新泉發潮州飯店 (已結業)

小店格局，地方細，座位都算多。一班銀髮老員工熟練地招呼客人，客人不停地來來往往，真係好旺場。兩個人點了4樣野，方魚肉碎粥，炸蠔餅，例牌滷水鵝片同埋螄蚶。同行既嘴雕朋友激贊尼間既螄蚶同係湖汕食既一樣咁好食食潮州菜一定要試既下蠔餅同滷味，尼度既蠔餅粉簿料足，食完不油膩，仲好香口。例牌鵝片價錢雖然貴d但味道一流，滷汁香，鵝滑，再上煲林左既花生同實質既豆腐第一次食螄蚶，原來好似蠔既味道，但口感軟爽，而且有點兒血腥，真係好刺激潮州粥又係第一次試，好似食湯飯咁，最重要係個湯底“鮮”，味道不錯

好耐無幫襯過潮州打冷了今晚與一眾姊妹睇完寒戰可能被我這魔鬼的引誘早被美味的爆谷打敗了本打算睇戲後大擦一餐的念頭亦只好打消隨之而來我便提議到附近的打冷店吧這舖在附近一帶也頗有名氣幸運地一進舖便有一張枱好像早為我們安排似的坐下後各人好像還對剛看完的戲耳猶未盡仍互相討厭喋喋不休把桌上的menu冷落一旁直至工作人員禮貌地前來詢問才記得點菜這大使命失禮晒~店內所有潮州打冷店應有的這裡都有凍蟹、大眼雞、花螺、蠔餅、鹵水鵝....應有盡有但我們的胃早被爆谷攻陷了唯有先叫三樣打冷必叫的"signature"嘗嘗鮮叫了蠔仔粥、豬紅韮菜及鹵水拼盤蠔仔粥裡的蠔仔並不吝嗇，粒粒飽滿不加胡椒粉也不會有蠔的腥味証明店家在處理蠔仔上並不馬虎而且粥入面的肉碎不會只有肥肥的脂肪浮在粥面而是一粒一粒札札實實的豬肉碎渾在粒粒分明的潮州粥入面暖胃可口！可惜係.....我又掛住食唔記得影相（哭）吃擺豪仔粥就上了鹵水拼盤及豬紅韮菜鹵水拼盤實在豐富！有紅腸、生腸頭、生腸、豬頭肉、豬耳、鵝腸、豬大腸、墨魚片、鹵水豆腐.....小小一碟，包羅萬有！很怕吃到些千年鹵水食物，是入味....但總是鹹得死實實這裡的並沒有這問題，所有食物像都像

想喺旺角區打冷又唔想去連鎖店，好多年前黎過一次印象中都唔錯就再去食。佢屬於舊式潮州打冷，鋪面唔大，係正朗豪坊斜對面好易搵。間鋪咁舊睇落衛生程度屬一般，不過感覺做街坊生意，全部都係上左年紀似做左幾十年。我地叫左豬皮蘿蔔、鹵水拼盤、鹵水鵝片、蠔仔肉碎粥、煎蠔餅。大部分都好食，佢既鹵水汁幾唔錯，鵝片墊底既豆腐花生都索到鹵水汁味。鵝片用上鵝脾肉，份量唔算多但每一件都滑。鹵水拼盤有生腸，大腸、墨魚片、鵝腸，豬耳、紅腸同韮菜，覺得生腸最好食，保留少少脂肪得黎都幾乾淨清曬腸內既豬膏，鵝腸都唔錯，豬耳實在太肥，但生腸泵水過度，好似食緊橡筋咁，唔掂。又係好好食既仲有煎蠔餅，充滿鴨蛋香又唔會炸到好熱氣咁，廟街果啲炸到咩都食唔到咁，呢個蠔餅都做得好好。蠔仔肉碎粥都幾清甜，叫左一碗都算幾大，粥底幾綿，加左蠔仔肉碎好甜。唯一比差既係豬皮蘿蔔，$48一碗得3、4塊豬皮，蘿蔔又炆到爛曬仲要無味又油，早知叫韮菜豬紅好過。呢度有個好有性格既伙記阿叔，好cool鐘意比側面你睇😂阿姐就好有禮貌好笑容

