樂湖刀削麵

營業中

休息中

天水圍搵食，想試呢間刀削麵好耐，之前睇過相關訪問片段，佢地係跟荃灣某刀削麵師父學藝嘅，香港嘅刀削麵店真係賣少見少，而且佢地💛💛💛當然要支持啦！店面本身細，加上限聚令，目測只有7張枱，我地前面咁岩就有7張飛等緊，足足等一round,又係由lunch time等到變tea time😂😂但都無損我地想食嘅意慾；拎飛後大概等左45分鐘左右，終於到我地喇！蒜泥燻蹄蒜泥夠幼細，配上微酸汁十分開胃，肉質爽口；麻辣豬耳軟硬適中，帶有爽口口感，又不會過硬，麻辣金錢肚因為食材唔同，金錢肚好索汁，所以我覺得比起豬耳好食，麻辣之餘食到啖啖入味滷汁，有驚喜👍🏻菜肉雲吞刀削麵大粒雲吞，唔會好硬實，又juice,刀削麵以前食過其他會好硬，勁有咬感，但呢間唔會；本來刀削麵每條粗幼唔同，就算粗嘅都唔會好硬，同埋湯底有誠意，雖然唔知詳細係咩湯底，但我同老公都明顯飲到有藥材味，所以相信湯底都有用心調制。同埋份量好多，d麵我同老公都食唔哂，一定飽系列😂

今日小編遲左好多收工，不過唔緊要最緊要夜晚仲有餐廳開呀😬。係天水圍好多餐廳9點幾已經好多都關左門，只有極少量舖頭仲係開門做生意🧐。而今日小編去嘅呢間其實幫襯左好多次，呢間餐廳都開得比較夜少少🌙，小編實在太肚餓，唔理咁多就入去食刀削麵啦🍜，而間餐廳個名就叫「樂湖刀削麵 」。✦✦✦✦✦✦✦✦✦✦✦✦✦✦🎈麻辣豬肚刀削麵 $46今次小編就揀左麻辣豬肚刀削麵🍜，麻辣豬肚上面有蒜同蔥花，麻辣味再加上蒜粒非常有咬口之餘仲好濃口味😝，寧舍開胃。豬肚完全入哂麻辣味，顏色相當深，咬入口仲有好多麻辣醬汁漏返出黎💦，好多汁又入味，小編都食到呻哂俐😝，好辣🌶。刀削麵厚切大大塊，每一塊都係由師傅一刀一刀咁切出黎🔪。刀削麵最正嘅地方就係要一條一條咁去食，麵質嘅口感同不規律嘅厚度長度📏，煙煙韌韌，好過癮👏。不過要注意辣度，小編雖然嗌左小辣都食到出汗🥵，另外，麻辣刀削麵餐送一杯豆漿或者一杯熱飲🥤，畀你解解辣😳。✦✦✦✦✦✦✦✦✦✦✦✦✦✦其實小編係麵類當中最鍾意係食刀削麵🍜，尤其係可以睇到師傅由一團麵粉用刀削成一條又一條麵🍲，再一碗完完整整嘅刀削麵放係你眼前👀，整個製作過程完全展示出黎🔍。✦✦✦✦✦✦✦✦✦✦✦✦✦✦

每次路經呢間刀削麵，都人山人海，今日好想食，等下位都要呢間刀削麵，我已經食過幾次，今日主力叫左幾款小食。麻辣豬扒，蒜泥豬頸肉，麻辣金錢肚，口水手撕雞小食價錢大約$30-$45，算ok，同朋友share食，好夠飽。豬扒好炸得好香，唔會好乾。豬頸肉上面d蒜泥好勁蒜味，正金錢肚好入味口水手撕雞，味夠，下面仲有青瓜鋪底，唔會覺得好油膩另外，佢的刀削麵，我就覺得比較飽，食麵食到牙都軟。但，我試過拉麵，雖然要加$5，但拉麵真係好好食。唔會覺得成口粉，又飽肚，又好味，正推介

疫情之下，好很耐無update今日收工晏咗，洗埋身差唔多4pm先離開公司，咁落去天水圍接埋老婆，泊低架車响附近食嘢，見到有同事之前食過，不妨一試之前住天水圍咁耐都未試過，反而搬咗會响到食首先，湯㡳唔知可以有淸湯，咁就叫咗個口水雞絲刀削走辣加凍奶茶湯底無乜特別問題亦無乜特別驚喜，一般⋯刀削麵少少厚身，若削薄多少少會好啲跟麵上唐生菜有驚喜，不錯可能走辣，鷄絲醬汁少少酸，可以杯奶茶茶味淡啲

