東海酒家 (已結業)

又到食蟹季節, 今次我就去了位於鰂魚涌的東海酒家食佢地推出的大閘蟹餐. 這個套餐, 二人起便可以點. 鮮味蟹粉小籠包. 每人有兩粒. 一咬開, 餡料有蟹粉, 仲有不少汁, 好鮮味. 由於好熱, 食的時候真係要小心一點. 生拆蟹粉蒜茸包. 蟹粉以小窩仔上枱, 保持熱度. 蟹粉也不少, 配上脆身的蒜茸包, 兩者好夾. 這樣大大啖食蟹粉, 方便又滿足. 東瀛花菇螺頭燉雞湯. 我自己鍾意飲湯, 湯最基本要夠熱. 材料豐富, 所以個湯夠鮮甜, 特別適合依加的天氣飲, 可以滋潤一下喉嚨. 主角出場. 清蒸大閘蟹. 每人有兩隻. 一隻大約有四両重. 蟹膏幾鮮美, 這種食法, 最能食出蟹本身的味道. 濃湯淮山浸時蔬. 一口氣食了多款較濃味的菜式, 這個菜可以起中和作用. 酸辣湯手打烏冬. 烏冬夠彈牙, 加上酸辣的湯底, 夠醒胃. 薑茶湯丸. 食大閘蟹當然不少得薑茶. 這個薑茶夠薑味, 飲完後, 令我感覺舒服. 加上我愛食的芝麻湯丸, 更加完美.

今年國內的大閘蟹一直遲遲未能取得食環處的檢驗合格証明，想不到相熟的酒樓經理忽然來電，說這兩天會有「正宗江蘇大閘蟹」抵港，此時不吃、更待何時？除了食物質素外，飯腳也是一餐愜意飯局不可或缺的一環，於是便選了位於太古的分店；方便「不準時」收工的友人。這兒的大閘蟹不論套餐或單點均可，套餐當然抵食好多，每位$398 (兩位起，叧收茶芥及加一服務費)，供應日期由即日起至12月16日。鮮味蟹粉小籠包（2隻）～每隻大閘蟹最多只可製作3-4隻小籠包，那這便已是半隻的份量了；黃澄澄的濃香蟹油、肉質鮮嫩；醋比較甜身，淨食反而更能吃到蟹粉香。生拆蟹粉蒜蓉包（2件）～剛烤起的蒜蓉包配熱辣辣的蟹粉，沒有不好吃的道理吧！東瀛花菇螺頭燉雞湯（位上）～滋陰的螺頭、渾圓濃香的花菇、鮮香的瑤柱；清潤甜美，最啱乾燥天飲用。清蒸大閘蟹（2隻）～重約4兩，雖不是壯碩型，比例上蟹膏不會特別澎拜，卻膏香豐腴細膩；肉質甜嫩！貼心的侍應會提示客人，首隻吃罷前需預先知會他們；好譲他們準備第二隻上場。濃湯淮山浸時蔬～淮山補益脾胃；配爽口清甜的時蔬相當不錯。酸辣湯手打烏冬～酸辣味濃郁，烏冬煙韌彈牙，就算放涼了也不會糊口，友人讚口不絕

話說一年一次食大閘蟹嘅時候又到了，約埋屋企人去咗東海酒家，喜歡佢有個「大閘蟹•淺嚐」套餐，有七道菜，每位$398,價錢不算貴啊！還有一個大閘蟹盛宴，不過我哋人少，都係叫淺嚐套餐抵食啲。 另外仲見到時令大閘蟹小菜，都好吸引， 於是加多個生拆蟹粉扒豆苗，時價，今日嘅價錢係$280,可以接受。先上蟹粉小籠包， 一籠有兩隻，是一位的分量，見到裏面的湯汁皮薄餡靚！咬開裏面，湯汁熱騰騰要噴出嚟，真係超多湯，蟹粉味超濃！ 不用點醋，食原汁原味已經好香甜。食完小籠包，就想即刻食大閘蟹，期待蟹膏和蟹肉的香！東瀛花菇螺頭燉雞湯，上桌時還是熱辣辣的，湯味超級濃郁，已經燉出螺頭、花菇和雞肉的香味；花菇超大粒厚肉，吸收晒燉湯的味道；每碗湯都有上述三種材料，有得飲又有得食，絕對是飲中湯的享受，好好味！食大閘蟹啦！上桌時還是熱辣辣的，要慢慢拆蟹；呢度服務好好，如果你唔識拆蟹，職員可以幫你快手地拆蟹。大閘蟹每隻約四兩重，不算大隻，拆開蟹膏還可以，蟹膏新鮮的黃油香，睇見就流口水了，蟹肉也很嫩滑鮮甜。 食用大閘蟹最緊要有品質驗證，因為怕來源不明的大閘蟹受到污染，不宜食用；而這是東海酒家從江蘇新鮮運到的，也通過了品質檢驗，