對於潮州打冷不嬲都比較陌生，因為我比較中意食大排檔或者普通中餐等等，今次有親戚生日，佢地提議去食旺角呢間打冷，終於都比左個機會我去試打冷喇由於我遲到既關係，親戚們都開始左食，所以就miss左佢地叫餸既時間。一黎到就即刻試左親戚們大力推薦既大眼雞，見識少既我以為係咩田雞定雞泡魚，原來係普通魚一條食落啲肉都幾滑身，蒸得岩岩好，有別於平時既蒸魚，但我又唔覺得好特別，可能係大人食得多蒸魚所以識得分啦之後試左隔離果碟咸酸菜醃魚（其實唔知叫咩名，親戚叫）,見碟魚無人問津，好好奇佢咩味，食落真係好咸好咸，無論醃菜定魚都係一樣咁咸，食每啖都要飲一飲水平衡返... 所以在場所有大人都話交比我呢啲年輕人食喎..另外叫左個滷水併盤，見好多檯都有叫，黎到見都幾大碟，係明副其實既大雜燴，我試左紅腸同腸，味道唔係話想像中既濃，但都爽口同埋食落乾淨XD 內臟呢啲您知啦...隨時有啲...（唔講啦哈哈）,但個人覺得個滷水汁多啲會正啲另外有碟炒魚乾之類既野，同樣係無人問津，可能因為望落已經見到好多油，親戚們都話唔想食喎，我試左一啖都係覺得好油膩。全檯最受歡迎應該係獅音喇（同音字XD) ，我都係第一次食，食落好鮮甜同爽口

上次去左標記，有d失望，今次來返間都係老店試下，螄蚶要搵到有人整都唔易，但呢度有，因為螄蚶既製作雖簡單，但技術重要一切。食螄蚶都係爸爸係屋企整得多，出街食，都好少，可以講未試過，見呢度竟然有灼螄蚶，就點一碟來試下，螄蚶唔係個個人鐘意，因煮得太耐就會老，食螄蚶要煮得夠生，血淋淋，先啱啱好，夠鮮嫩。所以未必人人接受到。朋友食左幾隻就話唔鐘意。我就鐘意佢夠鮮甜，新鮮。韭菜豬紅，朋友唔鐘意食，每次打冷我必叫既菜式，但有時就朋友就無叫，今次自私D，哈哈…之前食過幾間d豬紅都無味，今次呢度就唔同，無論韭菜或豬紅，一樣夠味，豬紅仲無腥味，俾個good佢，會再來！

必食蠔仔粥，好香蠔味同芫茜，隻蠔大大個肚，正。紅腸魷魚配九菜底，魷魚幾爽，紅腸一般，九菜新鲜。大眼雞鮮甜新鲜，唔錯。個c 隂煮得夠生，血淋淋，剛剛好，嫩。三個人仲叫左四碗白粥送餸。

岩岩睇下 D 舊相，見到幾個月前係新泉發食既羊腩煲，夏天食唔到，唯有寫返個食評。本人都係新泉發既熟客，特別去食宵夜。每年大約 11 月至 2 月 先有既枝竹羊腩煲，呢間個湯底好夠濃，枝竹又多，羊都好足料。落單後大約等三四個字先有得食。羊肉炆到好入味，夠稔。附上生菜一碟，兩個人，幾支啤酒一個煲，夠晒飽。另外都成日會叫打冷野，不過冇相唔好意思，如掌翼，蠔粥等等。蠔粥如果有三四個人可以叫大煲，佢入面都好多蠔，加埋 D 豬肉碎，芫茜，魷魚乾等等，好好食。講完野食，服務方面，去得呢 D 鋪都唔會有咩要求，老細都好好人。只係有時忙會出野慢 D。環境裝修後光猛左，都算乾淨，廁所都冇臭味。整體黎講都抵食，夠冷氣，同朋友吹水宵夜既好地方。

第一次黎依間店，地方果然夠麻甩，不過咁先夠地道風味。如女士們或中意好乾淨或舒適的地方，此店未必會係你杯茶喇，此店主打係平靚正同麻甩。今晚消費連啤酒共320，無訂位，但去到都唔洗等，好運。叫咗鹵水鵝，佢地上咗碟鵝脾，夠肥美又滑。鵝腸墨魚合格，唔會過火同嚡。蠔餅幾好食蠔都幾大粒，全晚唯一遺憾，反而係個湯，胡椒味唔夠，不過以依個價格，我已十分滿意了。

