月喬正宗越南湯粉 (柏樹街)

營業中

休息中

今日嚟到呢一間喺太子附近嘅月喬，係一間越南菜嘅餐廳黎，本身就諗住食佢最出名嘅法包系列，係下午茶餐黎嘅，但係呢去到嘅時候呢店員就話俾我知原來佢哋一早買晒啲發包啦！所以我哋就叫咗其他都有啲越南特色嘅米線啦，就有佢都出名嘅經典火車頭同埋越南三寶河粉，咁佢個火車頭就係一般果幾樣牛丸牛肉同埋三寶就係啲炸豬扒炸雞翼之類嘅小食配搭咁，總括而言呢一間算係正常啦！講返佢個米線先，個湯底都係有d越南風味嘅，咁佢呢個下午茶下午茶餐係有配飲品嘅，我哋就叫咗一啲特色嘅越南奶茶咖啡同埋檸茶咁樣！

第一次食呢間，叫咗個豬頸肉湯粉，再加越式牛肉法包，滴滴咖啡，越式奶茶。整體黎講都叫幾好食 ，豬頸肉份量都多，女仔未必食得晒一個餐，如果鐘意試越南野既朋友，都可以黎試下

已經多次光顧此店，另有界限街店，較多人認識。這店的春卷包得扎實，是即炸，會燙咀的，不覺得油膩，點了春卷湯河，有三大件。另一必點是越式法包，包烘得很脆，醬汁是較辣的，但配搭得。很滋味。試過豬扒法包，豬扒是大大件的。我請服務員替我切3份，沒有被黑面，笑笑口話可以，贊👍生熟牛河河粉十分滑，湯底濃且較鹹，但不覺得有味精。牛肉份量多，有牛肉片，牛腩肉，抵食呀！

今晚個心口頂唔順，就揀咗間好有feel嘅越南店嚟填下肚。入嚟一坐，老闆娘就笑咗，添咗一份熱熱黎嘅人情味，隔離桌嘅煲仔飯嗆嗆聲，聽得我都心癢癢！先點咗個經典嘅牛肉粉，湯底鮮甜得嚟又有嗰種深邃嘅底味，牛肉嫩得滑嘅，口感正宗得滯，真係啱晒怕牛肉嚼得攰嘅食客。😋跟住又嚟咗個炸春卷，外皮酥脆到出奇，唔係嗰種會嚼到滿口油嘅那種。啲餡料好有層次，吹水中間唔知不覺就一口又一口。🌯辣得啱啱好嘅鴛鴦生菜包，嘩，嗰個豆腐乳醬汁啊，挑戰緊我對辣嘅極限，但係又停唔到口，彷彿幫我打開咗味蕾新世界嘅大門。🔥食物之間嘅配搭，碌得就碌得嚟，成個體驗食到好滿足，服務亦都貼心得嚟，整間店就係咁樣平易近人，又唔會輸給高檔餐廳。短短嘅食評寫唔盡食物嘅精妙，不過如果你想有個悠閒嘅晚餐，又或者想品嘗地道嘅越南菜，嗱，就千其唔好錯過咗呢間架喇！🍲

📍嚟到太子，特色餐廳林立，今次食到越南野：月喬正宗越南湯粉（柏樹街）旺角柏樹街4號地舖唔好嚟錯🙈因附近又有間叫月橋越南野，係分店之一。🔻餐廳用qr code自助落單🔻1. 茄湯蟹糕湯濛因有蝦同蟹糕嘅關係，蕃茄新鮮，湯底鮮甜，濛粉彈牙，剩係呢個底都值回票價。兩款用人手打嘅魚餅同扎肉都出色。🔻2. 招牌牛腩牛展湯粉牛腩滑溜，配埋呢個湯底真不得了，用牛骨香料製成。加上牛展入哂未，所以好快食哂成碗！🔻3. 越式炸蝦餅呢碟份量都唔少㗎！見兩款湯粉都咁多餸，而呢個炸蝦餅又唔輸蝕！擺到嚟熱辣辣，厚薄適中，配上越式醬汁，開胃美味。🔻4. 餐飲凍檸茶、紅豆冰紅豆冰唔會太甜，紅豆都佔好多，但椰汁同奶味底就唔太出。

