日作食堂

營業中

休息中

路過觀塘，朋友介紹先至知有呢一間小店，佢嘅刺身丼唔錯，好大碗，揀炙燒丼都係因為佢哋有左口魚裙邊，我始終抵擋唔到佢嘅魅力，好彩呢間店冇令我失望，冇辦法，左口魚裙邊一定要炙燒再配合醬油先至好食😂帆立貝好厚，初初諗住普通料，不過食落口，因為佢夠厚，夠大粒，配合日式醬汁，炙燒完之後的確好食好多，純粹個人喜好，帆立貝始終都鍾意配醬汁燒完再食👍🏻女士嚟講其實我食唔晒，希望可以有得揀少飯，我覺得呢個價錢之下質素都好合格，選擇都夠，下次我一定會嚟食佢其他魚生丼，不過張木凳有啲硬😂

一朝早食個靚早餐，成日都醒神晒。繁忙嘅觀塘入面，低調入駐嘅日式餐廳，不單止有午餐，晚餐定食，仲有提供早餐，適合觀塘打工仔。餐廳裝修以懷舊課室做主題，空間感十足，無論單獨用膳，或相約三五知己聚餐都適合。見到份早餐，真係覺得好似去咗日本咁。咖啡或者玉露茶，仲可以免費添飲，好chill呢日式all day breakfast 大滿足，照燒雞扒夠厚身，一早就補充滿滿嘅蛋白質。仲有炸忌廉蟹肉餅、煙肉、炒蛋、多士、沙律同鮮果乳酪，一次滿足晒所有願望。有蔬菜同生果平衡返唔會太過膩。鹽燒三文魚柳、漬物、香蔥玉子定食見到呢份早餐真係好似去咗日本酒店咁，三文魚煎得香口不油膩，配上玉子，仲有麵豉湯，營養均衡，經典和式朝食組合

星期六晚上來到，除了單邊位外幾乎全滿座。幸好剛有人離開，我們可以坐卡位。整間餐廳裝修也很日系，感覺到有用心佈置。眼見大多數人也選了便當，我們也分別點了三文魚山藥燒溏心蛋配烏冬及吉列豚肉扒定食，另外也加錢追加抹茶卷蛋及芭菲，飲品選了凍抹茶。飲品先到，凍抹茶茶味很濃，飲了一半更嘗到抹茶的苦味。山藥燒先來，本身不太喜好山藥但味道不錯，加上大阪燒醬汁感覺像極吃大阪燒。三文魚厚身不乾，伴山藥燒一起吃頗夾。烏冬的帆立具是燒過的，標明選用蘭王蛋整既糖心蛋自然無得輸，烏冬看似細碗但拌開後份量不少，湯底不俗，整碗烏冬沒有過多調味也好吃。我吃到一半，吉烈豚肉扒才上桌。炸得鬆化味道尚算不錯，但我還是比較欣賞山藥燒，較有創意及多樣化。甜品茶卷沒有什麼特別，芭菲雪糕好滑，有點像壽司郎的軟雪糕，但其他配料沒有什麼特別，感覺不值加$58追加芭菲。總括來說，食物不錯，服務態度也很好，只是性價比不算高。入座時沒有告知有限定用餐時間，如果和很久不見的朋友好好傾偈，也算是不錯的選擇

