校長燒肉日韓料理 (已搬遷) 新店位置

今次一家大小，4個人嚟到元朗食燒肉放題，環境寬敞，座位都好舒適 當日被安排到一張卡位，坐位夠晒大一坐低即時加張燒烤紙，七蚊無限refill，比較衛生同健康啲而任食燒肉 種類繁多， 而我最鍾意食嘅係燒豬頸肉 同肥牛， 除咗肉之外仲有腸仔，野菜類有秋葵， 翠玉瓜、牛油粟米等等，牛油金菇，牛油味好香，口感好正，另外燒菠蘿都好出色,十分推薦當日既刺身都有六，七款,有三文魚，帶子， 螺頭，虎蝦刺身等等，全部都好新鮮而熟食都有好多，炸物，壽司，湯類，糖水應有盡有炸物， 啱晒同行嘅小朋友經過一大輪既戰鬥後，最後可以自己自選沙律， 自己想食咩就揀咩，仲有好多醬汁配合而甜品方面， 有杯裝啫喱同泡芙，仲有少量糕點

呢排煲得太多韓劇啦，每次睇完都零舍想食韓燒今日揀咗去 全元朗最人氣嘅韓燒放題， 平日星期四繁忙時間都係198一位咋， 日日排隊排到轉哂彎環境裝修簡單， 坐得都舒服話明係燒肉放題，所以肉類嘅選擇都有好多除咗肉類其他款式一樣咁多198蚊呢個時段係包埋刺身任食㗎除咗燒肉放題仲有其他熟食 任你食 食肉之前燒返啲輕量嘢食先清清哋燒返兩個扇貝食先， 我自己都幾鍾意食燒波羅，燒完既波羅零舍甜，好味過就咁新鮮食飲住韓啤食燒肉係最perfect match㗎燒5花腩肉 都幾唔錯嘅推介， 燒嘅時候d油脂滲曬出嚟，燒完之後d肥膏脆卜卜，勁正呀羊架勁羶呀， 我就頂唔順喇 ，不過朋友仔就食到舐舐脷，話唔羶就唔好味。牛肉就要快快播燒啦，好快熟架加七蚊要將牛油紙墊住燒就最方便， 冇咁易燶同埋唔會痴底， 除咗五花腩牛仔骨都十分推介， 不過佢本身冇 醃到要自己另外調味其實魷魚都唔錯 爽口彈牙 送酒一流

元朗最抵食既燒肉非校長燒肉莫屬，不過名氣愈大，該店的食材質素有下降的trends!上一次吃這家店時，有魷魚吃的！今次卻沒有了，令人失望！我可是為了燒魷魚而來！本身抱著試新野的心態去夾一塊牛5花，誰料一塊牛五花竟因嚴重未解凍，夾著了差不多6-7塊而且好唔新鮮好難食。燒完既色澤黑黑的，是劣質肥牛！另外，這韓國出品的香蕉牛奶沒有奶味、沒有蕉味，只有濃濃的色素味採購這產品的人食蕉可以嗎？～而菜類很多是厚cut...很容易燒成多皮焦，而中間生，因為太厚了。金菇雖然是洗得不夠乾淨，底部有很多泥，但是實在沒有其他更好的選擇了。本來抱著食肉回本的心態，由於肉類全部都很難吃，最後變成食甜薯醫肚大虧本呢

由於太內無食燒烤之類既野，所以約佐個朋友滿足吓自己間餐廳系日韓放題燒肉，位於元朗千色廣場附近，好就脚。我們的入座的時間是晚市9:30至11:30，價錢算平價，$148一位。两小時考驗你的食量。間餐廳装飾和坐位都幾好，空間都算大。自助沙律由你自己發揮。下邊有十種燒肉汁選擇。有辣味，有甜味，有芝麻味，但個燒肉汁就首選。還有三文魚刺身，飽魚片，少量壽司選擇。燒烤區(燒烤紙7蚊張)呢邊選擇有好多，以下的我試過既有，煙肉片，羊扒，牛仔骨，豬五花，牛王花，雞腎，雞軟骨。食物質素都幾好，當中最為欣賞既系，牛王花，牛仔骨，羊扒。呢三樣口感最好，比較香！熟食區，如果唔想食太多肉類，可以來睇睇。飲料區和甜品區。除佐氣水之外，呢邊仲有啤酒提供。

