新麻蒲 BBQ (東港城) (已結業)

難得生日，梗係食得豐富d係商場兜左個圈決定去搵下oppa，千挑萬選揀左個有牛又有豬既2人餐呢個2人餐包原本有烤肉，有少量配菜，一個部隊鍋，一個沙冰甜品，兩杯飲品，點知當日沙冰機壞左不過佢俾我地係主食類揀多個同等價錢既最後我地揀左芝士泡菜炒飯😋烤肉肉質好，每舊肉都好淋身，又唔痴牙，juicy😋😋分量兩個人食岩岩好部隊鍋簡直滿足左我呢個港女既慾望😏泡菜炒飯做到芝士拉絲，好正👍🏻至於飲品，除左酒類唔嗌得其他都可以任叫唔洗加錢😍我地嗌左一杯藍檸檬汽水，一杯柑桔果醋下次一定會再去食韓燒😋😋

只是來食過兩次lunch set, 今次係因為韓國五花肉節(?)以優惠價$99任食五花肉😄最初以為份量得好少，同埋會好嘈好多人秩序會大亂，入到餐廳雖然多人，但係一啲都唔嘈。五花肉嘅份量俾得好多，每塊都好厚同無調味，有韓式粗鹽同埋辣豆瓣醬自行調味。雖然有啲韌，但以咁嘅價錢算好好。泡菜同埋其他前菜都可以refill，生菜同埋沙律都好新鮮。😋最值得一讚嘅係待應態度都好好。有一位中年嘅短髮姐姐態度好懇誠細心，不時留意住我哋有冇嘢要加，感覺好似喺屋企食飯咁親切😊 (對比之下有時後生嘅侍應都唔會做得咁細心)

同媽媽行商場到左午飯時間肚餓，見到間間餐廳都好多人排隊，唯獨呢間韓燒無人龍，因為好肚餓而且立即有位所以就決定試下～入去發現原來燒肉午市套餐都唔錯，叫左個豬牛燒肉套餐同豬肉餃子刀削麵試下呢間韓燒前菜都包6種，好抵～而且味道唔錯，開胃既前菜已經令我地對呢個午餐有期待感首先上左燒肉拼盤，有牛肋骨、護心肉同雜菇，仲附送紫菜飯，鍋邊蛋就送既，淨係款式種類已經好豐富豬肉同牛肉都唔錯，兩種肉都好稔，而且有肉汁，正之後到既有刀削麵，呢個麵量好多但餃子只有兩隻，湯底味道較咸，豬肉餃子普通下次再光顧我會叫燒肉套餐

今日經阿妹介紹，收工過咗將軍澳食韓燒，呢一區對我來講人生路不熟，好彩有阿妹帶路咋，原來係一個叫Popcorn嘅商場裏面，阿妹話呢間新麻蒲BBQ好出名嘅，咁就一於試吓啦。望咗好耐個餐牌都唔知揀邊款好，結果我哋帶咗個二人套餐，牛肉套餐/$398，以層架盛載，有三款牛、什錦拼盤及部隊鍋。層架由上而下，上層有年糕、豬肉香腸、大蝦及磨菇。中間則是特級霜降牛肉、秘製牛肋排，其中前者紋理清晰，色澤紅嫩，單看賣相已不錯。最下層的就是秘製牛五花肉，由於薄切，令燒起來時更易快熟。特級霜降牛肉，牛肉比較厚身有彈性，食落帶點嚼勁。什菜有菇類及翠肉瓜等，不錯~爐邊仲有蛋漿，是混合泡菜而製，帶點微辣，蛋燒過後，像焦糖般至金黃色，質感亦滑一滑，兩者的味道可是匹配得極致。值得一提的是，蛋漿和所有配菜，包括泡菜也是任加任食。BBQ爐隔離就係部隊鍋，個爐keep住開個鍋又keep住係咁烚，啲部隊鍋料熱辣辣勁好食，最鍾意就係佢有辛辣麵，另外仲有午餐肉腸仔呀金菇啊豆腐啊咁，人哋話部隊鍋即係大雜燴乜都有得食。二人套餐$400都唔使其實都經濟實惠，如果一大班人嚟食就更加抵啦。