觀塘街坊、附近的打工仔有福了😍觀塘日作食堂 早上8:00至11:00提供早餐🥣平日放假既我正好約左觀塘返工嘅朋友食早餐！早餐定食有10個選擇，最平$48起連埋飲品，無加一服務費，咖啡或者日式玉露茶仲可以無限添飲‼️🤩🤩餐廳地方都好闊落，空間感十足🆙唔會好迫，木系簡約風，有休閒舒適的感覺！中間仲有個跳馬台，加埋牆上嘅黑板，有少少日系教室嘅感覺😆環境好🉐平時西式all day Breakfast就食得多，今次揀咗日式特選和風早餐，價錢合理，有齊3.6牛乳炒蛋🍳煙肉、芝士腸、田園沙律🥗炸忌廉蟹肉餅、鮮果乳酪、多士半份，份量足夠到我當一個brunch食，飽到晏晝都唔使食😛食物方面水準達標，炒蛋好夠滑，特別鍾意佢有鮮果乳酪，夏天配上西瓜好清新🍉朋友要咗燒汁野菌安格斯牛肉定食，真係有啲似lunch set，仲有枝豆、麵豉湯，炒滑蛋，唔講真係以為自己喺日本食緊早餐🤣牛肉真係炒得幾香，加埋啲汁送飯一流😋如果唔夠食仲有得額外加配小食，我哋加咗雞皮餃子，一人一件，都煎得幾脆幾香口。飲品方面如果你鍾意飲齋啡，可以無限添飲，我哋就加左$14揀咗一杯凍焙茶牛奶、一杯凍抹茶牛奶，都唔錯，唔會太甜。🔸日作特選和洋風早

觀塘區一間以日本校園裝潢為主題的餐廳︎📝 特別是課堂上的桌椅，運動場上的跳馬箱，極富校園風📚 餐廳內柔和的燈光，讓人一整天都想在這懶洋洋的渡過💚💜✂︎ 餐飲ᴏʀᴅᴇʀ北海道烘焙咖啡、日式玉露茶，便可免費無限添飲🍵 ～～～～～～～～～～～～～～～～❥$𝟵𝟮 安格斯牛肉濃蕃茄豬骨湯稻庭烏冬🍜同行友人另+$𝟱轉為北海道產小麥粉公仔麵，質感爽口彈牙🥢 安格斯牛肉肉味濃郁🥩🫶🏻蕃茄濃湯極濃郁，酸酸甜甜每呷一口都相當清新開胃🍅🫶🏻✂︎+$𝟭𝟱 鮮果乳酪是新鮮的哈蜜瓜🍈 份量略嫌少，如果多點會更開心😝✂︎+$𝟭𝟰 凍香濃朱古力凍凍涼涼的朱古力飲品，大人小孩都必會喜歡🍫🧊～～～～～～～～～～～～～～～～❥$𝟭𝟮𝟬 日作特選和洋風早餐🍱滿滿一碟的早餐有3.6牛乳炒蛋／烤雞扒／煙肉／芝士腸／田園沙律／炸忌廉蟹肉薯餅／鮮果乳路／多士半份🍳🍞元氣滿滿的早餐之選💪🏻💪🏻 最喜歡當中的芝士脆皮腸，咸香咸香皮脆肉嫩😻✂︎+$𝟭𝟴 紫薯甘栗薯餅（1件）綿密的紫薯夾雜著甘栗顆粒，炸得酥香可口，太喜歡了🌰💕✂︎+$𝟭𝟰 凍焙茶牛奶味道不算濃郁，不過也足夠滿足當下想喝焙茶牛奶的慾望🥛🤎

之前行去觀塘海濱個時已經有留意到依間餐廳，裝修好靚！今日專登約左個朋友係度聚舊吹水😎日作食堂裝修係走校園風格，非常日系，仲有好大個跳馬係度😱夠曬特別，大地色系睇落好和風，好舒服☺️☺️ 環境一流！香濃日作咖喱蘋果蓉阿波尾雞腿肉旋風蛋定食金黃色璇風蛋加上大大份咖哩汁雞塊，賣相已經好靚！😱咖喱係比較日式，偏微辣。雞腿肉份量唔少，有成5大舊，係真係舊舊都勁大塊😱 甘大件但都可以煮到肉質嫩滑，好食！😍 蛋既香滑加埋咖哩既微辣，飯既軟糯，雞肉既嫩滑，滿足👍蒜蓉牛油烤波士頓龍蝦明太子鳥冬定食用料絕對誇張😱！明太子份量勁多，每一條鳥冬都沾到！稻庭烏冬口感煙靭彈牙，超級掛汁，每一啖都係滿滿既明太子味道，好幸福！烏冬上面有半隻龍蝦，用蒜蓉牛油烤過，好香蒜味而肉質新鮮彈牙，但略續有d 少肉😂 蝦鉗就要自己動手拆肉，有提供工具，係名副其實既有得吃有得玩😉👍明太子蔥花玉子燒依個玉子燒不得了！份量好大，蛋漿放左唔少蔥花，煎到嫩滑之保餘又唔會散開，勁👍👍 上面放左大量既明太子沙律醬同埋柴魚片，吃落味道層次非常豐富👍😍 值得一讚👍吉列炸蠔炸到脆卜卜熱辣辣，先係吃到香脆既炸衣，再黎係蠔肉既鮮甜味！佢亦都配有蛋黃醬，配搭住

