曜鴻石磨腸粉

營業中

休息中

今日返工好忙啊，所以我叫咗個外賣，為咗令自己唔使食飯時間都要出去餐廳度買，咁就可以多啲時間食吓飯攤唞下，為了食完飯之後繼續努力工作。所以我今日叫咗樣好西俾自己。我用咗唔同嘅角度去分析一下今次嘅餐飲體驗。雞蛋肉碎腸粉喺初初用個app點餐嘅時候有質疑過呢一個餐夠唔夠食呢？因為得個腸粉同埋個甜品，但係當你食完成個餐之後發覺係飽到嘔嘅最後我係食唔晒。講返呢一個雞蛋肉碎腸粉先，味道嚟講都算唔錯，但係因為我叫完之後唔係即刻食嘅關係，所以個腸粉有少少凍，搞到個腸粉皮個質地有啲唔知點咁樣樣。但係個雞蛋同肉碎又整得幾好味喎衰鬼。調味方面唔會太鹹，亦唔會太油，感覺上食完之後個負擔唔係好大，仲有少少健康嘅感覺添。香滑養顏芝麻糊你唔好睇碗芝麻糊好似細細碗，其實好飽，芝麻味唔算好濃，叫做好過冇有碗嘢食吓咁囉。黑豆漿濃郁嘅豆漿味，真材實料，有豆渣，好飲。成個餐加埋$55.20，外賣嚟講真係相當抵食，希望下次可以熱辣辣咁食。

腸粉冇以前好食，好失望😌粉漿林，沒有煙靭感覺，沒有米香味。豆漿好似開粉，飲到成口粉都未溶。一啲豆漿味都沒有。芝麻糊冇芝麻香味，質地嚇人，開生粉芡🤢🤢我記得以前係好好味，腸粉好煙靭，芝麻糊人手做好香芝麻味，而家完全唔同晒，連辣椒油都已經冇以前咁香，唔會再食。非常失望。

上次經過呢間腸粉已經覺得好吸引，香港唔係好多間，而且屋企同埋公司附近都係得啲普通嘅腸粉又唔好食😞去到同事已經好好態度，又話隨時可以打電話嚟落單，搞掂先過嚟唔使等。所以就同朋友外賣咗三個款式食- 新鮮豬膶腸粉 $24好入味，豬膶鮮甜大大粒，食落唔會蒸到硬崩崩。- 素三絲腸炒 $24甘荀，木耳絲，翠肉瓜齋腸都好鮮甜😋感覺亦無咁多油，食落無咁罪惡感- 肉燥撈腸粉 $26齋腸加肉燥，呢個最重口味😜不過就好睇鍾唔鍾意撈汁食。個人比較鍾意啲配料喺腸粉入邊。整體每款腸粉都非常滑身，三款都好好食👍🏾佢配左辣椒同埋個鹹菜都好出色！仲大大份好足料飽肚好想試埋其他😋希望再有機會黎（個樣比較唔討好😂因為我哋將三款分左之後先醒起影相，但真係好食😌）

兩間分店都喺屯門 而我哋就揀咗去良景市集呢間超方便行菠蘿山前後食😆老實講 我第一次食石磨腸粉而且皺皮腸嘅賣相唔算討好因為佢完全唔係平時早餐啲豬腸粉咁挺身但食落又好ok喎😋而家排名係炸兩 > 豬腸粉 & 皺皮腸 > 酒樓蒸腸粉呢間老闆娘真係超nice 可能因為我哋堂食佢係咁同我哋吹水😆 又同我哋講邊樣受歡迎啲👏🏻仲有呢間幾健康 可以走油 (即係腸粉面嗰浸)新鮮豬潤腸粉 (拉薄) $20 🙆🏿‍♀️老闆娘話晚晚零晨2點開始石磨拉薄嘅腸粉睇落會俾正常嘅少一半左右但完全睇到入邊啲料 夠晒透 證明真係皮薄餡靚👍🏿友人識落有種特別嘅味道老闆娘話我哋聽 先知原來嗰種係米香味因為係石磨嘅關係 如果好眼少少有機會會見到米衣添而豬潤份量亦夠多夠鮮😋素三絲蒸腸粉 加粟米 $22 🙆🏿‍♀️素食者首選 除咗健康之外 味道亦都唔錯㗎素三絲係紅蘿蔔、木耳同翠玉瓜 再加埋粟米口感好豐富除咗腸粉本身之外 亦有送自製梅菜同埋青辣椒撈埋一齊食 一流🤤🤤🤤叉燒蒸米粉 加金菇加臘腸 $38 🙆🏿‍♀️揀完叉燒之後又想加嘢 但又唔知加乜好呢個時候 老闆娘又出場啦 佢叫埋啲夥計一齊幫我哋諗最後加咗金菇同臘腸 因為本身有

