本色鍋品料理

營業中

休息中

呢間夜晚食火鍋既餐廳，午市有港式點心 同埋 台式飯麵小食，今日終於黎試下。.首先叫左兩款港式點心。本色蝦餃皇 $38一籠三粒蝦餃每隻用上湯浸住，蝦餃內裡全是蝦肉，好鮮味。.黑椒豬大腸 $28好耐冇係中式酒樓食呢款點心，豬大腸好林、又有惹味黑椒，整得好好。.然後再叫左兩碗台式拌麵柯仔酥拌麵 $58鹽酥柯仔另上，細細粒炸得好香脆。加上台式粗麵，麵質彈牙，用黎做撈麵好有口感。.肉燥蝦球拌麵 $58呢款都係拌麵，但配以肉燥，令麵非常香滷水味，酥炸蝦球蝦肉好彈牙，啖啖肉。

打邊爐最緊要既一定係湯底今次揀左鴛鴦鍋莞茜皮蛋鍋 馬來沙嗲鍋 $88莞茜皮蛋鍋 好足料 莞茜多 另外加入馬蹄 紅蘿蔔 清甜馬來沙嗲鍋 沙嗲香濃 仲預先放左魚腐索哂湯汁 超正生劏中山白鱔片 $98白鱔片幾厚肉 夠肥美簡單滾一滾就食得 食出鮮味紐西蘭羊肉片 $88超嫩滑又帶羶味 令人回味萬分份量都好足 性價比好高美國牛頸脊 $298 大油花好靚好平均 質素極高肉味香濃 入口鮮嫩金牌手工丸 $108一次過就可以試哂多特色手打丸流沙豬肉丸咸鮮甘香蟹子鮮蝦丸口感豐富野生黑松露丸好濃郁手打鮮牛丸好彈牙埋單後仲有甜品 好抵食

覺得本色鍋品係清泉係因為佢食品同環境望落幾乾淨，同時間，湯底、自家製飲品都偏淡口，唔會話食到口乾果隻。醉雞鍋湯底，用大銅鍋打邊爐打卡影相岩曬，而實際上銅鍋比到足夠空間同食落各種食物，人多又岩、人懶又岩。食物方面醉雞鍋的半邊雞好大隻肉質新鮮，如果紹酒腌得再入味d會好好味。手工丸值得一試，幾款口味都有新鮮感，黑松露丸直情可以當零食不停咁食。不得不提係海蝦送到面前都仲好生猛，大隻又鮮甜，就係因為夠新鮮。其實一間好既火鍋店可以好簡單，份量足又新鮮，最好坐得舒服，本色鍋品都算唔錯！

好少去北角食飯，今次試火鍋令我大開眼界。餐廳食材新鮮，環境舒適有卡位，闊落坐得舒服。有好多湯底可以選擇，試下我最愛既醉雞鍋～好香啊！醉香味扑鼻而來，有半隻雞，都好嫩滑。可以自己調醬汁，加埋炸蒜，麻油好香。推介白鱔片，份量都不少，肉爽有咬口，小心有少少骨絲。最有驚喜係生猛海蝦，第一次見到插係冰盤上既蝦都係會郁腳仔半個鐘，真係好生猛！手切牛頸脊都非常唔錯，牛味濃郁，肥瘦適中。手工丸都好值得食，尤其墨魚丸，食到粒粒爽滑墨魚膠。打邊爐點可以少得出前一丁，原來有兩份，包你飽，好正！

