梨滿園韓國料理 (已結業)

每年到我呢個時候，都想離開香港休息下，今年牡別想去韓國，因為今年已經兩次因疫情取消行程，唯有去食下韓國野項下癮先！打算去梨滿園韓國餐廳，聽講呢間餐廳係韓國人開嘅，難怪食物甘正宗。餐廳環境舒服，而餐廳都幾受歡迎，坐低無耐見好多客入舖同叫外賣！我地叫左個任食餐，再加左錢任食炸雞。首先一上枱係芝士豬手，但呢個要襯熱食，因為先至可以做到拉絲效果，囗感不錯！而蛋卷上面淋上茄汁，內裏有紫菜同芝士，蛋好滑有流心效果。炸雞有5種味道，芝士味、蜜糖味、薑蔥味、甜辣味和秘製醬油味。炸粉唔厚，雞肉好滑同，另外仲附上酸蘿白解油膩感。重點人參雞湯，湯好清甜，人參雞裏仲有紅棗，糯米等材料！d 雞就算煲幾耐都仲係好滑！飲埋d湯都已經好飽！

經過呢間韓國餐廳，想試放題好耐，之後去睇吓食評，整體都不錯，於是決定假期前夕，去試一試。點知中伏，Order 10樣嘢，一半係冇嘅，燒肉味道可以，其他食物水準一般，三文魚點了三次，但只來了四片，蔬菜，一次都沒有來，已吹了很多次，吹到差不多夠鐘的時候，他說你們已夠鐘，我俾你食埋枱面啲嘢，新野冇㗎啦🤬服務態度不好，第一轉點了的食物都夠鐘都不來，但因為限時90分鐘，所以很多試不到。炸物點了2樣，炸雞和魷魚，炸雞超“鞋“雞皮和雞肉分開炸，魷魚賣相已經很差，好像一堆垃圾，都不敢再點其他。唯一推介就係飲品，如果喜歡飲啤酒真的很不錯，因為有多種啤酒任飲，甜品只有雪糕亦都沒有興趣試。看似抵食，連加一207 ，但很多食物都沒有，在外面可能貴少少，但係食物貨源充足，雪糕都有很多選擇，這次放題真的很失望。

上次食過晚市套餐，今日就試吓放題。從點菜紙見到$160 5:50-7:30，所以以為好抵，但侍應話已經冇咗呢個時段，只有$188 90分鐘。既然坐低咗就算喇。整體食物質數幾好，牛仔骨好食。最欣賞係熱盤即點即煮。叫了雞肉石鍋飯，真係大碗到食唔哂，如果食哂就真係食唔到其他嘢。海鮮煎餅都好煙韌，好食。其次欣賞嘅係有plus及zero可樂供應. 貨源足又夠凍。唯一不足係冇糖水，甜品亦只有雪糕，雪糕係自助形式，感覺一般般。

一直都很想食韓式放題，這次選擇來這一間食～一開始會給小菜喔～芽菜淡淡的麻油味很爽口，蘿蔔酸酸的，非常開胃～泡菜不會太辣，南瓜甜甜的軟軟的也非常好吃～肉類選擇很多，重點是都超級新鮮，最好吃是牛舌！口感脆脆的很有彈性～青口帶子都超大隻，而且很甜蝦子有一點蝦膏，非常香，墨魚口感超好～炸醬麵！韓劇裡常常出現的炸醬面面有一點粗粗的口感很不錯，醬有一點咸甜咸甜的，菜和肉碎很多～炸雞超香脆，炸粉不會太厚，雞肉很嫩～蛋捲也是現做的，粉絲量很多，甜甜的不會老～

