星怡

營業中

休息中

呢晚難得同朋友係黃大仙搵食，見到呢間「星怡」！有室內和室外，地方寬敞。一聽個名就直覺係食星馬菜，但見到餐牌😆原來除了星馬菜，仲有好多不同選擇。但今晚直覺都係叫左啲星馬菜食😂前菜金杯 - 細細件易食，入面有蝦肉和少少辣味，好開胃👍🏻而且好靚仲有班蘭咖吔多士，舊牛油超正，好甘味😋😋😋馬來炸大雞髀椰漿飯 - 我好少會讚飯，但今次不得不讚個椰漿飯。好香好軟榴槤飄雪 - 個飄雪好綿架蒜片炒青龍菜 - 唔係好多地方有得食到架👏🏻好好味

去黃大仙附近 呢晚安安靜靜去到一間好豐富既餐廳食野 佢既餐牌係我食過既餐廳之中最厚 涉獵嘅種類 唔止得星馬菜咁簡單😬好多有茶餐廳新加坡菜西餐 本地茶餐廳小炒 甚至連台式甜品都有 非常犀利 今日想食返炒飯 叫咗個櫻花蝦炒飯 除咗櫻花蝦之外有好多蛋皮同埋原隻蝦仔 食落非常香口而且食材都幾好 一蚊方面都有差唔多幾十種選擇 叫咗會凍嘅美祿恐龍 足本好飲😆另外試咗少少海南雞飯雞都幾好肉質 加上啲飯香但係幾有風味 加埋杯芒果沙冰特飲 非常唔錯 有機會再去附近嘅話如果想食西餐或者新加坡嘢或者茶餐廳都可能會再過去👍🏻

見呢間位於現崇山嘅餐廳好多好評，所以想去試下，點知食物超出所望😇😍❣️辣椒蟹肉汁配炸饅頭 四件炸饅頭炸得香脆，但今次點的不是煉奶，竟是蟹汁。最初都擔心會否唔夾，點知食落發現好好味！炸饅頭金黃面頭脆卜卜，但內裡非常香軟，倒上蟹汁非常索汁！更重要是四個小饅頭，餐廳竟然附上一大碗辣椒蟹汁，真係好夠份量好足料，推薦！ 🧡魚露花甲 見好多人的食評都有提，於是點了一客。本來伙記說沒有花甲只有大蜆，但上枱後仍是12隻大花甲王。味道是東南亞辣味，略為蓋過海鮮鮮味，但花甲的質感很好，加上份量多而每隻都大隻多汁，很不錯。 🧡乾炒馬來蝦麵 呢個麵真心推介，唔落旁邊嘅青檸汁和辣椒個麵已經好香。廚師用蝦頭和蕃茄熬製嘅汁令到麵麵充滿鮮味。此外，蝦麵上的大蝦同魷魚都好新鮮同爽滑，很快便掃清全碟！ 💚南洋咖吔多士 選了班蘭咖吔多士做甜品。一件兩片多士切成四件，中間夾了班蘭和極厚的牛油！麵包很脆而牛油的味道既搶且香，當做甜品大滿足。餐廳地點方便，食物質素超出預期，下次必定再去😋😋

介紹🧑🏻‍🍳位於黃大仙的新加坡餐廳，座位有分室內和室外，環境寬敞清靜，十分舒服美食🍴咸蛋黃炸魚皮 ($48) 咸蛋黃炸魚皮非常美味，魚皮炸得酥脆，咸蛋黃的味道也很濃郁，非常適合作為開胃菜或下酒菜😋 美味指數: 7/10娘惹蘿蔔糕 ($78) 是非常受歡迎的傳統美食，蘿蔔糕軟淋淋，口感柔軟，用醬汁炒得很香，濃厚嘅，好惹味，味道香濃，加上一些辣椒醬，更美味😋 美味指數: 8/10星州麥皮蝦 ($180) 是非常受歡迎的菜餚，也是招牌菜，麥皮蝦非常新鮮，味道鮮美，用了大頭大蝦製造的，加上一些香料和辣椒，味道更是獨特😋 美味指數: 9.5/10炒貴刁 ($98) 貴刁炒得恰到好處，味道醇厚，河粉炒得不會太油膩，而蝦仁十分大隻😋 美味指數: 8.5/10南洋咖吔多士 (48) 多士裏面的咖吔非常濃郁，再加上有厚度的牛油，十分邪惡，味道很棒，而且多士本身也非常鬆軟，口感很好😋 美味指數: 8.5/10

