星海．譽宴 (The ONE)

營業中

休息中

今日請左半日假約左爸媽飲茶，唻到尖沙咀就簡左地點方便既the one 譽宴，環境好舒服有自然光透入得唻座位都好寬躺，爸媽一入座都好滿意！岩岩好二時入座剛好下午茶時段，先唻叫個例牌，燒肉好出色，脆卜卜又唔太肥，再唻咸水角，腸粉，點少得牛肉燒賣叉燒包，每樣首先望上去，蒸竉都好乾淨，而且味道食水準之上，最鐘意係今次order既紅油抄手同埋安格斯牛河，平時唔好辣野既媽媽都話好好味，安格斯牛係食得出有質數，果然冇呃人，雖然洒樓選擇跖多但勝在每樣都食很出用味制作，最緊要爸媽都滿意！

慶祝同事生日，Lunch食好點，The One 18樓這間 *星海* 靚view,食物質素高，店員服務好專業上到來，地方超大，樓底好高，最緊要完全無柱，婚禮宴會好適合，仲有出邊有露天座位對住個無敵大海景添🤩🤩期間限定：蟹粉小籠包，蟹黃十足，好香濃嘅蟹味，大大隻，份量超多，一人一隻剛剛好，必試🤩🤩孖寶選擇亦很多，蔥油撈麵配鮑汁鳳爪撈麵份量超大，足夠4人吃，蔥油很香，麵質滑彈👍👍鳳爪鮑汁濃郁，而且有7、8隻，入味，咸淡適中😋😋黑松露蝦餃之王松露香濃，蝦餃皮晶瑩剔透，薄皮，蝦仁鮮甜爽脆，賣相好靚😍蟹籽燒賣皇 都吾錯，大大粒。肥瘦適中，蟹籽仲好多添😝😝香茜叉燒腸粉，好精致，已經切好一件件，好細心.外皮好滑，叉燒香口！三人吃剛好，人頭百幾蚊，環境好靚，仲有好多套餐添，生日大壽、做節都吾錯，做婚宴都好靚🥰

Family Day緊係要去飲下茶，之前都黎過呢一間飲茶覺得環境舒服，食物質素都幾高，所以揀返呢度可以一邊望住靚景一邊嘆茶，好Relax我地叫左幾款唔同既點心，分別係 叉燒包、燒賣、牛柏葉、叉燒腸等等每一款都熱辣辣，質素都幾高腸粉好滑，包住既叉燒餡料都幾多，已經好細心分左件食起上黎就方便得多另外我就好欣賞個茄子鴛鴦米， 炒得好乾身，有齊粉絲同埋米粉，口感都味道唔錯炒得都幾香幾入味媽咪鍾意食酥皮蛋撻，呢度既蛋撻大細係平時食開嘅1.5倍，個皮好鬆化D蛋好滑，甜度適中所以係呢度飲茶的確幾舒服

Starting the long weekend right with dimsum😍 Decent quality overall with my favourite being the Siu Mai (燒賣)! Personally, I like siu mai made of prawn rather than pork, so this was right up my alley! Their taro puffs with scallops (酥炸芋茸帶子盒)were well-executed as well, crispy and fluffy without feeling overly oily, they were also the perfect petite size!We also ordered:🥢crab, prawn & spinach dumplings(蟹肉鮮蝦菜苗餃): and yes, there were actually a few strands of crab meat in there!🥢char siu bao (叉燒包): t

爸爸媽媽回來不久，一家人團聚,當然要找個好地方吃東西。這次我選了位於尖沙咀的餐廳吃午飯。餐廳位於尖沙咀 the one. 由地鐵站行數分鐘就到,交通非常方便，佔盡地理優勢。環境感覺高雅清新，而且環境衛生。氣氛良好適合一家大細少聚餐或三五知己吃飯。餐牌方面食物十分多元化，點心，小菜肉類樣樣有，所以適合一圍枱人的不同口味。他們的灌湯餃水準一流！用胡椒豬肚雞湯做湯底，用料十足，而且很重胡椒辣味。加上那個大大的灌湯餃，感覺很滋補。另外他們的蝦多士賣相吸引，香脆可口的多士夾着爽滑的蝦肉，再加一些魚子做點綴，十分吸引。鮮蝦腐皮卷也是我飲茶的最愛，這家茶樓做得特別出色，脆脆的腐皮配爽口彈牙的蝦肉，和一些蘿蔔絲，層次感豐富。小籠包做得很精緻，用一個小小的盤放着獨立一隻一隻的小籠包，小籠包咬落去濃湯流出，皮薄餡靚原隻大澳三鮮蒸籠飯賣相吸引，蒸籠有差不多兩個大pizza一樣大，蝦醬香濃，再配上一些鮮帶子，和秘製醬汁，更加能帶出這個蒸飯的香味。