朋友約食開年飯，但今年疫症橫行，真係唔多想出街 😎😎，最後選了人流較少的樂富區梨滿園放題，新年期間，中式食得太多了😉場景似當年沙士， 顧客只有寥寥數人😥😥除了放題， 還有套餐選擇，2個人都是放題抵食韓式醃菜必有，款式唔多，只有4種主力是烤肉， 金菇牛柳卷、 豬腸 、芝士香腸、 雞腎、 頂級韓牛肩肉 、牛仔骨 、美國頂級安格斯一口牛粒……牛仔骨醃得夠味，鷄腎爽口，一口牛超正……其次是海鮮，全部都叫，青口、海蝦、魷魚、帶子 ， 青口大隻， 魷魚鮮甜， 海蝦新鮮，本來想再 order，可惜要留肚飲湯和熟食海帶蛋花湯， 海帶粗而厚， 兼有濃濃海鹽味，可以下火韓式大醬湯湯料豐富， 金菇、冬菇絲、 洋蔥 、蘿蔔、大蒜，新鮮大蜆，湯味似花生醬+韓式辣醬，口感新奇炒雜菜迷你海鮮煎餅size 好大，夠4人食用， 外皮脆口， 海鮮料多自製生菜烤肉捲， 冇咁油膩和熱氣韓式炒粉絲韓式冷麵第一次食，口感不俗，有粗雪梨條味甜，薄切酸蘿蔔片， 初頭以為是粉皮， 酸味適中開胃甜品雪糕任食每人都係200元，抵食

細細個住過樂富區，所以有一班舊街坊，新年前特意約出來吃個放題敘舊一下，一個價錢任飲任食，開心又滿足！有超過10種肉類，個半小時任飲任食，都只不過係 $188，經濟實惠啱晒街坊！A+ 頂級牛肉估唔到呢個價錢都可以食到A+ 頂級牛肉，頂級韓牛肩肉、頂級韓牛仔骨、美國頂級肥牛；全部牛肉都好新鮮，脂肪比例平均，肉質鮮嫩多汁，肉色紅潤都靚。海鮮類青口、魷魚、海蝦、帶子，全部都新鮮甜美，真係唔想搭飛機去韓國食。壽司當然要試吓韓國必吃嘅韓式紫菜蛋卷啦！差唔多係韓國式料理推介之選。手醃前菜Kimchi 食得多，但唔係間間都醃得好味，這裏的泡菜味道很正宗呢! 南瓜很甜美！煎/炸物韓國炸雞、韓式餃子也是我平常的最愛，放題又怎可以放過呢！酥脆可口！小炒韓式炒粉絲、韓式炒年糕，新年大家一齊撈起，希望各位都能撈得風生水起。飲品雪糕🍦食到最後再食兩球雪糕真係爽到不得了！

自從樂富商埸大裝修之後都未去過，趁辦年貨順道去逛逛，煥然一新的樂富商場，食肆林立，其中一間梨滿園韓國燒烤門面彩色繽紛的local 好搶眼，menu 上有頂級韓燒放题吸引了我入去試試！餐廳內牆壁上掛上多幅韓國美女和風景優美的畫，天花掛上多盞一物二用的燈飾和可拉上拉落的吸煙管，座位寬闊和舒適。有雪糕和飮品是任飲任的。十數款肉類中，包括牛肩肉、牛板楗、牛仔骨和肥牛、五花腩等等、都各俱滋味，還有鮮甜美味的海鮮湯飯類、刺身壽司、炸物、手醃前菜和各種蔬菜類。琳琅滿目的食物，90分鐘任飲任食，巳令我抱腹而回！

想食一餐韓燒又想食到多完化食物，我就會選擇食放題，一來唔止食肉咁簡單，又可以食到一系列韓式美食相當超值，最緊要搵間正宗嘅韓式餐廳食咁至夠地道風味，今晚行開樂富uny買賀年禮品，順便係度食埋晚飯，就睇見到呢間韓式餐廳有韓式放題眼見餐單唔只得牛同豬燒之餘，仲有海鮮同其他韓式小食夠晒吸引，又啱我口味一於同好友一同入去品嚐一番，講番放題時間有90分鐘足夠大家任飲任食，當然先點左大家必食嘅A+頂級牛類，分別有五款不同牛肉首選食頂級韓牛肩肉、板腱肉、牛仔骨逐一放上燒陣陣香濃肉味滲出，真係忍唔住口食啖肉先，入口啖啖香嫩嘅牛肉滿口油脂口感飽滿食完牛再燒埋豚肉一定滿足大家食慾，又繼續燒下海鮮類，有帶子同海蝦入口鮮甜多汁燒完一輪美味嘅肉，係時候食其他美食先有炸雞可口又香脆同煎餃子，另一款係韓式炸醬面食落又有一番地道風味最後品嚐埋甜品就啱啱好。