跟朋友到這吃晚餐，地方很大，分有兩部分的地方。店子有分室外室肉兩部分，出面有駐場音樂會～邊吃住好東西邊聽歌，有時候朋友也會來這店子看波，一大班朋友感覺很棒喔！ 今天朋友選坐在室內，以海洋作主題，燈光光猛，坐得舒適 更重要是，主打正宗星馬菜之店子不多，而這店更提供西式主吃小吃。 小炒合集 店子有牛肉、炒蝦球、馬拉盞炒通菜、叉燒炒蛋等，絕對不能錯過。家常菜棒，也點了一個考功夫之棻滑旦，用大火，蒸水旦之時間不能過長，否則過熟太老。細火慢慢蒸成功的旦、水比例，作為師傅，也未必做得好，店子的滑旦口感滑滑。旦和水的比例亦棒，吃起來很有口感，朋友也覺得剛剛好，有咸香之咸旦皮旦～下飯感覺 牛扒 牛扒是跟一款美式配菜醬汁，配料是炸薯條，口感軟熟軟腍嫩滑。醬汁有燒汁和黑椒汁，令到牛扒味道更加出色。沙律效果滿分，中和了牛肉，味道亦有層次。伴碟的新鮮薯條也很出色，味道香甜，減低西冷扒的油膩感。 賣相靚而材料豐富。爽彈惹味，肉質不會鬆散，咬落彈牙。 店子非常適合朋友聚餐，用餐環境很寫意，菜式非常新穎，前菜和主吃並不錯，和朋友一邊聊天，一邊吃飯，一邊喝酒！有機會再光顧！ 店員非常友善，會細心工作，幾多元化的店子，

放工來到屋企附近這間高質素新加坡菜🥰 餐廳有室外及室外座位，氣氛悠閒舒適，環境及食物都好適合打卡，侍應服務態度好好~ 店舖空間寬敞舒適，適合約會及朋友聚會🥂 食物選擇豐富 有特色，價格合理，質素高👍🏻 晚上人流好多，還有live band表演，可以點歌🥳 非常有氣氛═ ═ ═ ═ ═ ═ ═ ═𝑭𝒐𝒐𝒅星洲麥皮蝦 ($180/4隻)✨第一次食這款新加坡名菜，賣相好吸引，見到都流口水😍 四隻大蝦，外皮酥脆可口 肉質非常彈牙入味，蝦跟燕麥片一齊食 口感豐富，好滿足！烤魔鬼魚 ($128)✨香港好少見的菜式！魚塊厚身，魚肉嫩滑😍 配上醬汁很不錯，值得一試👍🏻炒貴刁 ($98)✨只在現崇山分店供應！鹹香惹味，味道一流😍 河粉份量多，配料非常豐富，有蝦、芽菜、魚仔乾、花生、蔥，特別推薦豬頸肉爽口彈牙😋金杯 ($88/4件)✨賣相精緻，金黃色外殼好脆身 好特別，裡面放有沙葛、紅蘿蔔絲、蝦等等，口感爽脆，配上酸酸的醬汁好開胃新加坡香辣魚蛋 ($48/6粒)✨推薦！爽口彈牙，配搭醬汁好好味🤤𝑫𝒓𝒊𝒏𝒌凍黑糖寒天椰汁水✨推薦！甜味十足，寒天有咬口😋凍桔仔話梅水✨味道酸酸甜甜，好解膩

放假去咗黃大仙現崇山探表姐，佢好客氣請我食飯，佢話商場新開咗間星怡餐廳，主打星馬菜，還有一些中西菜式。餐廳有分室外同室肉兩部分，方便客人選擇，室外還有歌手即場獻歌，氣氛甚佳。千島海鮮pizza好足料，海鮮餡料鋪滿整個pizza,焗至金黃色，餅邊薄脆，用千島醬吃起來餅底沒那麼油膩，酸酸甜甜越食越開胃。新加坡濃湯福建炒麵，用料有蝦仁、豆干、豬肉、魷魚、芽菜、蛋絲，十分豐富，炒麵時把湯汁燜炒成濃稠半濕狀，麵條掛上濃湯和伴上特製醬汁，非常惹味！海南雞飯套餐，海南雞及油飯份量正常，剛好一人前，海南雞已經去骨，雞肉肥美，雞皮滑而不厚，蘸上醬汁令雞肉更惹味。油飯微黃，味香而不油。南洋咖央鮮油多士斑蘭味，咸咸香香的牛油，混和咖央口味，味道濃厚，加上斑蘭有一種獨特的天然芳香味，能讓食物增添清新、香甜的味道。令多士味道非常出色。雪碧，汽水有冰底奉送，夠曬冰涼。

