月禾居串燒手打鳥冬 (已結業)

同朋友係旺角打完波有d肚餓，又噤啱見到有間食日本嘢既食店，見佢個名叫(月禾居)幾有味道，一於入去試吓坐低睇到個和風海鮮鍋定食(少辣)好似幾好，除左海鮮鍋，還有白飯、味噌湯和小食，就選呢個啦！坐左10分鐘左右，熱辣辣既海鮮鍋送上，見個鍋都幾多海鮮有蜆、青口、魷魚、三文魚，還有金菇、花菇其他蔬菜，個湯飲落辣辣地好嘢味似辛辣麵個湯，蜆幾鮮、青口唔靭、魷魚彈牙，其他配料都可以。小食就係螺肉都幾好味，之於個味噌湯味道啱啱好唔太鹹，需然唔可以叫做頂級好味，但呢個價錢可接受而且飽肚。

同朋友係旺角睇完戲諗下食咩好,朋友話想食烏冬,係OPENRICE SEARCH下就搵到呢間,見D COMMENT都OK,就試下MENU都幾多野揀,但又唔係好特別咁,由朋友話事~芝士海鮮烏冬鍋---芝士汁幾濃,海鮮超多料,不過都係雪藏既,不過六十幾七十蚊你仲想點~?烏冬朋友話食落唔似手打既,我自己就唔識分啦~蒲燒鰻魚飯---鰻魚比我想像中大條,個汁幾好味,唔會太甜,好好味~~係咁易咁又一餐lu~~~~~~~不過...d侍應成日十問九唔應,又無咩笑容咁...真係要改善下...

見到食評不錯，於是特登離試試間餐廳。晚飯點了燒鯖魚，烏冬及三文魚刺身，落單時店員比較無禮貌，感覺好似唔想做你生意咁。。。三文魚刺身可以接受，鯖魚燒到變左魚乾咁，d肉要比力刨先食到，好少會燒到咁。。烏冬就好似屋企自己煮咁，豬骨湯底基本上係出前一丁加d麻油。價錢係還可以，但係旺角其實有更多選擇。

印象中既黑布街係車房為主, 唔知幾時開始就被食店開始佔據, 仲好.....又多一條"食街"但凡諗唔到有咩想食時, 食日本野出事既機會率.............係低既! 呢間主打串燒手打烏冬既食店, 見到門口食物相片, 相信選擇都幾多, 梗會有野岩食, 一於呢度開餐!見佢餐牌有三文魚刺身 (八切), $48都好扺食 - 每片都幾厚身, 食落都鮮味, 唔錯!友人係芝士控, 見到呢個芝士烏冬鍋(可選海鮮/牛肉) $68份量適中, 選左牛肉配料, 面頭再洒上芝士碎, 芝士汁食落幾香滑, 而烏冬亦彈牙, 食完唔覺好"漏".見天氣熱熱地, 我就點左呢款天婦羅冷稻庭, $68 - 天婦羅包括炸蝦2隻, 冬菇, 南瓜及蕃薯各一, 炸漿唔厚, 食落熱辣辣, 配埋個冷烏冬一齊食, 一熱一凍, 口感特別! 正^^見食物水準唔錯, 點多個芝麻鷄翼, $38 - 一客有兩隻, 炸到好皮香肉嫩, 加埋個芝麻香味, 好味!!二人埋單都係二百幾蚊, 價錢相當合埋, 唔怪之得客人不斷進出, 好彩早D入座, 唔係就要等位啦