有一段時間沒有吃火鍋了，最近外出歐遊，心情到現在還未能平復昨天特意多請一天假休息一下，就近找了一間火鍋店吃吃晚飯。歐洲的風景是很美，只是食物的款式真的太少，相比之下香港真的好得多了🤔環境寬敞明亮。旁邊還設有一堆卡位，坐下的時候感覺十分舒適。在同區來說，這裡的價錢還真算昂貴，一個湯底已經要200多元😨真的要看自己這陣子都夠不夠錢，200多元去吃一個火鍋放題相信也沒有問題了。不過這樣說，這個世界還是有「一分錢一分貨」的定理，食物賣到這個價錢，應該也不會差到哪兒去。有些游水海鮮是時價，要留意一下。這裏比較特別的有手包餃子和手工丸子，用心做出來的食物客人總能感覺到，欣賞這裏有手工的食物。入座了沒多久，店員便為我們呈上調味料，蒜蓉、辣椒粒那些不多說，都是很常見的調味料，比較值得一題的是台灣沙茶醬。香港的沙茶醬大家吃得多了，台灣沙茶醬大家吃過嗎？還記得之前在香港數間臭臭鍋專門店都能吃到沙茶牛肉鍋，這裏的台灣沙茶醬想必就是這個味道。來到這裏，還是要點一下價錢比較昂貴的湯底來試試，點了一個滋補花膠白鳳美人鍋。裏面的材料非常多、有烏雞、淮山、豬展，烏雞是整隻呈上的，烏雞比起一般的雞有更加滋補的作用，而且

今日同朋友去打邊爐佢帶咗我哋去一間北角嘅新開火鍋店鋪頭入面都好闊落佢哋有好多湯底揀我哋就叫咗個胡椒豬肚布袋鍋一開始仲以為只係普通胡椒豬肚湯 點知原來入面仲有半隻雞真係超級抵食而且個湯亦都好好飲咁火鍋配料方面我哋叫咗個牛魔王拼盤入面有大約六種嘅牛 全部都好好食我哋仲叫咗個香草帶子菜苗餃拼韭菜餃真係食得出帶子嘅味道而且菜苗同埋韭菜都好香除此之外我哋仲叫咗金牌手工丸啲丸全部都爽口彈牙我哋仲叫咗鵝腸同埋桂花蚌呢兩個都好鮮味

訓醒都成點鐘，就去飲個「早」茶啦。 呢間邊爐就食得多啦。 但早茶真係第一次飲。 我叫左陳村粉蒸排骨，五香鹹水角，竹炭黑金流沙包，鮮肉小籠包，蜜汁叉燒腸，蟹籽燒賣。 除左個五香鹹水角個皮太厚之外，其他都幾好食。 特別要讚下個腸粉！ 叉燒加黃瓜🥒，個皮又薄。 真心好食！ 而個小籠包都十分出色， 爆汁，肉多！ 流沙包都唔錯，唔會太甜。燒賣就好大件！ 好抵食！ 而且我見到好多一家大細食，座無虛席，逆市都咁好生意！ 證明茶市好留得住客！

本色鍋品料理專注火鍋系列，現今開放中午至下午茶時段，供應精美點心及台式小食，炒粉麵飯等。熱檸茶的匙羹好有質感。店員大力推薦的本色蝦餃王. 類似灌湯餃的變奏版. 一籠三隻大大隻新鮮蝦餃, 浸於上湯中. 透明的蝦餃皮軟滑帶爽. 蝦餃餡肥瘦均勻，無筍粒,很香的鮮蝦味.原桶蒸鍋蛋牛肉飯. 牛肉加入一定份量的芫茜，必是芫茜控的最愛。 肉餅彈牙，加入馬蹄碎份外清甜。煎荷包蛋流心，撈飯有蛋香，不加豉油亦夠風味.羅漢齋腸粉有冬菇,木耳,甘筍及時蔬. 熱量低,食多幾舊都無問題.中式茶樓以外嘆一盅兩件的好地方。

