燒加燒鴨，唔洗5分鐘送上碗熱辣辣例湯 - 菜乾雞腳湯，唔會太油，ok嘅到個飯黎喇，師傅真係好好刀功，义燒切得真係好薄（我咁大個女見過最薄嘅义燒）😂😂但都好好味，义燒帶有少少甜，燒鴨肉厚，小女子只係略嫌汁太少...如果師傅d义燒可以切返厚少少，應該會有多d口感下次等我黎試下燒肉飯先。

今朝老婆有D唔舒服，車佢去睇完醫生先送返工，結果十一點幾喺港島。好！自從搬離太古城後實在太耐冇踩去柴灣揾新桂香，一於咁話！肥义燒肉飯多色，跟例湯唔該。大概康文署𥄫得好實，冇辦法再擺到街枱，齋咁細間鋪要逼入去坐得低真係有D難度，好彩一條佬，點都攝到一個半個位，如果帶老婆仔女勸您就咪搞囉。香甜肥潤多汁會泌油嘅义燒……隔離嘅女人嗌瘦义雞胸少飯走汁，噢……！留心！對面停車場出口條彎曲下斜路唔係一般司機可以駕馭，唔熟記住要好慢、要望鏡、要盡直！跟住去咗太古城超市，呢度係好奇怪嘅，唔知點解，買開嘅膠枱布、牙刷牙膏、膠手套、洗潔精，真係全香港都揾唔到係呢度至有，所以搬走咗咁耐都要得閒番嚟入貨。

細個喺呢區長大，新桂香當年雖然唔係經常幫襯，不過重拾舊地，見到街坊落嚟斬料加餸，與師傳們之間嘅人情味，令不禁勾起唔少回憶…講番叉燒先…睇賣相夠晒肥美，燒得色澤編紅，特別燶邊位好吸引，充滿焦香！據説燒時用上麥芽糖代替蜜汁，所以吃起來特别香甜。肉質肥瘦相間，口感軟腍中帶鬆化，相信附近嘅老友記都不難咀嚼。

有人話呢間义燒滴滴金、亦有人話佢好抵食、想要一碟靚嘅叉燒，必須要攻略， 就係以下情節純粹虛構、如有雷同、實屬巧合「正所謂知己知彼、百戰百勝」首先必須要記得以下叉燒出爐時間分別係09:30， 12:30，15:30、17:30「正所謂舊舊都係梅頭、唔通師傅舊舊都會斬梅頭過你咩」但佢好有可能話俾你聽呢件就係梅頭但又收取您一個好貴嘅價錢、當你返到屋企發覺貨不對辦時你打去商業罪案調查科搵大宇同義仔都幫你唔到。所以你必須要師傅點到你相，咁先有機會俾你 （其實梅頭係極珍貴的位置、一隻豬可能只有幾斤）速成法： 1: 大師傅及老闆姓陳（嘗試懶熟啦）2: 去多一兩次坐低隨便叫啲嘢食呃水吹，放低啲聘禮先啦。3: 再請教、先請以後教，後教誼先請燒臘美味位置，虛心聽道，千萬唔好得罪方丈，方丈份人好小氣嘅切記留意自己衣着、建議越窮L越好，唔係方丈就會踢你入「茂人寺」，千萬不要戴男人四寶，不然你就會四面楚歌個人推薦試試「不見天」、暗語，睇吓好唔好食😊

新桂香有數十年歷史的馳名燒臘店，由細食到大佢哋嘅叉燒，雖然放工佢哋已收舖，但每隔一段時間便很懷念叉燒的味道😋,放假便會尊程買黎回味下，叉燒好吃，但價錢就🤔,💰40買6片，好似買金咁贵😥