校長燒肉日韓料理 (已搬遷) 新店位置

話說約左個舊同事去校長燒肉，諗住一邊燒一邊傾密計。一早就計劃左收工衝過黎食早段晚市,7點前離座唔食刺身$98，食埋刺身都係$138咋， 可以傾2小時又任飲任食放題真係好抵。點知老細扭計話想開會，諗住疊埋心水食返7:15嗰場俾$198之時🙄，哼，又話取消會議，不過荷包即刻又袋返60蚊😍。座位幾闊落同舒適午市都好抵食呢度食放題，百零蚊任飲任食，款式都幾多，有壽司刺身，沙律吧，老火靚湯。肚子餓到死，好彩有熟食供應，夾左幾件炸芋球，雞軟骨，蝦多士同蝦餅。蝦餅暖暖地，放喺爐上燒一燒會好食d。出面食放題烤肉係寫紙，呢度就就係自助形式，可以睇下岩唔岩先夾，亦都可以就住份量，咁就唔怕浪費食物。雖然我地早段去$138，但質素同$198一樣，有海鮮魚類,各類扒,羊加豬加牛，仲有新鮮蔬菜，應有盡有，又再一次覺得抵左🤣喜歡食刺身嘅豬，自從dont張西望介紹鱒魚之後，確實真係唔係好敢食。不過見到佢幾靚，忍唔住又試下。三文魚刺身色澤鮮明呈橙紅色，每件厚身肥美，脂肪紋分佈鮮明，而且肉質堅挺，非常新鮮。有左呢張刺身貼紙，就可以去拎刺身架喇。燒肉部份黎喇，我地加左7蚊要紙上燒肉，紙係無限換，燶左就可以要求換，不過服務員

今日有同事要farewell 揀咗呢間~諗住大家一邊燒野一邊暢談😎 有湯、涼茶、糖水齊曬鍾意食炸嘢嘅朋友都照顧到~不過薯格，已經放到硬左有三款刺身🐟係三文魚比較新鮮菜既款式都唔少，有泡菜😙肉類都有多款，食落尚算ok，最驚食放題，肉類放得太耐過咸……漢堡扒，腸仔，獅子狗……飲品唔算多款，甜品細細地可以俾您試多幾款👍總括嚟講，食物一般，不過坐得幾舒服，同埋員工都有禮貌，就算我地超時坐到收工都冇西面👍

成日經過元朗都覺得有好多好野食但成日都無從下手，唔知簡乜好。今次行下行下去左一間門口寫住叫校長燒肉既餐廳，佢係一間平民高質既韓燒店頭，本身以為930夜媽媽去到，啲野食實已經去得7788又或者唔新鮮，但我一入到去個陣見啲廚師仲加緊野食落去，新鮮得黎啲款式又齊真係唔話得！呢啲有好多款唔同既燒物同煮物仲要有壽司同沙律，岩晒啲三心二意又心大心細既朋友仔。不過黎得燒肉店，我就留左肚食燒烤啦🤤基本上你嗌得出既肉類都有，而我最中意食既就係叉燒，雞翼同埋羊架。呢到既叉燒好入味，唔會太鹹而且就算唔小心燒耐左少少都唔會乾到入唔到口！仲有羊架都係一樣，唔需要燒得好熟佢既香草味就已經出晒黎🤤最開心既係呢到有燒大蝦同燒元貝，肉質爽甜唔似得街邊既雪藏蝦，真係瘋狂encall☺️但呢到最唔話得既，就係張爐上面既牛油紙，我覺得呢張紙可以防止油份重新入返食物到仲令到啲食物無咁容易燒lon，我都唔好意思不停叫佢地換完又換，但佢地都無托手踭😊

大家都一致認同話想吃燒肉放題，所以特地book了校長燒肉日韓料理吃我們訂了夜晚7:30PM 9:30PM的時段。我們早左少少黎到，好彩佢都肯比我地入場，這裡有不同的肉可以等我發揮廚子功架，全部交哂比我 ，仲有其他熟食、刺身同最令我期待的甜品。呢邊好就好在有個SALAD BAR，等我地食肉之前浪下底，再去食肉肉子。嘢飲方面，都幾多選擇，大部份都係罐裝嘅，茶都都有幾種，去一去油膩感，唔錯嘅選擇！甜品方面，吃了芝士餅和咖啡慕絲餅，兩者同樣好吃。仲有好多雪糕雪條比你任揀啦。整體來講，性價幾高，唔算太貴，種類多，選擇多，又飽肚，啱哂食肉獸。

