旭

營業中

休息中

我地foodtaster嘅聖誕大餐😬▪️霁 - 二人lunch set▪️$1100野食嘅次序🔸前菜🥗🍵🔹銀鱈魚🐟：油脂豐富，肉質嫩滑juicy，兩面煎香，魚皮好脆身，唔使點任何汁都好好食。食完食粒龍珠果，小番茄外接，實際味道好接近士多啤梨，好新奇，又清新。🔸鮑魚：好新鮮，仲識郁。微微爽口，口感岩岩好，唔韌，配上綠色唔知係咩嘅汁，有少少唔夾。🔹龍蝦🦞：每人半邊龍蝦，新鮮爽口，龍蝦鮮甜。湯汁有用龍蝦膏，唔算濃，但都好香口鮮甜，要飲哂佢🤤🔸薄燒牛肉🥓：外面一層牛肉，包住好多餡，牛肉入口即融，調味口感超級好，超好食😋配炸蒜片，香口。🔹厚燒牛柳🥩：medium嘅牛柳都超級多汁軟滑，媲美和牛。配炸蒜片，好食好食。同樣呢個鐵板燒有得加錢揀和牛，但真係唔需要加😬🔸龍蝦腳味噌湯🍲：味噌湯多咗陣龍蝦味，幾好飲。但我地已經開始飽飽地，我冇飲得哂☹️🔹炒飯：加咗牛肉粒炒飯，啖啖有菜有肉，唔會膩，有鑊氣，調味好適中，飯炒得唔濕唔乾，粒粒分明，好食。我食咗一半先記得影相🤭🔸炒雜菜🥙：香甜，有適當嘅油份，食完好飽岩岩好清一清。唔記得咗影😎🔹隱藏甜品-焦糖牛油多士🍞：唔太甜又脆卜卜😚🔸柚子雪芭🍨：正常柚子味冰type雪糕

長輩生日，揀左一輪，決定去呢間經常經過每次都話試下但就唔記得左無左件事既鐵板燒。之前想試純粹係經過希雲街既時候，見到覺得佢應該唔錯。店方好配合我地大大細細一行九人既安排，係鐵板燒枱用透明膠板做間隔，令我地依然有一家人食飯既氣氛。我地六大三小，細嗰三個唔駛點花巧，叫左一啲壽司小卷同幾碗烏冬就搞掂。六個大人呢，就聽個侍應建議，唔需要一人叫一個餐，叫左兩個二人餐再加一啲其他野就夠。加左每入一件燒銀鱈魚，同埋四款刺身，分別係左口魚、秋刀魚、拖羅同埋海膽。先上刺身，每一款都好鮮甜，令我會想下次黎試下佢地既壽司刺身。跟住就黎鐵板燒喇…簡單啲講就係每一樣食材都好靚，而個師傅每一樣都煮得好好，把握到個火喉好啱，每樣野食都又鮮又好食。會 encore。

Teppanyaki Lunch set ~ 霁 二人前特別推薦大家✅Cod Fish 銀雪魚✅Abalone 鮑魚✅Lobster 龍蝦✅Beef Fillet 牛柳✅Fried Rice 炒飯《Cod Fish》超級好食、好香、油脂感好重、好正‼️魚皮好脆身，魚肉好嫩滑🐟🐟，食完銀雪魚食返粒酸酸地嘅龍珠果即刻fresh哂 《Abalone》好新鮮、爽口，配合個清清嘅海草醬調味，又唔會搶哂鮑魚本身嘅鮮味🤩Jengggggg《Lobster》龍蝦有開邊半隻食落鮮甜彈牙，個汁用咗龍蝦本身d蝦膏嚟烹調，龍蝦味十足🦞😌《Beef Fillet》廚師整到Medium rare🥩，食落好淋身、好香口，加埋蒜片食仲正🙊《Fried Rice》個飯炒得勁香，加左紅椒黃椒所以食落完全唔’漏’，食完個肚仲好舒服唔會頂住🍚🤫*如果單數人去都可以叫依個餐架，個價錢係exactly一半，唔會要比多**Miso Soup有舊龍蝦係入面🦞 ，令到個麵豉湯鮮甜好多🤤💰霁 二人前: $1100/2p, $550/1p (no extra charge)