這天朋友相約一同前往樂富吃飯，朋友安排了一家餐廳，位於大型商場之內，鄰近地鐵站，路程需要5分鐘左右，地理上十分方便快捷。餐廳內裏裝橫簡約，冷氣充足，座位也十分寬闊，還算不錯。餐廳主打的就是韓式料理，加上是任飲任食的，更適合我們。食物方面， 前菜四小碟，同樣歡迎無限添加，絕對充滿韓式風味。我最意想不到的就是餐廳提供的韓牛，牛味香濃，加上肥瘦均勻， 沒有油膩的感覺，也沒有因此飽飽滯滯。飲品方面，除了一般的汽水之外，更有啤酒提供，喜愛喝酒的朋友，也可以挑選一下。

還記得對上一次吃韓燒已是一年前，點解咁耐無燒? 皆因我懒，只想食不想燒，但今晚卻揀了去韓燒放題，為何呢? 因為同樣約了一年前一同韓燒的朋友仔，她願意由頭燒到尾，我完全不用動手，只是動口，係咪好幸福呢?既然由朋友代勞，我當然揀間方便她的餐店。開放式的門口，旁邊鑲了一個挺搶眼的招牌，還放了一塊大餐牌，頂級韓燒放題90分鐘19:30-21:00成人$188，小童$148；17:50-19:20成人$160，小童$126。內裏裝橫平實，牆身鑲了幾幅韓國畫，環境整齊企理。近門有數張大圓枱，兩旁設有闊落的卡座和一排泊牆的長櫈配四人枱，座位不算很多，但枱與枱之間一定距離，坐得好舒服。***************************未開爐之前先準備冰凍的飲品。一座放滿罐裝飲品的凍櫃放滿罐裝飲品和一些需自費的酒精飲品，我倆就要了罐酸咪咪的C+，冰涼透心，開胃解膩，是好選擇。***************************還未點菜，店員已送上四款韓式前菜、生菜籃和多款醬料。四款韓式前菜各有特色，包括有粉綿入味的南瓜、爽口微辣的大豆芽和清新的菠菜，還有我最喜歡的泡菜，香辣惹味，滿有韓國風味，正!

黎左樂富想食韓燒，就黎左呢間$160有得任食算係幾抵👍🏻呢度既裝修感覺有d似舊式中餐館🙊黎到職員好快就送上前菜，點餐又會比意見我地，感覺幾親切😊叫左炸醬麵，配左隻蛋，醬汁比得好夠，麵質夠腍😊蛋卷落左好多蔬菜粒，中間有紫菜，健康又好味🙈餃子好飽滿，menu寫煎，但其實佢應該係炸唔係煎🙈D肉好多種類揀，唔會韌佢仲配左生菜可以包黎食👍🏻👍🏻👍🏻D海鮮好新鮮，魷魚帶子都醃得好好食仲有好多其他配料可燒，但真係太多試唔哂甜品汽水都係任拎總括黎講都幾高cp值，下次可以再試😋

今日好開心去了食烤肉放題，呢度仲超就腳，一岀站就到，價錢又親民，而且還是放題，可以吃到飽，都是$200有找！簡直性價比高真心超推介！而且放題最大嘅好處就係可以吃好多不同款式🤩當日我們兩個人牛魔王上身😋吃了非常之多款牛的不同部位，非常滿足！⭐️頂級韓國牛肩肉薄薄的一片，兩邊快燒10秒已經可以食，入口即溶，油花足夠而不膩，感覺上吃多多都不會肥😍⭐️頂級韓國牛板腱肉這個部位比較質感結實，有韓牛風味，結實有彈性卻不粗糙⭐️頂級韓國牛仔骨先用醬料醃好，加上肉質肥美，有入口即溶的美妙口感，絕對是encore之選⭐️頂級美國安格斯一口牛粒肉質肥美點燒都可口，店家還細心地將一粒一開二，牛快熟了反而更美味呢！⭐️牛脷薄切牛舌簡直是我的摯愛，爽脆彈牙的質地，愛死這種活潑的感覺⭐️金菇肥牛卷這個牛肉是一般牛肉，可以淺嘗當然除了牛肉之外我們還吃了很多其他餐點，由於太多不能盡錄😆咁抵食咁正，你哋自己去試吓啦😌