位於觀塘呢間餐廳,內部裝潢充滿了日本風情,木色格調,搭配淡雅的燈光,營造出一種悠閒寧靜的用餐氛圍。我們點了鹽燒三文魚定食。鮮美多汁的三文魚表面微焦,油份十足𤏪飯一流,口感鮮嫩柔滑。配上濃郁醇厚的味噌湯和香蔥玉子定食,滿足豐富的定食。仲有一小碟嘅豆腐，非常入味。另一道胡蔴唐揚炸雞也是亮點,外酥內嫩,撒上胡蔴粉後香味四溢。配上熱齋啡加奶,飲落去是日本風味的咖啡豆，免費添飲。接著燒汁野菌安格斯牛肉定食。安格斯牛肉肉質鮮嫩,表面微焦帶有淡淡的煙燻味,配上蔬菜和濃郁的燒汁,別有風味,唔經唔覺已經食晒成碗白飯。餐後,我們選擇了鮮果乳酪和神戶蘋果汁作為甜點,清新爽口。呢間餐廳最適合附近上班族的，食個靚早餐先再返工。

成日朝頭早係觀塘都唔知有咩早餐好選擇食黎食去都係茶記早兩日見到呢間餐廳 平日開門開八點早餐仲有咖啡無限添飲 決定過黎試下先🤪餐廳裝修風格偏向日式 大部分傢俬都係木色系 坐落去成個感覺好優閑 好舒服☺️餐廳仲有好多唔同得意既擺設 睇得出店家好有心思呢到早餐既選擇好特別 對比坊間既cafe好唔同呢到除左有和式早餐 亦都有偏西式既選擇每一份個份量都比想像中大份😛係呢到食早餐一定包你捧住個肚仔出餐廳🤣今次叫左佢地既「日作特選和洋風早餐」🍱一上枱見到早餐既份量 大份到驚訝左一下🤣擺盤好精美 每樣食材都整得好精緻雞扒非常之厚肉 係滿滿既蛋白質雞扒完全唔會整到好乾 保留左肉汁😋肉質好嫩滑 加上雞扒夠厚肉 成件事好彈嫩厚多士外觀雖然普通 但係焗烘過之後既厚多士永遠都係無得輸 多士唔會過乾 做到外脆內鬆軟多士仲要係熱辣辣既狀態的 好加分🤪麵包控既我 好滿意這個多士🤣另外一大重點 就係佢地既無限添飲咖啡☕️咖啡細細杯 岩哂我呢啲喜歡飲熱咖啡既人細細杯飲完可以refill 唔怕放到凍哂😋咖啡味道偏向nutty 冇過份既苦澀味早餐有杯靚咖啡飲 係開心的一天既開始🥰係觀塘呢個滿佈公廈既地方 竟然揾到個咁優閑 咁舒服