🍣Lunch Omakase🍣👉🏻Murasaki Sushi💲540• salad🥗• steamed egg• twelve pieces of sushi🍣• soup• udon / soba🍜• coffee☕️ / ice cream🍨邊個話食omakase唔飽🤨呢個set包十二件壽司仲有麵同湯 飽到唔洗食dinner🤣omakase lunch真係好抵😗鮟鱇魚肝重口味得嚟好好食😆鰻魚勁肥勁冧！而家呢個季節係食池魚同鰻魚嘅最佳時候 肉質特別肥 不過我覺得個鰻魚太冧 鍾意食有口感啲😛鱈魚炭燒味香得嚟唔會搶咗魚鮮味勁好食😙紫海膽雖然冇馬糞海膽咁甜但鮮味重啲😗我哋仲帶咗支黃水仙同師傅一路飲一路食🤣 @mnmnmn_m 好nice又幾好傾😗宜家冇得食dinner唯有lunch食好啲😋〰️〰️〰️〰️〰️〰️〰️〰️〰️旭 (銅鑼灣)📍銅鑼灣希雲街38號地下2號舖🔗#7eating銅鑼灣#7eating日本菜

限聚令放寬後，一向好客嘅數字Auntie即約會肥肥家族去食鐵板燒，仲專登揀咗間佢相熟而座上客都未聽過嘅「旭」。隱蔽於希雲街尾嘅日本餐廳門面係一個車房，招牌巧妙地於暗黑中猶如店名中之旭日亮起，甚有意思。打開趟門，即發現光線充裕嘅室內寬廣開揚，裝潢時尚有氣派。用餐大堂分為右方嘅壽司吧及左方嘅鐵板區，而中間長長嘅餐桌似乎暫作為分隔一點五米之二至四人散座。裝修嘅唯一及最大問題就係個洗手間設計，因為以可容納五十位食客黎講，全店只有一個男格及一個女格實在係唔夠用。九人派對被安排於店內唯一嘅一間廂房內進行，私隱度及空間感足，厚墊椅櫈舒適好坐；廂房最低消費額為午市$4,000、晚市$8,000。主人家早已交托老闆之一兼當晚嘅大廚Ken哥為晚宴自訂餐單。食材包括生猛嘅海鮮、紅潤嘅美國和牛及彩艷嘅蔬菜，豐盛得很。嘻嘻，有佳餚就當然要配美酒啦！自攜佳釀嘅開瓶費一律為$200/樽，大小同價。如果喺六頁酒牌中叫酒飲的話，則叫一樽免一樽開瓶費。XO仔出名八，未有食物嘅時間先攞咗份金光閃閃嘅餐牌研究。魚生廚師發辦及鐵板燒套餐均有三款可選。其餘單點項目都有兩頁之多。據悉，餐店開業至今已有四年半，一直都冇收取加一服務費

適逢媽咪生日，呀妹訂咗枱星期日食呢間餐廳既sushi午餐。上網睇呢間除咗食sushi外，反而好多人黎呢間係食鐵板燒。我地一行6人今日約12點到，叫咗食第一round既lunch時段。一入餐廳當然要度體溫先，再安排坐係壽司枱前。媽咪嗰位就係師傅面前，而另外3個就坐係旁邊，望正師傅企嗰個位，都係第一次😅Lunch set 有6款，由$380至$1050，不用加一。我地6個一至叫有10貫壽司嗰set，除10貫壽司之外，跟salad, 茶碗蒸, 麵豉湯, 烏冬/蕎麥麵, 雪糕/咖啡配，$470。10貫壽司初頭嗰幾件一般，平政魚同左口魚都有「根」，之後嗰幾件d材料同質素開始好d，有大拖中拖、赤身、海膽同海鰻，都食得出有鮮味。整個set都食得好滿足，都值得一試😋btw, 走既時候，門口已經有一班人等食round 2，蠻受歡迎。

