樂湖刀削麵

營業中

休息中

今日沒約朋友逛街，家中又沒有糭可吃，唯有去樓下找吃的，不過我家附近食店選擇多，不愁沒東西吃。今次我就試了媽媽推介的樂湖刀削麵，她說這裡刀削麵足料好吃，價錢合理，媽媽介紹的通常都是很不錯。打開餐牌第一頁，經已看到雙拼刀削麵套餐，46元刀削麵連凍豆漿一杯，頗實惠的。雖然續頁後還有更多餐牌選擇，但個人覺得第一頁的已能滿足我的口腹。我點了五香牛肉拼菜肉雲吞刀削麵，熱騰騰的刀削麵來到我面前，香氣撲鼻，湯頭牛味濃厚，刀削麵厚度剛好，嚼起來滿有咬勁，而且刀削麵均是即場製作，非常新鮮。配料正如媽媽所言豐盛，五片五香牛肉，三顆菜肉雲吞，五香牛肉絲絲五香風味，肉質軟嫩帶筋的彈性嚼勁，好不可口。菜肉雲吞皮相當薄透，卻不軟爛，餡料顯而易見，肉餡口感細緻，菜味鮮甜，我超喜歡這有水準的菜肉雲吞。

新北江精選如果要去天水圍新北江商場食午餐，樂湖刀削麵一定係我top3既選擇之一。餐廳提供多種刀削麵選擇，有清湯、麻辣、熱伴、涼伴...我個人最鍾意食清湯刀削麵配麻辣豬頸肉。豬頸肉烤得好好，最緊要既皮係夠脆，雖然望落細細碟，但份量絕對足夠。另外，我非常欣賞佢既麻辣醬，加左好多蒜蓉，入口非常香口，辣得相當有後勁。主角刀削麵都好有嚼勁，配合濃郁既清湯，十分滿足。後記：一路食重可以一路欣賞老闆既削麵刀工，勁！

新北江又一推介 - 樂湖刀削面1) 麻辣手撕雞味道剛好, 麻速得平衡, 雞肉嫩滑, 但係可惜有少少雪味 🤔🤔2) 麻辣刀削面大辣🔥🔥🔥🔥🔥 刀削面煙軔有咬口, 湯底夠麻夠辣, 令人一啖接一啖 🤤🤤🤤3) 配料叫左蒜蓉豬頸肉, 麻辣牛, 麻辣豬扒, 全部都醃得入味! 唯獨豬扒煎得太乾天水圍黎講價錢未算平, 但性價比高, 同埋好大碗 🍜🍜 建議兩個人可以叫一碗面加小食share 👍👍👍

即叫即削好好味刀削麵 （樂湖刀削麵）同同事去新北江人山人海唔知食咩好～ 見到樂湖刀削麵咁岩有位 即刻坐低 唔諗！佢既刀削麵是自選的 價錢非常相宜 而且麵好多選擇 我揀左牛踺蘿白刀削麵係等候既過程中見到佢啲麵原來真係即刻削出黎😍 呢樣野即加左分！碗麵好足料 超多麵 啲送仲要鋪滿成個碗架😍好開心 佢既牛踺好入味 又夠厚 好味 蘿白林林的 好入味 湯底清甜 不錯👍🏻 飲左會啲湯都唔會好口渴 讚雖然係有少少逼 但佢既味道真係值得一逼🤙🏻🤙🏻推薦

麻辣朱扒刀削麵（中辣）包豆漿或熱飲一杯46元麻辣味道做的很好很出色，配上生蒜茸，色香味俱全，這蒜香麻辣的味道是我喜歡的味道豬扒一件，醃製入味，肉質軟硬適中廚師手切刀削麵，很好味

尋日同朋友們去咗天水圍體育館打羽毛球，一直都聽聞天水圍有個新北江商場有啲似葵涌廣場，好多小店同小食， 所以打之前就去咗覓食啦！😅本身都諗住想食麵 ，Openrice左一陣， 見到呢間餐廳名寫住刀削麵就鎖定左佢想試啦😂我地十二點幾去到， 人客唔太多， 店員好積極地問咗兩三次我哋食咩，好似係咁催我哋咁🙈🙈最後男朋友揀咗單併嘅金錢肚刀削麵， 我就叫咗豬耳鴨腎刀削麵， 都係唔辣嘅， 兩樣都包飲品， 但係男朋友話佢杯豆漿好難飲，啲味怪怪地😅😅由落單開始我諗都等咗起碼十五分鐘， 見到疑似老闆嘅後生男人喺度搓麵團同埋捧住一大嚿麵糰逐條逐條削落去個鍋度煮， 睇見都覺得重同埋辛苦🙈🙈 不過就好新鮮，因為即叫即煮👍👍個麵底好煙韌， 趙到一半個口好攰😂 分量都唔少，我聽到好多人都會叫少面， 個豬耳顏色好淡唔吸引，但係配埋個湯底浸一陣食落都ok既，鴨腎就幾厚身同夠味， 而個金錢肚就好似用咗八角果啲醃過黎咁，都not bad,但個湯底都算偏咸中意食麵既人可以一試👍