樓高兩層喺朗方斜對面既打冷,環境古舊,專食打冷小菜,食物選擇少,但質素吾錯我地一行5 人點左韮菜豬紅 好味,豬紅爽口夠彈性,韮菜新鮮,醬汁濃厚蠔餅 比較薄身,口感有咬口D,都火錯通菜 新鮮點腐乳OK烏頭 一般冇黃油,但算新鮮鹵水鵝 鹵鵝肥瘦適中,配以豆腐同花生好味, 最重要係鹵水陳年芽菜豆卜 口感清新爽口鹵味併盤 鹵味醃得好入味,魷魚鵝腸特別爽口食物整體吾錯,而且價錢平值得一試

很久沒有打過冷了，這一晚決定打番一次，在太子的「陵發」與旺角的「新泉發」兩者之間，揀了較為就腳的後者。沒有吃「鹵水鵝」或「鹵水鵝片」，只叫了「鹵水拼盆」；沒有吃通常都會叫的「韭菜豬紅」，改吃了「胡椒鹹菜豬肚湯」；沒有喝啤酒或汽水，只喝了清茶。不過素來喜愛的「蠔仔粥」，還是有吃的。「鹵水拼盆」的鹵水汁做得幾好，味道適中，鵝腸、豬肚、紅腸、墨魚、韭菜等久違了的打冷鹵水食材，吃得也頗滋味。「胡椒鹹菜豬肚湯」味道對辦，鹹味足夠，十分醒胃，但胡椒味就不夠濃。鹹菜，豬肚夠腍，不過份量偏少，吃得不夠盡興。在店中的三款口味「蠔仔粥」中，選了「吊片蠔仔粥」，水準仍佳，蠔仔飽滿，湯味亦鮮，但吊片不多，卻是缺點。始終這晚沒吃喜愛的「鹵水鵝片」，要是有叫的話，相信自己會吃得更加愜意。

打冷是潮洲人的其中一樣吃飯及消夜的叫法，也是香港人喜愛食物其中之一。傳統潮洲人吃的食物大多數是冷盤式，都是腌制類鹵水類，因他們要方便去食，大都不會翻熱的。但現在新一代的大多喜歡熱食潮洲，這樣會比較香口和好味，也是這樣我較喜歡的。那天晚上和朋友一起去MK打冷。MK打冷多的是，於是隨便跟著朋友去咬吧！3條友叫了韮菜豬紅 、蠔餅 、炒蜆肉 、鹵水鵝片 、腐乳椒絲炒通菜。我不知是否已吃慣熱野，都係各得D野食吾熱，韮菜豬紅很油我看見很驚。鹵水鵝片，肥瘦適中但鹹左D，不太鞋，都OK既，墊底豆腐不太入味一般般啦。炒蜆，蜆仔細細，但味道ok。蠔餅粉底太厚，食吾到蠔味，只吃到脆味。腐乳椒絲炒通菜都係好油。加上3枝啤酒。有了啤酒後心情好愉快，咬會開心D。最後結賬都係$36X，算係開心既夜晚，如果D食正D仲開心D。

每次出親去MK都係食西餐,今次終於同BF食左一次中餐---打冷一去到餐廳門口,玻璃窗掛滿曬一串串的食物,包括必食GE滷水鵝,紅腸,墨魚等等,,,,睇到都想食!!!因為6點半去到,,冇咩人,,岩曬!!懷舊餐廳感覺,,,牆身貼左好多菜式推介...!!!楚低左接近5分鐘有個靚姐終於拎杯水同菜單黎啦!!基本上普通GE都有,最難得竟然有豬雜食囉諗左陣終於點左四樣野!!加兩支樽裝可樂等左2分鐘到就黎啦.....就係去親打冷都必食GE "9菜豬紅"黎到未食都香噴噴,雖然表面有浸濃郁油份,但唔理啦!!!!食落簡直可以話齒甲留香,而9菜亦吸曬D汁,,等多陣就黎啦,,,,,"鵝腸並大腸",,,印象好似70蚊!!!而家己經好難得食真正ge鵝腸,,而且每條都帶有少少肥豪,,肥屎了!!另外生腸好爽脆,,配埋秘制旳滷水汁,,餸飯一流!!!今日有東風螺,即係點個"白灼東風螺",,原汁原味麻!!!螺唔算大隻,用竹籤好容易督出黎,每一隻都冇沙,食個陣配個辣醬,好味丫!!!最後點左個"通菜炒牛肉",,,好多人都知牛肉係好難炒得好食!!!雖然就唔係鮮牛肉,但勝在炒得唔'UN'~~賣單個陣個靚伯伯仲用個懷舊算盤..哈哈..4