朋友話這間日本餐廳的廚師發辦之前食過好味，今次就試鐵板燒午餐，店子門面已經好闊落，入面地方也夠大夠闊，空間感好足夠，鐵板燒位置有兩張大枱，圍住廚師坐。我們6人叫了三個二人前。Salad，好fresh好爽脆，好好味，材料特別，有黎麥，車厘茄，沙律菜，同有d綠色好似青瓜既，但唔係青瓜，蓮花莖，好爽又清甜。加埋麻醬一齊食，好正。Steamed Egg，茶碗蒸蛋，好滑的蛋，有d菇，好香。Cod Fish，看住廚師在煎那銀鱈魚，簡直係享受，擺碟好用心，先食魚皮，脆卜卜，再食魚肉，超滑啊，柚子醬好fresh，好好味，再有粒龍珠果。這碟龍蝦鮑魚真是嘩嘩聲一路煎鮑魚一路在郁Abalone，完成品就十分吸引，少少紫菜的汁，鮑魚啱啱好，唔韌，好鮮味。排排等Lobster，這個是本地龍蝦，肉質夠彈牙，有質感，少少膏的湯汁好鮮甜呀。Beef Fillet，這個牛柳十分淋身，好香，加埋蒜片一齊食仲夾。Miso Soup，龍蝦腳一齊煮，超鮮又甜Fried Rice and Fried Vegetables，黃金炒飯粒粒分明，啖啖也是料，正最尾仲有一個雪糕球的。整體感覺十分滿意，食物好，服務好

📍 旭~銅鑼灣📍之前成日聽家姐介紹呢間omakase好食，今次終於嚟試吓🤩果然冇令我失望，超級好味，令人回味無窮！🤤餐廳位於希雲街嘅街尾處，有啲隱蔽，門面雖不太起眼，但入邊卻華麗闊落🤩有咗入咗高級餐廳嘅感覺😂除咗有壽司食之外，仲有鐵板燒區域，睇落都幾吸引😋 午市Omakase套餐價錢由三百幾至五百幾不等，個人認為好抵食，仲要不設加一😛大家可能覺得Omakase會食唔飽，但係呢個午市套餐包埋沙津、茶碗蒸、湯、烏冬同十件師傅發板嘅壽司，真係幾飽下👍🏻 嗰日整壽司嘅師傅都好好人，唔介意同你閑聊😆侍應又好有禮貌，實在加分！Aka Sushi 赤握リ $470✨沙津就連我唔係太鍾意食沙律嘅人嚟講都覺得好好味，好清新開胃😋✨茶碗蒸好滑有蛋香，加埋冬菇更加鮮味十足😍✨味噌湯味道剛剛好，唔會過鹹🤩✨十件壽司左口魚-魚肉結實，魚油濃郁甘香😋加上蔥花，味道更上一層樓！鱈魚-師傳輕輕炙過，油香逼哂出嚟😋肉質細膩，油香留在口腔久久不化，令人驚豔！平政魚-師傅在魚肉上細切幾刀，口感更加豐腴可口，味道不會過膩😚北海道帆立貝-一啲都唔腥，好鮮甜！鯖魚-味道清香，加上紫蘇葉同薑，用紫菜包住，冇諗過味道會咁夾

二月中 腦細 請食飯，黎到銅鑼灣希雲大廈附近食燒板燒，環境相當優雅，氣氛寧靜，合適傾談事務～～～～～～～😊😊😊因食中午，鐵板set價錢亦相對合宜，每樣食物處理得很好，印象中沒什麼令人失望，海鮮牛肉全齊員工又有禮貌自動自覺來服務客人，非常滿意餐廳知道小弟生日，亦有安排cake仔影相😊😊😊只是看了一眼餐牌晚餐價錢，食中午是非常抵！！這道理好似間間高級餐廳都適用今次只影咗少量食物相希望疫情早日舒緩，令餐廳生意早日恢復過來