秋風起，大閘蟹又到喇！ 今年要食正宗江蘇嘅大閘蟹，所以黎到東海酒家。約埋一個大閘蟹同好黎到鰂魚涌分店品嚐。東海堅持選用江蘇嘅大閘蟹，經由食環檢驗取得認証，食得安心又放心。大閘蟹.淺嚐 嘅二人餐每位只需$398，保持同上年一樣，無加到價。侍應姐姐擺好餐具，放下濃郁嘅甜醋，食蟹可以開始喇!先黎一客鮮味蟹粉小籠包 ，每人會有2隻。小籠包外皮率先已經望到橙黃色。小籠包輕咬一口，豐富蟹汁慢慢溢出。之後，咬落超多餡料，充滿蟹粉、蟹油香味，超滿足。生拆蟹粉蒜茸包，自己親自將熱辣辣嘅蟹粉塗上超脆口嘅蒜茸包上，蟹油蟹香加上蒜香，食落層次好豐富。東瀛花菇螺頭雞湯湯頭味道好濃郁，但非常清澈，唔會好多油。大閘蟹主角出場喇，蟹公足4兩！食晒蟹腳後，就急不及待打開蟹身食蟹膏。蟹膏超飽滿，膏香粘密。濃湯淮山浸時蔬 呢道菜相對比較淡味少少，中和番食完蟹嘅膩感都不錯。酸辣湯烏冬，用上彈牙嘅讚岐烏冬，配上望落清淡，卻是指天椒嘅辛酸菜嘅酸，好驚喜。最後一定要配番個薑茶湯圓,湯圓夠滑夠軟，芝麻餡好香。

疼愛小人的巴打知悉小人痛失愛猫，請小人飲茶抒解心懷。😳又是一盅名為灌湯餃的浸湯餃。跟傳統的餃皮中間包著有湯的大相逕庭，味啖而似是吃著一大舊腐皮湯餃似的，應該這就是現代式的版本，但小人就是喜歡以前的。蝦多士最奇特的是三角形的麵包，包多蝦少，若論及三角形，公X點心的咖哩角更正！較為失敗。幸好金錢雞挽回不少分數，蠔及叉燒居功不少，肉香而油潤。最美妙的是有肥脂膏滲入之位，甘香濃郁，是現今少有吃到美味的金錢雞。食物是美味的，差就差在小人仍然毫無心機，吃的很少。😢

今日成日都落大雨未停過，好唔容易先至搵到呢間東海酒家。 位置遠離地鐵站，電車站，巴士站。 第一碟就嚟薑芽皮蛋酥，食你好定唔食你好呢? 唯有放住喺度啦，食咗鹹嘢先再食甜。 最後先食都覺得佢幾軟熟，都仲有少少微溫嘅感覺。 炸魷魚鬚唔夠香口，要點啲喼汁先覺得有味。 乾燒伊麵炒得幾好，唔會有太多油又唔會太過濕。 邪惡嘅金錢雞必食，不過我嫌佢嗰嚿叉燒蜜汁唔夠。 入面塊肥豬肉先係靈魂。 粟米包外型賣相好可愛， 入面係有一粒粒嘅粟米，但係味道就麻麻地。環境一般寬敞

為咗食好啲啲，就算喺三十幾度嘅天氣底下行遠少少... 有時都在所不計早排因為懶得行，被迫成日留喺公司附近食飯👉🏻👈🏻 今日有新同事返工，一於豁出去食好西小秘書好鍾意同班同事圍埋飲茶吹吹水㗎，尤其喜歡勁食蒸嘅點心，我一個人可以掃兩三籠 今日嚟到「東海」又點會可以錯過機會呢！無嚟幫襯一排，「東海」似乎粉飾過，外表光鮮咗！熱辣辣嘅點心一籠又一籠咁擺喺我面前，好興奮 鮮竹卷係我至愛，鍾意食索晒啲汁嘅腐皮同餡料，好入味呀

東海終於裝修好啦！當然會一會佢啦！裝修典雅，一入門口就有一排排瓷碗，紅包車光潔坐位寬闊，部份靠窗的座位更可以睇海景茶具以一套紅色金魚餐具連茶壺，有心思菜單圖文並茂，一定唔會點錯不過逃不了的小食($14)我地點了一些大眾化的點心來評一評鮑魚雞肉燴飯：材料多(鮑魚片，菜頭粒，乾瑤柱絲，雞肉粒), 可惜飯底無炒香，茨汁厚到如漿糊雞絲粉皮卷(上)： 粉皮滑，不過餡料一般燒賣(下)： 一般正常叉燒腸： 粉皮薄，叉燒多，不過味道一般叉燒包(上)：皮厚，餡一般，不過醬汁惹味蝦餃(下)：皮薄蝦多，不過好乾身魚翅餃(上)同鮮竹卷：一般正常蜆芥鯪魚球：蜆芥醬偏鹹，鯪魚球賣相好，不過肉散，唔外脆內彈