太耐冇食過燒肉啦！ 適逢團購有校長燒肉優惠，再睇埋啲細則， 又有刺身食 ，下晝五點到七點只係79蚊(五六日)， 非常之抵食，買呀！雖然 位置喺元朗比較遠 ，但亦都冇減少我哋嘅雅興，於是搭車入去試下。早到咗， 喺門口排隊，準時就安排座位置畀我哋坐，鄰近窗邊有景睇，侍應問加唔加七蚊任換墊爐張紙，加！食物方面：有牛扒，豬扒，雞肉，雞軟骨， 豬頸肉，漢堡扒，腸仔，台灣腸，金沙骨，蟹子丸，翠玉瓜，粟米，秋葵，金菇，沙律菜，生菜。sauce 有honey, 柚子蜜，辣醬，bbq sauce, 蔴醬。drink 方面，有啤酒，韓國啤酒，可樂，茶，係任飲，雪糕雪條冰條。整體食物質素係高於水平，以相同放題比較，不停補呀補。肉係有肉味，款式繁多，下次會再食。

校長係元朗都開咗一段日子, 加上朋友題議, 於是決定BOOK位。呢到坐位唔算好多, 晚肆WALK-IN可能無位, 多人就最好先落booking。店肉的座位都好寬敞, 抽風都幾好, 坐落唔覺好煙。入座後服務員先講明收費(每位$198+1), 不久服務員就問我哋要唔要加$19試吓新鮮生蠔, 其實都唔算貴, 於是叫了 2隻試試。入座後先去掃一圈, 刺生和壽司款式唔算太多, 但都好新鮮, 沙律bar亦唔錯, 而佔最大部份是肉食雞、牛、羊、豬和海鮮應該有的都有, 每樣都想試, 所以揀咗鍾意先拎小小試下, 食完一輪再翻抄。開火不久, 生蠔就到都好新鮮肥美, 入口鮮甜。之後穀飼豚肉卷、穀飼牛肋眼心條和海蝦, 肉食都好鮮味, 加上多款醬料, 分外美味; 最後是羊扒, 比我想像中好唔太酥, 調味也適中保留羊肉的鮮味。食完肉又燒蔬菜、菇菌和菠蘿, 菠蘿經火燒後更鮮甜, 黎到一定要食。之後再燒牛五花和豬五花, 入口肉味又唔錯值得推荐。2個鍾燒吓食吓傾吓一陣就過仲意猶未盡, 仲有好多款食物未食就飽飽, 搵日再約朋友黎食過。如果7:00結賬仲抵食。

元朗好多好野食，一班朋友gathering最好就系食放題，日式放題食得多，今次就試下燒肉放題！加錢有既任食長腳蟹！估唔到啖啖肉又超鮮甜，正！加錢仲有生蠔任食，生蠔好肥美，入口creamy，呢個價位算唔錯。除左燒肉，外面仲有唔少前菜同熟食。麥樂雞、焗薯蓉都唔錯。熟食款式有七八樣左右，燒肉未熟方便醫肚。燒肉選擇好多，雞羊豬牛樣樣有齊，而且大部分醃得好入味，入口鬆軟唔韌。蔬菜都有唔少選擇，青紅椒，各種菇都有齊。另外亦有湯同糖水，食飽飲返碗就啱啱好。甜品方面，蛋糕味道一般，反而雪糕唔錯。最特別系有冰菠蘿同冰荔枝食，透心涼！

