榮記粉麵

營業中

休息中

每次嚟到銅鑼灣都會想食榮記，我可以話自己係忠實粉絲，已經食過多過十次啦！餐廳唔算好大，但大家都係食完就走，所以如果你見到門口好多人排隊唔洗驚，因為好快就會到你啦，不過要預咗一定要搭枱嫁啦～ 另外，最好就出面排隊個時諗定食咩，咁樣一坐低就可以馬上同侍應姐姐講食乜啦～ 然後落完單好快就可以食得！我個人十分推薦以下配菜：魷魚、墨魚、豬腸（大推！）、雞翼尖。至於麵底，食過咁多，都係油麵最好食！如果只係揀1-2個餸嘅話，我個人建議加底，因為都幾細份下～

今日同男朋友放工去食呢間所謂人哋個個都話好食嘅榮記粉麵的車仔麵，一到去幾個阿姐用手指插住碗麵放落張枱嗰度，都心知不妙。叫咗三個餸一個牛腩一個雞翼尖一個係豬大腸，牛腩好晏，雞翼尖好似雞翼骨咁，豬大腸好似得快啲脂肪，真係完全接受唔到囉咁樣就＄40一碗啦，我一個鐘頭都係＄40都唔知有冇，回水啊～～～～～，永世back list！！！個個都咁樣食完一次唔再食佢哋就發達啦⋯⋯！

$34一直都未食過榮記原來佢真係平靚正之選🤣但係講到湯底我仍然會揀文記嘅腩汁湯底因為我鍾意甜啲😙不過榮記嘅滷水墨魚頭係好食嘅滷得好入味又唔會太鹹☺️仲有蘿蔔都超好食食過咁多車仔麵榮記嘅蘿蔔係最清甜的🤤

早兩年食過一次，之後次次出黎都係join大型活動多人到癲，一係就封路封到唔識行早兩晚九點頭搵食諗起佢，收十點！趕得切啦！去到竟然都仲要排隊，咁都真係值得排嘅夾好個朋友叫餸可以開心share，牛腩牛筋豬腸豬皮蘿蔔魷魚，諗住健康啲叫埋個菜食下，有西洋菜幾驚喜，一黎到！「喂！汁上咁離譜嘅，點搞呀？」對面靚女聽到都忍唔住笑😂😂其實除左個魷魚口感好硬同埋唔入太味外，其他都好好抵讚係豬腸無臭味，我真係好鬼怕最後心裏說不，胃口卻很誠實...啲湯都飲曬呀🤦🏻‍♀️🤦🏻‍♀️又要做番幾set 平板支撐補數喇...

今日去左呢間好似係香港頭幾間好食又出名嘅車仔麵。我係星期六下晝黎到嘅，可能係星期六日嘅關係，條龍有10個人到。一坐低對面兩個已經係遊客，之後都聽到部分入黎嘅人講普通話，睇黎呢間野都幾多遊客幫襯。 一坐低呀姐就問你食咩，所以最好入黎之前揀定先，呀姐服務有啲似澳牛。跟住我揀左三餸麵，豬腸、蘿蔔同墨魚頭，油麵底。我見網上面啲人介紹墨魚頭，平時又好少地方有呢樣野做餸所以就試下。墨魚頭都幾爽口，無我想像中咁銀。 佢都係有幾條菜送嘅，今日就係西洋菜。豬腸好肥不過都乾淨無臭味嘅，蘿蔔都唔錯。

講到銅鑼灣美食，似乎榮記粉麵都係名列前茅，不得不說。咁凍嘅天氣下，食到暖笠笠又美味的粉麵，的確會開心好多。今日藉著lunch（13:30pm）時間快速去榮記食個兩餸車仔麵。去到嘅時候店入面已經好多人，張張枱都爆滿，好彩最入面都有一個位，張檯有四個位，已經坐左三個人，咁啱大家都係自己過嚟食，一齊搭檯（係度食野搭檯好平常）。叫左個兩餸車仔麵（$34），揀左米粉，墨魚頭同埋豬頸肉。個人推介：墨魚頭真係必試！好好食，之前已經食過幾次，再食其實好大程度係為左墨魚頭，墨魚頭好爽口彈牙，餸的份量都唔算少。湯底都好惹味，相片都見到湯的顏色比較深，味道都濃，甚至有少少重口，平時我會加飲品一邊飲一邊食，但今日天氣太凍無加到汽水。整體來說，銅鑼灣食到$34高質素粉麵真係好唔錯，不過份量來說粉麵係比較少，即使我係女仔 lunch去食完，都唔算飽。店入面周圍都可以見到的餐牌