上次嚟東港城一田掃貨見到呢間新麻蒲BBQ已經覺得好吸引喇,今晚阿肥話要嚟買日本生果食,我終於都有機會嚟食超出名嘅韓國燒烤啦~一收工就即刻搭車嚟,未到旺場時間所以都唔洗排隊直接入座,所以都未睇得清楚楝起門口嗰塊餐板坐低先慢慢再揀~原來呢度同傳統舊式嘅韓燒任食食店有啲分別,呢度嘅韓燒主要係套餐為主,有好多種份量嘅選擇,我哋一坐低已經見到成枱都係小食,原來都係一啲任添任點嘅韓式沙律菜呀泡菜呀海苔呀咁。我哋兩條友人少少,今次就揀咗個SS1嘅牛肉套餐品嚐品嚐。SS1牛肉套餐1($398蚊)：呢份beef set裡面包括有特級霜降牛肉100g+秘製牛肋排120g+新麻蒲秘製牛五花肉120g+特選韓式什錦拼盤(年糕,蘑菇,豬肉香腸,大蝦),以上呢啲全部都係for自己燒嘅生冷食物,套餐另外仲有一邊爐係for新麻蒲部隊鍋添,真係超級豐富又繁忙生嘢嚟到嘅時候,用一個鐵製層架盛載,共有三層,最高嗰層就係特選韓式什錦拼盤,中間就裝住秘製牛肋排同埋特級霜降牛肉,最底嗰層就係秘製牛五花肉,驟眼睇嘅份量好似唔係好多咁,但其實兩個人都已經夠哂食喇。自己慢慢燒吓食吓,旁邊個爐仲煮緊個部隊鍋,食吓食吓已經非常之滿足。首先

好耐無食韓國野總會突然有舖癮😌 好耐無食新麻浦BBQ😆 路過睇到menu 嘅套餐真係超豐富🤩🤩 瞬間被吸引😁好彩當日一早就到，仲未到晚餐黃金時間，好容易搵位， 周圍環境都幾好🥳 叫咗一個牛肉套餐1 有特級霜降肥牛、秘制牛肋排、新麻浦秘制牛五花肉、特選韓式什錦併盆！ 😳 食物放晒上台份量係幾咁多😆 配菜種類多而好食😋 而且唔會感覺好唔新鮮令人期待嘅絕對係韓燒嘅爐邊蛋😆 佢嘅爐邊蛋加咗少少泡菜☺️ 恰到好處😙😙燒烤嘅材料係一個三層架上 份量俾兩個人食絕對足夠有餘！個人最愛係秘制牛五花肉🤗😍 醬汁偏甜肉質好嫩容易咬 部隊鍋材料尤其豐盛😄 我叫咗BB辣，辣度啱啱好！我呢個唔好辣都覺得可以接受，而且食到全個鍋嘅辛香😊 鍋裡面內容超豐富唔少得當然有拉麵、午餐肉、香腸、年糕等等，連裡面嘅肉啊、配菜、豆腐等等都好入味🥰太耐無食韓國野，今次一個套餐滿足我幾個願望簡直係大滿足啊🤩

難得今日同mami一齊放假，就請mami 去食飯。mami話想食燒烤，所以就去左依間新麻蒲BBQ下。一睇memu, mami已經即刻話要食特級午市套餐，話未試過護心肉。見佢好似唔係好多肉，怕兩人唔夠食，所有叫多一個海鮮嫩豆腐鍋。因為特級午市套餐：依個特級午市套餐只有4種肉，每種2至4塊，原本怕唔夠飽，但原來有配一個湯同個飯。佢果4種肉包括牛霜降肉，牛肋排，五花肉同埋護心肉。五花肉多油脂，一開始用佢起鑊出油，脂同肉既比例各半，又香又滑。正牛霜降肉，脂肪既雪花樣分布得好靚，入口好嫩滑。牛肋排肉味濃郁，肉質比較實但唔會韌。mami第一次食護心肉，佢話肉質比霜降實，有點爽口，但比肋排嫰，肉味重，好食。只食肉未必夠飽，但連埋下面個湯同飯就絕對夠飽。因為怕唔夠飽所以叫多左一個海鮮嫩豆腐鍋。依個鍋有蝦，蛋，青口，金菇等等，有少少辣，好野味，撈埋白飯一齊食，好正。提一提大家，佢既配菜係任添，爐邊蛋同生菜都係任添。

新麻蒲..我幾年前就聽過呢個名🤣🤣 舊公司啲同事成日講到好好食 可惜我一直冇去到 😭估唔到要等韓燒既熱潮完左咁耐我先走黎「朝聖」叫左個牛肉set傳說中既爐邊蛋，加左泡菜 唔會只得蛋咁寡。唔知係咪錯覺，over cook 既爐邊蛋食落都唔覺得「鞋」二人餐既份量 好多好多菜部隊鍋黎講，呢個係最bb辣，友人與我都唔食得辣，但都唔覺得辣🌶滑滑既韓式公仔麵，我地掛住燒肉食，唔記得睇住個部隊鍋，但夾起啲公仔麵都唔會好稔冇晒口感不愧為霜降牛肉，油花分佈均勻 ，入口即融唔知生菜有冇得refill 不過個人鍾意用生菜包住肉黎食，食起黎冇咁膩平時去bbq一味食肉,韓式bbq用菜包住肉一齊食，罪惡感都細啲🤣初初以為樣樣幾件睇落好少..我同朋友最後食到捧腹而回🤫🤫可惜聽日要返工，呢個happy hour 2人set真係好吸引，重要有護心肉之餘又有牛肋排肉，一於搵個星期五再黎食過

