楊記麵家 (已結業)

10月27日17:40在新蒲崗吃過有水準的擔擔麵後，見胃納仍有空間，過海轉戰這店，要了少吃的鵝腸撈麵。麵底：鹼水味不重，不會偏淋，可收貨。鵝腸：爽脆，口感好。清湯：帶甜味，據說是加了羅漢果，可惜這種甜味，我不懂得欣賞。外面裝修醒目，內裡地方整潔、寬敞。最年輕的姐仔經常雲遊^m^以這價位，在這地區和環境，吃到這質素的撈麵，我絕對會再來。

食左碟牛肉蝦子撈麵, d 麵質都唔錯無皂鹼水味亦都幾爽. 蝦子幾香口, 牛肉算新鮮. 22蚊真係幾抵食. 會再幫襯.

掂! 真係掂!!!!!!沒想到久未嘗到真味的撈麵竟在灣仔重現! 真係掂! 坐下才知道這裡是沾仔記的第二線。蝦子牛肉撈麵, 貨真價實的蝦子, 有眼看!! 又多又香!! 牛肉又腍又滑, 三樣食品中最好味!!魚鬆鵝腸撈麵, 稍遜前者, 但味道已比其他地方好十倍都不止!! 三丸河, 最弱是這環, 魚蛋OK, 墨魚丸頗彈牙, 牛丸就非常一般。湯和撈麵的不一樣, 撈麵的湯較濃, 河粉的湯較淡。晚上加三元包飲品, 豆漿的味道都是一般...地方裝修不錯, 感覺乾淨, 招呼一般, 但一定再來。

難食到.......今晚買左個$18鵝腸撈面外賣返屋企吃.一打開,白哂哂,冇蠔油、冇沖花、加啤水鵝腸幾條,乜味都冇,失望.同中環個間鵝腸面差99條街,見10食評都話好,真係失望

灣仔咁多麵店，要突圍而出其實好難。今次試左蔡瀾都介紹既撈麵。講真個麵其實冇咩特別，不過值得一提既係佢個湯好鮮甜，有d似住家煲既粉葛湯，甜而冇乜味精。黑牛柏葉撈麵味道可以，不過黑牛柏葉外形幾得人驚，外國人見到實怕怕。大地魚撈麵好似一堆蒜頭放係麵上面，但係魚味欠奉。加$3有杯銀菊露，其他普通麵類如魚旦河等都係$14起，佢裝修得咁靚算幾抵食。

早聞沾仔記在灣仔建立其second line,名叫"楊記",同老店的大件夾抵食的風格不同,沒有反傳統的大大粒雲吞鯪魚球,而是用撈麵作主打.個人愛撈麵多過湯麵,覺得撈麵更能真正感受到麵條的個性.當然,吃撈麵可以大條道理下豬油,又是其中之一個主要原因.看見餐牌,撈麵有好幾種選擇,見到有味大地魚碎撈麵,挺新鮮的,就要一客,價錢只是$18.先嘗其另上的湯,有別其他麵店的撈麵湯,此店的湯比外面的多一份甘甜,這份甘甜,是來自羅漢果.大地魚撈麵賣相簡單,魚鬆份量不少,每一粒也鬆脆,充滿著大地魚本身的濃香,麵身本身沒有甚麼鹼水味,質感彈牙,單憑魚鬆的香味,連油也不用加,也迅速地吃到碟底朝天.沾仔記已多年過門不入,到今天仍不甚欣賞其雲吞,這間沾仔記的B Team,反而會令我在未來日子,再三光顧.

1.蝦子栢葉撈麵$22 ~ 黑栢葉切得好糼,蔥絲好多,麵沒有一陣皂水味,而湯底亦不是一般麵店的味精湯,幾濃魚香.2.蝦子牛肉撈粗麵$22 ~ 牛肉好厚又大塊,唔以平時茶餐廳果D"那"到鬆化.3.魚蛋河$14 ~ 魚蛋並不是潮洲魚蛋,是大大粒好假那種.河粉較平時的薄及幼.

2007年10月05日，楊記。走過門外，看到照片挺吸引，然後價錢也吸引，吃撈麵也只是18元。入店後有一陣陣魚腥（香？）味，如果像我的另一半一樣不吃魚的話，可能覺得不好受。叫了牛肉蝦子撈麵。對牛肉沒有太大的期望，但也算新鮮了，麵很幼也挺爽口彈牙，蝦子香，很不錯。最奇怪的是那碗湯，我從來都不喝的，像前幾天到安利吃撈麵送的湯，吃了一口都不再喝了，很鹹，都是味精水，但這裏的湯很熱，味道也很鮮，雖然沒有全喝掉（畢竟我不愛喝街外的湯），但已是我有生以來喝的最多的一個撈麵湯了。

食完大地魚土魷撈,原來加埋豉油,辣油同淅醋撈係非常好食,不果d麵好似豬油味太重,份量都好足夠,下次會試下魚蛋粉.