一心去宜家家私食下熱狗餐，薯角，雞翼，可惜薯角同雞翼都賣哂，即刻轉去食榮記車仔麵大雜麵 ($46)入面有幾款餸 : 豬紅，豬皮，蘿蔔，牛肚，牛丸，魚蛋總共 6 個餸！！一如既往係要米粉，吸下湯汁 (湯入面有腩汁，走腩汁嘅朋友落單時要講聲呀)豬紅有 5 大件，豬皮 4 塊左右，蘿蔔 4 件左右 (偏細)牛肚 4-5 片，牛丸同魚蛋各一粒蘿蔔同牛肚夠淋腩汁真係好好味三餸麵 ($40)有豬紅，豬大腸，鮮蝦雲吞豬大腸無異味鮮蝦雲吞出乎預料之外地好食喎！雞翼尖 ($27)每次必叫嘅小食，好淋好入味但建議邊食麵邊食，因為單食真係會幾咸😅2 個人喺銅鑼灣食個晚飯，加埋 $113 真係算唔錯啦

It was a Wednesday night around 20:00, the line for Wing Kee noodle looked to be about an hours wait; however, with most noodle places I was in, in less than 30 minutes. You get to choose between 2,3, and 4 add ins for your bowl. With add ins from almost every cut of beef, pork, seafood, chicken, and tofu. You also get to choose which noodle you would like, ranging from: yellow, egg(thin/thick), flat rice, and vermicelli. They use the same broth for everyone’s dish. I decided to go with a beef s

講到車仔麵，銅鑼灣榮記應該個個港島人都識🕺🏻咁榮記個腩汁湯底濃郁👅👅👅而且大腸大大舊又入味🤤連豬頸肉都好味過人☺️ 又唔會太肥 好好咬口牛腩好淋好淋💪🏻而且份量還算OK睇得出連配料都是用心之選👏🏻 難怪星期六日條龍排到去大街口不過要彈的是份量真係細碗左小小既🤔女仔食都勉強夠飽既😳男仔就應該叫多幾餸$34兩餸一麵在銅鑼灣來說真的好便宜了但係唔好旨意可以慢慢坐落單要快 食完都唔好意思坐咁耐值唔值得排 就睇下大家追求什麼了😇

銅鑼灣美食之一車仔麵細細個食到大, 車仔麵可以簡好多送,中意食咩就點咩, 唔會SET死左,自由選擇而車仔麵最出色之處係個湯汁同材料夠唔夠入味今次同朋友黎食呢間老字號的車仔麵, 由小巷攤檔做到大街鋪頭, 相當成功一定有佢出色之處店入面有兩層, 下層坐滿哂, 我地坐左上層, 幾乎係空無一席.香港特式之一, 一坐低阿姐就會問你食咩就點左冬菇,豬大腸, 魷魚鬚,加米線。朋友就叫左豬紅.冬菇,牛腩兩個人去食的好處, 可以交換送食,食多幾樣送, 正!!冬菇好入味,仲有陣陣的香菇的味,齒頰留香滷水豬大腸好軟身,好夠味~魷魚鬚就普普通通, 不過外面食魷魚鬚呢個送就要額外加錢, 米線好滑,唔會熟到淋哂呢個價錢係銅鑼灣食野,相當抵!

行親街 都總會過黎食碗麵, 係令人掛住 小時候家的味道呢~雖然係舊式枱椅, 但係坐得都自在, ok 呀!侍應們好似一家人咁, 殷勤友善~落單快又準~朋友要一碗雙併麵 (前);今日我唔肚餓 所以要一碗三併就 ok 喇~朋友超級無敵勁鍾意食紅腸...佢不斷讚 蘿蔔夠淋入味又無渣, 佢好開心~我都係蘿蔔嘅粉絲, 的確係清甜 夠入味 最緊要無渣, so nice!!!好好啊, 每碗麵都會有菜, 份量唔少架, 好抵讚!!!我鍾意嘅仲有雞翼尖, 有時 仲會散叫一碟黎食添啊!!! 魷魚鬚 就爭啲啦, 真係好靱, 幾乎𡁻唔爛, 所以我哋放棄咗, Sorry!