經過開源道望到呢間餐廳嘅外觀非常之文青又帶點日系，比呢個外觀吸引咙入佐去食晚飯。入到去發現入面嘅座位格局分咗學生枱凳同埋梳化枱，遲咗入嚟嘅我注定要坐學生枱，環境同氣氛係好好，但係呢倜座位真係好唔舒服，食咗成程飯先唔講食物嘅情況，真係坐到腰酸骨痛，希望餐廳見到，睇吓會唔會係啲學生枱凳度加返啲咕𠱸峇。今次叫咗個山藥燒扇貝鳥冬，個餐一嚟到，感覺上好豐富，有兩個前菜同一碗湯，分別係醃蘿蔔同埋青菜，但兩個味道一般，青菜甚至乎有怪味，麵豉湯冇問題，而且蜆肉菲常大舊，喺度加返分。去到主菜山藥燒，上面配咗幾嚿細份嘅鰻魚，味道道正常，略嫌上面嘅鰻魚汁唔夠多，同埋鰻魚燒得比較乾身，下面嘅山藥燒反而好好食，末到冇一般大阪燒咁多蔬菜嘅口感，反而似係淋身薄撐嘅感覺，但係感覺幾特別。講埋最後個鳥冬真係令人非常失望，鳥冬嘅清湯完全有味，所以你食緊嘅烏冬都係有味，連舊扇貝都係布乜味，計埋價錢性價比嘅話，相當不推薦，以上。

🎈 建議場合：#即興食飯 #普通拍拖 #家庭聚會 #港女打卡👤 建議人數：4人（最多可容納8人檯）💸 人均消費：$50-100【2個人食咗啲咩？】- 鹽燒三文魚柳、漬物、香蔥玉子定食 x2- 胡麻唐揚炸雞- 鮮果乳酪- 凍抹茶牛奶- 涷焙茶牛奶⭐⭐⭐⭐⭐「係超級豐富嘅日式早餐！」正所謂一日之計在於晨～ 早餐一定要夠暖胃同滿足，先有力迎接忙碌嘅一日。作為香港人平時都鍾意去茶餐廳食早餐，但粉面食得耐都想轉下口味，之前經過見到間Hibi Cafe幾靚，裝修好有心機，行日式懷舊風，比人一種好homey、舒服、放鬆嘅感覺。忙完一輪，今日終於有機會去試試佢嘅早餐，食下d和風料理治癒一下身心。$68蚊嘅定食唔單止有一大碗白飯、毛豆、三文魚同牛乳炒滑蛋，仲有足料麵豉湯！佢嘅麵豉湯聞落香噴噴，裏面有原條昆布、紅白蘿蔔同蜆隻，鮮甜暖胃，飲落好舒服而麵豉、枝豆、三文魚又富有營養，對自己好一定要食尼d色香味俱全嘅早餐 ❤️平時食開三文魚嘅set起碼都要三位數，估唔到宜家70蚊有找就食到咁大塊三文魚，簡單嘅調味（鹽同白芝麻）加上三文魚本身自帶嘅油香對早餐黎講剛剛好，唔會太重口味。另外佢d飯充滿米香，配上脆脆飯素真

尋日第一次同朋友去呢間觀塘日本餐廳食午餐，去到侍應話要等半小時但係我哋見到有吉枱，侍應話唔夠人手其實我唔知道係講樓面定係廚房，如果唔係天氣太熱我晨早走人，後尾雖然唔使等半個鐘就可以坐低食嘢，但係一見到我份招牌厚切吉列北海道豚肉扒定食上枱，已經想即時退餐走人，啲麵包糠甩晒豬扒Overcooked深色到幾乎係黑色見到個樣已經唔想食，但係朋友話佢嗰份牛舌OK，後尾我唯有咬走晒面頭啲炸漿淨係食塊厚切豬扒，質素好一般，真心唔明佢憑乜嘢收我180幾蚊，服務麻麻食物質素又差，條氣實在太chok，所以一定要寫呢個食評，希望大家唔好中伏，而家終於都明點解咁多香港人鍾意返大陸食嘢話上面服務好、食物質素高啦