假日上完瑜伽課，中午來到本色鍋本料理。步入餐廳，環境看似吃日本菜或西餐，卡位也有圓桌，座位💺空間夠寬敞。朋友好肚餓，一口氣點了好多點心。點心好快上，先說說鮑魚燒賣皇,鮑魚精緻小小顆，趁熱吃好滋，料足。蜜汁叉燒腸到，先灑醬油，吾客氣啦，🈶驚喜，叉燒肥瘦剛好，腸粉夠滑，餡料包卷得挺好，可見師傅功力夠，拍得上好酒樓質素。鍋貼呢，四個字皮薄餡靚，🈶驚喜。蒜香青瓜，好清新可口，帶清甜，甚有驚喜。食材本身新鮮優質。食材雖簡單但好味。竹炭黑金流沙包，甜度剛好，咬一口見黃色流沙流出來，好滋味。桂花洋甘菊(熱)壺，茶香味濃度剛好，喝完一口，茶香仍留駐鼻腔。個人偏愛在這類餐廳吃點心,舒適和相對靜點。整體而言，滿足的午餐。

假日中午來到北角覓食，幸好有地鐵到。由地鐵行5分鐘來到本色鍋本料理。看似吃日本菜，但實質是吃點心。這裡晚上主打食火鍋的。入到餐廳，餐廳以西式設計，🈶卡位也有圓桌，空間也挺足夠。看過餐牌,點心算多選擇，就連鹽酥雞都有。剛忙完大工程，要好好慰勞自己。一口氣點了七個點心：鮑魚燒賣皇鮑魚精緻小小顆，賣相吸引鮮肉小籠包小籠包有綠葉相陪，再加上細小碗裝住，有別於好多餐廳。皮雖不算薄但多汁多肉。鍋貼正！四個字皮薄餡靚，🈶驚喜竹炭黑金流沙包個名有新意，甜度剛好，咬一口見黃色流沙徐徐流出，好正！鹽酥雞炸得金香，皮外脆肉內滑蜜汁叉燒腸🈶驚喜，叉燒肥瘦剛好，腸粉夠滑，餡料包卷得挺好，可見師傅功力。 蒜香青瓜四個Like,簡單的菜但好清新可口，帶清甜，甚有驚喜。食材本身新鮮優質。桂花洋甘菊(熱)壺茶香味濃剛好，喝完茶香仍留駐鼻腔。總的來說，餐廳環境舒適，食物質素均上。

無論咩天氣，打邊爐都喺我其中最愛嘅一項活動。因為一邊烚吓烚吓，一邊同朋友傾吓計，的確相當寫意。打邊爐最重要嘅喺湯㡳，睇餐牌覺得相當吸引，就點咗酸菜魚。呢到地方相當舒服，坐位好闊落，而且仲有電視睇添！落咗柯打無幾耐，嗰湯㡳就到。嗰湯完全喺真材實料，仲有勁多魚肉添架。魚肉仲好嫩滑，無乜骨架。唔單止咁，個湯仲有好勁多酸菜，同埋其他蔬菜、菇。食完個湯㡳都飽咗一大半呀。另外，我哋點咗啲丸。呢到嘅丸仲可以雙併添架。我哋揀咗牛肉丸同蟹籽蝦丸。的確相當入味，唔似平時食開啲加工丸咁，入口喺有牛味，相當吸引呢。仲有好多嘢食都好想試呀，不過我哋人太少，試唔到好多，下次搵多啲朋友一齊嚟至得。

每次運動後都立即變身為大胃王，不吃火鍋不會飽的！選擇這所火鍋店，除了因為地點近運動的場所，十分方便之外，珍貴的食材也相當吸引！ 店內的選擇跟放題沒兩樣，都有十分多的種類；不同種類的刺身海鮮，不同種類的肉肉丸丸，包羅萬有，還有十分香脆的響鈴！其他海鮮也不少，首推桶蠔，小小一口十分香口！而我特別喜愛的，是「鬼馬油條」！它真的「鬼馬」得筆墨難以形容。其實全晚的重點，首推花膠響螺燉豬展湯底；原本我們想叫漁火花膠雞湯翅湯底，豈料首席店員（不知道是否老闆娘）推介前者，改掉後一試，天啊！竟然是天界湯底！這個湯一喝下去就被濃濃的湯料包圍著嘴巴，結果……每人喝了三碗湯才開動！太厲害了！ 肥牛是火鍋中不可或缺的食材！種類十分之多，我們點了幾款試試，全部都十分鮮嫩！我們吃了良久，店員也沒有催趕我們意思，最後更飽到捧著大肚腩離開！

