桔梗 (已結業)

雖然聽好多朋友講話覺得野食一般般，但假日要係旺角搵間cafe坐下都唔簡單😂好彩去到唔洗排隊等友人食既定食都唔錯，但選擇就唔太多。都係日式定食個類型。不過性價比都ok，因為真係好飽好大份😌😌Iced Black Coffee都唔錯，價錢正常，唔會太酸太澀。可以加$5揀fruity option，但我就無加到。焙茶芝士蛋糕就略嫌唔夠芝士味，少竹甜咗d，不過都算好抵食😚😚不過就有限用餐時間，因為之後都有booking

星期五約咗朋友一齊食飯，朋友話想一齊撐下良心小店。之前因爲見評價都好壞參半。既然朋友想食就一齊試下啦同朋友叫咗個二人日式套餐，兩個人就可以試多d野～炸雞與酸甜五味醬：五味醬既味道好複雜，酸味居多。值得一提個炸雞🍗好多汁，做到外脆內軟。炙烤鮪魚佐芥末蛋黃醬：會形容呢道係濃味既前菜，鮪魚帶微微燒過既焦香味，肉質比全生更加緊緻，配上燒汁、蛋白醬進食，好惹味。小食三味：係有醃漬菜絲、蘿蔔、蠔。特別一提既係蠔肉肥美唔腥幾鮮味。支豆就濃香蒜味十足！個餐有兩碗茶漬飯。兩碗都大同小異，但三文魚個碗會更為突出。因為味道比較合適，無明太子咁咸。鏗魚湯+茶既好配合。香蔥檸檬味噌燒腩肉：入口油脂十足，無想像中咁油膩，可能因為個檸檬醬油有一定酸度、同香蔥一齊入口更加清爽。如果可以燒得再脆d就更好熱炒魷魚🦑拌明太子醬。呢碟真係份量十足，燒過既魷魚彈牙又有燒烤既焦香味，如果配埋酒食更加出色。糖心蛋流心效果好，入口軟綿綿。最後是日甜品最令我傾心：係大大份既抹茶盒子！朋友唔太好抹茶都讚個甜品質感好好，蛋糕式吸收咗抹茶汁🍵奶油+蛋糕+抹茶互相配合，入口唔會太甜又有濃厚既抹茶香，抹茶控一個人都清完！

聽說桔梗長期都大排長龍，今天往朗豪坊途中看到不是太多人，可能因為未到晚餐時間吧。他們的menu近來由西餐改成台日式定食，但我們剛吃完下午茶不久，打算只飲杯咖啡休息吓，意外地Tiramisu咖啡味香濃，口感好軟滑。✿DirtyCaffe LatteTiramisu ✿這裡地方很大，樓底高，有自然光，大大張木枱，桌子間有相當距離，環境舒適，在這裡hea吓傾吓很好，也適合打卡除了出來帶位那位可能因為忙比較冷淡之外，店內其他店員都親切有禮

旺角搵到樓上Cafe一啲都唔難，但如果搵地舖嘅話就比較少見，仲要咁大間嘅就少之又少，講緊嘅就係桔梗！呢度主要係賣西餐嘅食品，過一排冇黎，竟然而家晚市做緊日式食品，再唔係以前賣西餐，賣意粉西班牙飯，轉轉新意思，比新鮮感食家！都係一件好事嚟嘅！咁今次我哋就叫左二人套餐！$528有勁多嘢食！有三樣前菜小食，又食涼拌毛豆！有炸雞又有魷魚同埋京蔥豬腩！真係放到成張枱都差啲放唔曬！之後仲要有兩碗茶漬飯，一碗係三文魚另一碗係明太子！各有各風味，兩個都好食，真係己有新鮮感，值得一讚！之後仲有條鮪魚！好食！唔多骨！岩曬我呢啲懶人食！到最後仲有個伯爵茶嘅芝士蛋糕，茶味好濃！好多食多個！如果有得買走返屋企，一定好想打包幾個返去！