呢日同朋友一行四人嚟食燒肉放題，原來除左燒肉之外，仲有唔少前菜同熟食，甚至有刺身、長腳蟹同生蠔！帶子好鮮甜，其他都唔錯，起碼夠新鮮！加錢會有長腳蟹同生蠔，生蠔非常大隻，肥美到不得了，味道又唔腥，正！外面都有唔同種類既前菜同壽司！外面亦有熟食可以自取，帶子焗薯蓉好香好惹味，系我既最愛！燒物既選擇都唔少，除左肉類，仲有蔬菜類同海鮮類，一應俱全！火力可以自己調較，冇咁易燒燶野！燒物大多味道都唔錯，醃得好入味！甜品方面最推介呢度既雪糕球，豆腐味香濃，好味！飲品種類多，連我鍾意既解茶都有！總括而言，呢度食物種類多，坐得舒適，系元朗區燒肉放題既好選擇！

Booked a lunch buffet at this place that was suppose to start at 12 noon, however arrived at 12:10 to find I needed to wait as their tables were full. A bit disappointed as I would have expected that a booked table would allow me to go in almost instantly. Had a baby stroller with me and the place does not have any disabled access so had to lift the stroller up the stairs. Seating was decent but not really designed for people who need to get in and out, and also not designed to seat any toddlers

元朗，唔熟，當然.... 我知道元朗有好多出色餐廳，於是問問元朗嘅朋友有咩好介紹。朋友問我想食咩，有咩要求，我話....第一，緊係冷氣要夠，依家好熱呀！第二，坐得舒適，唔好迫迫夾夾。第三，唔洗排隊，我習慣從來唔去排隊嘅餐廳食飯，時間寶貴。第四，當然要平啦，我窮嘛！ ~~>_<~~其他無咩要求，食咩都無所謂。於是朋友推介我去校長燒肉。朋友果然無介紹錯，我嘅要求全部達標。朋友話食過覺得唔錯，咁我又食吓睇吓點先？首先吸引我嘅係人參雞湯，吸引我嘅原因係 ，經驗話俾我知，如果哩類燒肉放題熱食都唔錯的話，其他食品都唔會差得去邊。我自己好熱，以為人參湯又好熱，點知唔係想像中咁熱喎，相信餐廳都明白太熱嘅湯會令客人辛苦，真窩心。人參湯淆到d雞骨冧哂，唔錯。經過飲品雪櫃，提供嘅飲品選擇不少，好過好多旺角放題只得可樂。不過d香港人好鬼無手尾，打開完雪櫃門又唔閂門，好鬼自私！燒烤食品方面，我留意到d豬扒，牛仔骨，一字骨得燒烤食物，都切得好好睇睇，有d放題切到d燒烤食物溶溶爛爛，校長燒肉無哩個問題。每款食材都醃得唔錯，牛仔骨無醃，所以有其他醬汁提供。其實.... 壽司，魚生，雪糕等等好多野都想食

元朗呢間韓燒真係好鬼抵，折頭多，款式都算豐富，所以都成日同D朋友過嚟食，因為物超所值。黑椒雞扒，醃得很入味，大大塊，其實食完1塊都飽左半個肚。蝦，就很新鮮，有手掌心咁大，食落口很結實，食多幾隻已經可以回本。蒜蓉牛油金菇，會用一個細細的錫紙兜裝住，很細心，一邊燒肉一邊燒金菇，完全不會浪費空間。因為食太多肉，會太漏了，所以我會在沙律吧拎定生菜，自製生菜包，用生菜夾豬扒加埋適量沙律醬一起吃簡直食唔停口。

成日出去食開啲韓燒，個燒烤爐燒親啲嘢食都很容易燒窿，所以經常要在爐面加很多油，搞到好唔健康。這間餐廳你只要俾幾元，就可以無限次幫你換油紙，這張油紙真的很好用，把肉放在上面不用加油啲肉亦不會窿，所以這設計非常好。食燒烤之前飲返個人蔘雞湯先，湯底很濃，很清甜，不會油膩。櫃檯超多唔同的醬油，甜酸苦辣乜都有，任君選擇。 壽司枱有三文魚壽司，玉子壽司，蟹柳壽司，熟蝦壽司等，這些都很適合小朋友吃。牛柳粒，我把它消脂七成熟，食入口很有牛肉味，一啲都唔「銀」，仲很juice, 必食。

