樂天皇朝薈萃

營業中

休息中

認真製作，一直都幫襯開！由其係新個間Airside 分店，味道一流⋯⋯環境適合一家大細聚餐！員工Pong服務態度好好，今次帶老人家或者小朋友黎佢會為我地安排適合位置，重可以睇到風景!!!食物一如既往咁出色！小籠包，口水雞同蝦仁酸辣湯, 正!!!

服務一流，食物都好啱胃口，服務態度好好尤其是男服務員Pong, 介紹咗好多啱我哋胃口嘅美食，小籠包同埋小菜都好好食！環境一流，出邊望到啟德靚景👍👍👍👍👍👍👍👍😍😍

.⋯♡⋯⋯⋯♡⋯⋯⋯♡⋯⋯⋯♡⋯⋯⋯ ♡⋯⋯⋯♡⋯放工嘅時候去到啟德Airside行下街，行到攰嘅時候就想搵個地方食飯。西餐好似又有啲油膩，所以就去左主打中菜嘅「樂天皇朝」。中菜廳佔地都好廣，就算一大班人一齊食都可以坐得哂。紅油鮮蝦黑豚肉抄手拌麵平時食開抄手都會放鮮蝦，今次呢間都唔例外。入面可以見到有大大隻嘅鮮蝦，蝦身夠橙紅又彈牙。除咗蝦肉之外，最特別嘅係配搭黑豚肉，會令到炒手更加多肉汁，食落就更加滋味。雖然有放咗紅油，但係唔係好食得辣嘅我都覺得恰到好處。皇朝話梅骨依款菜式預先用咗話梅醃製豬肋骨，微微酸式可以軟化豬肉表面，從而帶出更有彈性嘅口感。而話梅骨表面亦都煎香，所以同時保留香脆嘅口感。李白醉雞酒香浸晒入雞肉入邊，雞肉連雞皮都夠晒嫩滑。酒釀丸子入面有唔同顏色嘅丸子，有嚼勁又有酒香。如果唔想錯過其他好介紹，記得follow我呀😘多謝大家！！！你嘅支持就係我嘅動力！記得點讚❤️ ⋯♡⋯⋯⋯♡⋯⋯⋯♡⋯⋯⋯♡⋯⋯⋯ ♡⋯⋯⋯♡⋯樂天皇朝薈萃 (九龍城)九龍城啟德協調道2號AIRSIDE 4樓L418號舖 ⋯♡⋯⋯⋯♡⋯⋯⋯♡⋯⋯⋯♡⋯⋯⋯ ♡⋯⋯⋯♡⋯

特色皇朝小籠包🐲148呢間餐廳打開名堂之作，有比較創新嘅口味，顏色鮮艷。有原味，川味，蒜香，芝士，絲瓜，蟹粉，鵝肝，黑松露🧀🧄一定一定要依呢一個次序食❗️又淡至濃，每個味道味都好突出。湯汁飽滿，口感Q彈生煎牛肉餅🐮48 有三件，煎得都唔錯火候幾平均，脹卜卜好厚實，一定要小心食❗️一咬爆汁中間都幾多餡，但係食咗一件都有少少飽上海炒年糕🥢95上海菜最鍾意食嘅主食之一，年糕煙靭比醬油覆蓋，有菜同肉絲，最緊要加埋豆瓣醬落個香氣更香❤️

喺Airside呢間樂天皇朝下午茶時段有勁多折扣，兩點半開始就有半價，所以我同家人成日都會去食下午茶小籠包一如既往咁好食，皮薄多湯汁。反而覺得七色小籠包有d extra…原味好食d無咁搶focus所以今次無嗌每次必叫既花素蒸餃，都係皮薄菜多，清淡的美味。海蜇頭比起海蜇絲更加爽口有嚼頭，真係要試下！雪菜肉絲年糕味道還好，但d年糕片就麻麻地，唔太煙韌佢地既手打檸檬茶加左香茅有d多此一舉，味道完全唔夾。不如上多兩層去買林香檸好過原價真係唔多抵食，半價後先叫做心理平衡d

Airside 新裝修座位間寬敞，有好多圓枱，方枱都夠大張，多人食飯叫多幾碟餸都無問題👍🏻。黑豚肉小籠包 | $80一籠有六隻，熱辣辣上台，皮超薄見到湯汁在內，豚肉饀肥瘦適中，湯汁清甜。鵝肝叉燒酥 | $78一客有三隻，酥皮鬆化，饀料有鵝肝味。李白醉雞 | $92雞肉充滿了酒香味，帶點黃酒的甜，雞肉滑溜。紅油黑豚肉抄手拌麵 | $75麵下有好多粒抄手，樂天皇朝的餃子類食品做得好出色，令人想一食再食。麵條撈上紅油抄手的醬汁，中麻少辣，好正！服務如常的好，會幫客人拉櫈，有禮貌。

