李家 (已搬遷) 新店位置

走係潮流尾端的人…星星熱潮一早過左~但良美都重未食過李家炸雞~是日同閨蜜Happy Hour~ 未食早餐先飯2杯啤酒~帶住半份醉意來到~~晚上6點，門外排左7、8個人~等左大約20幾分鐘~ 安排到位置~~比我想像中快！？店內環境比較黑~ 唔係情調個種~係酒吧感覺 XD因為先前飲左酒，唔算好餓~~2個人點左一份甜辣炸雞 & 2杯啤酒~ (是常識吧)前菜有好大碟腌籮白 & 多醬椰菜沙律腌籮白好開胃！沙律就太多醬…唔鐘意…炸雞同啤酒好快登場~~份量好大… 2個女仔真係食唔哂….用盡力…食到2/3碟~~醬汁多甜少辣~ 十分開胃~~ 味道討好！而且炸雞炸漿唔算厚~~肉質正常，唔會好鞋~~食完唔覺好油膩~~ 都係加分位！如果唔駛排隊，下次會再幫襯！

晚上十一時來到, 仍然要排隊排得隊很自然會認為食物有一定水準方可吸引這麼多人結果我們五人一致認為快餐店比這裡的更好食是100%的確定炒年糕正常, 因為芝士夠多但相比其他韓國餐廳, 這裡的年糕其實是一般不明白為何要排隊更不會建議大家這麼做這應該是一間普通的bar, 不過是一間有炸雞食的bar或許送酒沒有問題但不要專程來當晚飯

是日本應約去放題的，但由於人數少左而且朋友又提議轉場所以就黎左長龍炸雞。我地邊等邊吹水大約等左20-30分鐘左右，哥仔就問如果唔介意可以坐隔離舖，條件:只需叫一杯野飲。既然有位唔洗等我地又會飲野，在互利互惠情況下當然係SAY YES LA～ 由於大家都未食過，所以大家心諗野食應該會係＂份量與照片不符＂所以我地三個人叫左三樣野首先黎到既係　甜辣炸雞新鮮滾熱辣　甜辣汁味道好好　少少辣食落唔會覺得漏仲唔會有油淋淋既感覺　而且Ｄ雞。。真係好脆，脆到不得了！！雖然雞味唔濃仲有少少＂鞋＂但係真係好食既～芝士雞蛋卷有蛋香，好纏綿既蛋卷　質感實在配上溶漿芝士咬落一層層綿綿的　好食不過芝士係好漏既。。芝士雞扒辣炒年糕鐵板上熱到出晒煙　雞肉就真係麻麻地喇"鞋"得黎唔入味又冇乜雞味　年糕質感上大同小異不過佢就好食過雞肉好多，點Ｄ汁加埋芝士口感一流～ 個汁呢唔知係咪羅宋湯黎既呢好好味，仲有D菜菜子添～野食黎晒　見到佢地絕對係＂份量與照片相符＂！！飽到我都唔知講咩好～而且食飽先發現我地叫左全雞宴。。Ｄ雞真係慘。。我地邊食邊吹水，坐坐下都坐左成三粒鐘，好在平日冇咩人黎飲酒，唔係真係唔好意思坐咁耐。如果大家唔介意可

一想到韓國美食，當然是啤酒! 炸雞! 聽說李家是韓國人開的，應該可以食到道地美食吧，故晚上就跟友人，三人行一同前來試試。李家位置偏離尖沙咀地鐵站，不過也算易搵到。比預期中少人等位，不過也等了約20分鐘才有位。食韓國野，點少得先啤酒呢! 先叫2000cc 生啤，啤一啤吧，生啤味道好清，完全唔苦，好易入口 最岩一邊食炸雞一邊飲，Cheers!重點推介之一係芝士雞蛋卷，雞蛋好滑，入面有好香濃的芝士，但食落又唔會太膩，份量亦好多，三個人都食唔晒辛辣麵呢度的辛辣麵其實味道同公仔麵的辛辣麵真係差唔多，不過麵身比較彈牙，配合辣辣地的湯底，好惹味至於甜酸炸雞個汁酸酸甜甜好開胃，但覺得個汁太過洁，而炸雞唔夠熱。一開始食覺得唔太辣，不過越食越辣，食完好口渴，不過味道都OK。其實每碟份量都好大碟，三人三個餸都食唔晒，一齊食到捧住個肚埋單，真係好好味!