放假當然去搵下好嘢食啦😊 最近好想食啲手拉腸粉！咁就上網搵到呢間「曜鴻石磨腸粉」好多好評👍去到老闆娘非常熱情嘅招待，介紹唔同類型嘅款式😊由於係空肚去食早餐+午餐嘅緣故，最後我哋揀左好多嘢食🤪秘製叉燒雞蛋腸粉$25材料好豐富, 好香嘅蛋味 同 叉燒味😊肉燥撈腸粉$22肉燥撈落啲腸粉度又唔會好咸而味道亦岩岩好😋雞絲腸粉(薄拉)$18呢個薄拉腸粉真係又滑又薄，皮薄餡靚🤤蝦米蒸米粉$25+$7肉碎蒸米粉聽起黎好似麻麻地，但食落好好味😋老闆娘話佢哋唔同出面舖頭落油炒嘅做法，成件事健康啲😬香滑養顏芝麻糊$15呢個芝麻糊係老闆娘每朝親自炒的，所以佢強烈推介我哋試呢個芝麻糊😬好香好滑😋紅棗雪耳桃膠$25啲料好足，好多雪耳好多桃膠，同埋 紅棗杞子好補🤣手工秘製辣椒油$45/醬老闆娘話呢樽醬好多客話正，用黎食米粉食麵食米線打邊爐都好正😋😋黑豆漿$8/支(購買腸粉可減$1）

屯門有做到甘薄嘅腸粉😨良景街市翻新左之後多左好多好野食👍🏻今次就去左食呢一間曜鴻石磨腸粉名都有腸粉2個字我點可以唔試佢地嘅腸粉分別有菜脯叉燒腸重有一個肉燥拉薄嘅腸粉（薄到好透亮）重點係佢個肉燥好好食👍🏻撈米粉重正講開撈米粉係因為我地叫左佢嘅素三絲蒸米粉加肉燥加蛋雖然佢係蒸 但口感好似炒米甘但一d都唔油 一盒份量極多 如果你細食嘅話 1日3餐食呢盒都夠🙈最後我地重叫左糖水芝麻糊15蚊 佢嘅份量重大碗過平日外賣叫嘅例湯 真心誇張🙈 講左甘耐我自己大推嘅係腸粉 皮薄 又多料👍🏻好味最主要係叫間店舖差唔多全部嘅食物都係自己整 腸粉皮自己整 豆腐自己磨 芝麻糊自己磨完再搞👍🏻因為樣樣食品都係自己整所以樣樣野都會食得到原味道 好似腸粉會有米味🙈豆漿有豆味之餘唔會過甜 價錢重要同其他店舖係無咩分別但個質素已經有唔同 係高質好多唔信的話可以去試下 相信一試就會愛上聽聞山景分店係有埋三文治咖啡奶茶下次可以試更加多佢地嘅食物

之前好多朋友介紹屯門有兩間全人手石磨腸粉皮薄餡靚，即叫即整係人手用米加水用石磨磨成米漿連餡料一同放入鋼盤蒸所以決定山長水遠入去試一試叫咗兩份腸粉、黑豆漿同埋兩款中式糖水素三絲腸粉三絲分別係甘筍、木耳絲、翠玉瓜，另外加咗生菜，因為外皮非常薄，所以基本上每一啖口感都好豐富。第二份係秘製叉燒腸粉，可以加錢再加其他配料，我自己再加粟米、雞蛋、雞絲。因為太大份食，拎返屋企蒸返熱都仲係好好食。呢度嘅腸粉大部份都係10幾至20幾蚊，可以因應自己喜好另外加錢加配料，都算抵食。芝麻糊給香滑濃郁。我自己特別鍾意紅棗雪耳桃膠，呢一間材料真係好豐富，雪耳同桃膠份量都超級多。

