榮哥煮場 (已結業)

好味 #午餐 分享 ~ 酸菜魚煲餐榮哥煮場Wing Gor Chef旺角出完job，做到成兩點先至食午餐， 經過山東街見到榮哥煮場餐廳，以無味精出品吸引了我😋~二人套餐特價 $268套餐都好抵食，有四個煲類揀一款， 小菜選擇一款，小菜都有好多款啊👍前菜蒜蓉雲耳，好靚嘅貓耳朵，香辣好味又醒胃，都幾大碟啊😄招牌酸菜魚煲熱辣辣，很大鍋，大大件的魚塊，厚肉爽口，無骨淡淡肉😋很多鹹酸菜，芽菜，大蔥，辣椒野味，酸酸甜甜辣辣，味道很有層次，好味😋小菜酸甜藍莓骨之前未食過呢種味道，原來用 藍莓做醬煮咁好食👍😋淮山麵原本係包兩碗飯，我換了一碗淮山麵，很不錯很彈牙甜品楊枝甘露，不太甜，又多料，一餐裏面有埋甜品真係完美😋👍268/2人旺角山東街55號地舖

🍽榮哥煮場 (旺角)📍旺角山東街55號地舖🌟濃湯雞煲翅二人套餐1. 濃湯雞煲翅 （足6兩）🐣魚翅的份量真係好足料，質地一梳梳，好有口感。餐廳選用既黃油雞好有雞味，好入味，份量比想像中多，個人認為真係好超值。佢地主打湯底唔落味精，湯底清甜，唔會覺得口渴。2. 酸甜藍梅骨🫐藍梅既分量真係好足夠，每一粒排骨都被藍梅好均勻咁包住，味道酸酸甜甜，好開胃。佢地既排骨既肉比較多，啖啖肉，好滿足。3. 煤炭飯🍚外觀黑色一個一個窿嘅煤炭飯，好特別好吸引。食落去有少少提子乾，加埋紫米飯，感覺幾得意幾特別。4.雪梨雪耳糖水🥣天氣轉涼，是日糖水係雪梨雪耳，真係好滋潤。佢嘅味道有淡淡的甜味，雪梨個味道好出，佢仲落咗好多雪耳，好滋潤，好窩心。環境：💛💛💛🤍🤍3/5衛生：💛💛💛💛🤍4/5食物：💛💛💛💛💛5/5價錢：💛💛💛💛🤍4/5 ($368/2=196💰）

突然好想食家常小菜，朋友推介呢間位於旺角嘅中菜館，舖頭雖小但五臟俱全，整體環境乾淨企理，食物款式都幾多元化，仲要強調係冇味精嘅，健康又好味，絕對值得一試☺️酸甜藍莓骨煤炭飯都係第一次見🙈 排骨香脆可口，肉質軟嫩，味道酸甜十分開胃，煤炭飯口感軟糯，裏面仲有粒粒提子乾，幾有驚喜🫐 勝瓜番茄帶子米線都唔錯，配料滿滿，米線軟硬度適中，簡單又健康🤤小食方面都有好多選擇，脆皮牛腩超級創新🤣 外皮炸至酥脆，牛腩炆得勁腍，啖啖肉好滿足😍 手撕茄子細細碟，味道鮮甜，調味適中，作為開胃前菜就perfect啦～ 估唔到呢度仲有甜品！唔使專登走多轉去甜品舖食😆 楊枝甘露好有水準，香甜可口，入口順滑，絕對比得上出邊賣好貴嘅小店🤪 雪梨燉雪耳滋潤解渴，飲完之後暖笠笠～ 最後要埋檸檬薏米水同凍豆漿，兩款都好正，甜度適中，感覺更加健康🥺

最近天氣真係凍左好多， 好想食番d 暖笠笠既野 榮哥煮場最近出左d 二人餐， 睇落除左價錢吸引之外，食物嘅種類選擇都好吸引。 二人套餐就揀咗個濃湯花膠雞煲，花膠嘅份量都算好多， 目測有十幾塊，而且識落都算厚身， 每一塊都食到滿滿嘅膠原蛋白感覺😝 ， 雞件都幾嫩滑， 唔會碎濕濕。 小食方面，就揀左個陳醋雲耳，食落好爽口，水準都係正常發揮。小菜方面：黑松露煎肉餅， 中西合璧既小菜， 食落黑松露味都幾濃郁，而且唔會好油， 肉餅就肥瘦均勻，煎得好香口， 值得一試