聽聞元朗不嬲都多野食，今晚就去元朗覓食了，行過見到呢一間校長燒肉，就入去試試。入到餐廳，裝修帶點工業風，枱是圓形的木桶，而食物是採用自助形式，有肉類，刺身，蔬菜，甜品，雖然拎野食的地方不是很大，但食物種類應有盡有，而且質素都是中上的。肉類方面種類多，亦有清楚表明係咩肉。其中以牛五花，穀飼牛肋眼心條，最為好食。 除左肉類，仲有海鮮類，有蝦和帆立貝等等… 最為驚喜的是熟食有章魚小丸子及薯條，還有我平時去放題已經好鍾意食既紫芋波，令我忍唔住食左8粒。 食完正餐後,少不免是食甜品作一個完美的結束，我覺得最驚喜的是這間店鋪不只有常見的雪條，還有很懷舊的菠蘿冰，西瓜冰等等，在這幾天這麼熱的天氣，食呢D作甜品真是透心涼了。

已有一段時間無踏足元朗了，今天難得放工後有空，而又有一個有義氣的同事陪我，就決定放工後到元朗逛逛街。來到元朗大馬路，才發現原來不用十年時間，人事都可以幾番新。係元朗，已發展到似一個遊客區，食店林林總總，什麼國家什麼口味都有。最後，我與這個胃口相當大的同事，選擇食燒烤放題。踏入這間食店，即刻給我的感覺是毫不局促，樓頂夠高，空氣自然流暢，不會被燒烤的味道纏身。再者，座位與食物的距離不遠，好容易就描準有新鮮食物出場。店鋪所提供的食物種類亦相當豐富，有海鮮刺身，長腳蟹，壽司，就算豬類，牛類或蔬菜類亦有多款口味選擇，給人很用心待客的感覺。熟食方面，亦包羅萬有，我最欣賞的是炒蜆和東風螺，味道帶有避風塘口味。另外甜品有蕃薯糖水，雪糕和芒果雪球，好有特色。飲品有多款茶類，果汁，啤酒，汽水以供選擇。整體食物的味道亦相當不錯，絡繹不絕的提供，我真是十分滿意。店員服務勤快和有禮貌，常幫我們更換烤爐上的紙，亦時常清理枱面，使我們覺得賓至如歸。

今日好忙，連走兩場，下午係中環同朋友甲食完午餐，天未黑又要入元朗同朋友乙晚餐🙊本來話出旺角食，但朋友乙話元朗有間放題佢食過好抵食（佢住元朗😏），所以就入左去食！就係呢間👇🏻校長燒肉，原來佢係元朗都幾有人氣餐廳5點開，最抵食係7點前離座，慳家既我地緊係食5點，唔好以為好早無咩人，陸陸續續有人入座，未夠6點已經人頭湧湧其實真係好抵，唔食刺身既話$98位咋（未計加一），茶餐廳求其食碟飯都$50幾喇呢道重要任飲任食，重有熟食同壽司、湯、糖水目測有成十款醬以上，貴價燒肉都無咁多款醬揀😏肉類選擇都好多，基本上唔會番唔到本😎除左平，乾淨衛生都好緊要，呢道眼見員工亦不時會整理食材飲品款式都唔少，連韓國啤酒都有得任飲雪糕甜品好懷舊既菠蘿冰同荔枝冰，我食左好多粒，好食荔枝冰超濃味！雪糕獨立包裝一球，口感重好滑漏我一場黎到，緊係揀包刺身喇！職員會比張貼紙，出示貼紙就可以取刺身刺身新鮮又大件$7有牛油紙無限更換，唔會痴底又唔易燶！肉類醃製得唔錯，首推：牛柳粒、金沙骨、豬頸肉