梁記餃子麵坊 (已結業)

星期六，天氣清爽，與先生到元朗一遊。在元朗之友推薦下到此店食餃子。看過餐牌，有常見餡料的餃子，有特別口味的餃子，最終選擇淨食雙併，，還點了酥炸鯪魚球。酥炸鯪魚球(五粒)， 新鮮炸，好大粒，食落好彈牙香口，好重鯪魚味，好味道。飲啖湯，好重胡椒粉味，餃子Size大，餃子皮用上雲吞皮，皮薄滑口，隱約見到南瓜的橙色。先食南瓜餃，南瓜與豬肉分量平均，南瓜清甜可口，調味不重，以食南瓜的甜為主。菜脯沙葛餃子，內𥚃又見不到菜脯及沙葛，因為與豬肉的顏色差不多，食落菜脯與沙葛爽口， 味道帶甜，好特別的餡料。HK$32雙併餃可算便宜，有機會下次再試其他味的餃子。

就係奶奶屋企樓下，成日大排長龍。原因得一個，好味大件夾平。好好彩唔使等位，最後一個搭枱位比我地坐埋。可能多食客關係，都等左10 分鐘。老公既菜甫沙葛淨餃子。有7粒。餃子入面包豬肉。 唔知點解今次食有少少咸。餃子入面有沙葛同菜甫，好爽口好有口感。餃子大粒，食到中間都好夠熱。我就叫左個豬扒沙葛餃雙拼上海面。 豬扒新鮮炸起， 美中不足我覺得應該要另外上，因為放上湯上面會淋。 份量都幾多，食完好飽凍豆漿岩岩好口唔會太甜， 但覺得太細杯。雖然野食好味，但要頂得順呀姐d 皮氣食食下野有食客問有無紅豆冰，呀姐大聲到有回音甘講左個"無"字，而且塊面全程西到爆，表露一副唔想做但又要做既樣，真係可憐。

今天放假, 要到元朗上課, 上課前吃個午餐, 心目中想吃菜, 就揀了梁記。去到大約一點半, 正是午巿繁忙時間, 我一個人都容易搵到位。諗好食咩, 想叫人落單, 但店員都很忙, 見有店員幫附近的食客落單, 當中有細節食客未能一次過說出, 店員語氣不耐煩的問, 我已心知不妙, 心裡也有點緊張, 好似要考試般。到我落單, 我要雜錦餃子, 店員問: 「跟什麼?」 我: 「沒有, 就要餃子。」 店員: 「即是淨餃呀嘛!」我:「係 (心諗一黎就答錯了一題, 慘)...要多個菜同豆漿添。」店員:「生菜?」我:「係呀 (不敢再問有冇其他菜, 以求保命)。」店員:「係咪要蠔油?」我:「不要蠔油。(心諗蠔油好咸, 唔想要...)」店員: 「係咪全走?」我: 「係...(思考緊除左全走仲可以點).. 呀...唔好意思, 請問有冇腩汁?」店員: 「有。」我:「咁跟腩汁啦。」店員腩腩:「自己講呀嘛, 乜都要問.......」我: 「.............」全程我都好快好急咁對答, 只是我少幫襯, 一來流程不太熟, 二來太緊張, 故未能一次答對所有, 但店員的態度實在差, 來食野啫, 要不要像考試般? 這樣的

又去食餃子了，尼間小店餃子有好多口味，蕃茄、南瓜、韭菜、白菜。仲係人手包既添。我元朗食宵夜既好去處，11點幾都可以坐底食碗麵既，酸辣豬扒白菜餃米線$36豬扒食過好多次了，覺得好好食，豬扒唔硬好鬆軟，炸得好脆，味道岩岩好唔會太咸。餃子都大大粒好足料，係白菜豬肉餃，白菜同豬肉比例都岩岩好，好味。加埋本來既酸辣湯底酸酸辣辣好開胃，正

今日去快食碗餃子都幾有驚喜喎!我哋總共叫咗3碗米線米粉同埋一碟炸鯪魚球!呢度有好多唔同種類既餃子餡!又粟米豬肉又蕃茄牛肉, 幾特別!菲菜豬肉米線菲菜豬肉唔駛講, 好香菲菜味,食落去好新鮮好爽, 一定係新鮮包出嚟炸鯪球嚟啦真係即叫即炸, 好大粒!!感覺唔油, 好乾身, 熱辣辣...記住食之前吹一吹先蕃茄牛肉米粉蕃茄牛肉好掂少少酸加上牛肉香!皮又薄菲菜豬肉都好好味豬扒應該另一碟上因為浸喺湯度霖哂!認住呢個招牌呀!

