榮記粉麵

營業中

休息中

腩汁車仔麵, 有好多配料可以揀. 我每次都會叫蘿白..炆得好甜又不會太硬, 啱啱好豬大腸都好食,唔會有陣臭味再加埋鹵得好入味嘅鹵水雞翼尖...一流40幾蚊碗算係可接受. 另外再加咗碗腐乳通菜, 個醬好食!

水準一直平平，伙記態度爆惡劣，😡😡😡😤😤😤😤根本付款討罵，只無奈銅鑼灣無車仔麵，偶爾忍受一下光顧幾日前去，竟然被罵之餘， 伙記將湯淋到購物袋，新大衣報銷！😡😡😡😡😡😡😡😡😡😡😡😡😡😡😡😡伙記當然當無件事，老闆當聽唔到，實在建議不要再去， 日前在時代廣場附近搵到一檔非常不錯既車仔麵，終於不用再忍受

果日過海去銅鑼灣行街買衫，無意中見到呢間粉麵店門口有條小人龍，望真啲係我最鍾意嘅車仔麵，見有人龍排隊應該叫做幾好食心啦，排咗一陣就到我入座，我叫咗配大雜麵，叫做咩餸都有啲，落單後好快就上枱了，湯底好深色，原來每碗都加咗腩汁，入面有豬肚，豬紅，蘿蔔，牛丸，魚旦等等，粉麵我選了油麵，湯底好濃好重味，掛麵都唔錯，麵身爽口帶少少彈牙，豬紅非常嫩滑，蘿蔔好腍身，而豬肚都腍好入味，其實整體都唔錯，係貴咗少少，但味道都叫有水準，間唔中會再嚟食

呢排惹起咗食車仔麵的癮，周圍去食車仔麵，不過食來食去都係榮記最好食。榮記係我自讀書時期，最喜歡的車仔麵店，這裡的湯底特別濃郁，係我食過最濃的腩汁湯底，另外，呢度的餸全是以腩汁煮成，所以好入味，而且入味得來唔會太諗，必食推介有墨魚頭，牛根和豬大腸。蘿白亦都唔會太諗，索晒D湯底真係好正呀。另外，除咗車仔麵之外，淨雞翼尖和淨菜都係我既推介。

好久前就想食，今次終於有空過海來食。可以三餸或者四餸，仲有幾種麵可以選。叫咗牛腩+牛肚+蘿蔔+粗麵，蘿蔔吸足了腩汁，好好味啊 牛腩和牛肚都幾好，但同蘿蔔比就冇咁出彩。下次路過還會來！

又黎左最愛既榮記，食過咁多車仔麵始終覺得榮記最好食。就算每次都要排隊都會想食！今次叫左三餸河粉，冬菇，魚腐同必食既牛肚。冬菇係乾冬菇然後用醬汁煮過，非常入味，而且好淋。魚腐亦唔會好油，而且比一般既魚腐大舊。重點係個牛肚，每次都會叫，非常入味都好淋。麵底方面一定要揀河粉，咁先可以索哂d又香又濃既腩汁湯！叫埋支樽裝可樂真係爽！但係呢道都有出名小店既通病，夥記態度真係麻麻，有小小趕客，唔想比人鬧就諗定食咩唔好揀咁耐，食完就好快d走啦！

Don’t expect service, clean tables or a pleasant sitting environment. However, if you want a bowl of hearty authentic HK noodles, this is the place to be. Soup base is flavourful, the noodles are al dente and portions are large. Toppings are customizable and perfect!

榮記車仔麵，我細細個就識食，一年食十幾次ka! 聽屋企人話佢地係皇室堡後面巷仔起家，做下做下就做到糖街地鋪，然後又開多間係渣甸街，我貪另外個間新淨d多d位，呢幾年都無咩點去呢間。有日適逢渣甸街休息，就行多幾步過來食。分店開得近就係有呢個好處。去榮記，必食一定係豬血蘿蔔雞尖所以每次落order一定係咁開頭：“豬血，蘿蔔，雞尖， ... ，...”每次個5餸quota都畀呢3個主角霸住哂，哈哈哈，鬼叫佢地好食咩~呢度ge豬血屬嫩滑ge口感，以前有時會係另一種黏牙ge口感，仲好味，最緊要千祈唔好係一咬就碎個隻就ok。蘿蔔！超甜蘿蔔！好食到叫兩份餸都係蘿蔔都可以，好食又唔guilty (同豬大腸比較XD)識食雞尖的朋友肯定要試試，榮記ge雞尖煮得入味但不爛，香甜ge滷水汁入哂味，同無渣ge蘿蔔一樣永！無！失！手！冬菇同豬大腸，滷得好夠味，都係我成日會揀ge餸。但係我覺得某店員有一種莫明ge壞態度，我又唔係嗌少過最低消費，亦無選擇困難咁落order，都唔知佢不爽緊咩喎 . _ .加上呢邊湯底無咁濃，咁比較下，我會繼續去番渣甸街榮記，唔洗睇面色又好味d!