今日老公喺樂富做完野,等佢放工,就喺樂富商場搵下有乜好食,見到有間梨滿園韓國料理,我地都好耐無食過韓燒,就決定食呢間啦😄餐廳主打韓燒,任食燒烤放題每位188, 選擇都幾多,除左唔同種類嘅肉類,海鮮、飯、麵、湯、小食、雪糕同飲品，日式壽司同刺身都有,我地點咗兩份放題😄侍應姐姐先送上四款前菜，開開胃先☺️,牛肉係最愛,五款牛肉中,各有唔同嘅口感,牛肩肉煙靱爽口,頂級肥牛同牛仔骨都夠腍，牛仔骨醃得好好食😋海鮮都夠新鮮，大蝦同青口好大隻，大蝦有手掌咁大,大蝦肉質鮮甜爽口，帶子煎半熟，夠嫩滑😋黑豚腩肉肉質爽，夠咬口，可以包生菜一齊食，又唔太膩😋三文魚刺身肥美有油香😋最後，梗係要食埋雪糕啦，有芝麻、綠茶、朱古力同呍呢拿味選擇😋如果唔想食放題，餐廳都有二至六人餐選擇，款式配搭都幾多，我認為價錢都幾抵㗎☺️

之前一直有來吃飯，最近晚市改為放題，每位$188，非常吸引。豆腐辣湯原本是想喝湯暖胃，怎知道這湯味道很好，一喝就喝不停。豆腐很滑，海鮮料很多，有蜆和蝦，湯用牛肉煮的，又有鮮味，辣度不高。韓式蛋卷蛋皮很軟，不會很乾，裡面包了粉絲，粉絲有彈性，整個蛋卷一口吃下去，有不同口感，非常豐富。黑豚腩肉韓燒必食五花肉，這家餐廳選的肉片是帶點嚼勁的，適合燒得久一點，外層香脆，油脂分配均衡，用生菜包著，就可以解膩。

很久沒有去吃韓國燒烤😀 約咗屋企人喺邊樂富嗰邊食飯， 大家提議去吃韓國燒烤任食放題， 價錢親民， 已包括各式汽水， 烤肉，數款手卷，壽司刺身， 前菜， 天婦羅，小食， 甜品 等等。對我來說已很豐富～甜蝦壽司正正常常， 三文魚刺身也有驚喜， 新鮮肥美。泡菜爽脆美味， 唔會過酸或者過甜。 個生果沙律似乎太多沙律醬～ 還有一籃生菜和韓式麵豉醬，用來包著燒肉吃。燒肉方面選擇唔算多， 有幾款特選A＋ 韓牛嘅肉比較優質。 其中特別推介牛仔骨， 肉質燒完唔會韌， 醃味有傳統嘅韓式燒烤甜味， 好吃得要encore ❤️😋牛肩肉， 冇調味也吃出天然肉味。調咗味牛肉都唔錯。海鮮有四款， 只係試咗蝦， 帶子和魷魚， 質素尚可。反而熱食都有些驚喜。海帶湯熱辣辣即叫即做， 韓式炒粉絲比較油膩咗少少， 炸餃子超多餡， 香脆可口。 好想試佢哋嘅石頭鍋飯～ 可惜已經冇空間了😀甜品只有雪糕，近門口處自己舀。 但係實在雪得太硬～～ 唔夠力呀～～千辛萬苦 只片咗幾塊雪糕😅食物整體質素唔錯，又唔會好嘈好多人， 價錢中等，食得過👍