大家去吃點心飲茶，相信都會點上一碟腸粉，牛腸叉腸蝦腸，還是蝦米腸都有捧場客。但大家又知不知道其實廣東腸粉也有流派之分：布拉腸粉和石磨腸粉。在店內置個石磨自磨米漿，即場蒸製。腸粉不單新鮮熱辣，還米香濃盛、軟滑柔嫩，一吃難忘。餡料多樣，豬膶、牛肉、鮮蝦、叉燒，真的千變萬化，難以猜度。點了份肉片蒸腸粉，石磨腸粉的腸粉皮還可以點加薄版本，粉皮纖薄，吃起來特別煙韌幼滑，腸粉配以肉片加上葱花鹹菜, 味道就更加豐富。還有店子嘅自製青辣椒, 香辣惹味, 提升味道。肉臊撈腸粉又是另一番味道, 肉臊和淡味豉油和腸粉配合, 美味又爽滑。甜品是即磨黑芝蔴糊, 清甜香滑又健康。

睇電視介紹石磨腸粉, 有別於布拉腸粉，石磨腸粉以米加水磨成米漿, 連餡料放進鋼盤蒸熟，再剷起粉皮包着餡料。 因腸粉皮較薄易起皺，所以又稱為皺皮腸粉。曜鴻石磨腸粉位於良景市集, 主要提供多款外賣蒸腸粉和蒸米粉, 還有生磨芝蔴糊和糖水。外賣回家再番熱, 頗為方便。蔥花蝦米腸粉皺皮腸粉很幼滑, 配以蝦米嘅甘香和葱花鮮香, 好吃。素食三絲腸粉甘筍和木耳絲夠爽脆, 翠玉瓜腍甜, 味道很清新。配菜自製鹹酸菜味道吸引, 自製青辣椒辣香味。义燒雞蛋腸粉腸粉好滑溜, 薄片义燒, 清淡得嚟又充滿蛋香。即磨黑芝麻糊夠香甜幼滑, 幾清新嘅甜品。

腸粉係香港人喜愛嘅食品之一, 有別於茶樓嘅腸粉, 坊間亦流行石磨腸粉, 這間曜鴻石磨腸粉位於屯門良景廣場市集, 即叫即做, 主要做外賣, 亦有堂食提供。堂食來個肉燥撈腸粉, 新鮮熱辣, 由於是石磨腸粉, 入口特別幼滑, 撈埋惹味肉燥, 真係相當美味。豬膶蒸腸粉口感幾特別, 薄片豬膶滑而不膩。再來個蒸米粉, 又是另一番滋味, 米粉很爽滑,又沒有一般米粉嘅膻米味, 感覺很清新。黑豆漿以每日新鮮即磨黑豆調製, 香滑有益, 甜度啱啱好。值得一提是配菜鹹酸菜, 惹味可口, 提升食物味道。

今次搵到間屯門隱世小店店主好多野食都係🇭🇰香港自家製非常欣賞豉油、辣椒油、酸菜各樣都係自家製主打石磨腸粉，香港已經好少有好味而薄身既石磨腸粉亦都好難遇到呢間真係好推薦👍🏼好正宗，又平又好味🔸秘製叉燒撈腸粉 $22叉燒都係秘製，好香好好味，肉質鮮嫩👍🏼腸粉好滑，份量亦好多。倒埋自家製豉油，令腸粉味道更正🤤最特別係配有酸菜及尖椒，而且係獨有自家製，味道同一般食開好唔同！我地加左蛋，價錢就再加$3。🔸肉燥撈腸粉 $22肉燥好香濃，腸粉已經有肉燥既香汁，所以呢款無須再加豉油已經好夠味😋腸粉仲好薄好滑👍🏼🔸叉燒、豬潤蒸米粉 $34豬潤滑而嫩，米粉配上豬潤及叉燒，令到味道昇華🤤米粉同酒樓既好大分別！酒樓叫既都係偏油，但呢到既米粉好煙韌無落油煮，好好味！配埋自家製辣油，好惹味！🔸芝麻糊 $15呢款係養顏必叫既甜品。自家研磨既黑芝麻，睇圖都見到好滑。黑芝麻味道好濃郁，甜度適中，唔會偏甜，岩晒健康一族。🔸黑豆漿 $8平時飲開都係白豆漿，呢到既黑豆漿非常出色。唔會好甜，好濃黑豆味。配埋腸粉一齊叫仲減多$1。大枝裝都只係$15，好抵。