餐廳在尖沙咀大廈高層， 佈置 美輪美奐， 又比一般茶樓寧靜， 環境舒適寬敞，無論在室內或室外 ，可以飽覽維多利亞無敵海景， 賞心樂事， 令人胃口大開。黑松露蝦餃皇四隻雪白飽滿蝦餃皇， 餃皮煙煙靭靭 ， 包裹著爽口彈牙蝦粒， 入口散發著淡淡黑松露香氣， 風味迷人。金箔黑芝麻流沙球黑色的芝麻流沙球， 表面加上金箔點綴， 賣相精緻 ， 外層佈滿脆卜卜、香香黑芝麻， 入口煙煙韌韌之餘， 啖啖誘人流沙奶黃甜香。清香魚肚卷魚肚完全被腐皮包裹著， 口感清香又清爽， 魚肚鮮味滑溜， 津津回味。南翔小籠包小籠包皮薄餡靚 ，大口咬下去， 湯汁從小籠包洶湧而出， 師傅做得出色， 再沾上陳醋 一起吃， 最佳配搭。京川紅油抄手四川人稱呼雲吞叫「抄手」， 一口size的抄手， 抄手皮細緻滑溜， 配上辛香的辣椒油， 惹味過癮， 充滿地道風味。黑胡椒安格斯牛肉腸白滑的腸粉皮， 晶瑩通透， 脹卜卜包滿滑溜安格斯牛肉餡料， 牛肉鮮味帶黑胡微辣， 惹味個癮 。帶子鳳眼餃原隻帶子放在鳳眼餃上， 賣相 變得矜貴 ， 雪白的帶子，口感爽彈，鮮味十足，是我飲茶必點點心。椰青燉花膠雞湯（震撼價）$98椰青燉花膠雞湯， 迷你燉盅盛上

好耐冇帶爸爸媽媽去飲茶，今日我帶左爸爸媽媽去The One 譽宴·星海飲下午茶。餐廳位於The One 18樓，餐廳環境設計高貴典雅，環境寬敞，而且室外還可以欣賞到270° 海景露台及開揚景觀落地玻璃，影相一流。一坐底，侍應會先比一盤超熱的熱水洗盤筷，令客人食得安心，防疫工作做得很好我地點左十多款不同點心招牌酥皮大蛋撻，比平時食開的大一倍，蛋撻皮酥脆，蛋味好濃鮮蝦腐皮卷和蒜蓉鮮蝦春卷，兩款都好好食，外面炸得好香脆，不會油膩，而且蝦肉爽口彈牙。蠔皇鮮竹卷&山竹牛肉球&花菇棉花雞&蟹籽燒賣皇&南翔小籠包蠔皇鮮竹卷餡料非常入味，特別佢既汁，唔會太鹹太淡，味道剛剛好。南翔小籠包擺得好精緻，小籠包入面包住熱辣辣的湯汁，夾起來都不易穿蟹籽燒賣皇入口帶豬肉香，餡料扎實薑蔥牛柏葉我食過咁多間薑蔥牛柏葉，我個人好喜歡以間牛柏葉，牛柏葉好入味，而且爽口，一d都唔韌。帶子鳳眼餃賣相精美，餡料用上黑松露肉，帶子鮮甜。黑松露蝦餃之王皮夠薄，晶瑩剔透，入面大大粒蝦肉和黑松露，有黑松露香，味道好香好好食

今日同細妹、姨甥仔到The One譽宴飲茶。鮮蝦腐皮卷：腐皮包入蝦仁，將腐皮卷炸至香脆，入口非常鬆脆美味 ! 帶子鳳眼餃：顏值高船狀帶子上有粒枸杞，整個晶瑩剔透，入口調味好嘅帶子和鮮蝦讓味道更清爽。紅燒脆皮乳鴿：乳鴿表皮香脆，無油，肉嫩多汁。金磚脆皮豆腐：外層金黃香酥，內裡柔軟滑嫩。胡椒濃雞湯灌湯餃：好足料既湯頭帶有微微胡椒香味及杞子，灌湯餃好大舊入面有幾隻鮮蝦，配上微辣嘅湯頭好好味。金箔黑芝麻流沙球：外酥內軟，輕咬一口就可以感受到流沙內餡爆漿流出，吃起來很軟Q。南翔小籠包：姨甥仔好鍾意，三個都係佢食😂呢度環境好好可以望到海，服務員熱情，來呢邊飲飲茶，傾下計都舒服。