第一次黎榮記都起碼7年前既事以前係朋友帶我黎食但當時我覺得好普通唔覺得話特別好食但上年暑假開始一行完山就一定要黎榮記食番碗車仔麵㗎啦榮記用既腩汁湯底係最令我著迷既夠哂惹味又帶點少少辣成個湯底簡直係一流每次食我都會叫牛肚再另外撘其他餸而友人就每次都叫牛筋再另外撘其他餸今次我哋就大家都要魚皮餃佢d牛肚唔係金錢肚只係草肚但草肚好食過金錢肚好多金錢肚既份量亦都足夠只係魚皮餃既份量少d得兩粒出面既牛筋我唔太點食但榮記既牛筋我就好鐘意食所以都偷咗友人一兩舊牛筋黎食平時點解唔食牛筋我係厭佢冇咩味但榮記既牛筋唔韌得黎d牛筋索咗佢湯底d味所以勁好食一個女仔一碗其實個份量都啱啱好㗎啦.仲要30幾蚊一碗高質車仔麵真係唔錯

好耐冇食車仔麵, 朋友話呢間嘅滷齋好正, 就係噉睇完戲朋友帶咗我嚟呢間。四餸一麵 ($45)滷水大腸 ~ 勁香香滷汁, 大腸滷得又腍又入味, 大腸冇押味, 有層層的圈圈, 肥膏唔太多, 香腍肥美, 好食。牛腩 ~牛腩幾乎全瘦, 有點嚡口咁啦。牛筋 ~ 滷得香口, 又腍滑, 正。滷齋 ~ 朋友所謂好味啲滷齋原來是滷水麵筋, 柔柔滑滑, 有少許咬口ok 的。通菜 ~ 又翠綠又嫩口, 附送的, 有誠意。粗麵 ~ 粗麵爽彈有咬口, 好食。正宗圈圈豬大腸, 香腍肥美

去開銅鑼灣我都會抽空去排下隊食個車仔麵，點解呢？就是因為好味咁簡單，蘿蔔，豬腸，豬皮都非常入味，再加腩汁通菜，又怎麼捨得不坐低。我們大家不約而同地點了豬粉腸，分別不同的只是我點了豬皮而對方點了豬紅，粉腸不會韌，啃口適中，豬皮吸收了濃厚腩汁，看見已經流口水了通菜不配腐乳配腩汁，腐乳味道較咸和太搶味，所以另類選擇也是有原因的上枱快，20分鐘已經食完，不是新開打卡店人流流轉這麼快仍然要排隊等食，那它的口碑一定經歷個磨練

銅鑼灣榮記食了差不多十多年，由糖街一間分店至今，曾經也出現三間分店，現在只有兩間，另一間在渣甸街，但近年來都很少去糖街，不是它味道不好，而是怕了被老闆店員鬧，服務態度的確差，但要我不能捨棄是它的獨一無二的牛腩湯底，每隔一段時間都總會專誠去銅鑼灣品嚐一番。今日同樣地去了渣甸街分店，卻收到一個消息....就是渣甸街分店將會結業☹️不知真定假☹️講返嘢食，我點了牛腩豬腸墨魚頭油麵，牛腩湯依舊香濃，是沒有一間車仔麵令我佩服的湯底，牛腩夠焾，豬腸無臭味只有鮮味，蜜月猴爽口彈牙，好食👍🏻如果渣甸街分店真的要結業，我以後就迫於無奈到糖街分店食了😭去糖街分店真的很有壓力，隨時隨地會畀人鬧，希望這個消息是錯就好了。

耐唔耐都會想食榮記嘅車仔麵。喺銅鑼灣依個地區來講絕對係平靚正之選。雖然食飯時間都幾多人，但係其實等大概10分鐘左右都入得。今次叫咗豬頸肉，魚肉春卷，雞翼尖粗麵，另外同朋友share左蘿蔔豬紅。豬頸肉好爽口，大大塊。雞翼尖亦係人氣之選，好多人都會就咁叫一碟雞翼尖食，所以大家不妨試吓。魚肉春卷係朋友介紹嘅，都唔錯。湯底係車仔麵嘅靈魂，加入腩汁又香又濃。反而個麵煮得淋左啲，下次試吓米線先。蘿蔔好林，好清甜。豬紅好滑，一啲都唔腥。

車仔麵係好多香港人嘅至愛，有得自己揀餸揀麵揀汁，價錢經濟實惠！榮記就係我其中一間心水車仔麵鋪難得今晚七點唔洗等位，即刻有得坐，order完五分鐘唔洗兩碗散發住香噴噴腩汁嘅車仔麵就端到面前。我就叫左雙拼麵，豬頸肉垪春卷春卷並唔係茶樓脆口嗰啲，而係淋淋地食落口索哂腩汁同湯嘅，係去榮記必嗌嘅餸之一！友人嗌嘅係三餸麵，魷魚配春卷配蘿蔔，再加埋榮誸辣椒醬，味道昇華到另一境界不過提提大家，個辣醬落少少就已經好夠辣，所以記住輕手啲試下先呀

榮記粉麵係我同其中一個朋友的老食店。我地大家都好鍾意點叫呢間牛腩蘿白油麵。當初係佢向我推荐呢間食店，亦都係佢推荐我呢個餸菜。我地大家一致好評牛腩蘿白油麵。佢D牛腩不靭，蘿白清甜，配搭埋我鍾意食的油麵。不過今次去食，我嫌牛腩提供件數不夠多。如果可以添加多1-2件更好了！剩叫牛腩蘿白油麵只係$33，以係銅鑼灣飲食消費頗高地區黎講，能夠食到呢類平民價錢，食物質素又唔差，認真抵食！怪唔之得食店外長期排了短短人龍，有咁多棒場客啦！