灣仔一向並非我尋吃的首選之地, 因為有太多選擇, 卻又沒有自己特別喜歡的. 某晚路過灣仔, 又要找吃的, 慣性地又要花點精神想想吃甚麼...結果再一次毫無頭緒, 但卻誤打誤撞下見到這家楊記麵家. 似乎上天對我也不賴.(或看不過眼吧, 哈哈)這裡是沾仔記的新品牌, 看裝修似是走較高檔的路線, 雖然餐牌上的選擇不多, 但價錢卻未算很貴, 一碟撈麵也只賣十八, 比想像仲要便宜.曾經於車品品吃過老闆娘的大地魚鬆豬油撈麵, 十分喜愛其強烈的個性, 見這裡有賣, 當然就要這個. 這裡雖然只賣$18, 但也是簡單直接的一碟撈麵, 且份量不大, 絕對不像車品品的那種豪華豐富, 當然了, 一分錢一分貨, 賣相也不例外. 論味道, 是可以的, 麵條夠爽而沒甚麼鹼水味, 魚鬆的份量不少, 其魚味甚至比車品品更強烈, 但有好有壞, 這裡的, 吃罷會有點輕微的苦澀, 整體上其魚鬆不及車品品的甘香及優雅....但只賣十八, 還可要求甚麼? 隨撈麵附送的上湯據說下了羅漢果去熬煮, 喝下去的確有點羅漢果的甘甜, 但喝多兩口就發覺師傅亦少不了, 便點到即止. 而他們賣的銀菊露反而不錯, 吃過麵後口乾喉凅來一杯, 清涼無

太座有約，今晚自己攪掂餐飯。醒起要去灣仔買D嘢，順便去食飯，點知就"一食不可收拾"...見到金鳳，就想外賣杯凍茶邊行邊飲；跟住就想過對面新景園食咖喱豬扒；又想過隔籬鹵八買鹵水鵝片...喂，淨係行過春園街之bor，已經想食咁多嘢 ?一笑....^_^行番出大路，見到呢間新麵店，好似薄有名氣，自己亦極愛吃乾撈，欣然幫襯...麵種類不多，一張紙寫晒。見大部份都係撈麵，極之happy...叫個蝦子牛肉撈。份量袖珍，賣二十二大洋，不可謂不貴...反正之後仲諗住食嘢，大件頭反而不妙呢...先嚟上湯。奇怪，顏色深深哋，嗅到有淡淡蝦殼味，跟出面嘅出品好唔同。呷一啖，師傅不多，仲好有家常湯feel添，奇怪....真係淨飲都ok wor...嗅一嗅，斷定係落咗D豬油，加分...咬一口麵，彈牙，但有少許鹼味未清，失色...牛肉完全喇到無晒味，唔使食....蝦籽份量足之餘，鹹香味夠，挽回不少面子....總括而言，都叫食得過嘅...下次淨係叫碗湯，唔知得唔得呢再上征途...

在灣仔軒尼詩道的楊記麵家是沾仔記老闆楊生新開的撈麵專門店。店子裝潢整潔舒適，但價錢實惠，撈麵亦只是$18至$22，但份量略少。推介魚香葉撈麵$22蝦子牛肉撈麵$22所謂魚香是用大地魚乾磨碎後鋪滿麵上，未入口經已甘香撲鼻，吃下亦相當香口。撈麵湯亦喝得出有大地魚、蝦米、豬骨和羅漢果的味道，湯味甘甜。

睇倒雜誌介紹特登黎試下,將近7點,都差唔多坐滿~因為唔知咩係黑牛柏葉所以試下,叫左個黑牛柏葉撈麵+凍豆漿,豆漿即刻就到,好耐冇飲過好味嘅豆漿喇~出面d豆漿好多時可能要顧及注重健康嘅趨勢而整到好淡,但對於我呢完全唔理健康與否嘅人,變相就會覺得太淡...不過呢度d豆漿好夠味又夠凍~正!再黎一個唔知咩湯,好奇怪,我唔係好鍾意個湯嗰陣味,但係飲左一啖之後唔知點解停唔倒口...= =個撈麵嚟到我第一件事就係試個牛柏葉先,冇乜味同有d "un",d麵仍然有少許鹼水味,但係好似落左d麻油,撈埋d蔥一齊食都好香~同埋喺出面食麵通常都係一抽麵纏住晒,好似要你一啖食晒成碗麵咁,而呢度d麵就冇咁嘅情況,值得一讚!

10/8(五) 3pm & 18/8(六) 1:30pm八號波懸掛的下午,欲乘巴士過海,驚現那條沒尾的人龍,旋即飛奔向地鐵站去.人算不如天算,地面人山人海的情況實在壯觀非常!既然硬闖不果,乾脆覓個地方找點吃的.路過"楊記",毫不猶豫走進內,坐於硬木卡座,點了大地魚香黑栢葉撈麵$22.不消5分鐘,撈麵被端上.魚子舖滿面,光是賣相已感吸引!先品柏葉;柏葉細緻爽口,唯味稍淡口.撈麵幼身爽中帶彈性,全沒梘水味,而大地魚碎相當香口,份量慷慨.此外,羅漢果清湯真材實料,火侯足,味道清甜,比一般湯底能並駕.正正以為自己發現好一個新大陸;於週六進攻食展前相約男友嚐其蝦子撈.滿以為蝦子撈會比魚香撈更無懈可擊,怎料水準如此低劣.撈麵帶梘水味,蝦子失香,黏著肥膏的鵝腸則欠鮮.與此同時,亦要了三寶河$20.魚蛋3粒,墨丸牛丸各兩粒;眾丸中,以牛丸最為上乘,爽口之餘不失牛味.河粉入口也頗薄滑.水準飄忽迴異的麵店!

嗰日去灣仔駱克道街市打完波,行過見到呢間楊記,就入去試吓.幾個人,一人試D.我食咗大地魚香+蝦子撈麵,D湯好香,d大地魚香+蝦子好野味.而且好平好抵,廿蚊左右,大大碟,其他地方起碼要三十幾.重以為質數會低d,點知勁好味,surprise!! 我d friends食咗黑柏葉同魷魚,好爽,好脆,好新鮮,好好味.環境方面,好乾淨,座位唔迫.一定再幫襯.