之前都有聽過旺角朗豪坊附近有間兩層Cafe叫桔梗，好似話係工廠格局，感覺好大。今日去開朗豪坊行pop up store, 不如就去Cafe開餐。行去油麻地方向見到門口都幾闊落，樓底都有兩層高。門口有咖啡豆，沖咖啡嘅工具賣。好在黃昏五點幾不用排隊就可以就坐，見到Menu有個二人日式套餐，有雞，魷魚，豬腩，三小碟，鮪魚同茶漬飯。套餐最好就係不用選擇，直接order已經有不同種類嘅食物配搭好。最有印象係三小碟同枝豆，枝豆係用蒜蓉加黑椒，蠔配上葱同醬汁，款款小碟都係唔同味，食得出心思來。炒魷魚係用明太子，少少辣辣地再配埋茶漬飯，仲有糖心蛋。燒豬腩肉都幾香口，原來整個套餐嘅份量都幾大。飯後仲有個earl grey 焗芝士蛋糕，好濃郁，再有earl grey sauce令個cheese濕口啲。

未到6點 門口分兩條隊排 一條係有預約 一條係walk in會先安排有預約既客人入座先其實都明白 但問店員有幾多係預約 walk in客人要等幾耐先知仲有無位 店員竟然答唔知😰😰排左半個鐘到 終於入得叫左黑松露薯條(無影) 可以不試 好乾😭流心蛋牛肉飯味道幾特別 口感豐富😋另外仲有兩杯飲品中規中矩 略嫌有點細杯 性價比不高

星期日既晚上，終於打完風，可以出嚟食返餐好嘅！😋嚟咗桔梗食個晚餐，餐廳環境好舒服，位置好寬敞樓底好高！空間感好夠，傾偈都唔使驚比隔離聽到！我哋二人都可以安排到一張大枱！非常舒服！我哋叫左個雙人套餐先黎左個鮪魚、蠔、同埋三種小菜，賣相好靚，味道好好，十分之開胃！第二樣再嚟咗個炒魷魚，魷魚同埋明太子炒埋一齊好香，熱辣辣，食落好香口！第三樣嚟嘅就係炒豬腩肉，完全唔肥膩，點埋啲醬都好開胃！餐廳上菜十分之快，啱晒我哋勁肚餓嘅時刻，炸雞炸到外脆內軟，完全唔厚粉！嘢食亦都十分之大碟！然後再嚟咗兩個茶漬飯，一個係明太子茶漬飯，一個係吞拿魚茶漬飯，份量十分大！仲配左一人一份嘅糖心蛋，太豐富！我哋坐嗌左一份coffee taste menu ，味道都特別，可以一試！嚟到幫所有食物影張大合照，非常之豐富，同埋啱晒相打卡嘅朋友！最後就係一個甜品佢係伯爵茶cheese cake,真係好surprise係一個咁大份嘅蛋糕!點埋啲伯爵茶將真係非常之好食大家一定要試！

🌸桔梗花 花語代表：永恆的愛，不變的愛，誠實，柔順，真誠不變的愛，勿忘的愛，永世不忘的愛，無望的愛，無悔等。充滿著美好和往往，同時也是充滿著失去與得到，還充滿著曾經和後來，永恆和遠久。相信哩間餐廳，對好多真。香港人黎講，都有好多不同回憶。講返食物質素先～🍲鮭魚茶漬飯：比預期大碗，材料都十足，茶漬同飯既比例都岩岩好，唔會成個飯好濕，食到尾又唔會好咸。性價比高👍🏽🥢台式滷魯肉：初時以為個份量係一個人，原來係2至3人份量，同舊舊肉都好大。一層肥一層瘦，又夠淋，送飯一流。