我平日與好友食飯, 多數係日式和西餐為主, 早前有朋友提議食中菜, 選揀了位於鰂魚涌新開的東海酒家. 見到餐牌有不少懷舊菜式推出, 我們也點了幾款. 先來一個小食, 懷舊蝦多士. 蝦多士夠脆身, 時間控制剛好, 唔會太硬, 口感不錯. 大良蟹肉炒鮮奶. 睇來好似好簡單, 其實好考師傳功夫. 鮮奶能夠保持滑身, 唔會老身, 加上蟹肉, 多了一份鮮美, 雙重口感. 蝦籽柚皮. 這個菜式好多酒家已經無得食, 估唔到這裡有, 所以一見到就點來試下. 這個絶對係花時間和心機的菜式, 當中的步驟繁多, 而且要整得好食也不容易. 這個柚皮入口好鬆軟, 感覺完全唔會柚皮, 最重要係唔苦, 真係令人好回味. 沙拉骨. 這個家常小妙, 我自己鍾意食. 肉質唔會太乾, 加上醬汁, 好啱依加食. 鍾意食懷舊小菜的朋友, 可以來這裡重拾當年的感覺.

毗鄰太古城和鰂魚涌公園的栢克大廈，最近新開了隸屬於東海飲食集團旗下的「東海酒家」，店內地方寬敞明亮，陳設裝飾以水墨畫及懷舊茶居作為靈感，在傳統中顯出獨特創意。 這間以全新形象示人的「東海酒家」，為慶祝開張之喜，特別在六月初的某一天舉行了一個店舖啟用的慶祝活動。得蒙東海飲食集團邀請出席這活動的我，除了在「東海酒家」中與其他嘉賓一起分享這酒樓開業的喜悅和祝賀它生意興隆，業務蒸蒸日上外，還品嚐了多款酒樓為我們準備的懷舊點心，好像「薑芽皮蛋酥」、「古法金錢雞」、「懷舊千層峰」、「話梅豬手」和「沙律明蝦角」等。 在眾多懷舊點心中，我最喜歡和覺得最好味的，首推「薑芽皮蛋酥」（大點）。這美味的點心，外酥內軟，綠豆蓉餡綿滑細膩，配以皮蛋酸薑， 趁熱吃，甚為味美可喜。 「話梅豬手」（$78）有別於常見的「南乳豬手」或「白雲豬手」，話梅的酸味滲透入豬手裡面，不僅可消減豬手的肥膩感，也其來不一樣的豬手風味。 「沙律明蝦角」（大點）雖沒有皮蛋酥和話梅豬手那麼少見，現時在部份酒樓酒家仍可吃到，不過這兒的「沙律明蝦角」水準可是挺不錯的，蘸以沙律醬，固然更加開胃，即使不蘸沙律醬，味道也佳。

可能因為近兩個月生意突飛猛進，老闆心情大好說要慰勞我一班同事。作為心腹的L心知從前開酒樓的老闆喜愛，於是訂了一個以懷舊主題的午宴。懷舊蝦多士入口香脆而且不油膩，裡面的蝦肉爽口彈牙。據老闆說將鮮奶下鑊炒，炒出來異常香滑，不鬆不散，口感流心。絕對是送飯的好伙伴。東海小炒皇通常每到一間菜館L都會點選小炒皇，某程度上就等於去茶餐廳吃公司三文治，代表着那裡的製作食品的態度。果然東海出品的不負眾望，鹹香蝦乾惹味，銀魚花生腰果香脆，配上韭菜花蘿蔔絲，一個很好的平衡﹗沙拉骨的豬扒軟腍而且惹味，配上酸甜醬及沙律醬又紅又白賣相很好。江南五繡有雲耳、百合、馬蹄、荷蘭豆及蓮藕。清爽、鮮甜有口感。配合紅蘿蔔、黃椒紅椒等點綴，色香味撲鼻，是一道健康的菜色。最後一道菜為蝦籽柚皮，由於製作工序繁複，出外能提供此菜色的餐廳經已買小見小了。以上湯炆煮的蝦籽柚皮入口即溶而且無渣。吃起來口感有點像像海綿般、而蝦籽湯香配上柚皮味道略帶回甘。最後老闆當然很滿意還說做冬都打算在這裡吃。