之前其實經常來梁記吃雜錦餃子， 間中亦會買外賣， 但原來一直沒有寫過。後來發現原來梁記的豬扒更見出色，甚至比元朗的地道著名豬扒飯如天奴、開心豬扒飯等更為出色。 豬扒麵加一款餃子，$33，本人大多數都會叫青瓜餃子，青瓜餃子外皮薄薄，內裏有青瓜有點肉，輕盈清新，健康有益，又不至於極之清淡。豬扒-其實先炸了一下，但炸完後會直接放進湯内，所以也不見得非常熱氣，不用擔心，每次來吃的豬扒均是痴骨部份，沒有骨的地方滑溜，有時有點兒肥，而痴骨的更加美味，肥瘦均勻、軟硬適中。外賣人流留意：梁記餃子不時有顧客買外賣餃子回家，所以看見門外有人排隊，不用擔心，如看見店內有位子，長驅直進即可，其實不用等。內裏氣溫唯一不足之處，就是內裏比較悶熱，但是沒法子，小店只得細細間，名副其實的後面有「熱廚房」，難免比較焗熱，建議怕熱的顧客脫下外套才吃麵。

見到食評，諗住一試餃子，店鋪係幾整潔既，叫左蕃茄牛肉餃，難食到。。。。。d...牛肉唔新鮮，有陣味。。。。但係，見到同枱有人嗌豬排麵餐，睇落都ok, 但如果要食餃子就中奉勸唔好抱大希望， 唔會再黎。

小朋友放學，陪食碗麵。幾個店員話只食一碗，無叫個個五可以坐低。叫小朋友一個人留起度食，其他人出門口等。食碗麵最多十五分鐘，點解要趕客走。什麼服務態度?無下次。劣評。

蕃茄牛肉餃子上湯淨食 $27（6/10）配麵都一樣價 但我個時吾太肚餓就點左淨食 有7隻餃子 但配麵我估3隻吧 餃子皮好薄 所以都有啲爛身 可見碗內既餃子係有啲見到蕃茄肉 入面內餡重酸 梗係來至蕃茄啦 牛肉有啲爛 食吾出牛肉 個湯不錯既 但整體餃子大大粒蕃茄肉又多囉 下次一定要試其他口味 我諗係依隻口味既問題 加上鋪頭人手好像不足 可能甘樣就質素有啲參差吧鮮蝦雲吞米線 $30 （6/10）米線控當然嗌米線 雲吞還過得去 但我都係鐘意之前介紹過個間既細蓉❤ 依家加左價都係廿雞咋 但一碗有3/4粒 爽口彈牙 不過要推介既係梁記既套餐好抵唷👍👍 32蚊包酸辣口味既指定餃子麵 仲包埋豆漿或菊蜜下面既菊蜜就係嗌左碗粉就可以加4蚊享用 加10蚊就有油菜

落到元朗先食啲暖胃野先。第一次黎，見到隔離枱個後生仔食餃子豬排麵，張單寫住34蚊。我就好疑惑，點睇個餐牌都計唔到34。咪問下個後生仔，佢教我地嗌。一碗韮菜餃麵加豬排，一碗全蝦雲吞麵。本人唔太好韮菜，所以食咗一粒餃，都幾好味同足料。豬排醃得幾好。全蝦雲吞，入面只有蝦，真係無肉（餐牌已食無肉）。由於我唔好餃類，雲吞類，我都覺得幾好。反而，我朋友熱愛餃類，佢就覺得中上，不過不失。

是日相約大學的友人一起到元朗覓食，今次到了梁記餃子麵坊、這間街坊餃子小店～餐單一目了然，當然以售賣餃子為主。思考了一會，我選了香甜南瓜餃子上海麵 $25，想不到以這經濟的價錢竟有五隻漲卜卜的南瓜餃子！纖薄的餃子皮隱約透出黃色的南瓜餡料，皮薄但不易穿，南瓜味未算香口卻頗清新，而麵條則長短不一，質地有點粗糙，整體很有特色。友人謂難得來到，要吃齊8款口味的上湯雜錦淨食 $28。她都很欣賞這裡的餃子皮很薄又不易穿，最喜歡南瓜味餃子～她又點了豆漿 $4。她說這杯豆漿頗為失色，完全沒有豆味，很清淡。 整體自家製水餃味道不俗，當天所見小店都擠滿街坊客，可見是有一定的捧場客呢～