天氣突然凍左好多，最適合食返d暖粒粒既小菜或煲🤔今日行經波鞋街發現呢間既餐牌上有好吸引既煲，入面都坐滿晒人，撞一撞彩希望唔洗等位🤩因為本身都想食煲，第一眼就見到胡椒豬肚雞煲，佢個餐好抵🤤$268有一個煲，仲有小菜，白飯，糖水👍🏻而且仲有前菜，涼拌雲耳，大大碟，酸酸地好開胃。個煲連爐上，keep住暖笠笠，個煲都幾大個，雞同豬肚都好多呀！識食第一啖一定要試湯🤩味道真係好濃，胡椒既少少辣味好正。雞肉好嫩滑而且好入味👍🏻啖啖肉，皮夠薄。之後豬肚連湯食，真係煲到好林，豬肚入晒味。酸菜煮豬頸肉酸菜同豬頸肉既份量都唔少，呢個湯都好入味呀，撈飯一流☺️加上個湯同酸菜都唔太辣，岩晒香港人口味。楊枝甘露最後仲有糖水添🥰楊枝甘露好滑，唔會太甜，仲有爆爆珠，口感好正。

上個星期，朋友帶我去食好西🤤🤤花膠雞煲，之前試過呢間既米線，記得係好唔錯，估唔到呢度原來仲有花膠雞煲食☺️☺️二人套餐有四款煲可以揀，包括酸菜魚、藥膳黃酒雞煲、花膠雞煲、胡椒豬肚雞煲！仲可以揀一款小菜、兩碗白飯加兩碗糖水，非常經濟實惠😍😍湯底我哋揀左超多骨膠原既花膠雞煲🥰花膠份量超多，用料十足，絕不手軟👍👍而且雞煲湯底鮮甜無味精，好好飲😋至於小菜我哋揀左椒鹽雞中翼☺️呢個都非常推薦俾大家🙌因為實在係好食啦🤤🤤佢哋雞翼做到外皮勁鬆脆，而且充滿椒鹽香味，最重要係佢熟透之餘，肉夠嫩，而又非常juice,令人食落非常滋味😋😍而且超級大隻👍佢地仲送左兩碗楊枝甘露，食到飽飽臨尾仲有碗糖水，真係好🈵️足🤤🤤下次要再食🫣因為佢哋仲有魚翅雞煲📌 榮哥煮場 (旺角)旺角山東街55號地舖#榮哥煮場 #旺角榮哥 #花膠雞煲 #經濟實惠 #二人套餐 #美食推薦 #旺角美食 #山東街 #mkfood #yummy #foodie #foodiehk

唔使煩系列, 全日都有供應既二人套餐 (包一個煲, 一款小菜, 一碟前菜, 白飯同甜品兩碗。)煲都有4款選擇, 有酸菜魚煲, 藥膳黃酒雞煲, 濃湯花膠雞煲, 仲有胡椒豬肚雞煲。樣樣都好吸引, 最後叫左濃湯花膠雞煲同酸菜煮豬頸肉。前菜係一碟涼拌雲耳, 好開胃。 濃湯花膠雞煲女仔都好難抗拒到呢個配搭, 一聽就好補。識食一定係飲啖湯先, 原汁原味冇味精,湯入面既雞都好嫩滑。 酸菜煮豬頸肉份量都唔少架, 酸菜夠酸, 豬頸肉好滑唔硬。最尾仲有兩碗甜品- 楊枝甘露完全大滿足～舖內環境乾淨舒服，位置都好易搵 係地鐵站附近

同朋友喺旺角行街，又係差唔多食晚飯嘅時候🤪 見到呢一間榮哥主場 裝修睇嚟幾靚，價錢又不貴，一於入去試吓！佢有好多小菜同埋二人套餐選擇，我哋唔想諗就梗係揀二人套餐啦~😆其實二人都好多款主菜可以揀，價錢都係二百幾蚊起，已經有前菜、一款煲、一款小菜、白飯 同甜品，好豐富呢⭐️首先送上前菜 冷盤 麻將四季豆 四季豆好爽脆 配上濃厚麻醬，非常開胃❤️招牌酸菜魚我同朋友都鍾意食酸辣嘢，一於試吓呢個魚😍大大煲 分量十足 下邊仲有個火熱住佢，冬天食呢個真係暖心❤️ 魚塊厚薄均匀，好彈牙 湯底有芽菜、雲耳等等 唔會太辣 食得都幾過癮🤪小菜要了白灼牛肩胛呢個真係有驚喜！ 份量十足～切得薄的牛肩胛和蔥絲一齊食，又滑又嫩😋二人餐附送兩碗白飯，我就再加咗$12要米線🍜，米線彈牙 大大碗好好食～😁最後送上甜品 楊枝甘露 有好多芒果同爆珠 口感豐富 冰涼又好吃😘