新泉發是筆者旺角飯堂之一,身處旺角又想不到吃甚麼的時候多數會去.位處砵蘭街朗豪坊附近,人流頗多所以通常也很爆場.環境就一般打冷鋪格局,對它們你最大的要求只能是地面不要太污糟,枱櫈不要擺太密,這兩點新泉發算是做到.人手方面明顯不足,樓面只由兩個阿叔負責,又要執枱又要落單又要出菜,每次都要揮手很久才會有人來招呼.食物方面,這晚出了點小意外,吃完這餐我回家嘔了五遍,容後再表.灼螄蚶--到泰國旅行時,帶過女朋友去街頭吃螄蚶後她便迷上了.所以見到新泉發有賣,也就點了一碟來試試.唯女朋友吃了數隻之後就表示不喜歡.大概是因為這裡沒有了她很喜歡的泰式醬料.另外,泰國吃到的是燒烤的,這邊潮汕食法是輕輕灼熟,或許因此而走了點味.鮮味還是有,但點的醬料真的挺沒誠意,就是點鹵水鵝那種醋而已.鹵水鵝片--鵝片夠軟熟,肥而不膩,鵝味香濃.鹵水夠香夠厚,又不會太鹹.基本上可以不用醮醋去中和鹹膩感覺,喜歡新泉發主要原因就是因為這裡的鵝片.鹵水雞蛋--吃完鵝片嫌未夠喉,於是點了一隻鹵水蛋試試.不過味道跟鵝片是差天共地,鹵的時間太久,是類似台灣阿婆鐵蛋的味道.整顆蛋非常之硬實.蠔仔粥--香茜,唐芹,蔥粒,冬菜,本身已經令

近年人越大, 心態越來越跟年青時有所不同. 正當身邊女生越大越喜歡成熟的走去吃個高茶或上高級餐廳享受的時候, 不知怎的宅女會變得越來越喜愛麻甩美食. 所以從前覺得麻甩地方''那渣'', 但現在反而覺得滿有風味的. 這晚跟大爺來到旺角, 差不多到晚飯時間但還是亳無頭緒決定不了去哪裡吃, 突然腦海中閃過想打打冷, 馬上問友人附近有沒有潮州飯店. 不過原來旺角不錯的打冷店不多, 位在太子的凌發之前巳吃過, 友人最後介紹了這家新泉發, 反正我們也是在附近, 便行去看看.這家新泉發其實就在朗豪坊的斜對面, 同一條街上的食肆也蠻多的, 計有連鎖炸雞店, 也有同是做打冷食物的連鎖茶餐廳在旁邊, 這家新泉發相對來說門面看起來頓時沒有那麼光鮮. 不過看看店子格局和擺放出來的各式冷盤前菜, 的確是很有舊式打冷店的地道風味. 我們周日晚上7時多來到, 食客差不多坐滿8-9成. 幸好剛剛近門口處有張小圓枱空置著我們就不用等位馬上入座了.店內比我想像中要大, 而且居然還有樓上第2層的. 座位大多是圓枱, 有4人的也有6人的, 人多時搭枱應該是少不免的. 我們坐起來是有點擠迫, 而且衛生程度也只屬一般, 不過以舊

星期二到旺角睇戲仲有一個鐘時間，又唔想離開UA咁遠自由人又多，每處都要等位畢竟我真係唔覺得旺角係有好野食就打算係附近搵間小菜館或餐廳食下就算見到新泉發都開左咁多年咪入去試下喇哇，入面爆到呢…全店滿座，得一張檯放緊外賣，一張係未執野既我地坐低坐係未執野既個張等極都無人執野，又無人招呼唔怪得喇！整野食入面見就有兩個人但成間鋪入面就得一個白頭阿叔做晒！做死人咩…我都叫：唔該，執野，落單…白頭阿叔笑口迎迎答等等先，我要執晒所有檯先可以過黎！我話：唔係呀?!成5張檯喎！我趕住睇戲呀…阿叔聽到就即刻落單先，轉頭再慢慢去執晒所有野…我地落完單上了兩碟野食後隔離檯同我地同一時間坐低，但佢地連檯都未執如果我地唔係趕時間，我地都應該有排等…肥美鵝片，不錯！只是豆腐太硬好一般既蠔餅，$50碟，我就覺得貴因為元朗都係同價，但就大過佢地起碼三倍，而且勁多蠔炒蜆，都係一段，但至少唔會全部都係吉殼囉！