環境：好大，燈光昏暗，可能係想有情調？服務：拎杯水/加水要叫店員加，落單自己掃qr code，但我地舉手有野問，店員同我地講有句qr code落單就行開左🙂食物：份量細得誇張，極度懷疑個烏冬得半個，食2個都唔飽價錢：同食物份量唔成正比，一細碗烏冬$88加一，成舊水得果半舊烏冬，仲未得1粒流心蛋❤︎4碟小食，份量都好少玉子烏冬本體，堅細碗我地4個女仔食量唔大，但食完呢餐都唔飽，仲要埋單$730，好唔抵，又飽又好食都唔介意，但呢度份量少態度差，未必會再幫襯

星期日同男朋友試完婚紗之後，去左桔梗食晚餐。我想食桔梗好耐啦，今日難得係附近就梗係去食下啦。餐廳地方好大，有兩層，裝修別緻，令人好舒服，好有台灣既感覺。睇完餐牌，二話不說就揀左雙人日式套餐，十分豐富。涼拌毛豆、三種小菜：蠔仔、兩款漬物。毛豆唔似平時個種味道，因為用左蒜蓉。蠔仔幾飽滿，漬物酸酸may may甘。炸雞與台式五味醬即刻炸起，熱辣辣，炸皮夠薄夠脆，同五味醬幾夾。熱炒魷魚拌明太子醬明太子醬多到一個點，魷魚唔會韌，重口味之選。京蔥檸檬味噌豬腩豬腩邊邊煎到燶邊脆身，個醬可以減低肥膩感。明太子茶漬飯、鮭魚茶漬飯配溏心蛋呢個好食，好似湯飯甘，溏心蛋又好食。炙烤鮪魚佐芥末蛋黃醬鮪魚本身好好食，我甚至覺得無醬更加食到鮪魚既鮮味。是日甜品係抹茶提拉米蘇，抹茶味幾出，一層蛋糕一層抹茶忌廉，多層次口感。

今晚同朋友喺桔梗食晚餐，餐廳地方非常寬敞。掃QR code落單，我地叫左個雙人日式套餐，上菜速度好快！🤣首先，6小碟，味道令人非常滿意！蠔: 幾大粒！個汁甜甜地咁，幾特別，味道好夾。蕃茄仔: 有梅汁浸過，酸酸甜甜，好開胃😋涼拌毛豆: 有蒜香👍🏻溏心蛋: 質感、味道都幾好😋😋2.炸雞與酸甜五味醬 外皮脆，雞肉幾嫩，保留到肉汁！👍🏻3.熱炒魷魚拌明太子醬 幾冧，易咬。本身偏咸，但用菜包住黎食就岩岩好！4.香蔥檸檬味噌豬腩 好鐘意個醬汁，有酸甜味，足以令豬腩味道層次提升！👍🏻5.炙烤鮪魚佐芥末蛋黃醬偏咸，用黎送飯岩岩好！😀6.茶漬兩碗一碗係明太子茶漬、另一碗係三文魚，好暖胃。7.套餐甜品係巴斯克蛋糕啊！😍仲有伯爵茶奶蓋！😍好味！呢餐真係好豐富、好圓滿！😋

好耐之前已經聽過桔梗呢個大名，知道係一間超人氣既餐廳，所以今晚就同朋友黎試一試佢原來餐廳既面積係咁大， 裝修係以簡約為主，有種文青風格枱與枱之間都有一定既距離，一定吾會有逼既感覺，好適合談心我同朋友簡左雙人日式套餐，期待呢幾個小菜食完會好開胃灸烤鮪魚佐芥末蛋黃醬。好新穎既菜式，食落口感好好，鮪魚煙韌又有鮮味，再加上芥末蛋黃醬係好夾，食落有滿足感京葱檸檬味豬腩，首先我加左少少檸檬汁係上面，豬腩好香，而且肥瘦適中，醬汁甜甜酸酸，好開胃熱炒魷魚伴明太子醬，睇落已經好想食，明太子醬超多，魷魚好爽口，一點都吾會難咬，索曬明太子既味道炸雞與台式五味醬，一上枱已經聞到好香。金黃色既炸雞，食落脆卜卜而且多汁，炸粉亦吾會厚三文魚茶漬飯，好足料而且湯味清甜，再加上紫菜，雖然已經食到好飽，但都係忍吾住食曬溏心蛋都係成隻上，流心效果好出色，加埋茶漬飯一齊食係完美最後就係甜品時間，呢個抺茶tiramisu都係好夠份量，面層既抺茶cream奶味十足而且幼滑，抺茶味亦中和左膩既感覺，十分適合我地飽滯既時候食，話咁快就食曬今晚呢餐我地都十分滿意，果然係名不虛傳，下次會再幫襯