前幾日嚟咗旺角呢間家常小菜食晚飯😋又幾有驚喜🥳//🫕二人套餐C$268呢款套餐包咗一個前菜、雞煲、小菜、兩碗白飯同楊枝甘露🥰全日供應仲好抵食添🫶🏼 如果唔想要白飯可以一位加$12轉一碗米線/淮山面/烏冬/煤炭飯🤓或者兩個飯唔要免費轉一碗米線/淮山面/烏冬/炭飯，少飯都ok㗎😽🐔濃湯花膠雞煲我哋叫咗呢個C餐係花膠雞😻煲滾起之後第一啖梗係飲湯先🙈超香濃嘅雞味❣️清清甜甜撈飯一流啊🤩花膠同雞嘅份量夠曬兩個人食~而且雞肉嫩滑好好味🤤🐮白灼牛肩胛呢個小菜都好有驚喜😎個名聽落以為白灼好普通🙊個上枱顏色已經好吸引，份量仲好多🤭食落牛味幾香，加埋芽菜食🫣口感十足💕🥭楊枝甘露芒果鮮甜😍仲有好多西米露💘食落細滑又夠香，真係好滿足啊😭

約了朋友在旺角睇戲， 戲院凍冰冰， 外面落著毛毛雨， 很想吃點熱辣辣的湯鍋。 朋友帶我嚟到榮哥煮場， 二人餐很抵吃， 選一個雞煲或魚煲， 再可以選一款小菜， 還有小吃 和淮山麵。濃湯花膠雞煲花膠的份量比想像中多很多， 花膠質地算是厚肉， 大約都有十幾片， 質地是黏黏的 很滋補的感覺 。雞肉鹹香有雞味， 份量比想像中多，覺得很超值， 湯底清甜不口渴， 果然是主打沒有味精的餐館。白灼牛肩胛牛肉嫩滑肥瘦均勻， 牛肉味道突出， 嫩嫩滑滑點上辣椒豉油更好吃，鋪底的爽口芽菜，更是精華所在， 吸收了牛肉汁精華。涼拌小木耳，套餐的小木耳 就像貓耳朵， 爽口脆身 。 酸辣辣 的而且有蒜蓉的味道， 是個開胃的前菜。濃湯淮山麵， 套餐還可以選白飯 或者烏冬， 這天我們想試試淮山麵， 原來都幾好吃的， 很爽口而且吸收了濃湯精華特別美味。爆珠楊枝甘露最後還贈送了兩碗楊枝甘露， 味道不太甜， 有芒果、 西柚肉、 西米 ，最特別就是加了芒果爆珠， 真的是大滿足。

早左收工食飯，見有個二人套餐$268全日供應，有煲物、小菜又有埋飯後糖水幾吸引😗前菜揀左木耳，正路野。酸甜藍莓骨咕嚕骨嘅變奏版，份量比想像中多！堆到一座小山丘咁。味道係預期之中嘅酸酸甜甜，冇咕嚕骨咁濃味。炸得幾好脆身唔硬👍🏻啲汁都啱啱好包裏住排骨。餐牌有個「咖啡骨」都好令人好奇係咩味🤤濃湯花膠雞煲雞煲跟爐上枱，可以煲滾左先飲湯。花膠都有6、7塊，幾滑身又唔腥。雞肉有髀位有胸位，點埋辣椒豉油食都送到飯😋楊枝甘露重奶味好啱我哋口味。幾中意佢加左小小爆珠多個口感。

行完星際揾間小店醫肚，經過「榮哥煮場」見佢有二人套餐幾抵食就一於試吓。餐廳面積不大，裝潢都係普普通通，但原來食物有質素超出預期😍二人餐叫左有👍🏻嘅套餐C濃湯花膠雞煲 $268，套餐包括雞煲，一個前菜，一個小菜，2碗白飯（或一碗烏冬/米線/淮山麵），2個甜品（楊枝甘露）🍲濃湯花膠雞煲雞煲用爐具盛載，確保温度keep住滾熱辣👍🏻花膠份量唔算少有口感，雞好有雞味，而且肉質勁鮮嫩，個湯底係用雞殼熬製，超濃郁嘅雞湯味，絕對係有誠意之作，非常好味！ 跟餐嘅烏冬🍜都唔可以睇少，雖然唔係贊崎烏冬唔算好煙韌，但個湯底係魚湯勁鮮甜，就咁食個齋烏冬都非常正👍🏻🥒金銀蒜蒸勝瓜勝瓜嘅外皮切得好徹底，淨番嘅係中心最嫩嘅部分，金銀蒜做得好香，咸味適中，蒸嘅時間啱啱好，加上豉油後再讚熟油。碟餸看似簡單，但要做得好食其實唔簡單，抵讚。🍧楊枝甘露個甜品中規中矩，有芒果味質感都唔錯。冇用西柚肉而以芒果爆珠代替幾得意。總結：雞煲果然係推介菜式，雞湯濃郁雞肉鮮嫩，花膠亦好好食有質感。整體用餐體驗超乎預期，值得推薦👍🏻食物：❇️❇️❇️❇️環境：❇️❇️❇️❇️服務：❇️❇️❇️❇️價錢：❇️❇️❇️❇️翻兜指數：❇️❇️❇️❇️