久違嘅食勻新北江系列又嚟喇，之前經過呢間刀削麵餐廳已經想試，但咁啱冇開門，今日終於有機會試喇。同普遍新北江嘅餐廳一樣，舖面面積較細，坐得唔係特別舒服。單拼套餐要42蚊，跟豆漿或熱飲一杯，除咗刀削麵之外，亦可以選擇轉薯粉或米線，但既然一場嚟到，就梗係要食刀削麵啦。今日叫咗豬大腸刀削麵，雖然只係單餸， 但份量都幾多，刀削麵夠彈牙，入口煙煙韌韌咁，湯頭微甜，味道夠濃，幾適合粗身嘅刀削麵，豬大腸煮得夠淋及入味，整體配合唔錯。

今日在天水圍新北江商場，發現刀削麵的蹤影，店面比鄰舖為大，星期日下午2點多，舖內入座率近8成……👍👍👍👍熱拌豬軟骨刀削麵熱拌意思係用肉燥醬撈熱刀削麵(無湯)，肉燥味道有點似廣式炸醬，醬帶肉末味道有點點甜和小辣(不吃辣者當心)，刀削麵質感煙韌彈牙，個人十分喜歡。豬軟骨食落有點乾，有少部分柴，但有4舊，味道濃淡適宜，味道同份量搭夠。👍👍👍雲吞雲吞係白菜豬肉餡，菜多肉少內有薑絲同微微薑味，對不喜歡白菜草腥味的我，薑味就將草腥味中和，唯煮食時間過長，雲吞上枱時表皮微穿，希望下次有改善。期望下次再試其他

曾幾何時，食過一次之後念念不忘，但近呢幾次食都覺得湯底很咸，食了兩次什菜豬手麵，什菜是過熟及黃，豬手也變細及有"蘇"味，希望佢地會有所改進，不要再退步了，令人失望呀。

昨天點了一碗炸醬水餃刀削麵加一杯豆漿，刀削麵的質素還可以，算彈牙，純粹麵條算中上，但餸就唔多吸引，炸醬的肉粒較少，醬的味道普通，講唔上好食，至於水餃比較奇特，用乾葱加肉碎做，食乾蔥都可算第一次，隻餃夾上手都散散地，煮到過曬龍。服務普普通通，成日趕住收走我個碗，未食曬都想收，又未滿客，唔洗咁趕呀...... 杯豆漿都可以，至於價錢就偏貴少少，兩餸麵加杯豆漿都$46。淨一碗無餸刀削麵加幾條菜，無飲品要$28元,如果要由豆漿轉汽水要加$3元，單餸麵加豆漿都就$42元。

價錢合理，食物美味，特別是菜飯，加入了冬菇更香口，只是服務態度有待改善。另外，菜單大部份也寫上麻辣，沒仔細睇不知道原來可走辣，而上菜速度較慢，可能是因為人手不足，但老闆及老闆娘已忙過不停，支持香港小店。

睇食在元朗介紹過呢間刀削麵所以專承嚟試試。。點了麻辣豬腸刀削麵同豆漿，買相唔錯，見到個師傅攞住個麵團一刀一刀削D麵出嚟！感覺較新鮮！呢樣嘢我以前只係係大陸食先見到，開放式廚房可以比客人見到整麵過程另到食客對衛生放面較為有信心豬腸夠入味又夠淋，刀削麵好有咬口，啱我口味！湯底ok,杯豆漿就差D,飲到最底有一舊舊渣係度，唔知咩原因，好似我開奶粉比個仔攪唔均既感覺，但飲落去又唔似開粉，整體嚟講質素唔錯，只是豆漿要改善。

同數個朋友去樂湖，見到有刀削麵，於是就入去嘗試。點知，首先係門口，有個高大穿的員工又吾識招呼＆安排坐位。之後，落單時，想又加辣，開始話吾得，跟著又話要加３元。想話要杯水，叫幾次都吾應。食物＆價格都好＆合理，唯一係服務態度差！！！！

樂湖食店林立，轉手亦快，今日經過看到一間刀削麵。食店採取開放式廚房，看到年輕的煮麵師父拿著一大個麵團一刀刀削出刀削麵。麵有單餸或双拼，今次點了牛腩拼金錢肚，熱奶茶。雖然刀削麵是即點即削，可能人客不多的關係，很快就上麵。牛腩拼金錢肚刀削麵多青~先試試西生菜，煮得剛好，保持菜的爽脆質感。湯頭清而不膩，十分順口。金錢肚切得很厚薄適中，咬下有湯汁爆出，份量不少。牛腩給了兩大塊，牛腩炆得入味，不是入口即溶的口感，而是有點煙韌有咬口。刀削麵份量比於女生來說太多了，麵條吃得到麵粉香味，刀削麵的特色是一條麵條有厚有薄，可以同時吃到厚的煙韌薄的軟滑。小店的刀削麵偏向軟滑，如果能多一點煙韌口感就完美。下次要試麻辣口味。

新北江其實係我飯堂，差不多每晩係呢個商場晚飯🥣，最近有間樂湖刀削麵新開張，我就入去試吓，因為刀削麵香港很小有得食，我叫咗碗麵同豬手，一般我很小食肉，但最後食過豬手好淋超正，👍👍，湯底👌唔會好鹹，香港而家食嘢好貴啊！呢間價💰唔貴，一碟豬手都係＄38，下次再試豬軟骨刀削麵加一打飲品＄46，舖頭老闆好好人✌️❤️👏