之前堂食過，覺得味道正正常常，咁當然冇其他食評寫到咁驚為天人啦！今晚落大雨，途人唔多，落去買外賣自取，見到堂食位置都未坐滿。收銀嗰位金色短髮姨姨收完錢之後就直接話「出去等陣先，得嗰陣就拎出黎比你」。出面大雨度有遮都濕，結果等左廿分鐘都未有人出黎派外賣，結果我忍唔住入去問先見到個外賣原來一早得左，我問問番個金色短髮姨姨點解唔出黎比外賣，佢淨係講左句「唔好意思」就走開左。金色短髮姨姨呢啲咁既回應，對啲肚餓又等左好耐既食客而言，好值得我「破處」，將第一次寫既食評留比你。無論堂食/外賣都要等咁耐，處理外賣手法令客人不快，味道又唔算係驚為天人既話，真係唔會再幫襯呢間餐廳！p.s.可能有人睇完呢篇野之後會覺得「係你自己蠢啫，等左10分鐘就已經要入去追啦」，但係我對上一次堂食都等過15分鐘。

由於局長經過SSP，想搵一D野醫肚，見到呢間鋪頭裝修得好時尚，有一種舒適嘅氛圍，就決定試下佢。鋪頭嘅環境好乾淨整潔，光線充足，令人感到非常舒適。而且，鋪頭嘅空間分配得好合理，令人感到好舒服，無論係單獨一個人飲嘢，定係同朋友一齊聚餐都好方便。即刻睇下有咩食先！都係好經典既越南美食！最後決定叫４款試一試佢！1. 茄湯蟹膏湯濛 - 味道鮮美，濃郁滑順，口感綿密，好開胃。蕃茄同蟹肉嘅組合好完美，湯嘅味道鮮甜，幾好飲。而且，呢道湯濛嘅價格非常實惠，值得推介。2. 越式三寶飯（豬扒、雞翼、扎肉）- 三樣菜色都好美味，豬扒肉質鮮嫩多汁，雞翼烤得香脆，扎肉則係入口即化。飯量都幾大，啱晒大食家。而且，呢道越式三寶飯嘅價格實惠，啱晒想食得飽又唔想花太多錢嘅人。3. 鳳爪 - 鳳爪係一道好受歡迎嘅小食，而呢道鳳爪更係獨具風味。鳳爪嘅醬汁香辣可口，令人一口接一口，好開胃4. 越南春卷 - 越南春卷係一道好清新嘅菜色，春卷皮脆口，內餡則係用各種蔬菜同肉類製成，好好食。而且，呢道越南春卷嘅價格都非常實惠，係一道好啱晒當作開胃菜或小點心嘅美食。跟餐仲有兩杯飲品，過得去！整體係幾好唔錯既餐廳，值得一試！

太子大南街有好多小店都好好食今次試下呢間越南粉平日夜晚6點幾放工時間黎到 唔洗排隊(食飽走個陣就坐滿兼有人排隊等食/外賣)餐牌選擇有撈檬 湯粉 飯 小食同飲品QR落單方便，可以揀埋需唔需要走配菜餐枱有齊筷子匙羹餐具，同埋醬料當然唔少得魚露，大大樽橙色 比你隨意落我地揀左2碗麵 1款小食 2款野飲飲品好快就到🥛椰汁紅豆冰好似食緊椰汁糕咁甜另外我最愛既原個椰青 清甜夠凍會比埋鐵匙你食埋椰青肉🥥主食🍲鮮茄魚餅蟹膏湯河大大碗 好足料2塊魚餅 2大舊蟹膏肉餅 2件扎肉 仲有1隻🦐仲有蕃茄生菜我地揀左河粉 幾滑另外仲有金邊粉可以揀望到廚房 見到即叫即整既肉餅朋友覺得唔錯🍲香烤豬扒撈檬豬扒起碼有8件配菜有青瓜蘿蔔絲 同埋脆卜卜花生食撈檬 係時候大落特落魚露小食叫左米紙卷呢到既米紙比較有咬口

同朋友放工由旺角行到長沙灣談心, 行到一半有D肚餓, 見到呢間越南野門口都有人排隊, 咁我地就去試下門口都有人排隊, 不過唔係等左好耐, 大約5分鐘就有位餐牌主要都係食越南湯粉, 另外都有D其他既小食餐廳仲要用QR code落單, 好方便我叫左個雞絲扎肉撈檬, 朋友就叫左個火車頭湯河黎到個份量好多, 感覺好抵食黎到既時候個雞絲仲係熱熱地, 呢樣野幾好, 因為平時食個D撈檬通常D雞絲都凍曬硬曬唔好食呢到個檬粉係涼既, 但係D雞都係熱熱地, 咁D雞黎到就唔係硬曬, 好食好多另外扎肉都好彈牙, 好食朋友個火車頭湯河, 入面有牛肉, 牛丸, 牛展同牛腩不得不讚既係個牛展, 係超淋, 真係阿婆冇牙都食到, 仲要好香, 比100分個牛展牛腩相對上就無咁淋, 但係有好香既牛味湯底都係好香既牛骨湯, 加埋香料既味真係好似係越南食緊咁呀另外小食我地叫左個米紙卷, 同埋一碟菜米紙卷個份量好多, 好大碌, 黎到個陣真係驚食唔曬呀點酸辣汁食, 個口感好豐富, 食到好香既香草味, 一啖咬落去成個口都係料性價比超高另外我地再叫左杯檸茶同青檸梳打, 就正正常常啦總括黎講呢間野既味道好好, 份量超大, 好岩平時幾個人