呢日同朋友一行四人嚟食燒肉放題，原來除左燒肉之外，仲有唔少前菜同熟食，甚至有刺身、長腳蟹同生蠔！首先吸引我嘅係人參雞湯，吸引我嘅原因係 ，經驗話俾我知，如果哩類燒肉放題熱食都唔錯的話，其他食品都唔會差得去邊。我自己好熱，以為人參湯又好熱，點知唔係想像中咁熱喎，相信餐廳都明白太熱嘅湯會令客人辛苦，真窩心。人參湯淆到d雞骨冧哂，唔錯。黑椒雞扒，醃得很入味，大大塊，其實食完1塊都飽左半個肚。蝦，就很新鮮，有手掌心咁大，食落口很結實，食多幾隻已經可以回本。蒜蓉牛油金菇，會用一個細細的錫紙兜裝住，很細心，一邊燒肉一邊燒金菇，完全不會浪費空間。因為食太多肉，會太漏了，所以我會在沙律吧拎定生菜，自製生菜包，用生菜夾豬扒加埋適量沙律醬一起吃簡直食唔停口。

校長燒肉日韓料理位置是元朗，近千色廣場後面。價錢因時間而不同，所以預先就定時間會比較優惠。食物質素也唔錯，種類都多選擇，大家可以試試。午市及7pm前吃最為經濟各款既肉類都唔錯，個人推薦雞軟骨和豚肉片，燒後都好香，還可以配搭多樣既調味料。菜既種類都多，生菜配燒肉就不用說👍🏻👍🏻旁邊也有數款既壽司可以選擇還有這個燒菠蘿👍🏻👍🏻👍🏻燒物有5款，炸魷魚鬚同燒蠔味道都唔錯。人蔘雞湯這些養生湯水也有供應

校長燒肉經過好多次了，但今日都係第一次嘗試，大部份食材都比較下欄- 坐底放左張牛油紙，話唔痴底。收7蚊 😰- 燒肉較多，但似去左凍肉鋪揀食物咁🤔🤔- 熟食款式多，但好多食一啖就想放低😂- 有童年去neway 食k buffet 既感覺 🙈- 啤酒有hite 任飲，算唔錯- 刺身較少- 燒韭菜好味，算比較少見總結黎講，無咩要求黎飲食唔錯，但比我揀就以後都唔會再黎啦 🙈現場一家大細家庭比較多，星期五晚七點幾去到都唔需要排隊，睇嚟呢度嘅好評都係名過於實。

晚餐時間，突然間見到open rice 有coupon 優惠，所以就買左去試下！買左coupon後就即刻打電話book位，不過由於優惠既關係，早點5點食到7點！Coupon 包埋刺身任食，刺身都有約款，取一碟份量都好多！仲有壽司同冷盤，自制沙津！燒野既食物方面有出面韓燒餐廳較少見既秋葵，台灣腸仔可以燒菠蘿，一小小盆有牛油玉米同牛油菇肉類既選擇可加多7元有張紙唔使咁易燒焦食物！餐廳都好貼心，韓燒過後真係熱氣，有任飲既清熱氣䉀茅根！甜品有幾款，飲品都係任飲！值得推介！

從來未食過咁難食既韓燒，仲衰過深圳東門果D，唔知點解仲有人食，D肉好似賣淨D腩飯菜汁，我從來未寫過食評，一百幾十唔好食咪算囉，最多下次唔去，但呢間係我四十幾年都未食過咁難食😞😞😞

聞名已久嘅校長燒肉。平時好多人排隊，book好滿。 趁平日得閒入元朗試試佢嘅質素。門面不大，但野食種類算多，上至一口牛，下至雞扒海鮮都一應俱全。加左$7燒烤紙無限更換服務，啲肉唔使痴底食得幾爽，叫侍應換都幾快手。燒落火侯剛好，食到入面鎖住嘅肉汁，仲設有唔同嘅醬汁任君選擇。佢肉料好多選擇，而且夠新鮮，唔會有變壞同怪味，換都換得好快。除左韓式燒烤，日式方面都提供左幾款壽司同刺身。趁師傅即場切嘅時候拎左碟食下,溶雪做得唔錯不過壽司款色唔算多，不過呢個價錢黎講算係性價比高，最緊要係刺身夠新鮮呀麻！食落飽滿好好味另外仲有啲熟食，岩晒老人家 同埋入到場好肚餓嘅我地，咁就可以食住等燒 ，太perfect la !