朋友住良景，成日都搵佢玩，呢間喺良景街市嘅櫃桶腸，朋友成日都帶我去食，食過超級多次，因為真係好高質，好多地方都搵唔到！雖然都未到聲名遠播，但係區內都算係好受歡迎啦，早餐時間超多人！多口味，即叫即整，腸粉皮夠滑，米味香濃，熱辣辣。推薦比大家😳呢個係我成日都嗌嘅芫荽蛋腸，呢款口味唔常見，好食過食肉，芫荽好多好香，加埋蛋都好香，好食唔油膩唔邪惡，啱晒我呢啲芫荽fans🍀🤣蝦米腸係一致好評，個個都覺得超好食，因為入面啲蝦米🦐係好多嘅，同埋質素都OK，食落去香脆香脆咁，配埋豉油真係好香口！豬潤腸豬膶又係幾多嘅！豬潤軟身同埋算係幾新鮮，味道好濃郁，濃郁都豬潤汁滲入腸粉😎呢款都幾好食！叫咗超多腸粉！但原來仲有賣蒸米粉，未試過，今次又試咗，好高質！少少辣，唔會整到一Pat咁，係條條分明，唔係好食到油好健康！撈埋隔離啲榨菜，好夾，好驚喜喎！

話說放左工，約左個朋友，佢話想食腸粉，又唔想去酒樓，最後決定去佢樓下（良景市集）食野。 我地2個人叫左2個腸粉，重點係即叫即蒸，超新鮮雞絲腸粉-呢個我地叫左佢拉薄，食落去超滑，d雞絲配搭腸粉一流，出面好小呢種配搭另外重叫左牛肉腸粉-配料充足，冇偷減料，都係好鬼滑，加埋豉油，味道更佳仲有叫左2碗傳統普通糖水，十幾元，好抵飲芋頭西米露-芋頭細細粒，好易入口，甜得黎，又唔會太甜芝麻湖-芝麻味超香超漲總括：午餐來講好抵食

喺呢個快餐時代，聞說屯門有一間小店，老闆相信食物除咗要有傳統味道外，仍需要一份人情味去加分。對於老闆為堅守自己價值而付出，真係好滾動。曜鴻石磨腸粉，有兩間分店，今次我和朋友去良景分店朝聖。我哋落咗車，行入良景市集，轉彎向左直行到尾，見到一間小小食店，地方乾淨，開放式設計，客人可以坐在長枱坐位上 一邊吃一邊欣賞師傅既功架。店舖內設置抽屜式蒸櫃，每日新鮮石磨米漿，腸粉即叫即蒸，最值得欣賞係店舖好注重食物品質。腸粉，餡料，配料，豉油，甜品，全部都係自家製作，味道獨一無異。我哋點了 牛肉腸粉，雞蛋香茜腸粉，肉燥撈腸粉配咸酸菜+青椒，加少少辣椒油， 味道簡直係絕配呀！米味香濃，腸粉薄滑帶靭性，蘸汁力强，餡料分佈平均，讃👍 素三絲蒸米粉，一啲都唔油腻，味道已經調好，不需要加仼何醬料喔！自家製黑豆漿，味道確係唔係同，試埋碗養顏芝麻糊，大滿足😋😋

我永遠都相信，只要用心，作品總係會反映出嚟。近日食過呢間令我非常驚艷嘅石磨腸粉店。本身只係打算食腸粉做下午茶，點左：素三絲腸粉（$20）每日新鮮用石磨機製作米漿，而且即叫即拉，$20真係平！有甘筍絲、木耳絲和翠玉瓜，感覺健康，薄薄的腸粉居然能穩穩地裹住如此豐富的內餡，特別喜歡木耳絲，非常爽脆。肉燥撈腸粉（$22）好特別的配搭，肉燥有台灣滷肉的香味，這次腸粉拉得更薄，混合一起吃，啖啖肉，份量感十足，絕對飽肚。由於好味，價錢又平，我果日本身都餓，所以把晚餐和甜品的容量都比埋佢，追加左：肉碎蒸米粉（$25）老闆說完全唔加油，起初以為會又乾又硬，放入口中，立即「叮」一聲，很濕潤，而且比一般米粉更具米香更有韌性。特別要配上自家製的青椒、酸菜和辣椒油，微微辣，惹味得很。桃膠湯水肉眼可見的好足料，仲要用左好靚的杞子和紅棗，桃膠晶瑩通透，飲完覺得好清甜、好滋潤。嘩哈哈😄食到好飽，一定會回頭，性價比極極極高呀！