刀削麵 當然要見住個師傅即場削 先有風味等緊位果陣 已經見到個老闆 左手托住個大麵團 右手拎住刀削少啲臂力都做唔到我同男朋友2個人 叫左個口水雞刀削麵+ 蒜泥薰蹄刀削麵 連埋2杯飲品 $109 大大碗 我地2個都食唔晒 細食既人 可以叫少麵呀先講口水雞呢到個醬好特別 落重左花生醬食落有濃烈既花生醬味 同岀面好唔同雞肉滑身 香香既芝麻味😋😋而個薰蹄 真係食到有煙薰既效果食完都唔會覺得好膩但我覺得同個蒜泥好似唔太夾 下次叫返淨煙薰就好刀削麵 每條麵都好長 唔會削到斷晒真係每一啖食一條😂😂😂但我略嫌佢既粗幼度一樣 無咩口感個人鐘意一條麵 有粗有幼 咁先有趙口不過男朋友就話岩岩好個湯底幾岀色 濃濃既肉味 但又唔會鹹 同個麵好夾😋😋😋

天水圍抵食夫妻檔刀削麵, 小編食過幾次, 覺得要介紹下😬😬🥂🥂🥂🥂🥂🥂🥂🥂🥂🥂豬大腸刀削麵 ; $42 (送豆漿/熱飲)刀削麵係老闆即場製作,搓麵團, 將麵糰逐條逐條削成麵條煮, 所以都要至少等15mins😌😌碗麵都幾好大下, 湯底夠晒濃郁😍😍小編覺得唔洗叫辣都OK, 如果鐘意食辣既, 不妨都可以試下佢既麻辣🌶🌶麵條厚度岩岩好, 麵底好煙韌彈牙😆😆大腸煮得夠淋唔難咬,夠入味, 好好食, 佢地既配菜係好足料 😃😃🥂🥂🥂🥂🥂🥂🥂🥂🥂🥂另外,菜肉雲吞同雞翼都好有水準😎😎😎雲吞皮薄餡料多,仲好鮮甜tim😋雞翼夠入味, 又唔會煮得好鞋👍🏻👍🏻ps:刀削麵可以按個人喜好 要求厚薄

好少黎新北江食飯，但係因為厭倦左食大集團，所以呢陣子都去左新北江揾食揸住揾食APP揾左樂湖刀削麵，老實說自從以前食過唔好食既刀削麵後對呢個麵食都避之則吉，如果唔係見到網上有人推薦呢間店我諗都唔會俾多機會刀削麵今日叫既外賣係麻辣雞扒（少辣）、刀削麵（少辣）配豆漿呢間舖頭等外賣係要有少少等待時間，儘管NON-PEAK HOUR都要等十分鐘UP的未食都要先讚一讚，就係餸既辣度同麵既辣度都可以自選，即係可以㨂餸唔辣麵辣不過我以前試過叫麵唔辣，個人認為唔辣個味有點齋，叫返少辣會惹味很多麻辣雞扒有生蒜、蔥、荽茜（很香！）、雞扒切成一舊舊，炸得好香，配以辣油令人食指大動啊！刀削麵附以兩條生菜、蔥花刀削麵粗幼適中，唔會好似食麵粉一大舊咁，麵煮得軟，唔會咬到嘴仔攰。麵既長度大致一樣，唔會有D好長有D好短最重要係麵量十分多，我從未試過可以KO一碗麵，次次都食剩⋯⋯巴打果然有好推介

樂湖刀削麵，第一次去食，冷拌好吸引，叫一個試下，等左十分鐘，個麵就來到，醬汁香又濃，配菜手撕雞，撈埋一齊食，五個字形容，真係好鬼正，麵又夠彈牙，汁又夠香濃，雞又好好食！

人生食左無數次口水雞，包括港九新界，未食過唔辣既，黎到問個阿姐仲同我講無辣，要辣要加三蚊，邊答邊行左去，三個樓面啲態度差到爆，食野仲慘過受罪！！！強烈建議唔好去食

之前成日黎。岩岩開張時。d姐姐態度好好。我都周圍同人講好食。後來見蘋果報導都替你地開心。不過湯好咸。一直叫走汁唔好甘咸都照做到。今次黎照舊甘講。姐姐好大聲話無汁走咩汁啊。牛骨湯黎。一係清湯。我話d湯好咸。一直都甘講。之前你地都照做到。點知佢個樣臭到。驚死人唔知發生咩事甘。好大聲再重複。搞到成店客人係甘望住。我話你新黎架? 之前都知點做。依家話無汁?佢就繼續大聲甘頂你講既野（自己當時竟然無諗到走。好傻豬）麵到左。個色水好深。我問呢個清湯?定金錢肚本身d汁黎? 老細話清湯係甘。唔信入黎廚房睇。清湯同清水唔同。我唔識你地廚房野。點解之前你知點做。依家唔知點做。之前我甘講。你又識比清水湯底我既?唔止一次喎。其實我講錯或唔明我講乜。洗唔洗甘大聲甘惡。個樣甘臭。我知你地依家生意好。唔憂做。洗唔洗甘趕客。以前就笑口噬噬。做起左個頭就甘既態度。明既。無謂比幾十蚊買難受。而你地為左賺幾十蚊又甘臭串啦。以後都唔會再黎。最後搞到頂住食唔落。