我首先申報：我不是星星迷。但見咁多人話炸雞好味，我點都要試吓。我地已經5：30分到達，但已經排第五個，唸住等一陣遮，點知一陣就30分鐘，可悲！好彩有卡位坐得兩個人，一路食前菜，一路睇吓人地食乜前最後決定叫芝士蛋卷和炸雞兩味。芝士蛋卷，好好味。我一個人可以KO一碟。估唔到我地竟然食唔晒隻雞！環保既我，當然會叫打包啦。其實普通好食就真。佢唔到返到屋企之後，隻雞竟然大受歡迎，個個爭住食。真係估佢唔到！脆脆脆！

份量多，滿足四個重口味黑洞。原味炸雞肉質稱不上滑及欠缺雞味，但皮很脆五花腩厚度就如一般燒肉，肉質較厚實，有頭，味道偏咸泡菜煎餅煎得不夠香口必吃! 旦香芝士濃!另外還有辣雞芝士炒年糕，但忘了影相，雞又是不夠滑，感覺有點“柴皮”!總括來說，還是不錯!

多得千頌伊小姐，炸雞HIT了，而且熱潮好似仲未散...睇雜誌介紹過李家，經過當然要試下，呢舊嘢叫炸雞杯，老老實實D雞粒其實又鞋又無味的，最得意過引咪就係個杯下面係汽水。食既時候其實真係無咁le hea，呢樣不得不讚店主貼心同創意但回頭一諗，諗下其實咪即係少咗可樂囉！！杯嘢廿八蚊！真係Gimmick野，希望下次呢 D Gimmick 同創意可能用番黎食物方面，而唔只起包裝上邊...P.S. 大熱天時等十幾分鐘真係會熱到傻架

【李家炸雞】尖沙咀超火的韓國炸雞店。芝士年糕炸雞，酸甜炸雞，蔥炸雞，芝士蛋卷都一級棒！扎雞皮脆內Juicy，焦香不油膩；芝士香濃，甜辣汁裹得夠緊，一咬即High！大桌子，大盤炸雞，大口喝著冰鎮啤酒，就差都教授萌萌噠啦。同行人少會被要求拼桌，容易遇到萌妹紙，趁著暗暗的燈光，大膽請她吃雞吧!!!

雖然我沒有看過韓劇但炸雞、千頌伊的熱潮早前席捲香港就算沒有對韓劇沒有興趣 都不能抗拒那滋味的炸雞啊吃炸雞前 先試試不同的韓國菜式第一道是燒五花腩每件五花腩都是厚切 大小一致 肥瘦相間再以熱騰騰的鐵皮端上 看得人口水直流肉質入口爽口彈牙 充滿肉汁五花腩邊烤得焦脆 再夾著伴碟的泡菜或蔥一起吃酸辣的味道正好平衡了油膩感就知道今晚會吃好多肉為了讓自己的心理好過一點就點了客炸雞沙律中和一下(菜式的正式名字好長 所以忘了)看餐牌的時侯也許覺得沙律都要一百多塊好貴但沙律來到的時侯 一看份量就知道沒有濫收費了一整碟滿滿的沙律菜 面頭還有好多炸雞粒再加上芥末沙律醬和鹽 樣子清新又好吃沙律菜好清鮮 每一口都非常爽脆再試試沾上調味的辣椒粉和鹽令味道清淡的蔬菜味道豐富多了這個食法我都是第一次 但令我超深刻 原來用少少鹽調味就能令蔬菜的味道提升果然佩服雞粒不算新鮮炸起 但吃得出雞肉味 丁點冷藏的感覺都沒有惟一就是肉質比較鞋一點 但我都忍不住吃了好多粒啊這個是沙律的另一個驚喜位原先以為沙律就只有眼看的蔬菜和雞粒殊不知內有圪坤原來蔬菜裡面還有蘋果和奇異果片為沙律帶出了點晴的水果鮮甜味 整個沙律吃起來的味道也較豐富呢

