榮記粉麵

營業中

休息中

銅鑼灣既車仔麵一定係榮記，冇得輸呀！💪🏾佢既墨魚頭係會上引既，係好淋但少少爽既，唔會似咬香口膠！究竟係點樣煮到佢啱啱好，一啲都唔老，但又入味架呢？本人對較冇咁鐘意單點墨魚頭，因為我覺得二隻汁都太濃。車仔麵上既就啱啱好！😍佢既雞奕尖都好出名，但本人都係忠情佢既墨魚頭。Btw! 銅鑼灣係有2間榮記既，我鐘意lee 間多d因為1 location 方便d2 waiter 態度好d d 3 佢比我叫三餸既其中2餸都係墨魚頭🤣🤣🤣

銅鑼灣有咩係又平又好味？就係車仔麵啦😂自從5年前有fd帶過我去食榮記之後就成為我差唔多每次去銅鑼灣都必食之選每次去到榮記出面都有一條人龍係到排緊，但等位嘅時間就唔會好長，因為d人食完就即走～榮記入面好多餸都好好食！我係覺得大家亂叫都得😂腩汁係必定要加既，辣醬佢係要加2蚊，個人覺得加唔加都冇乜所謂，因為湯底已經好有味，而佢既辣醬係偏重咖喱味既，而辣度又唔係話好辣咁～個人好鍾意係濃味好入味既嘢，豬大腸、豬紅、蘿蔔、雞翼尖、齋都係我至愛！（齋會索曬湯底個味冇得頂）我通常會叫河粉，係幼同薄既河粉，好吸味～Ps. 豬大腸好入味好「林」，完全唔會有腥味，佢都洗得好乾淨，即使平時唔食既人我覺得都要試下佢呀！

細數出名既車仔麵，銅鑼灣呢間♥榮記♥一定係其中之一！另一間分店都係銅鑼灣，同樣出色。每次夜晚去到，又係一定要排隊，座無虛席，有一個位都會入一個人，間鋪永遠都係無位淨。雙併 河粉 豬紅魚皮餃 $34每次黎呢間車仔麵都一定會叫豬紅，真係好好食！佢同出面食既豬紅非常唔同，佢係好淋身，好似啫哩咁😂佢唔會係一粒磚咁，佢亦都唔會有豬紅有時會有既一陣怪味出現。而佢嘅口感同佢個質感一樣都係好似食緊啫喱咁，當你配埋佢啲湯一齊飲一齊食嘅時候呢舊豬紅真係好好食！而佢既魚皮餃都好好味，佢出邊塊皮唔係好厚，雖然口感方面就一般般，但係佢入邊個餡係好食既。榮記車仔麵另一樣令我最鍾意嘅地方就係佢既湯底！真係超好飲，我每次去食我都會飲晒啲湯，又唔知大家有冇佢個湯入邊會有冬菜，我係好鍾意食冬菜架，所以佢連埋湯一齊飲呢真係好好食～雙併 米線 蘿白牛腩 $34唔知大家係出邊食蘿白會食到一陣蘿白嘅苦澀嘅味道呢？我個人來講就真係好唔鍾意呢種味，但係榮記佢嘅蘿白係冇呢種味，而且而且佢嘅蘿白仲係好甜，甜得黎佢仲同個湯底好入味！反而佢嘅牛腩就冇咩特別，牛腩味唔係太重，反而我覺得個湯仲重味過啲牛腩，不過佢嘅牛腩都係好林，好易咬！招牌雞翼

經開銅鑼灣 唔想食啲貴價唔飽既西餐 所以揀左去食好耐無食既車仔麵 榮記唔駛多講 咁出名係有原因既 湯底濃 配料選擇多又入味！同男朋友一人嗌左一碗再加個腐乳通菜😋今次個人推薦配料 大腸 蘿蔔 豆卜！大腸鹵得超入味 蘿蔔鮮甜加又係勁入味 豆卜係真係好重豆腐味同口感 第一次食豆卜係feel到有豆腐！下次試埋其他配料再推介😆

好細個已經食佢哋嘅車仔麵，咁多年來水準一樣係咁好，味道冇變過！湯底正、豬紅好食到不得了，根本喺其他地方食唔到咁滑、牛肚非常淋又入味、牛丸真材實料、蘿蔔甜嘅、墨魚頭夠鮮味..... 仲有其他餸都好出色！不過冬天食仲正，因為用西洋菜底，啖湯都甜啲！