榮哥煮場 (旺角)📍旺角山東街55號地舖🍂最近開始有返啲秋意，所以今晚揀咗間有湯飲嘅餐廳食晚飯順便補一補🤭🍲我地揀左個全日供應嘅＄268二人套餐，包括左一款砂鍋，一份前菜，小菜，飯/麵，同甜品。配搭都幾多元化，2個飯如果唔想要可以每位加12元轉一碗 米線，淮山面，烏冬或者煤炭飯。再唔係兩個飯唔要免費轉一碗米線，淮山面，烏冬，炭飯都得！🍲 套餐C：例牌濃湯花膠雞煲 配烏冬砂鍋有火爐保溫，所以全程都係熱辣辣！濃湯充滿住雞油，精華完全注入濃湯之中，超好飲！我地好快就飲晒！雞肉好嫩又鮮，食材新鮮。花膠份量亦唔吝嗇，補一補骨膠原就最岩！🥬金銀蒜蒸勝瓜金銀蒜鋪滿勝瓜面，勝瓜皮亦好乾淨咁批晒，十分惹味！🍮 楊枝甘露加埋個甜品就完滿！ 楊枝甘露芒果味重又creamy,勝在唔甜👍🏻👍🏻

經過見到呢間幾多人又幾健康咁，叫左個二人套餐C 濃湯花膠雞配粟米斑塊$268，跟餐有兩碗白飯同甜品，兩碗白飯好大碗，兩個女仔會食唔曬🤣前菜仲有碟雲耳配一個酸酸辣辣地嘅汁，好開胃~雞同花膠都好多，好抵食，花膠好琳又有啲彈性甘好好食，仲好岩女仔可以養顏！雞都好滑，同雞湯一齊食好滿足😋.粟米斑塊估唔到甘大份，外皮炸得幾脆，粟米汁夠多，斑塊唔會乾身，外脆內軟又多汁，絕對好食過茶餐廳個啲🫢最後加左$38嘅濃湯時蔬，當日係菜心再加左啲雲耳，菜心非常嫩滑新鮮，仲有炸過嘅蒜頭令濃湯味道upup，非常中意，呢個價錢好食過茶樓個啲好多😤.甜品嘅楊枝甘露都好出色唔係求其整，有我中意嘅爆珠，加分🤣所有野都好好，會再黎！

最近天氣凍左好多，真係要試試啲熱嘢暖下個胃🥹女仔養生識食就肯定揀花膠雞☺️☺️最後揀左旺角呢間榮哥煮場試一下，佢可以單點都可以選二人套餐，套餐係一個前菜+一個煲+一份小菜+兩個白飯（+12可以轉淮山麵）+2份是日甜品🍮前菜涼拌雲耳+麻醬四季豆酸酸的雲耳作為前菜係一流😗完全係開胃俾我好好食雞煲😍麻醬四季豆都係，佢既四季豆好爽，配埋醬料都係開胃一流👍濃湯雞煲翅 💰368湯鍋同埋爐一齊上，翅同埋雞係分開蝶上，防止煲爛啲翅，等差唔多既時候再放入去，可以保持雞既嫩滑同埋翅既完整☺️雞湯火滾之後放料，差唔多既時間就可以熄火啦☺️即刻裝碗湯飲下，好好味😋濃湯花膠雞💰268同樣係雞既湯煲，但係同雞煲翅真係唔一樣味道😆呢個花膠雞就會再味道重啲，花膠既味道融入湯裡面，佢既黃油雞都係好嫩滑，完全都唔洗點豉油都夠晒味道😍白灼牛肩胛😏呢個真係不得不讚，估唔到佢咁好味，首先係佢牛肉味十足！佢既醬汁好特別，唔知點解有食火鍋牛肉既味道☺️☺️而且份量十足，好滿足是日甜品-楊枝甘露甜品都好唔錯，有芒果🥭肉+爆汁西米，係最後食飯即刻解膩，絕配😌今次真係食得好滿足，雞湯養生滋補，小菜甜品都好岩我心水😆