呢間排隊要排好耐炸雞店最近起隔離開左外賣分店, 公司既同事都話好想試, 於是有日lunch之後叫左個外賣大家齊齊分享杯裝炸雞粒+汽水($28)炸雞粒同汽水都係得"半桶水", 份量好尷尬, 炸雞粒極乾冇肉汁, 連鎖快餐都好食過佢炸雞(全隻)炸起左既雞用韓式辣醬撈勻, 唔知隻醬係咪正宗, 辣醬好甜, 似泰式甜辣醬, 但炸雞都係極乾冇汁, 個人唔係好欣賞唔知呢個星星熱潮可以KEEP到幾耐?

六月二十一日 (星期六)跟食友吃過甜品，打算到海港城PH參與慈善活動經過李家的外賣專店，這店推出了炸雞拼汽水套餐，售$28純粹視覺效果，當然不會是整個可樂杯也是炸雞喇店員說要加齊兩款醬來吃，分別是甜辣醬和蜜糖芥末醬入口，雞肉有點嚡口，若不蘸醬的話，是完全沒肉香的雖算平宜，但，吃雞無雞味，還是不吃好鳥~

咁岩同友人到尖沙咀附近聽講座~大家又肚餓~所以走左去韓國街覓食~當行下行下見到個女仔拎住杯可樂杯,上面仲有d炸炸雞。。。。真係幾吸引我~~就上前不恥下問係邊度買~加上睇左深水埗出名既皇帝雞~就令我愈想食炸雞~~結果就買了~~收費:$28下面係可樂~~如果5要可樂可以要其他~有個細車仔,裏面放左可以比你選擇既汽水~不過友人話d雞有d老~但我食落覺得似KFC啲雞~只係縮水版~~整體泥講都不過不失~~唯一可讚既係服務員哥哥態度好有禮貌!!good!!♡(^ε^ )♡ 而且個杯既外形幾靚幾cool~真係會吸引到人去買~~店內仲播住韓國明星d歌~~P.S : 個度無位坐

聽聞依間既炸雞係非常出名,今日當然要黎試下。首先叫左個幾特別既芝士蛋卷,好少見依個,所以先想試下,一開始食到醬,好特別,酸酸甜甜咁,唔識形容個味係點,食落去仲有好多芝士流出黎,但又唔會太多膩,一諗起成口都係芝士又未必想食,不過依個唔同,個汁加埋芝士會令你想食落去都無咩大問題,果然有創意。另外就到重點喇甜辣炸雞,依個炸雞真係做得真係好香,炸得皮脆，連雞皮炸係一個好處,因為佢炸得好,皮會好脆,如果唔係即做既話皮可能就會軟左,就已經唔好食,好考炸野既功夫 另外個雞肉都好香,起碼食落無雪味,炸得岩岩好,唔會乾哂,加埋個醬汁都幾濃下,食落辣辣地又有少少甜味走出黎,脆雞點埋個汁一流呀真係,之後就係一個芝士海鮮年糕鍋,又係芝士不過好彩我地鍾意,份量真係超過我地食量,上面有一層芝士,睇到已經流哂口水,加埋D材料都幾足,正。 

出名長龍，諗住收工試下，以為好好食，Ng洗點排隊，5mins有得拎，可能真係人ng多，嗌左炸雞杯，炸雞炸得唔夠脆炸雞好林又無雞味又有雪味值得一讚係個杯夠方便Dislike 無下次

等左兩個鍾，如果唔好食真係火黎。好彩冇失望，叫左個大葱雞，一個年糕炸雞，我自己最愛食雞，我可以肯定呢到嘅雞（味道）出面好難食到.最正係年糕烤雞，好入味，有小黑椒味，香，雞肉多汁唔會乾，我地兩個人叫左兩隻雞同沙律，梗係食唔哂，原來可以雙併。不過我地冇浪費打包反屋企，第二日用光波爐整反熱都重好好味。 想再黎試，但一定要有精神去排隊等位同等食。就算外賣都要等，我諗佢地即叫即做所以要咁耐。但咁好味我會再試law