星期六放假同老公帶埋兩個姨甥去北角食火鍋，一行四人安排卡位比我地，可能時間較早，反而越夜越多人，店內裝修幾有心思又夠大，讓客人坐得好舒服，又可以邊嘆火鍋邊睇電視，枱面寬闊放火鍋食物完全無問題。湯底揀左滋補花膠白鳳美人鍋 $298店員推介之下就決定，好大個嘅銅煲剩著好期待，先飲湯之後就開波食火鍋，平時 d姨甥唔太飲湯，竟然飲完要再飲，因為個湯好香又濃味豐富膠質，足料湯內有一隻烏雞同其他湯料螺片豬骨藥膳，我地連雞肉都食埋，無得輸。陀地手切牛 $338牛肉賣相色澤靚，食落夠牛味有軟淋。金牌手工丸 $108 用上木做梯級型嘅盛著好珍貴如珠寶，共有四款自家製，牛肉丸，蝦丸，黑松露墨魚丸同豬肉丸，因為手打嘅關係每樣都的的骰骰口感富彈性。新鮮蔬菜金菇新鮮嘅蔬菜金菇簡簡單單已經夠。稻庭烏冬烏冬吸收晒湯嘅精華，麵條又滑質地QQ, 好好味，兩個姨甥嘴 lam lam呀。每枱也有麻油自家混醬完成

去北角開會，順便食個飯先返家。行過見間火鍋店推廣美人鍋，即刻入去試試！可能時間太早，仲未有太多客人，細心望吓周圍，原來呢度都幾大，仲有幅特色牆，裝修都好花心思吓！等咗一陣湯底到！湯底有花膠之餘仲有成隻烏雞，店員仲同我哋講個湯底可以當湯飲！個湯飲落勁鮮甜，正！飲咗兩碗湯個身暖晒，就開始打邊爐，兩個人都叫唔到太多嘢食，叫咗響鈴，牛肉，羊肉，水餃拼韭菜餃同桶蠔。啲火鍋配料新鮮，特別要讚個桶蠔，手掌咁大隻，啖啖肉！叫多支竹蔗茅根飲，飽晒！今餐夠晒滿足！

有個自稱邊爐俠的朋友介紹這間在北角的火鍋店，就約了愛好打邊爐的朋友試試看。訂了六點半枱早點食。湯底的選擇甚多：滋補白鳳美人鍋，一品酸菜魚鍋、看名字已覺得很特別的台式一品滷水鍋非常吸引，最後我們揀了滋補白鳳美人鍋。滋補白鳳美人鍋 $298:由上枱的大銅煲開始，當湯滾起揭開煲蓋時，香味撲鼻，店員提我們要先飲湯，不得了，好有膠質而且非常足料，原來用了整隻烏雞，加瘦肉、螺片、桃膠，還有多種湯料好豐富味濃膠質重，性價比高。火鍋配料也有好多選擇，除了我們最愛的手切肥牛和餃類之外（食得太快而忘了拍照），還有多款熟小食揀，我個人就鐘意即炸響鈴，賣相靚還要香脆鬆化，放湯或者直接食也可。另外綜合手打丸也不錯：最緊要新鮮而且自家製作，層層木架分左四款，手打牛丸牛味濃，虾丸鮮甜彈性高，手打黑松露墨魚丸帶出獨有嘅黑松露香味同墨魚彈牙，手打豬肉丸更是實力，結實爽口。環境舒適裝修modern, 兩邊卡位，店員告知還有一層是房間可包房 ，價錢由$3500 -$5000 不等可容納位12-15位，下次大班人又多個選擇！