走到商場附近，被live band 嘅歌聲吸引🤩，同行朋友亦覺得特別同吸引，決定喺度解決我地嘅晚餐😛 餐廳空間十分闊落，有室內及室外坐位，雖然live band位於室外，但室內都可欣賞到歌聲，一邊聽一邊食，都幾寫意😗室內環境又設計到置身於海洋館內，牆身一幅大嘅海底璧畫，中間亦有條充滿水母嘅圓柱，整體感覺好好同好relax😌 食物選擇方面非常之多，有主打星馬菜之外，仲有西式pizza 、小食及扒類。既然係主打星馬菜嘅餐廳，梗係要試試呢度嘅主打菜 🍴烤魔鬼魚🐟$128喺香港好少見有魔鬼魚食，好耐之前喺馬來西亞食過，其質感特別，所以一見到即刻二話不說要點黎食。🍽️一碟有2件魔鬼魚魚扒，表面有滿滿嘅醬料，有點似麵豉醬🤭魚塊厚身，魚肉係一梳一梳，都幾嫩滑🤓 🍞南洋咖央鮮油多士 HKD48咖央多士夾著一層厚鮮油🧈，再加上咖央醬，咖央醬有淡淡清香，唔係死甜，多士入口香脆鬆化，邪惡得黎又難以抗拒😈。 🍢娘惹蘿蔔糕 $78蘿蔔糕口感軟糯，亦帶有蘿蔔絲，再配以娘惹黑醬油炒，口感豐富。另有芽菜及蛋一齊炒，芽菜每條都肥嘟嘟，好味👍 🍲新加坡濃湯福建炒麵 $118麵條似用上米線，口感滑身，但間中又會食到油麵嘅

有晚約左朋友响黃大仙食飯，揀左呢間餐廳食，餐廳艮環境唔錯，外面都有座位，有位先生响度自彈自唱，氣氛好Chill ，果位先生唱歌都幾好聽，不過因為有人食煙，即使我同朋友坐室內入啲既位置，都聞到好大陣煙味，扣左啲分。😤😤😤食物方面，我地叫左福建濃湯炒麵，食落去好似用油麵濕抄咁，不過味道ok, 另外叫左一份烤魔鬼魚，肉質都滑但冇乜魚味，啲醬汁太鹹，要抹走先食到。😓😓😓最有驚喜既係XO醬炒蘿白糕，食到蘿白絲，仲要好惹味，好食！最後仲有一份咖央多，厚厚既牛油真係幾邪惡，食左啲滿足左口慾就抹走啲牛油啦！😅😅😅

之前去過尖沙咀嗰間分店，今次呢間黃大仙分店款式再多啲，仲有西餐同中菜。🔅特級北海道帶子鮮蝦喇沙（$1️⃣4️⃣8️⃣）配料都幾多，有帶子、蝦、青口、魚片、豆卜同蛋。最中意帶子同豆卜🤤，尤其湯底較濃味，索晒汁食最正。🔅南洋咖吔多士（$4️⃣8️⃣）佢新鮮整起咗比我哋食，牛油同咖吔比例啱啱好☺️，多士夠脆，記住要即刻食。🔅雞肉咖哩酥（$4️⃣0️⃣）每次都會叫呢個，好酥脆，入面係印度咖哩雞，有少少薯仔，小食嚟講唔錯。我哋另外仲叫咗蘿蔔糕，同埋美祿恐龍。

來到新加坡餐廳，通常都唔少得嘅係“肉骨茶”，大大兜，有4條好腍嘅肉排，仲有大大抽嘅蒜頭，還有濃郁嘅胡椒味，亦有豆腐卜和香菇，超好味，菜油炸鬼亦好脆口。“金杯沙拉” 係用個類似雪糕杯又比雪糕杯精緻嘅杯裝住蝦，紅蘿卜條及其他蔬菜，得意得來又健康。“新加坡香辣鱼蛋” 好弹牙，本身唔太辣，但有一兜辣醬畀你選擇辣度，咁就人人都可以食；“咸鱼炒怡保芽菜”之前係第二度試過，今次呢個再加埋啲鹹魚來炒，有鹹香够惹味，芽菜矮矮肥肥，脆卜卜好好味；“新加坡濃湯炒蝦麵” 有3隻大蝦，又有好多魷魚圈，又有啲薄切豬腩片，材料豐富，超值。