樂天皇朝薈萃(AIRSIDE)📍九龍城啟德協調道2號AIRSIDE 4樓L418號舖人山人海既airside開左好多新餐廳自己好中意食上海菜開樂天皇朝真係正合我心小食 花生栗子 好入味又夠香蘿蔔絲酥餅（3個）一款考手工嘅點心 要即刻整 冇得來貨 外層酥皮鬆脆 中間蘿蔔絲調左味食口感好豐富雪菜鹹肉炒年糕🍲炒年糕一定要趁熱食 炒得好軟身配埋鹹肉同雪菜 好有上海風味皇朝酸菜魚唔太辣 好岩朋友食 個湯底好香濃魚片份量好多 而且片片都好滑 冇食到有骨最特別係呢度有唔少送配菜 特別鍾意萵筍 薯粉 兩個都同酸菜魚好夾@paradisegrouphk#樂天皇朝 #八色小籠包

樂天皇朝薈萃進駐Airside，環境大，坐得舒服，平日的夜晚都全場爆滿，Q​R code 自助落單。李白醉雞$92，花雕酒味香濃，酒香滲入每件雞肉當中，雞皮爽，肉質嫩。蟹粉鍋貼3隻$58，外皮煎香至有酥脆口感，肉餡配上蟹粉，更加鮮味。六隻原味小籠包必點$80，皮薄，肉餡肥瘦均勻，肉汁鮮甜，清爽不油膩，一整粒放入口最好味。上海炒年糕$95，年糕煙X軟糯，跟黃芽白菜一齊炒，惹味香濃味。溫馨提示，餐廳另有小食$15及茶位$12位的收費。

成個商場都係新開嘅，可以嚟行吓，又可以試吓新餐廳！樂天皇朝係好多地方都有分店，一向質素都唔錯👍今次試咗黑豚肉小籠包6粒($75)，廚房係透明玻璃，即刻睇到師傅整小籠包。呢度嘅小籠包皮好薄，但係夾起嚟唔會爛，豚肉餡餡唔會太肥膩，偏瘦健康☺️肉汁飽滿🤤好味皇朝話梅骨($108)酸甜配合得幾好，排骨掛汁能力好高，好入味，食到lam lam脷😋黃鱔炒飯($118)係用煲仔上㗎，二人份量，有少少油。喺香港食黃鱔炒飯係唔容易，呢度嘅黃鱔條條肉，成煲飯好香口😋

終於有時間到啟德Airside朝聖，商場嘅裝潢很有藝術美感，而且有很多特色店舖。Lunch time 來到樂天皇朝薈萃品嚐精緻的上海美食。🥰這裏的樓底很高，而且有大量的落地玻璃，感覺開揚舒適，令人用餐時更愉悅。😍❤️蟹粉白玉盅一道以蟹為主的豆腐湯羹，湯羮的口感非常滑嫩，蟹肉蟹粉的鮮甜與豆腐的柔軟完美結合，帶來了一種濃郁海鮮美味亦營養豐富。🧡招牌原味小籠包裡面填滿了黑豚肉，這些小籠包皮薄餡多，肉汁鮮美，每一口都充滿了豬肉的香氣。💛上海黑豚肉生煎包生煎包外皮金黃酥脆，內部則包裹著多汁的黑豚肉。一咬下去，肉汁散發豐富美味，讓人回味無窮。💚皇朝擔擔拉麵濃郁的湯底和彈牙的拉麵麵條，配上香辣的擔擔醬料，頓感豐富滿足。💙手打青檸香水檸檬茶清新宜人帶有檸檬的香氣和微酸的口感，具有非常有特式的香水味道。💜熱桃膠紅棗桂圓湯這碗湯甜而不膩，桃膠的軟綿和紅棗、桂圓的香甜完美結合，為整餐增添了一份溫暖和甘甜。

網上見到獲獎小籠包買一送一(買八色小籠包送六粒原味小籠包)，就同兩個朋友一齊去試吓。入去之前先打卡，店員就幫我地落左兩籠小籠包。八色小籠包色彩鮮艷，溫度足夠，湯汁飽滿，外皮亦唔會太厚。我試左其中既原味，青瓜味，鵝肝味同蒜茸味。青瓜味做唔到我想像中好fresh既口味，而只係加青瓜絲入小籠包咁。鵝肝的風味不突出同食原味小籠包差唔多。蒜蓉味突出，一咬開蒜汁就爆出黎，相當惹味。第二道菜係上海醬鴨。鴨比較乾身，但調味足夠。不但表皮鹹香，肉亦充滿醬香。第三道菜係李白醉雞。花雕味濃香，但同其他酒樓食到既醉雞冇分別。第四道菜是上海炒年糕。年糕煙靭，炒醬帶鹹甜，不會過濃。最後一道菜是紅油抄手拌麵。拌醬非常麻，我認為是過多的麻掩蓋左其他香料既風味。抄手普通。總括嚟講，如果係為左試特別味小籠包，黎喱度就可能令你失望。但小籠包既味道係水準之上，價錢亦比一般貴。