誰說黑布街就只有甜品？其實黑布街是平民的美食天堂吧？有不同菜式的小店，而大部份都價錢相宜，同街內競爭大，所以更令各店都不敢鬆懈，這晚就來這間吃日本菜！這樣的價錢，都不會要求甚麼樣的服務質素，所以店員冷淡地放下餐牌、熱水轉身走都是意料之內。翻翻餐牌，可見選擇不少，由火鍋到串燒、烏冬、飯的都有。每樣都想點些，在燒物中選了燒菠蘿以及芝士獅子狗。菠蘿沒想像中多汁，燒得比較乾身，而菠蘿本身亦不夠甜，但卻沒塗上蜜糖令其甜味更足，比較失色。而芝士獅子狗的芝士亦少得不覺有，雖然可隱若看到中心有丁點芝士，但卻吃不出其味道，獅子狗同樣燒得乾身偏硬！燒物令人失望，幸好鰻魚飯爭回一口氣！鰻魚可見是大大條的，而飯的份量都很多，不過醬汁就不夠拌勻整個飯，只有少量鰻魚汁。而鰻魚味道嫩滑帶甜，但未有入口即溶之感，不過以這價錢，比連鎖店吉家還要便宜，絕對能過一過鰻魚癮！烏冬選了燒餃子烏冬，配豬骨湯底，湯底沒什麼特別，烏冬的彈牙嚼口不錯，麵身方形粗滑。餃子4隻，炸得非常脆，可惜炸得過乾，連內裡的豬肉都被抽乾了肉汁。當晚最喜歡的，一定是這個炸紫薯栗子餅，我可以多吃幾塊都不厭！紫薯一般都會做得乾身厚實，帶粗糙的纖維絲，不過這

收工落旺角，同朋友吹下水，食個飯咁又一日！話說朋友想食烏冬，上網搵下就搵到呢間月禾居，有烏冬又有串燒，都係唔錯選擇！抱住試新野心態去試試！睇下個menu , 選擇都好多！我地決定叫下烏冬加串燒小食！呢度係先揀烏冬再揀湯底！我地揀左自家製豬軟骨烏冬、雜錦鍋仔烏冬、义燒烏冬，湯底有得揀地獄湯、豬骨湯、番茄湯、清湯同咖喱湯！當然我地揀左比較重口味嘅咖喱湯同番茄湯！Menu 上寫呢度係用！真。冇hea 我地！先講下番茄湯雜錦鍋仔烏冬、蕃茄湯底好濃而且有蕃茄蓉喺裏面，每食一啖烏冬都好似連一啖番茄湯，好juicy !再講下咖喱湯底嘅叉燒烏冬！咖喱湯底都唔錯喎唔會話好辣亦都唔算好喊！味道非常適中！而义燒方面肉質都好嫩唔會話好韌！肉嘅中間帶有少少脂肪，食落好軟！正呀！小食方面叫左黑椒露筍牛肉串同燒菠蘿！牛肉串都有d驚喜，牛肉串燒得好香，上面加左啲黑椒同埋鹽，味道夠！牛肉包住露筍一咬好有口感，食落唔油膩，又有少少汁，係怕肥又想食串燒嘅女士嘅好選擇！燒菠蘿都正常啦！食得出係新鮮菠蘿，好鮮甜！作為飯後水果確實唔錯！整體黎講，食物質素ok, 價錢合理！可以再黎！

今日係Blue Monday，真係好想繼續放假呀！雖然工作過後好累，但約左一班好姊妹出黎聚舊，心情特別興奮呀！我就搵左一個中間點，聽講係旺角黑布街附近有好多款唔同類型既中西日美食，咁我就決定揀間日本餐廳試下，黎到呢間月禾居手打烏冬，雖然舖仔細細，但係一行入去已經有一種小日本既感覺。坐低之後望下個餐牌，價錢一啲都唔貴，實在係一大驚喜！急不及待要打開個餐牌欣賞下入面嘅美食，嘩睇見到都流哂口水呀，我地最尾決定一人叫一個烏冬再加適量嘅小食，實行要填滿我地空虛嘅心靈，好快第一碗蕃茄湯底嘅什錦鍋仔烏冬已經出爐喇，真係同餐牌入面嘅圖片係一模一樣架！急不及待要起筷喇！蕃茄湯底嘅味道非常濃郁，簡直可以刺激到我嘅味蕾呀！而且配料又豐富；朋友叫左一碗豬骨湯海鮮烏冬， 足料，豬骨湯味道夠濃！絕對得上係人間極品，令我彷如置身係日本一樣。再來一客三交魚刺身，厚切既三文魚咬落去既時候實在係太有口感喇，而且肉質結實又有彈性，口感極好而且有好香嘅魚鮮味！當然唔少得嘅係胡麻豆腐沙律，清新滋味！享用完呢間小日本餐廳之後，我覺得我已經唔駛去日本搵食喇！我相信好多人都知道日本人對食好有要求，正如呢間餐廳一樣，只係會提供高質素既