譽宴·星海記得上年朋友係度搞過婚禮，今日黎飲茶，仲記憶猶新當時既熱鬧氣氛。本身就係做開宴會婚禮既場地，特別氣派，設計華麗時尚，地點座落在The one 18樓，係室內望出窗外都特別舒適，見到藍天白雲，見到高樓大廈，仲有維港既景色一眼就望到晒。室外仲設有打卡位及吸煙區，係室外見到既景色就更靚啦，彷彿置身於藍天既擁抱，天氣好既話見到咁靚既景色，心情都特別舒暢。黑松露蝦餃之王 $45金箔黑芝麻流沙球 $38清香魚肚卷 $38鮮蝦腐皮卷 $38京川紅油抄手 $38帶子鳳眼餃 $38黑胡椒安格斯牛肉腸 $58湯灼靚菜心 $48呢度點心相當有特色，夠晒精緻。例如金箔黑芝麻流沙球就係第一次見，表面鋪滿芝麻，表皮香脆，咬開d蛋黃流晒出黎，而且唔會太甜，幾好食。😋下次黎尖沙咀約friend飲茶一定揀呢間🤩。

尖沙咀The One 商場有譽宴・星海分店，之前去過其他分店，環境同食物質素都好鍾意，朋友約飲茶，就建議去呢度食野茶聚😄酒家貫徹高貴氣派，華麗寬敞，每枱四人，我哋坐近落地窗邊，可以遠眺維港靚景🤗侍應先送上一大盆滾水給我們洗食具，令大家食得安心👍餐前小食有麻辣雲耳，雲耳爽口微辣，開胃😄招牌胡椒濃雞灌湯餃係呢度嘅皇牌點心之一，同朋友一人一份，灌湯餃大大隻，胡椒雞湯鮮甜濃郁，仲有去骨雞件，食完唔覺口乾😋黑松露蝦餃之王蝦餃有四粒，中間加一粒迷你版花形蝦餃點綴，有心思👍,蝦餃皮薄，size唔太大，好香黑松露味😋南翔小籠包賣相精緻，每個小籠包都有籃子托住，湯汁豐富😋鮮蝦腐皮卷用蝦肉打成蝦膠，再包腐皮煎香，蝦膠鮮味十足，腐皮卷十分香脆，唔油膩👍金箔黑芝麻流沙球流沙球即係黑芝麻煎堆，加上金箔，流心奶黄餡，賣相矝貴，奶黃鹹香滑溜，外脆內軟，香甜好食🤩

上次試過觀塘嘅午市套餐之後，覺得幾出色，好想再試一試佢點心嘅水準，今日行開尖沙咀，發現商場18樓有分店，梗係二話不說就入咗去。👍🏻黑松露蝦餃之王一陣陣松露香，蝦餃皮幾薄，蝦肉爽彈，配有足量嘅筍尖，雖然係特點，但係都值得一試！👍🏻金箔黑芝麻流沙球做得相當精緻，流心效果一流！黑芝麻鋪喺面，黏得非常實淨，咬落去係煎堆仔嘅口感，奶黃餡料瞬間流出！超好食，而且一啲都唔覺得油膩。👍🏻清香魚肚卷一整條魚肚包起腐皮嘅裏面，相當爽口，裏面更加配有一絲絲嘅韭皇，不過略嫌醬汁有少少鹹得滯，飲返啖茶就啱啱好喇。👍🏻薑蔥牛柏葉蔥絲好多，牛柏葉厚度好平均，索晒湯底嘅味，彈口，不過同樣地醬汁偏鹹一點。👍🏻黑胡椒安格斯牛肉腸胡椒味好重，牛肉淋軟，腸粉皮相當有驚喜，薄得黎好有口感，非常煙靭。👍🏻南翔小籠包每一隻小籠包都好一個竹籃裝住，賣相好靚，咬開一細啖，湯汁瀉出黎，肉香味好重，小籠包墊有一小片紅蘿蔔，添咗一份清新。👍🏻燕窩3.6奶凍燕窩份量好足，奶凍好嫩滑，而且真係有奶香，食落唔覺得好甜，作為飯後甜品不失為一個好選擇！👍🏻👍🏻樓底好高，枱與枱空間感好大好舒服💡有幾張大枱可以望到個海，我決定下次成家嚟飲茶！

金箔黑芝麻流沙球 $38我覺得最吸引喺呢嗰 ，賣相吸引 仲有少少黑芝麻味，加埋流心球。 唔錯嘅 清香魚肚卷  $38帶子鳳眼餃 $38黑松露蝦餃之王 4 隻 $38櫻花蝦鬼馬腸 $38蝦乾迷你珍珠雞 $38每位茶位/$15