今早去完產檢，接著又要出尖沙咀做結構。隨便到新北江吃個午餐就出去會合老公。找到了這間小餐廳。記得曾經和老公來過一次，味道忘記了。叫了個豬手刀削麵餐，包豆漿。白色單寫上$46，我望下餐牌，單拼$42。心想是否加了價，望一望牆上，並無價錢牌。只有一幅九宮格的pre-wedding photos，是sweet的，可是放在刀削麵館感覺怪怪的。再望一望隔離枱，人家張單有寫$42。所以在侍應姐姐端上豆漿時問她是否寫錯價錢？侍應雖不是寫錯的那位，有說不好意思，有禮貌的換過一張價錢單。豆漿 - 不會太甜，size和味道都ok的。👌豬手刀削麵 - 出事了！😓豬手和湯底我都選小辣，不過問題不在辣度，是味道。湯底有很濃藥味，完全不討喜，豬手亦一樣，不是平常豬手醃制的味道，我真的不懂欣賞。雖然豬手是淋的，亦有咬口。而麵底就太粉，有些硬，口感一般（我是喜歡麵硬些、有咬口，不太淋的，但這兒的不是有口感哪種）。

時間觀念好差。好希望改善營業時間。食物係真係好好食旦每次去到得d姐姐係度老闆永遠都係吾知幾點反到黎 希望可以改善呢樣野如果吾係，無論食物有幾好都會不停流失客人。我就係每次專程去到都係冇人反黎煮麵。連d開檔姐姐都好吾好意思甘講：我真係吾知道佢地幾時反黎。你不如去第二度食啦。令到我每次都覺得好失望一次又係甘兩次又係甘呢樣野起碼重覆左十幾次希望可以改善好令更多人食到你地好味既出品。我只係一個好鐘意食野既人你地既食物出品我係比100分

今次係第一次響天水圍試食刀削麵，之前麵係經常食元朗果幾間，但通常都唔會叫刀削麵，覺得切得太厚，好似食麵粉咁，所以食親都係叫手拉麵🍜上open rice睇下有咩好介紹，睇睇下就見到依間好似幾多好評咁，間餐廳都幾細咁，所以座位都會比較迫，不過唔緊要，最緊要好食一黎就揀個雙併刀削麵一早已經睇定左食咩，揀左魚腐同埋菜肉雲吞刀削麵，個菜肉雲吞餡料係白菜🥬豬肉友人就叫左牛腩同豬大腸米線🍜我果碗一上檯，就見到唔錯，湯頭幾鮮，而且魚腐食得出係新鮮炸起，食起上黎幾香口，同埋都幾足料，兩款餸分別有4件到個麵啦，欣賞廚師切得唔會太厚，最怕好似食緊成舊麵粉咁...值得嘉許，配埋杯熱檸水就岩岩好啦

一直都知道有依間麵店直至睇到網上介紹 先去試 點知一試就上癮捨棄左之前成日食嘅米線 改左做依間fans食過五次 都覺得超正小店係夫妻檔經營 見到兩位都好落力 更令我覺得值得幫襯湯底好夠味無叫辣湯底 因為原味都已經好好食！刀削麵可以按個人喜好 要求厚薄老闆收到order就會即做刀削麵 好厲害（仲可以加錢轉拉麵 但暫時未試過）配料非常足料 大腸超好食 煮得好好 唔會難咬 又夠味 豬頸肉好香口 係麻辣（麻辣小食有好多款 不過小心小辣都好辣）

今日沒約朋友逛街，家中又沒有糭可吃，唯有去樓下找吃的，不過我家附近食店選擇多，不愁沒東西吃。今次我就試了媽媽推介的樂湖刀削麵，她說這裡刀削麵足料好吃，價錢合理，媽媽介紹的通常都是很不錯。打開餐牌第一頁，經已看到雙拼刀削麵套餐，46元刀削麵連凍豆漿一杯，頗實惠的。雖然續頁後還有更多餐牌選擇，但個人覺得第一頁的已能滿足我的口腹。我點了五香牛肉拼菜肉雲吞刀削麵，熱騰騰的刀削麵來到我面前，香氣撲鼻，湯頭牛味濃厚，刀削麵厚度剛好，嚼起來滿有咬勁，而且刀削麵均是即場製作，非常新鮮。配料正如媽媽所言豐盛，五片五香牛肉，三顆菜肉雲吞，五香牛肉絲絲五香風味，肉質軟嫩帶筋的彈性嚼勁，好不可口。菜肉雲吞皮相當薄透，卻不軟爛，餡料顯而易見，肉餡口感細緻，菜味鮮甜，我超喜歡這有水準的菜肉雲吞。