本人在openrice 買了coupon後, 第日想再加1位, 但原來promotion剛好昨天完結, 本應walkin價與coupon價差不多, 但用膳時間長一倍, 打電話到餐廳問可以另一位都可以延長時間, 被鋪頭拒絕, 幸好該店 專頁回覆可以幫我延長時間, 拎我家可以一齊離坐, 非常感激, 肉類食物味道方面亦不錯, 又有湯又有多款蔬菜任君選擇, 勝價比高, 直得再試!!

想食韓燒，去左呢間校長燒肉，入面款式都唔少，$198一個人，加$7 可以有燒烤紙無限次換，其實點都會加，因為唔會痴住塊板！加左紙都唔會阻到塊板嘅發熱能力，用到黑左，就可以叫人換，一餐飯我地用左2張仲包埋刺身，食物質素都唔錯，如果有羊架就正！Service 方面不過不失 ，兩個鐘入面係咁食，有刺身，沙律，熟食，湯，甜品飲品無限拎，但記得唔好浪費食物呀！市面上呢個價錢食到咁嘅質素，都算性價比幾高，下次可以再黎食！

今日行過西菁街搵食，見到呢間校長燒肉，聽就聽過好多次，一於試吓！呢度都幾多款燒肉可以揀，雞牛豬，連醃雞翼都有，啱晒食肉獸嘅另一半！我就揀咗先食沙律，佢有個沙律吧，可以自己揀配料同埋沙律醬，食燒肉前食一食沙律，感覺冇咁肥膩！仲有，呢度都算多蔬菜可以揀，有金菇三色椒，仲有翠玉瓜。另外仲有熟食可以揀，多數以蔬菜為主，我覺得幾好，因為食燒肉之餘，食返多啲菜，中和一下，感覺上冇咁滯。同埋佢有得食刺身，每次每款刺身攞三件，有我最愛嘅蟹棒，我差唔多食咗四五碟添！嘢飲方面，都幾多選擇，大部份都係罐裝嘅，茶都都有幾種，去一去油膩感，唔錯嘅選擇！整體來講，性價幾高，唔算太貴，種類多，選擇多，又飽肚，啱哂食肉獸🤪

When I went in the restaurant with my family,the waitress welcomed us with a lovely smile and a polite tone.The first impression to me is well. Then,we sat down on a comfortable sofa and had our meal,the decorations were a little bit dark but so far were fine. We first tried a lot of beef and they were finger lacking good .The beefs were juicy,won’t be too tough,won’t be too salty,they were just perfect!And they were my number 1 too! Second,we tried scallops.They are a little bit dry but st

星期五晚和爸爸，弟弟和工人姐姐到校長燒肉，約七時半到，不用等位。成人每位$208，長者每位$148之前在Openrice 見到大家推介用燒烤紙，因此我都加了$7，可全晚任換，見到燒烤紙燶了，通知店員便可。結果真的很好用，食物沒那麼容易燶。食物款式多，而且補給快，醬汁款式也不少。金沙骨、雞翼: 本身已調味，肉滑好食。肥牛、豬腩肉薄片、豬頸肉: 快熟，好味。一口牛肉粒: 普通，有些比較韌。餃子: 同樣普通。扇貝: 雖然比較細粒，但只要火喉掌握得好，就好食，我們每人吃了三件。粟米: 以蒜蓉牛油調味，不錯。蝦: 肉爽味鮮。菠蘿頗酸，不過多汁，而且可中和燒物的肥膩感。炸物: 比較失色， 魚肉涼了，還有點"鞋"；圓塊狀不知是否魚餅，太薄，口感不太好；吞拿魚多士有點鹹。熟食還有炒時菜，不過望上去不吸引，所以沒有食。三文魚刺身: 厚切肥美，不過師傳刀功麻麻，有幾片未完全切開。還有菇和椒類，不過太飽，我沒有吃。甜品方面，吃了芝士餅和咖啡慕絲餅，兩者同樣好吃。木瓜奶凍的木瓜味比較淡。爸爸和弟弟同樣吃了雀巢雪糕，還有大腳板雪條。本來還見到人蔘雞湯和紫米露，不過太飽，吃不下了。兩小時任食沒有停過，幸好飲品揀了