今日慶祝比賽有獎，隊友安排全隊一齊食鐵板燒。一行八人，可以訂房坐。餐廳食材新鮮，廚師細心，煮前會問大家有咩唔食得，按各人需要烹調。各樣食物都很美味。最好食是牛肉厚燒，如果雪糕可多幾款揀就更好。

I came here a little while ago for lunch with two other people. It wasn’t too crowded, but I believe it was a weekday, so maybe that was why.What did we get? Well, I think We tried a little bit of everything, since we got a set. I’m particular though, I enjoy more pedestrian items like the scallop and the teppanyaki fried rice.I will say that I thought the food here was a little more expensive than it should have been for lunch, especially since the portions aren’t large. However, they aren’t sm

中秋佳節食好西，今日又揀左呢間食過好多次嘅鐵板燒餐廳，係銅鑼灣希雲街嘅旭餐廳分左兩邊，一邊係食omakase,另一邊就係食teppanyaki,我本身好少食生野，所以今次黎都係食返鐵板燒今日揀咗下午嚟食發現性價比係超高！鐵板燒嘅餐牌總共有四個選擇，分別係二人前同埋三種一人餐，我同朋友各嗌左一個一人餐，因為可以試多啲食物！煎鱈魚廚師會叫你先食咗魚皮，魚皮煎得好香脆魚肉都好嫩滑煎帶子食完帶子再飲埋啲湯，好鮮味煎聖子煎得香口但唔會煎得老煎大蝦醬汁惹味 蝦肉剛好煎鵝肝好香口加黑醋汁 減油膩感推介大家食牛肉薄燒加咗蔥蒜 配埋炸蒜片 好好食！如果大家搵緊食鐵板燒嘅高質餐廳，你哋一定要黎試吓呢一間！下午嚟食一人都係四百幾，仲要免加一，超正！

說話我訂位時，我話我先生生日。二話不說幫我安排蛋榚。從頭盤至主菜，煮的過程，味道，都會問下客人口味。上盤也做得非常仔細。每道菜食入口都能夠保存原味新鮮。下次會再次去吃！

尼間野裏面D員工好不禮貌，個個長髮瘦瘦做左好耐既就是其中一個，態度吾好，招呼吾得，見到她個黑口黑面重慘，野好食都冇用啦，我吾會再去家啦，我重會話俾D朋友知添，一句差差差，都吾知請她返尼係咪黑口黑面家 差差

我就無乜食過邊間覺得好食嘅鐵板燒嘅，所以就試多啲睇下邊間好食啲！我已經忘記呢個係乜，我淨係覺得好食呢個魚都係好食，不過就乾左小小，魚肉都有魚油香同嫩滑嘻嘻😜嘩呢個不得了，個蜆肉好鮮好甜個湯好清好正，我到呢家都仲諗住呢個蜆。又係好食！呢個蝦都係好鮮，肉好爽，其實係香港食到真正新鮮嘅餐廳真係買小見小，呢度啲海鮮做得幾出色。再黎一個龍蝦，個龍蝦係鐵板上面個陣都仲係識郁架！有點殘忍但我又好想食佢！個汁整得好好，同龍蝦肉好夾！鵝肝就無乜特別，我喜歡無咁肥同配菠蘿或蘋果食，佢個多士我都無食到。我又係唔多好日本和牛，對我黎講油得制，而同伴係厚切牛，食落中間仲係凍，叫師傅再整過，呢度就失色左小小。然後黎個炒飯加隻太陽蛋，飯炒得好香，蛋亦都係人間美食！本身龍蝦🦞殻會㷛返個湯，但個職員話師傅失手倒左落地下喎...嗯？咁低級嘅錯誤？最後比左鮮湯我地，都好飲嘅。埋單無任何discount?魚湯同龍蝦湯一樣價錢？？我唔係想r野，但係會作出調整？