上完Spanish班，約左2個小學fd喺旺角食飯，我旺角東落所以行條街就到了！fd之前食過，交俾佢叫野食招牌蒜燒茄子好正呀arm arm燒好嘅茄子係外脆內軟的！我食埋塊皮朋友驚訝, 識食一定連皮食啦咁先至食到個脆皮感覺同加左香蒜蓉嘅茄子真味嘛. 我最鐘意係佢實物同menu一樣，面同底(皮)都有認真燒過，其實茄子本身無味，加埋鋪滿成個面嘅蒜蓉黎燒....屋企係唔會整到的燒蜻魚皮脆！肉厚！燒完都唔會走失左魚裡面嘅水份，成條魚嘅肉都好moist, 同埋佢起哂d骨, 對於唔識lun骨嘅我實在食得放心三文魚蟹籽炒飯夠哂份量嘅蟹籽撈落炒起嘅三文魚飯，熱力將佢地整到暖暖的, 有好多三文魚同粟米:日式炒飯最佳拍檔, 唔覺得油淋淋~~天婦羅烏東天婦羅個炸粉夠薄, 烏東好似唔太夠爽口Li度嘅食物係小製作所以每碟都食得出師傅嘅心機, 而醬汁方面亦係認真講解好點咩配咩, 雖然地方不大但食得好舒服呢

突然好想食牛肉鍋 見到呢間有就入左去食估唔到又幾好味 牛肉味十足豆腐夠滑 再配上娃娃菜 十足食緊平價壽喜燒再叫左個滑蛋鰻魚鳥冬 勁大件鰻魚 係滑蛋好似hea左啲大板燒好香脆 鵝肝多士 果然都係入口即溶 咁既配搭都好正 一脆 一冧

星期日大約6點半在旺角覓食，見呢間有手打烏冬又有串燒，門口仲寫住8點前結賬離座有88折，於是揀左呢間，點知....蕃茄湯底烏冬配炸餃子：見到個湯底顏色好靚同濃厚，好開心，點知個湯底係半點蕃茄味都無，只得酸味😖，碗内共有約10粒粟米，同一堆海帶，餃子就係正常的硬。串燒：雞軟骨-算正常，唔特別蒜蓉燒原條茄子-好香蒜蓉味，我先用筷子cut做幾份先食，一口咬落去，d油就係個尾度好似水喉咁流落黎，同埋好咸燒牛舌-ok服務方面，去到7點左右就已經全店滿座，但只得2位樓面，所以全場人仕一般都要叫好幾次先有人理，人手明顯不足。

聽講依間餐廳既野食都幾好食，而且以日本餐館黎講唔算太貴～ 終於有機會試下喇 佢既招牌什錦鍋仔烏冬，真係值得試下。佢既配料好豐富，而且隻炸蝦都幾大隻 黃金燒扇貝同芝士燒生蠔都好好食～生蠔同芝士好夾，黃金燒法亦帶出左扇貝既鮮味 仲有滑蛋鰻魚飯呀～都好好食，不過如果再加多d鰻魚汁就更好 整體黎講都幾抵食，可以下次再去試下

今日經過見到原來呢邊有間日本菜, 見唔洗等位就入去試試啦! 睇LUNCH MENU見價錢都唔貴, 通常40-45蚊就有個餐, 有咖哩飯, 定食, 炒飯面, 滑蛋丼等等很多選擇, 我最後選了這個雜錦鍋燒烏冬. 不久之後 熱熱的烏冬就到了, 賣相都還可以，望落都算豐富, 不過一試個烏冬就後悔冇加錢轉成稻庭烏冬或讚歧烏冬... 這種烏冬質地真係麻麻地，不太彈牙。配料都還可以, 主要有隻天婦羅蝦, 一件叉燒, 一件炸雞球, 不過烏冬份量算幾多~ 而味道方面, 這個鍋燒烏冬湯底就不是我想像中的壽喜燒湯底了, 之前在其他日本店食的多數是壽喜燒那款甜甜的湯底的, 超喜歡吃, 不過這裡就只是豬骨湯底, 味道正常, 不會太鹹, 配料味道也是普通啦, 天婦羅蝦雖然已經浸淋了但SIZE都幾大隻的. 我相信未浸淋的話 應該會幾好味的。 而這個午餐跟的小食是青瓜螺肉, 口感有青瓜的爽口之餘又有螺肉的咬口，不錯，而且幾醒胃呢. 用來做前菜不錯！臨走見其他食客的咖哩飯好像都不錯, 下次會再來試試的.