呢間餐廳主打新加坡菜，但係都會有中式西式，啱晒唔同人嘅口味，餐廳有室外室內位置，座位好多，食物質素高，下次會再嚟幫襯。新加坡魚蛋喇沙🍜喇沙湯底好足料，好重椰香味，好濃郁，但係又唔會太辣，魚蛋魚片份量好多，魚蛋超級彈牙，整體超級推介，超好味！新加坡白胡椒肉骨茶🍲估唔到嗌咗最細份量都唔少，有四條一字骨，每一條都啖啖肉，湯底好重胡椒香味，豆卜索晒湯底嘅味道，加埋油炸鬼，超級正宗。海南雞飯套餐🐣海南雞係無骨嘅，所以食起上嚟啖啖肉，好方便，個飯香香茅味，一啖接一啖好快清晒，個湯個調味都啱啱好👍🏻南洋咖央鮮油多士🧈🍞雖然多士上枱嘅時候唔算好熱，但係牛油都有少少半溶狀態，仲可以喺三種口味入邊揀，我就揀咗榴槤味，每一啖都充斥着榴槤嘅味道，牛油超級厚，超級邪惡。芒果椰汁沙冰🥭🍹 青檸話梅水🍋🍸前者非常足料又大杯，建議說冰可以打碎啲，咁就可以容易啲飲到；後者嗌咗少甜，更加飲得出青檸同話梅嘅味道，越飲越開胃，推介！

👪探完朋友嘅入伙新居後, 晚餐就近, 揀咗位於商場外圍嘅地舖, 外觀非常吸睛, 室外、內都設有座位, 舒適寬敞空間感大嘅餐廳🥰🤩多款新加坡特色美食, 海鮮, 炒粉麵湯粉及飯選擇, 當然還有肉骨茶啦🥰📝餐牌內還有本地小炒, 即滾沙煲粥及西餐類別....選擇菜式及價錢相當大眾化口味！💫還有數款2人及4人套餐選擇$188-288 （2人）$468-888 （4人）🥗巴馬火腿凱撒沙律 $98巴馬火腿配新鮮爽口嘅沙律菜, 醬料適中及灑滿煙肉乾碎粒, 係醒胃前菜之選😋🐔海南雞飯套餐 $88雞皮爽滑冇膩口感, 雞肉去骨, 肉質軟嫩, 配滋味油飯, 非常惹味😋🥣跟餐嘅蔥花豆腐湯, 加入咗少許冬菜調出淡淡嘅鹹菜味, 有別於一般例湯🦐新加坡鮮蝦喇沙 $88配料豐富, 份量十足, 椰味香濃帶微辣嘅湯底, 掛滿煙韌度適中嘅油麵, 真係味覺嘅享受😍🧅蒜片炒青龍菜 $88青龍菜味帶爽口清甜, 嚼口感似韭菜, 夠特色,有新鮮感🥰

.🦄黃大仙有一間菜式選擇好多嘅星馬菜🇸🇬🇲🇾餐廳有室內同埋室外，啱晒又唔同口味嘅朋友一齊食飯✨.🐷 咸蛋黃炸魚皮 👅8/10 $48炸魚皮🐟新鮮炸起熱辣辣、超級脆，外面全部都係鹹蛋黃🥚又香又邪惡✨✨.🐷 蒜片炒青龍菜 🥬 👅8.5/10 $88蒜蓉味好夠🧄 平時好少喺出邊食到青龍菜架🥺🥹 小編自己覺得味道有少少似清甜啲嘅韭菜😂😂特別得來✨都幾好食🌟.🐷 馬來西亞藥材肉骨茶飯 👅7.5/10 $88呢個肉骨茶同平時食嘅有少少唔同😦胡椒味會偏向重少少🤣飲落去會有少少辣🤏🏻🌶️一齊配買嘅油炸鬼超級脆✨

今日去咗位於黃大仙現祟山的「星怡」食lunch 因為之前經 過見到好似幾吸引😋咸蛋黃魚皮 ，魚皮非常脆口，帶著牛油和咸蛋黃香味，不錯胡椒肉骨茶配飯，上枱時已經聞到好香濃的胡椒味，入面有原粒蒜頭，有三大件肉骨，煲得好淋好入味👍串燒（豬/牛/雞）試哂豬、牛、雞各一串，燒得唔乾，個沙爹醬好惹味特級北海道帶子鮮蝦喇沙麵 ，有兩粒帶子、青口、蝦、魚片同豆卜，料很豐富😋帶子煎過很香，肉質不錯😋喇沙的椰漿味很香濃，不會太辛辣。湯底很滑順濃稠，麵質爽口彈牙，很掛湯😋