每次自己一個去銅鑼灣要諗食咩既時候，榮記總係第一間浮出腦海既！一到放工時間就開始要排隊既，今次因爲一個人較快安排入座，大概只係等左5分鐘。提提大家，喺門口好諗定食咩餸喇，一入到去啲侍應就會問你食咩，如果呢個時候先諗可能會被串🙈🙈🙈 (近年服務態度已大大好轉😂😂) 。基本上每個客人都會嗌蘿蔔，係真係好正！！！超甜又淋勁入味😍😍😍另一個必食推介係墨魚頭，好有咬口，但又唔會un😋😋😋湯底係腩汁，我知飲埋湯好肥，但真係會忍唔到口咖🙈👍🏻👍🏻👍🏻👍🏻

因為最近聽到朋友嘅推介，先知道銅記嘅榮記車仔麵係好出名，所以行開銅記決定嚟誠下！食嘅時間係夜晚啱啱好六點嘅時間，不過都唔係太多人，一入到去就有位坐，入到去好快就有姐姐問你想要食咩，不過因為第一次嚟就唔似其他熟客咁好快就點到嘢食。諗左一陣最後決定要個豬大腸，粉腸同牛筋河，嚟到發現佢嘅份量係比一般車仔麵嚟講係會細小小，係因為佢嘅碗會比出面嘅細小小，不過對於女仔嚟講唧話其實係無問題。佢哋嘅豬大腸同牛筋都好鬆軟好入口亦都好吸到滷水嘅味道，呢兩樣好值得下次再食，而粉腸相對上就比佢哋遜色小小，無咩特別。不過聽朋友講其實最出名嘅應該係佢哋嘅豬紅，呢個下次會嚟再試！

每個星期打波前必食嘅車仔麵！宜家好難搵到一間好似呢間咁好味嘅車仔麵！6點半左右黎到多數都唔洗排隊，就算排隊都係等十分鐘左右。豬紅，雞翼尖，墨魚頭都係必食！呢到個炸魚皮都好好味，好脆好香口！如果想同朋友坐低慢慢食，傾下計，呢到唔會係一個好選擇，因為食完就要起身出面等位嘅客人。

朋友話呢間車仔麵勁好食，行開附近就去食下佢。本身心諗車仔麵可以有幾好食，咪又係咁，點知好食到傻左！可以話係我至今食過最好食既車仔麵！！！！.舖頭裝修唔突出，同一般粉麵店差唔多，果然係禾稈冚珍珠！餐牌既餸都算充足，仲有啲唔常見既牛肺同魷魚鬚等等，價錢合理，最多可以叫五餸，身邊啲人平均都係叫四個餸，可想而知幾抵食！.唔講咁多即刻開餐，我叫左牛腩、豬大腸同蘿蔔三拼油麵，腩汁，一黎見到餸份量都算多，腩汁好濃郁，已經忍唔住試左個腩汁，係勁濃郁係牛肉味，帶一啲鮮甜味，未食個麵已經胃口大開！麵係正常既，重點係啲餸！蘿蔔係世界級好味！！！無渣！鮮甜！入味！真係好少車仔麵店可以做到嚿嚿蘿蔔都咁好味！真係一食難忘，強烈推薦大家叫蘿蔔！之後牛腩又係唔錯，佢比啲腩位睇落唔太"腩"，但係一食落去好腍，係炆到好腍既嗰種，並唔係鬆肉粉既嗰隻腍，好入味，好食！豬大腸都係滷左一段時間，有咬口又唔會好韌，好入味，重點係洗得好乾淨，都唔錯！再加分係每碗都有配少量菜，幾細心，有誠意！食完一嗒又嗒，一嗒腩汁一嗒麵，真係好似上左癮咁，第一次食車仔麵有呢種感覺。.總括黎講，三餸$39，係銅鑼灣呢個價錢，再加上呢個質素，係勁抵！強烈