今日同朋友難得黎到銅鑼灣，就去咗榮記食車仔麵。記得好耐之前食過一次感覺ok, 所以就想再encore! 今次我叫咗個細招牌雜，唔想諗食乜碗招牌雜有牛肚，豬皮，丸，通菜同蘿白。蘿白好入味，而且好甜魚蛋有魚味，但唔夠彈牙，有小小失色。其他配菜都正常水準。雖然個湯底夠濃味，但個人覺得偏鹹，食完都幾口渴。至於朋友就唔太餓，只係簡單叫咗個豬頸肉米線，朋友話豬頸肉太啉，無乜咬口，佢自己食得清，就覺得湯底太鹹，所以佢對榮記評分麻麻。

經常見到朋友一有空就到這裏吃車仔麵，好粉麵的我一直未有機會就到時間來試。今日終於剛好午餐時間在附近而排隊的人又不算太多。.由於是繁忙時間，門口已經有一條人龍，店員在入座前已幫我們下了單，認真高效率。再三叮嚀要另加辣汁，因為明白辣汁永遠是車仔麵的精髓。..我點了最傳統的車仔麵餸：豬紅、紅腸、蘿蔔、牛肚、河粉。<br>蘿蔔：出乎意外地入味，絕對不是草草用水煮熟便算了那種，而是完完全全吸收了濃湯的精華<br>牛肚：不錯、雖然不是專門做牛腩牛雜之店，這個質素可謂令人滿意<br>紅腸：純粹是本人是日情意結<br>豬紅：竟然是失望之作，食落有鯹味、不能不點辣汁吃<br>..朋友就點了魚皮餃、墨魚丸、美味齋、雲吞、河粉。我試了美味齋<br>美味齋：本身在車仔x之家最喜歡的是酸齋，可惜可能是希望越大失望越大。這裏的美味齋跟那裏的完全不能互相比較 ..另一位朋友點了墨魚丸、春卷、牛筋、牛肚、米線。<br>墨魚丸：食車仔麵的丸類時、通常都會降低期望，一試之下覺得喜出望外，當然不能媲美墨魚丸專門店

榮記車仔麵又是非常出色的一間，我由十幾年前已經開始幫襯😂水準始終始一，細細碗，食唔飽，除了價錢愈來愈貴，份量冇變。雞翼尖尤為出色，應該沒有人不認識榮記雞翼尖，食車仔麵的同時，一定要叫一碟雞翼尖，要一個人食曬一碟，都唔夠喉。雞翼尖非常入味，滷水汁香香甜甜，連骨都可以咬碎，回味無窮。必點一試難忘車仔麵以腩汁為主味，每次我都會叫豬紅，在外面食不到那獨有的味道。豬大腸，好入味，煙煙韌韌有咬口，索晒腩汁非常好味

係銅鑼灣附近返學，每次放學肚仔餓都會同同學周圍搵食，所以銅鑼灣嘅嘢食大部分都試過晒。但只有榮記的車仔麵係我食完會想再食的，個牛腩汁湯底實在會一試上癮今次和同學兩個人下午兩點左右黎到，係門口等左一陣就即刻有位，一個各自叫左一碗，十幾款餸、六款麵條，任均選擇，唔洗爭同學仔叫左豬大腸、魷魚鬚🦑、油麵加底（$40），加左罐檸檬可樂（$8）。我就同樣都叫左豬大腸、魷魚鬚🦑、油麵，不過貪心啲再加左牛肺、蘿蔔😋😋四餸（$46）+ 必不可少的可樂（$8）蘿蔔好甜無渣，魷魚鬚唔會好韌，你試一次就會明點解我會咁揀😏😏

我本身其實唔係好中意食d內臟野，但有次朋友格硬起榮記夾左舊豬大腸比我食之後，我從此對豬大腸改觀，原來一舊整得好食整得入味既豬大腸係咁好食正呀！然後，我今日係自己一個癮唔住黎食，可能因為係下午茶時間，所以唔洗等位隨便坐。通常茶記d伙記係火爆d never mind我預左。我叫左個豬大腸豬頸肉牛腩米線yeah全部都係我中意食既野。豬大腸整得好入味，但剪得太大舊，唔太好咬。豬頸肉爽口，牛腩都好食。湯底有腩汁！正！