記得這位置以前是茶餐廳，轉做日式cafe後因為門面有點神秘一直未有嘗試。直至知道它的裝修很有日式校園風後決定同朋友去體驗一下日本部活片子中的角色身份。不得不讚餐廳環境與裝修好有風格坐位好舒適。但採用手機落單的方式，又同時要收加一服費我認為係對客人的一種剝削，絕對不是扮高級餐廳應有的經營手法，而因朋友唔肯自己落單，結果多花了十分鐘。所以服務方面會直接扣兩粒星（手機落單同加一服費各一粒）定食套餐上枱，擺盤非常打卡able。味噌湯湯料豐富有兩隻鮮蜆子，正！題外話 - 見過食評有些人會因不滿味噌湯不夠滾熱而作出劣評，但只要Google下就知加了味噌就不可以煮滾，可惜我不是當時的侍應。 至於兩碟前菜小食相對就好失色，白烚支豆～我冇說話好講，蛋沙律也過於普通蛋黄醬又太多。扣一粒星。 日式野菜洋蔥紅酒燒汁慢煮牛舌飯～薯仔同番薯都煎過，很好！牛舌厚切舖滿碗面，都係水準之作，只不過紅酒燒汁比較少，唔夠食完碗飯，原來這個時候加返蛋沙律佐飯食就不覺太單調，我估大廚都冇諗過。 凍焙茶鮮奶好飲。最後來多個後排扣殺！加個紅豆㭑茶雪榚作這場課外活動的總結！ 完場檢討：戓者租金同裝修成本都唔少，而價錢又唔想set得過

難得閑日放假，諗住瞓晏啲食個靚早餐。我們鍾意日式靚早餐，貪佢一個餐又有湯又有飯，滿足到下午都唔使食。這裏空間感十足，我們叫了一個三文魚早餐定食，三文魚大大塊，仲有香滑炒蛋，配埋小食炸雞，炸雞竟然一啲都唔熱氣，證明真係即炸。麵豉湯非常之濃味，因為入面有蜆肉，仲可以用麵豉湯食，三文魚飯三食，湯飯10分惹味。另一個叫了洋式早餐，麵包香甜，芝士腸同埋煙肉10分適合鍾意食肉的人，最欣賞的是有蟹肉忌廉餅， 10分香濃。仲有沙律菜配麻醬，可以清新一下。紫薯餅一定要必叫，未試過炸物入面嘅紫薯都可以整得咁甜，證明真的是上等貨甜番薯。飲品方面，我們叫了一杯凍朱古力，一飲落去，非常之香濃，基本上可以叫做特濃朱古力，非常之滿足。另一杯叫了日式咖啡，無限添飲，非常之性價比高，熱辣辣很濃咖啡豆味。

日系風的門口，日系校園風的室內餐廳環境，入到餐廳好似返緊學咁，久違了的校園枱枱櫈櫈，仲有運動設施，重拾校園生活咁！叫咗一個晚餐 - 鰻魚山藥燒配醬油糖心蛋帆立貝湯烏冬，定食套餐，份量好多，山藥燒即係大板燒，好食，但不能食多，會開始感到膩。仲有一碟小食 - 炸雞皮餃子，幾好食，味道不錯餐廳服務一般，侍應態度麻麻。

同同事發掘咗一個非常之高質素嘅日式Cafe🤩 lunch 嘅時候都幾多人下全部full晒，有啲餐就需要等20到30分鐘🦪鰻魚山藥燒配醬油糖心蛋帆立貝湯烏冬嗌咗鰻魚飯，超級無敵好食，豉油糖心蛋份量好大醬汁濃郁，一口下去大啖滿足🥰帆立貝烏冬麵都好鮮，個貝好大個，咬下去非常之爽口彈牙👍除咗正餐仲有一啲小食，包括埋蘿蔔同埋蔬菜🥬同事仲嗌咗好多三文魚刺身或者其他嘅定食，佢哋都話質素好高☺️強烈推介依間餐廳啦😋