不嬲都好想試呢間, 終於唔洗排隊啦😂 拉咗個朋友去試😝我地都係一人一個餐, 嫩煎鮭魚定食($128), 呢個好似都幾多人食同埋推薦🤔 定食包咗pan-flied salmon之外, 仲有溏心蛋, 豆同埋酸菜(?) 都幾豐富😊個魚煎得幾香脆, 但又唔會乾身, 保留咗三文魚小小嘅油香味, 食落嫩口✨ 另外個飯上面有啲紫菜同埋芝麻, 食落增添咗一份口感😝作為coffee愛好者, 我同朋友都各叫咗一杯Hand-drip, 為今日叉叉電🔋 我叫嘅係Gardelli El Corozal($78), 一飲落去陣黑苺香味好出, 中後段帶輕微蜜瓜, 黑朱古力味, 相當唔錯😍另外值得一提, 餐廳佔地大, 有好多張枱, 我同朋友一邊歎啡, 一邊位, 加加埋埋食咗成2個鐘都冇人叫我地離座🥳 呢一點好唔錯!

係旺角朗豪坊附近有一間名叫桔梗嘅餐廳，名字令我諗起台灣有間旅館都係叫桔梗，入到去室內環境好寬敞，有好多菜式都好想試，於是我哋叫咗一個豪華日式二人餐。好快佢哋就嚟咗第一道菜係一啲冷盤，裏面有生蠔，涼拌毛豆，糖心蛋，涼拌小菜都有三款，都係一些開胃菜非常美味，值得一提嘅係，炙燒鮪魚佐芥末蛋黃醬，味道清新又特別。食完前菜之後已經覺得有啲飽飽地，然後又來一碟炸雞，清脆可口又唔油膩，沒有骨，啖啖肉好滿足，再來一碟炒明太子拌明太子醬，非常惹味，用嚟送酒一流。然之後有兩碗日式湯飯，因碗係明太子茶漬，令一碗係鮭魚茶漬飯，好有日式風味，呢個二人餐真係十足,我們還叫咗一杯熱布明朗朱古力，非常柔滑香濃，最後就係甜品啦，呢個甜品係一個意外驚喜，伯爵茶芝士蛋糕，非常好味口感一流，茶味中和左芝士嘅油膩感，茶味同芝士味融為一體，非常值得去一試再試嘅餐廳。

平日day off 行完旺角想食tea , 路經桔梗去睇睇有咩下午茶！ 結果係無！ 無試過，所以試一試，入座唔洗等，因為好多座位，地方好大，還有第二層 地方夠闊落。 電話落單，都好多定食，有台灣文青cafe 感覺，朋友點了東坡肉飯定食。上菜大約等十分鐘左右，都算快！職員送上月餅試食，味道不錯！ 整體賣相吸引，東坡肉好味，如果多汁更好，而家肉質比較乾身。 飯好好味，還有紫菜碎點綴，配菜有滷水蛋、支豆、蕃茄！配菜一般，無太大驚喜。 個餐仲唔包飲品，百幾蚊，價錢少少貴🥲唔係太抵食。 我就點了巴士克芝士蛋糕及凍朱古力咖啡。 凍的芝士蛋糕，有點失望因為比較硬，但賣相精緻！食落都唔錯，一個人食唔晒都好大件。再叫杯凍咖啡😀咖啡好飲總結： 地方夠闊落🧑🏻‍🦰👦🏻同朋友坐左一個下午🤣🍴☕️舒適的文青cafe 📷 推介