那天小弟約了朋友在將軍澳行街，老實講，如果不是自己或者有朋友住在那邊，都不會入將軍澳。雖然沒什麼娛樂場所，但都有唔少商場和食肆。因為朋友說好耐無食韓燒，所以就選了這間。晚餐可以選韓燒或者單點，而我們選了韓燒，一坐下已經有7碟小食放在眼前，而且是無限任添。有泡菜，涼拌紫菜，沙津菜，青瓜，醃蘿蔔...等等。因為我很喜歡食泡菜，所以添了好幾次。看看燒烤爐邊，那些是蛋漿，可以加一些泡菜一起燒，另有一番味道韓燒不是任食，我們選了牛肉套餐，有牛肉部隊煱和一大盤燒烤食物。部隊鍋沒有加任何泡菜或者韓式辣醬，我猜是讓我們自己加，而我亦加了不少果然部隊煱一定要辣才好味。因為是牛肉套餐，除了牛肉部隊鍋，肉方面也全是牛。有牛肋骨，霜降牛肉和牛五花肉。食材算不錯，而且有牛味，其中霜降牛肉味道最好，燒完最juicy，但不會太膩，一咬下去牛肉油和汁沁出來，非常濃郁。3款牛都各有特色，一食就很容易分辨出來。食物貴精不貴多，味道才是最重要。肉燒好後可以放到旁邊，不怕燒燶。蛋漿是無限加的，加了泡菜燒味道更好，我們也添了幾次。除了牛肉也有蝦和一些配菜燒，不會只有牛肉這麼單調。雖然肉是固定份量，但因為前菜和蛋漿任加，加上慢慢

位於將軍澳坑口站的東港城，自從翻新過後，引入不少新餐廳。是夜，來到東港城覓食，雖然是閒日，但場內幾乎每間店也要等位入座。打了兩圈後，最終決定試試這家韓燒。這家新麻蒲進入時，可以選擇韓燒或單點食物，我們是夜就選了韓燒，內裡和Me Me Chicken是打通的，故空間感較大，而店鋪裝飾格外新穎，配合以屋仔的形狀設計，及色彩繽紛的風格，讓人感到別樹一格。翻看餐牌，韓燒除了可逐碟餐點外，亦有Set供應，懶人的小妹就覺得最好不過。牛肉套餐/$398，是二人份量，以層架盛載，有三款牛、什錦拼盤及部隊鍋。層架由上而下，上層有年糕、豬肉香腸、大蝦及磨菇。中間則是特級霜降牛肉、秘製牛肋排，其中前者紋理清晰，色澤紅嫩，單看賣相已不錯。最下層的就是秘製牛五花肉，由於薄切，令燒起來時更易快熟。特級霜降牛肉，建議燒至五成熟，可保留juicy的味道，牛肉厚身有彈性，食落帶點嚼勁。另秘製牛五花肉，雖沒有入口即溶感覺，但脂肪亦豐富，入口Juicy，不過不失。什菜有菇類及翠肉瓜等，燒至乾身後，特別是蘑菇，帶點燒焦的味道十分惹味。最欣賞是爐邊的蛋漿，是混合泡菜而製，帶點微辣，蛋燒過後，像焦糖般至金黃色，質感亦滑一滑，兩者

好耐冇食過韓燒，今日終於約咗朋友去坑口嗰間新麻蒲食韓燒！呢間距離地鐵站大概7分鐘嘅路程，唔算太遠。門口見到佢有啲lunch set好似好幾抵食咁，大概都係$70至$90一個餐，包埋嘢飲。如果想食韓燒就貴少少，百零蚊度。呢個風味牛排骨湯比我想像中嘅大碗好多😂，仲有好多嚿肉。我諗可以分到6-7碗湯，仲要每一碗湯都會有塊肉👍碗湯好濃牛肉味，同埋好鮮甜。入面仲會有啲韓式粉絲，完全夠飽！呢杯藍色嘅嘢望落已經覺得好靚，其實佢係lemonade，味道都唔錯，都見到有好多人都有叫☺另外都有叫到一個韓燒餐，真係幾抵食！佢除咗有三至四款肉之外，仲包埋一碗大醬湯同埋一碗紫菜飯，真係超飽！兩個人都係食咗二百零蚊，食物質素又OK，所以都覺得CP值幾高！