同中同放工後，喺中間位短聚食餐晚飯，對上一次見佢係喺泰國旅行個陣，即興約食晚飯，今次見就唔食泰國野啦，諗住食碗pho，再戰甜水😚➿ 越式米紙卷 ($30)米紙卷入面有厚切扎肉，醃蘿蔔絲、粉絲等等，一小塊既紫蘇葉係精髓，加埋店員溫提我地要點酸甜汁食，整體味道清新🌿 又幾抵食！➿ 越式炸春卷 ($32)用左好豐富既餡料包成一條條紮實既圓柱體😆 內餡有木耳絲、菜絲、紅蘿蔔絲、粉絲等等，味道幾重胡椒味，而且整體感覺唔油膩，即使放涼左，都會保持香脆👍🏼➿ 香烤豬扒撈檬 ($47)豬扒幾重香茅味👍🏼 好貼心咁將豬扒剪成一條條易入口既大細，份量又多，$47一大碗，勁抵食呀！➿ 鮮茄魚餅蟹膏湯金邊粉 ($56)呢碗湯麵都幾有驚喜🤩 鮮茄湯底味道天然，魚餅都係用鯪魚肉手打，唔係現成急凍個種，有誠意👍🏼 而蟹膏質感幾特別，好似軟綿綿既碎肉～➿ 鹹檸七 (+$9)➿ 熱柚子蜜 (+$2)特飲或者普通飲品價錢都唔貴，貫徹親民既形象～

位置：月喬正宗越南湯粉 📍旺角柏樹街4號地舖📍食後感：旺角食越南野舖頭唔多，估唔到呢間又平又抵食，加幾蚊就可以配埋特飲，杯紅豆冰簡直超好飲，椰汁味勁香，又唔太甜，好似飲緊紅豆西米露，依個價錢呢個質素，冇得彈👍🏻👍🏻見隔離枱叫個燒牛肉、同法式麵包既份量都超足，下次黎真係要試下。味道：招牌火車頭湯河（$60）湯河入面有牛肉、牛展、牛腩、牛丸。生牛肉片份量好足夠，加上係厚切既食落有口感。不得不提牛丸，爽口彈牙有牛味。雞絲扎肉湯河（$56）扎肉好似魚蛋一樣咁爽彈，唔算好重口味，雞絲食落口似雞比肉，一絲絲，食落有質感。咸檸七咸檸七，七起夠曬氣，咸檸夠曬咸，鍾意咸檸就岩曬。紅豆冰紅豆入量岩岩好，唔會成杯都係紅豆，椰汁味香濃，正正正。

中午同朋友嚟咗呢間位於柏樹街嘅越南餐廳，見到餐廳入邊都多客人食緊嘢，應該唔會中伏餐廳環境整潔，調味料充足，唔好以為越南餐廳就好落後，佢哋都可以用QR code來點餐佢哋嘅嘢食都算好多種類，仲有下午茶餐，下午茶嘅價錢好抵食離越南餐廳梗係要試吓佢哋嘅正宗小食酸辣鳳爪，佢哋啲鳳爪大大隻，入口少少酸亦都有少少辣，唔會話好重口味凍飲方面跟餐只係加$5 ，所以我叫咗杯柚子梳打，對抗外邊嘅炎熱天氣個人來講我好鍾意食蕃茄同埋蟹，所以叫咗個鮮茄魚餅蟹膏湯檬粉，佢一嚟到嘅時候真係嚇咗一跳，因為成碗粉都係餸菜可以見到佢嘅魚餅同埋蟹膏都係大大嚿，入口即溶仲有完整嘅一隻蝦，入口都算彈牙最後我一個人都係食咗90幾蚊，性價比極高