今天工作沒有那麼忙，所以可以準時收工，便跟同事到旺角去逛逛。出到旺角，不如先吃東西，可以避開搵食的人潮，所以不用等位便可入座。這個大蝦海鮮手打烏冬，用料十足，有大蝦、青口、蜆、魷魚、……配料很多，而且都很鮮味，湯底亦落足料，餚製時間亦足，所以味道濃郁；烏冬淥得時間啱啱好，彈牙得來又很入味。這個蟶子王用蔥及蒜茸調味後，原隻來燒。用燒的方法原隻來烹調，不但可以保留蟶子本身的鮮甜味，不會流失在盛載的器皿上，還可以將蟶子的香味提升出來。不過價錢較貴，$48一隻，一口便沒了。用自家醬汁來燒的雞泡魚干，很香口，帶少許醬汁的甜味，適合用來作佐酒小吃，愈吃愈想吃，簡直不想停下來，所以不一會便把它K.O.了。

今天約左朋友去旺角買波鞋，行左一輪後，終於買到，於是就係附近搵食休息下~行行下見到呢間餐廳，覺得門面都幾OK咁，於是就入左去我揀左碗大蝦海鮮烏冬，食落烏冬彈牙煙韌，蝦肉鮮甜爽口，粟米粒清甜美味，青口也很清甜有嚼感，加上份量十足，以這價錢來說都還可以吧~另外朋友亦叫左個滑蛋鰻魚飯，份量也是很多，蛋很嫩滑，鰻魚燒得很香，啖啖肉香四溢，醬汁更是不會太咸，配埋粒粒又白又軟熟的白飯一齊食就更是滋味~同時更叫左和牛粒，細細粒，一啖一粒，牛肉味濃，很嫩滑，又入味，用黎送白飯食就最正！之後我地仲未夠飽咁，於是就叫左碟大蝦天婦羅，侍應送過黎時白雪正咁，一睇就知唔係用千年油黎炸，感覺好似較健康，細味一口發覺大蝦外脆內軟，炸粉很香脆，完全唔覺油膩，確係幾有水準^^ 最後我地埋單三百二十元，係旺角黎講都真係算唔錯喇~

睇完戲又d餓，於是同男朋友又去左食野，係話唔食咁多野下，又走左去食日本野 呢間餐廳以手打烏冬為熱賣菜式之一，所以當然要叫番碗 而我就揀左大蝦海鮮手打烏冬！裏面的材料令人一看就覺得抵食，值得一提的是，所有材料都是特大的，包括有兩隻大青口、三文魚塊、八爪魚、半隻蛋、一隻珍寶大蝦及一隻大帶子，還有些筍、海帶、粟米等配料，當中的帶子比蛋更大，鮮甜美味，質感彈牙，麵身又煮得剛好，加上鮮濃的豬骨湯底下，尤感滋味，確係甚為不俗 之後亦叫左兩款刺身，分別係甜蝦刺身和帶子刺身，甜蝦刺身有手指餅般大小，又大又長，口感爽甜又美味；帶子清甜之餘，仲好厚身，又滑口，全碟好快就被完全食清 熟食方面男朋友點了蒜燒愛爾蘭聖子王和燒雞泡魚干，聖子夠香又厚肉，蒜燒配上獨有的汁很是惹味；雞泡魚干就烘得香噴噴，最適合一邊喝啤酒，一邊睇波時食，你一條，我一條，食吓食吓就冇晒 一輛食食食後，美味之餘亦很飽，今晚好開心呀~~