啟德AIRSIDE的食肆差不多全開了，有不少著名餐廳進駐，樂天皇朝是其中一間。這間分店走明亮路線，大大隻玻璃窗，沒有浪費了啟德開揚景色，感覺舒適。坐下便送來的小食和其它分店一樣是花生栗子（$15），炆得又腍又香，一如以往的好味。今天我們沒有點樂天皇朝的招牌八色小籠包，想試試其它。🏅蝦仁酸辣湯（$63）皇朝的酸辣湯最合我心意，因它夠辣，但卻不是死辣，辣得來夠鹹、鮮、香。一大碗熱氣騰騰的酸辣湯，非常開胃。至於蝦仁，我倒覺得可有可無。🏅皇朝話梅骨（$108）好吃到舔碟，酸甜清爽不油膩，肉質不硬，一個人也可吃完一碟。話梅骨即是糖醋骨，不過皇朝的話梅骨其實是楊莓骨，比話梅更健康好味，寫到這裏又流口水了。🏅紅油鮮蝦黑豚肉抄手拌麵（$75）拌麵最重要是麵質和醬汁。這個麵質幼滑，能掛汁，醬汁清爽，有花椒香味，好吃。🏅黃橋燒餅（$38）外皮酥脆，色澤金黃，內餡是豬肉和椰菜，略嫌較淡味。🏅擂沙湯丸（$45）芝麻餡流心，完整一粒放入口，齒頰留香。

呢間上海菜喺香港開業多年原來都進駐啟德呢個新商場店內環境寬敞舒適隔著玻璃睇到師傅製作過程更是餐廳嘅特色必食：✨招牌原味小籠包 即蒸熱辣辣，每隻皮都超薄師傅手工包製18摺，飽滿嘅湯汁好Juicy✨紅油鮮蝦黑豚肉抄手拉麵拉麵可以選擇軟硬度加上紅油抄手帶出香辣嘅味道✨李白醉雞醉雞嘅肉質都幾嫩滑酒香味控制恰好唔會掩蓋雞嘅鮮味✨生煎牛肉餅牛肉餅外皮煎得香脆裡面包著軟腍多汁嘅牛肉亦唔會太油膩✨椰汁燕窩椰汁味香濃．口感細膩加入燕窩同杞子有冷 / 熱選擇．滋補嘅最佳甜品下午茶時段超抵．以後嚟Airside又多個選擇喇

皇朝小籠包八款不同口味，分別有原味、絲瓜、鵝肝、黑松露、芝士、蟹粉、蒜香同川味，店員會介紹由味道淡到濃咁食，八款都咁好味，各有特色瑤柱芙蓉賽螃蟹蛋白加瑤柱上面仲有個生蛋黃同醋，味道好特別，唔似食緊蛋白，而且份量偏大蒜蓉清炒菠菜菠菜炒得非常爽口，上面仲有炸蒜，撈埋一齊食口感好豐富紅油黑豚肉炒手拌麵一碗麵入面有5粒炒手，紅油味道唔會太辣，反而偏麻，非常惹味，性價比高，唯一缺點係撈麵時唔夠汁，建議可以俾多少少汁就更好宮廷驢打滾甜品揀左宮廷驢打滾，因為平時出面食飯好少有得食，所以叫黎試下，用糯米包住紅豆餡，外層再沾黃豆粉，唔會太甜同膩，好正～

.‼️❤️ 記得CLICK我PROFILE關注我呀 ❤️‼️.🥇 𝐒𝐡𝐚𝐧𝐠𝐡𝐚𝐢 𝐅𝐥𝐚𝐯𝐨𝐮𝐫𝐬 𝐚𝐭 𝐢𝐭𝐬 𝐁𝐞𝐬𝐭 @ 🌟 樂天皇朝薈萃《👽食神大媽食小籠包》.💁‍♀️ 圖片展示美食為：Signature Original Xiao Long Bao (Kurobuta Pork) HKD 75Pork Rib with Plum Sauce HKD 108Pan-fried Kurobuta Pork Dumplings HKD 50Braised Duck with Soy Sauce in Shanghai Style HKD 65Steamed Vegetable Bun HKD 48Sweet and Sour Fish HKD 108Fried Rice with Shrimp and Preserved Vegetable HKD 98Steamed Salted Egg Yolk Custard Lava Charcoal Bun HKD 46.🇸🇬 新加坡過江龍嘅小籠包有幾好味，我估冇人唔知，佢最近開咗一間新分店喺AIRSIDE，一定要試吓先得。.🧄 去樂天，就當然要