東海酒家（太古坊分店）隣近鰂魚涌地鐵站，最近更以懷舊茶居為題，推出一系列懷舊菜式及點心，務求將最傳統的味道，再次呈現給一衆食客。懷舊蝦多士 ($60)中西合璧的演繹，鮮甜爽彈的蝦肉配上香脆的炸多士，那有不心動的道理，可惜每人只有少量，有點唔多夠喉。東海小炒皇 ($88)食材非常豐富，包括韭菜、腰果、蝦乾、芽菜及小魚乾等，香口、爽脆共冶一爐，用來送啤酒更是一流。蝦籽柚皮 ($128)柚皮得浸泡數小時去除苦澀味，再燜煮逾8小時，方能令柚皮軟身、入口即溶，配上適量的蝦籽，滋味更好。大良蟹肉炒鮮奶  ($78)鮮、香、滑的組合，嫩滑的牛乳，色澤雪白，油分充足，加入大量鮮甜的蟹肉，是另一味老少咸宜的佳餚。沙拉骨 ($58)炸得香脆的肉排，配上滋味的沙拉醬，重口味人士之選。江南五繡（$68）食材有蓮藕片、雲耳、蜜糖豆、馬蹄和百合，清甜爽脆，健康有益，正好平衡巳吃到肚滿腸肥的胃腸。在懷舊菜買少見少的今天，值得大家專程到訪；細意品嚐。

黃霑寫過詞：東海嘉賓笑 海鮮眼眉調，最近一代才女林燕妮小姐大去，又想起二人種種，心血來潮，不如就去東海為公公同老爺慶祝父親節，好耐無去喇！揀樂聚珍饌宴係有少少自私心，我鍾意食海鮮⋯⋯有蟹鉗同龍蝦。話說我外公後生果陣係煮大鑊飯嘅，幾百人嘅湯同飯菜，佢出馬就無問題，即使八十高齡仍然好嘴刁，稍為無睇頭嘅菜牌我都唔會請佢去。今餐佢每味菜都有食，食嘅份量同我結婚果日有得揮，佢話嘅「唔錯」即係好好架喇。食物份量剛好，龍蝦伊麵無令我失望，個汁好味，伊麵索晒，唔似一般酒樓嘅麵好似白烚左放番落去，不過伊麵少咗d....（環保人士唔好意思）個翅好味，個湯唔係standard味。鮑魚同花膠個汁就standard,不過係新鮮嘅。壓軸果個壽包令我十分驚訝，未見過一個包塞一個流心鴨蛋黃，膽固醇爆標，但由於我鍾意食蛋黃，都係吞咗落肚 lol讚完都要彈吓，上菜速度同準確度都有待改善，可能太多客？見上菜姐姐忙到頭頂出煙。正日可能再忙d喎。

已經很久沒有見一班舊同事了，早幾天他們與我一起相約於鰂魚涌的東海酒家吃午飯。原來這裏設計很懷舊也有山水畫，餐具亦有紅色的小金魚！ 而且每個窗戶都是向海景的，令人食得舒服談得開心 ！一大班人叫了很多特色點心和小菜。點心方面：古法金錢雞（$88），是我最喜歡的，上層是用蜜汁燒雞肝外邊香脆，味道帶有濃郁雞味，（ 就有如鵝肝一樣 ）下層有一片蜜汁厚义燒及蜜汁燒肥豬肉，好奇怪义燒雖厚，卻不鞋口，而肥豬肉竟然有咬口！最底層是一片中式薄麵麭，本身無味，但夾在這幾件濃郁肥美的食物中，即時起了中和作用！第一次真正見識古法金錢雞，大開眼界！江南百花卷（$88），外面好像中式酥皮卷著蝦肉馬碲粒和芫茜，雖然幾種食物都有他們獨特的味道和口感，但卻非常夾得來，好想食多幾件呀！懷舊沙律明蝦角 （ 大點 ），入面全是蝦肉，還全部挑走了蝦腸，蝦角外皮炸得脆囗，鬆化，蝦肉彈牙新鮮！懷舊千層峰（$55），外表好像分蹄，很香麻油味，看上去很簡單，但其實製作過程應該頗複雜，因為看見有肉丶豬耳軟骨等，而每片花紋不同，我相信應該是將所有材料煮好後放入盛器，然後冷藏，成形再切片！小菜方面：最欣賞懷舊蝦多士（$60），一大隻去腸及開邊

Being raised in UK. my first Chinese food memories were in China Town and Food from Chinese Takeways so it was a great experience at East Ocean Restaurant as they are now serving some dishes from the past.There were a few that I have heard of such as Golden Money Chicken and the Pomelo Grapefruit skin which became reality on this visit.The Golden Money Chicken does not contain any chicken at all but it is called that because it has chicken liver, a la layer of fat and roast meat.The pomelo skin