榮記粉麵係我心目中可以排係銅鑼灣嘅第二車仔麵，個腩汁真係冇得輸，但係近年啲質素真係大不如前，小雜麵啲配料係最啱口味嘅，我都好耐冇食車仔麵了，腩汁底的車仔麵是我最愛。我嗌咗小雜錦麵$39，他點了四餸麵，最愛吃這家豬紅因為滑溜又索湯底味，豬皮也滷得入味。通菜加腩汁又係愈食愈喪味嘅，菜好爽身又唔算老，不過差咁點辣味，有舖辣癮嘅我真係想加返啲辣汁。豬皮同墨魚丸真係哩碗麵嘅神韻，豬皮好軟腍，墨丸又夠彈牙。所以話哩個真係排第二嘅車仔麵。

食左十幾年，都仍然念念不忘，行街睇戲遠足攀石亦一一劃去！久唔久返黎銅鑼灣，就係為左佢，萬千感受就係呢度，咁多年，都係食幼麵，咁多年，都係問我油麵定幼麵，呢條問題唔係好多間會問，但呢道就每次都問，就算聽得幾清楚都好！所以10年既堅持，一條問題就睇到！聽到！入親去，仲都會有一句經典説話，係腦海浮現「我大聲唔等於我無禮」所以呢度啲員工，就係咁㗎啦！😂但我覺得好正！碗麵就係回憶，回憶就係味道！或者有一日會變成你既故事！來試試，地道既意思吧！

食咗榮記已經很多年了，以前覺得榮記冇得頂、非常好食，佢嘅腩汁湯底又濃又香，係我食過嘅車仔麵之中最好食嘅，啲餸方面，大腸、豬頸肉、墨魚咀、牛肚、牛腩等等，樣樣都蚊得好好味，價錢又唔貴，不過最近去食，我覺得已經大不如前了，首先，講個湯底，似係清水加腩汁，稀咗好多，已經冇咗嗰種濃濃嘅腩汁味，啲餸方面還可以，仲keep到，不過真係冇以前咁好食，而家去都唔使排隊，仲有空位淨，已經知道呢間野已經上岸了，唔使再去！

呢晚突然想食車仔麵，所以就揀咗呢間薄有名氣既車仔麵黎幫襯～估唔到既係夜晚8點幾9黎到都仲要排隊，但排隊既期間可以睇下門口既餐牌諗下食咩好等候既時間都唔覺得好奈。最後決定落單要咗4個餸粗麵：豬紅、牛筋、豬頸肉同埋墨魚丸！落咗單唔洗3分鐘就有得食，連埋個菜碗碗都連腩汁上！原本我都有少少唔開心因為落咗單先記得自己想走腩汁要清湯，但估唔到食落又幾好食因為佢地既腩汁1d都唔油唔咸啲餸都好正，叫咗4款餸款款都好多足料，另外個面又無皂水味，成個package都好滿意！最可惜就係試唔到佢既豆漿因為賣晒！

小時候吃的拿喳麵來到今時今日巳變得不平凡，曾經吃過上百元一碗的新式車仔麵感覺不外如是！返而久經風霜的舊情味道更令人回味！ 上次由食友帶到這間榮記粉麵吃過後覺得感覺良好，所以這天趁到銅鑼灣買鏡頭前就跟車爸爸來吃午餐！ 星期日也不算人多約5min巳可入座，等位時巳落了單坐下點飲品即可！有枝裝可樂＄8我當然沒有異心，而車爸則選了凍豆漿＄8，試了一口豆漿味算不俗不過只有凍飲！ 各自選上四拼麵＄46/碗車爸爸選了幼麵底，豬紅、雞翼尖、美味齋和豬皮，當中豬紅極度嫩滑，美味齋夠入味，湯底有腩汁但沒多羶味吃餸料我可以接受的。 而我點了油麵底走腩汁，估不到湯頭也不會因底走腩汁變得淡而無味，餸料有春卷、墨魚頭、蘿蔔和豬腸，春卷沒有雄記和南記的好吃，但勝在口感也不錯，墨魚頭十分有口咬而且不韌必吃推介，豬腸滷得夠淋又入味係小了點腸香，而蘿蔔亦十分入味不過味偏甜但可以接受的， 而嗜辣的我更額外加＄2點上辣汁，是帶咖哩香氣的辣汁，唔知大家有冇食過觀塘以前一檔咖哩辣魷魚呢？正正就是這個味道了太正吧！！