今日好友帶我黎呢度高級酒樓！平時呢度搞婚宴，個廳勁大勁靚，仲有室外位置，可以包覽尖沙咀景色，一眼望哂，仲可以望到對面海添！對面九龍公園個迷宮都一清二楚，環境真係滿分！店員哥哥同姐姐比較悠閒金箔黑芝麻流沙球 $38外層好脆，表面佈滿芝麻粒，勁香芝麻味，中間流沙餡味道都OK, 流心效果好少，個皮有點厚清香魚肚卷 $38勁香呀！！！腐皮包住軟林林既爽口魚肚，有D似食緊雞札但又唔係咁，幾特別～帶子鳳眼餃 $38帶子大大粒好似隻眼咁，所以叫鳳眼餃，味道鮮甜～黑松露蝦餃之王 4隻 $45黑松露蝦餃有成5粒咁多, 每隻黑松露味好濃味，中間細細粒個餡比較少櫻花蝦鬼馬腸 $38個名勁靚姐係炸兩，中間有個蝦餃仔，好脆唔錯！表面櫻花蝦味道濃D就好啦～蝦乾迷你珍珠雞 $38每人都有半隻咸蛋黃架！味道正常～飽肚之選～茶介$30 (每人$15) 我揀左鐵觀音前菜 $15 麻辣雲耳，帶點少少刺激的開胃辣

自從疫情之後，好耐都冇去過飲茶了上次嚟過覺得環境幾好，所以再嚟多次12:00左右唔算好多人，但隨著時間嘅流逝，12:30左右已全場爆滿一坐低，有一位比較年輕貌似經理問飲咩茶，之後隨即送上一盆熱水比客人洗碗之後過多陣又有位女士應走嚟問我飲咩茶再過多陣又有位比較年老嘅類似經理又問我飲咩茶！之後我同佢講已經問咗我三次🙄🙄🙄佢喺耳機度復述我飲咩茶之後仲話:已經叫咗好多次啦喎其實係你地員工有疏忽而一直冇上茶，我都冇催促嘅意思，到你今次問我你竟然咁冇禮貌！而唔係同我講唔好意思，會盡快幫我安排！其實今次食咗6碟點心…但最印象深刻嘅除咗係嗰位老經理嘅態度之外就係《黑松露蝦餃之王》、《黑胡椒安格斯牛肉腸》、《金箔黑芝麻流沙球》《黑胡椒安格斯牛肉腸》顧名思義先用黑胡椒醃製安格斯牛肉～再包入腸粉入面…同平時一般嘅牛肉腸好唔同～而且味道幾夾☺️☺️《金箔黑芝麻流沙球》就係迷你煎堆入面有鹹蛋黃奶黃流心，因為流心餡料唔係好多，所以唔會太漏😝

今日黎左呢間尖沙咀The ONE既譽宴．星海飲茶。平日午飯時間一點左右，全場滿座咁滯。茶位每位$15。收加一服務費。餐前小食$15一小碟。餐前小食係香辣雲耳。雲耳香脆小辣，有黑色同白色嘅雲耳。黑松露鮮蝦餃 (特) $45黑松露鮮蝦餃一客四粒，中間加配一粒迷你版嘅。餃皮都唔算厚。鮮蝦餃真材實料，真係有鮮蝦喺入面，爽脆彈牙。有微微嘅黑松露味，唔洗點醬食都可以。如果餃皮更加薄就更加好！蟹籽燒賣皇 (大) $38蟹籽燒賣皇一客四件大大粒，真材實料有大大粒蟹籽喺面，d 蝦滑令到粒燒賣都彈彈地牙，食落啖啖肉。碧玉鮮蝦腸粉 (特) $45碧玉鮮蝦腸粉一客兩條，切開左六份，擺盤好靚，服務員上枱先幫我哋倒豉油喺上面。最欣賞係每件腸粉都有一隻爽脆大蝦，好鮮甜啖啖肉，加左少少碧玉，似係瓜或者豆。腸粉皮唔會太厚或者係一pat野，夠滑。加左豉油夠哂味道。蒜蓉鮮蝦春卷 (大) $38蒜蓉鮮蝦春卷一客三大條，每條切開兩件。春卷皮好脆，擺耐左先食都仲脆。入面好多鮮蝦肉，加左適量蒜蓉又唔會喧賓奪主。另外上左豉油俾你點黎食。南翔小籠包 (大) $38南翔小籠包一客三件，每隻都用個傳統籠仔裝住。小籠包認真製作，下底用左塊甘