行完一田之後就去醫下肚。喺一田隔離有唔少食肆，今次就揀咗韓國菜嚟食！一去到門口，店員就會問你要唔要燒嘢食，跟住就會帶返你去相應嘅位置。張枱已經擺滿左唔少韓國小食，有泡菜、海帶、醃蘿蔔同埋沙律。嗰午市套餐超抵食，大約70幾蚊就有一個餐連嘢飲。燒烤套餐都係百零蚊就有一個。今次就叫咗一個燒烤套餐，一個牛排骨肉湯同埋一份牛護心肉。 叫咗2杯野飲，一杯果醋，酸酸甜甜既解渴又解膩。另一杯係lemonade，都係酸酸地。成杯野藍藍地色，好夢幻咁，好啱拎黎打卡😍個海鮮湯都有幾多蝦同蜆，足料又好味！個燒烤套餐跟咗碗海苔飯，又有4種唔同嘅肉。無論牛肋排，牛霜降肉定五花肉都好正，好重肉味。另外加嘅牛護心肉都幾好味。下次想試下個豬頸肉。呢個牛肉湯好香牛味同埋好甜！入面仲有4,5嚿牛肉，好抵！

韓國人參湯，我和朋友都係粉絲，今日大家相約，唔食烤肉，目標係飲湯。那晚星期四，人唔算多，兩個人都比我坐大卡位，好舒服。叫了人參雞湯，我地特登揀辛辣，因為叫了大盤海鮮，想自製人參海鮮又辛辣湯! 湯來了，熱辣辣的，我地特登唔飲湯住，先加D海鮮落去先。加了虎蝦，蜆，青口，小棠菜，黃芽白，蟹，扇貝，全部落齊，待食材熟後咩都唔食住飲咗個頭啖湯先。湯真係鮮鮮鮮，加上好勁的辛辣衝著味蕾而出，呢D人參海鮮辛辣湯，先至係精華所在，大家齊齊飲幾杯，熱血沸騰面紅紅，無得彈! D蟹肉好鮮，扇貝肉厚鮮甜，虎蝦又大隻，重有D青口，蜆，鮮鮮鮮，超好味。其實D菜黃芽白同棠菜灼腍D，吸收湯汁，也十分好味，特別係黃芽白韓國貨來，有甜味，好好食。今次唔食烤牛豬，都咁正。

聽人講新麻蒲新出咗個大大份嘅牛肉野菇韓鍋，叫得草菇達人嘅我當然唔會錯過呢個鍋啦！我同朋友坐低後，店員立刻送上2碟無限refill嘅前菜- 韓式泡菜及醃海帶。多數餐廳前菜都較隨便，所以本來無咩期望，點知2碟都好好味，泡菜夠味得黎又唔太辣，而海帶酸得黎十分醒胃。食過數輪前菜後主菜終於預備了，一開蓋果然無令我失望！有金針菇、茶樹菇、杏鮑菇、秀珍菇同香菇，啱晒我呢個草菇達人！另外中間有韓式牛肉配粉絲，亦十分惹味，總括黎講健康得黎又好味，唔錯唔錯！而且新麻浦環境十分好，以為韓燒會好大陣油煙味，但估唔到抽氣做得好好，完全唔覺有油煙味！值得一讚👍👍

今次同黑妹來，食下D補品先，不想下下都烤咁多肉，叫了個人參海鮮鍋，我今次真怕爆瘡，沒叫辛辣味，只叫了原汁鮮甜味，因為好想飲下原汁原味的人參湯啊! 先吃下前菜開開胃，每次來前菜都很好吃，泡菜，籮蔔，豆芽，海帶，酸酸的開胃又健康，韓國人餐前的前菜，真係日日食都唔厭。人參海鮮窩熱辣辣來了，好香，我地先飲下個湯，很有人參的甘甜，湯好鮮，湯底一定是用雞㷛的，好飲，飲了幾碗，待應細心在桌上放了湯壺，方便我地隨時加湯打邊爐，好讚!D食材好新鮮，藍青口，扇貝，花甲全都鮮甜，重有隻蟹肉多，好鮮，蝦也鮮又大隻，海鮮水準好好，另外D蔬菜如黃芽白和菇，吸收了海鮮湯汁，真係精華所左，好鮮甜呀! 因為好想吃牛肉，少少地叫了一客霜降牛，因為唔想浪費咗D靚湯，霜降牛好食到暈低咗，太正。