大南街附近，一向都好多嘢食，今晚想食越南粉麵，上OpenRice搵咗呢間餐廳試一試❤️餐廳門口光猛整潔餐廳牆上都掛滿不同食物推介食物唔貴好抵！6:00前仲有下午茶餐！nice!今晚我哋過左6:00入去，其實都幾抵食，即使係常餐價錢都係$50-60/款我同朋友比鮮茄魚餅蟹膏湯粉（$56-常餐）吸引左！粉面可選檬粉/河粉，我哋點左2份河粉，另外點左小食：越南米紙捲（$30），香茅雞翼-5隻（$32）飲品☕️☕️：熱飲（+$2），懷舊支裝可樂（+$6）凍飲（+$5），特飲（+$9）我點左熱柚子蜜，朋友點左懷舊支裝可樂，市面而家唔多呢款樽裝可樂啦❤️勁愛呀鮮茄魚餅蟹膏湯粉一上枱勁香既蕃茄味撲鼻😍試左一啖湯底，勁鮮甜蕃茄湯底，應該係有蝦同蟹膏既關係，加上大量新鮮蕃茄煲成既。呢種獨特既味道，應該係店家獨有既，個湯實在太好味😂最後我飲哂個湯😂（好味程度：4.5/5）魚餅方面有2款，食得出似人手打既魚餅，好鮮甜，肉質都好獨特，係2款質感既，加上扎肉，蝦，成個粉面都勁好食👍🏻👍🏻另外一提，係外面連鎖店食既越南粉面，通常都未必會好飽，但呢間餐廳，相信男士食都夠，真心勁大碗！越南米紙捲：米紙捲係越南製法，同坊間會炸

小店店面唔算好大，大概六張桌子，感覺似家庭式經營，所以裝修唔會浮誇，實用簡約。晚餐繁忙時間，人流不絕，堂食外賣客都有，似乎都好受歡迎喎。客人可以QR code落單，也可以找店員落單。酸辣鳳爪鳳爪去左骨都幾完整，唔會支離破碎，味道酸酸甜甜，夠開胃香茅雞翼上枱時熱辣辣，外皮炸得香脆惹味，一咬開時有爆汁效果，差啲辣親咀唇，食嘅時候要小心呀。鮮茄魚餅蟹膏湯檬粉落單時可選擇檬粉，河粉或金邊粉。今次揀左金邊粉，麵質滑溜溜，一入口已經sir入喉嚨。蕃茄湯味濃郁，亦有新鮮蕃茄肉，仲有蝦米仔同肉碎，使湯更有鮮味。重點係碗湯粉超大碗，兩個人分享，每人可有三至四小碗，加上配料魚餅，扎肉同蝦，份量十足。越式法國麵包麵包餡料揀左扎肉，估唔到都好大份。以為法包會比較硬，咁就錯啦。法包表面烘得乾脆，內裡軟熟，配合埋扎肉，青瓜絲，沙律醬，有咬口得黎又唔會太乾，係my favourite呀。鹹檸七夠cool，夠清涼呢餐價錢唔貴，但份量卻大大份，食完之後，真係肚腩都突左出黎，好抵食呀。

抵食越南人主理正宗越南粉🌸招牌火車頭湯金邊粉 🌟🌟🌟🌟🌟大大碗金邊粉好多，粉質滑溜，但唔會太易碎開，火車頭有鮮嫩生牛肉、爽彈牛丸、夠入味牛𦟌、淋身唔癡牙牛腩，配搭埋芽菜、洋蔥黎食，湯底每日用新鮮牛骨香料熬製而成的，非常好飲。🌸香茅豬頸肉湯檬 🌟🌟🌟🌟🌟大大碗檬粉，粉質易夾唔會碎開，再配大大碟豬頸肉，豬頸肉燒得好香，而且肉質嫩夠入味，配搭牛骨香料熬製既湯底，湯底飲完唔會覺得口渴架！🌸米紙卷 🌟🌟🌟🌟🌟超大條，米紙卷內有粉絲、生菜、青瓜絲、札肉條，米紙就煙煙靭靭配搭內裡爽脆，口感覺得呀清新呀！🌸香茅雞翼 🌟🌟🌟🌟🌟每一隻都大大隻，炸得夠脆而肉質嫩滑，仲有淡淡香茅味。🌸越式炸春卷 🌟🌟🌟🌟🌟炸得超脆口，春卷內有粉絲、木耳等既材料，食起來口感相當滿足呀！🌸鹹檸七（少冰）🌟🌟🌟🌟🌟鹹檸檬夠鹹夠入味，配搭七喜，真的好解油膩呀！🌸椰汁紅豆汁（少冰）🌟🌟🌟🌟🌟超濃郁椰汁配原粒軟綿既紅豆，紅豆比例都多，超滿足。======詳情======月喬正宗越南湯粉 (柏樹街) (旺角)旺角柏樹街4號地舖@phokieu.noodles================#yummy #香港美食指南 #香港美食