住咗元朗咁耐都無食過, 畢竟元朗太太太多嘢食, 你根本無可能食得晒所有.但哩間我真係每次經過都想食, 唔係隔離個人話食A食B, 就係多人等位所以唔食星期五的下午終於趁得我自己一個, 又無乜人排隊, 所以走入去食入到去都唔知叫乜 (新手), 唯有叫手工白菜餃, 阿姐好好識得問我加唔加豬扒, 原來加埋豬扒, 又叫埋豆漿都只係$35. 豆漿唔會似水又唔會太甜 (不過豆味再重D會好D), 豬扒好軟又唔會太過咸, 麵有米線、米粉等的選擇, 手工餃仲多款式, 仲可以混搭. 如果唔食豬扒仲有雞亦揀, 包保有樣啱你口味!!雖然冷氣唔係好夠, 但係整體係唔錯. 似家出街食嘢, 想有個人講多句問你﹕"加唔加豬扒" 都好似好難咁, 唔知點解突然覺得好有人情味. 埋單見到非"MY"品, 究竟係"唔賣"0既意思, 定係"唔係佢"0既意思呢?! 都幾有幽默感~食完2個鐘喇, 但都無太口渴0既感覺, 可以証明佢地唔重手, 依家要鋪頭唔落味精可能已經好難, 所以我諗少味精係"讚"!元朗小店買少見少(比起以前), 我只係希望每次都幫襯小店用行動支持佢地, 唔好食咁多連鎖店, 同埋保持元朗食之天堂0既地位!! 加油小店!

想吃餃子的時候，會專程來朗屏站一趟，從西鐵朗屏站步行5至10分鐘到擊壤路梁記餃子， 每次都必吃豬扒米線 豬扒香脆爽口 但又不會炸得太乾身 味道十足的八餃子任君選擇，或淨食雜錦餃子也可，再加全蝦雲吞，鯪魚球…… 全蝦雲吞，真正全蝦肉，新鮮彈牙

突然想食餃子，就想起梁記。佢有好9款餃子選擇，真係要比d時間諗一諗食邊款，叫左個北京香蔥豬肉餃子，配個河粉加底。餃子真係唔錯，大大粒，皮薄料多，抵讚！，再食淡河粉，唔知係未河粉定d湯問題，臭臭地咁....接受唔到，同個呀姐講，換左米粉比我，正常返曬，都算係咁啦...準備星期尾再幫襯，目標係試曬全部餃子！

不起眼的小店，位於近元朗廣場巴士總站的附近。店內客似雲來，6點半到達店內己坐無虛席。客人通常會挑選皇牌套餐及抵食套餐，$30左右已可以食飽飽，非常抵食。若想要有更多口味的餃子，可參考餐牌的背面，有九款口味的餃子，還有雲吞。散叫的價錢較套餐貴$4-7。脆口的炸雞翼、餡料滿滿的餃子、秘製酸辣菜，總會時不時令人想起回味。香炸雞中翼$30 (5隻)炸雞翼即叫即做，一碟有5隻。這是每次必點的小食，没有粉漿，外表呈焦黃色，夾起時已感覺到外表非常脆。咬一口，外表乾身帶著似是美極的咸香，外皮脆口，再來是被撕開的雞肉充滿肉汁嫩滑。切記「要等一等」才放入口，因為剛剛炸起，非常燙口。酥炸鯪魚球30 (5粒)鯪魚球，這是另一道客人會常點的小食。剛上桌時，整個球像快要被吹爆的氣球。因為即叫即炸的原故，鯪魚球處於高温膨脹狀態，這時候千祈不要放入口，放涼一回兒，氣球漏氣變得皺皮，如上圖狀態，才是適合入口的温度。沾上秘製辣椒醬，辣中帶甜，好開胃。足料的鯪魚球，啖啖肉，帶點彈口，喜歡鯪魚球的必點。酸辣韮菜餃子配上海麵自家製的酸辣菜，有嚼頭的酸菜，微酸帶甜，清晰可見的辣椒籽，使人感到後勁微微刺辣，讓人容易流鼻水，配上淡淡