樂湯雞麵館 (登龍街) (已結業)

🍽 樂湯雞 (銅鑼灣)​考完試，同兩位同學仔第一時間就係搵食🤤因為最近熬夜嚴重，就搵間有湯水既店試下。有飯、有麵、有湯飲😋重點係有腳一齊食好嘢🥰​🍳 砂鍋雞湯翅-刀削麵 $82朋友叫既係白飯，口感偏硬，浸咗做湯飯都未如理想；而麵食口感唔錯，對於刀削麵印象一直都唔錯，真係食緊湯麵🍜咁。至於個湯，個人認為係有用心煲既，調味都剛剛好，唔會用太濃味去帶過個湯底，整體黎講仍然有進步空間。麵既份量女仔👧🏻黎講還可以，雞肉口感、味道不過不失。​​🔸🔺🔸🔺🔸 🔸🔺🔸🔺🔸 🔸🔺🔸​​📍銅鑼灣登龍街41-51號地舖🚇港鐵銅鑼灣站B出口📱電話：2382 2918🈺星期一 - 日、公眾假期 11:45-22:00​​#food___wonderland_hongkong​———————————————————​#delicious #food #foodie #hkfood #hkfoodie #foodstagram #foodiehk #hkig #instafood #yummy #yum #foodblogger #hongkong #hkfoodblog #lunch #seafood #hkfoo

按著手機的外賣平台App，呢間有堂食七五折，之前其實幫襯過一次，本來已不欲回頭。但快到晚上十點的銅鑼灣，原來好多食店都已打烊，於是我同頭先散場嘅電影女主角一樣，俾多次機會佢。店員推介我食招牌花膠魚翅雞麵。九十二蚊，係平價餐廳食扮上菜嘅貴價野，咪俾次機會，試下佢虛實囉。那片厚而無味的花膠，就像剛散場啦電影般平淡。不難食，但非鮮甜驚豔。翅嘅質地同味道，又硬又腥，就好似《神探大戰》勇奪金像獎導演同編劇一樣令我一頭霧水。至於雞，咪雞囉。有啲肥，有啲油，有啲癡牙有啲韌。刀削麵係碗野入面最好味嘅。總結，難食又未至於，同套戲一樣令中容易遺忘。唯一令我記得係佢個價錢，打折後，七十八蚊連豆漿。夠我係譚仔食碗米線，再加碟皮蛋，但滿足感卻比呢度高幾倍囉。

花雕醉豬手 - 豬手皮爽，有部份位置已經拆骨，而且處理豬手好乾淨，無見到或食到一條豬毛，不過略嫌酒味唔夠濃。雲腿浸娃娃菜 - 呢個應該係用魚湯？因為我食第一啖就想⋯⋯🤢，純粹個人問題（無計本身超唔like魚湯）不過佢應該都係偏淡，話明雲腿，一啲雲腿咸味都無（可能係因為間店本身係主打無味精，所以好多食物味道都偏淡，不過健康啲都好。）鮑汁瑤柱冬菇飯 - 呢個飯好食，有啲似荷葉飯𥚃面嗰個飯，非常惹味！（即刻懷疑人生mode : 真係無味精🤔）砂窩花膠雞湯翅（半隻雞）- 到咗主角喇⋯⋯反而無乜野想講，因為個問題之前都出現咗，咪又偏淡囉，但係無味精食得健康啲嘛。至於翅同花膠，俾二百幾蚊食咁多嘢，你都唔會諗住佢會一級貨你食啦！但係都可以食，翅就細細塊，花膠就係打邊爐果啲，雞就係煲湯嘅雞好食啲咁囉。但係我覺得用二百幾蚊食到個3個餸既二人餐仲要係銅鑼灣，真係算抵食！而且仲要標榜無味精，食得健康啲，你仲想點😅

還記得當初太子白楊街，初次食到花膠湯麵的感動。作為本地花膠雞湯麵的先鋒，當年甫開業已大排長龍，周末情況更甚。當年一碗麵賣五六十蚊，不便宜，但呷一口花膠湯，味道濃厚黏口，骨膠原滿滿，雞肉不算嫩滑但份量也不少。當然，膠不是真花膠，雞也是冰鮮貨，但呢個價食到呢個味道，絕對是驚喜而超值。時光流逝，小店愈做愈大，花款愈來愈多。登龍街開業後幫襯過幾次，水準雖有下滑但味道仍是合格的，偶爾支持回憶也當回憶當初的感動。但疫情影響，收店時間提早了，夜遊人的我近兩年都無再幫襯…直到昨晚（28/2），全城除罩的前一晚，神推鬼㧬之下，食咗相信係最後一次嘅樂湯雞…一份口水雞，一碗花膠雞湯粉絲。口水雞上枱就知出事，口水醬色澤偏淡，無辣椒粒，一睇就知係大陸平價醬。花生量少，雞皮深黃，肉質韌，懷疑是熟食來貨或隔夜，睇見都唔開胃。花膠雞湯一望也看得出比之前的淡薄，但入口仍算ok，最大問題是配料，雞肉較口水雞更差，嚡口無味，完美的刷膠口感；花膠連鱈魚膠都稱不上，浸發到極大嚿但零味道，且口感偏硬。一碗八十幾蚊，份量尚可，但一餐飯的飽足除了份量還講求味道，單是這點已經令身為開業Fans的我大失所望…「店做得愈大，味道自然愈差」

夜晚過登龍街搵食，今次因為想食得清啲，見到呢間主打雞湯食品，又唔駛排隊，所以入去試下我叫咗砂鍋雲吞雞配粉絲，上枱時仲滾緊的。個湯都幾鮮甜，飲得出應該真係冇味精的雞肉係切件上，肉質唔算好嫩滑，有兩粒雲吞，但比較厚皮，味道算不過不失，勝在好暖胃老公叫咗鮑魚雞大碗飯，有一隻飽魚，碗飯都幾大碗，反而最欣賞個飯係平時食開荷葉飯嗰種有味飯，味道唔錯值得一讚係侍應姐姐招呼殷勤有禮，服務態度加返唔少分數！👍🏻

砂鍋花膠雞湯翅湯底濃濃香雞湯味😍雞肉好滑之餘雞味係夠👍👍👍翅既份量亦唔小😍小編係覺得花膠唔夠入味😅椰子湯&雞湯刀削麵椰子好飲過雞湯😂椰子香一上枱超香😜配刀削麵好正麵質食落夠哂口感～唔會煮太淋要有咬口先好味(小編覺得)🤣🤣涼拌海蜇手撕雞調味中應該有麻油之類👀好香～亦令到整碟餸夠香又滑溜～同埋入哂味好好食👍雲腿浸娃娃菜正常發揮～特別在於好多菜😂正😙盛惠💰$3xx好味指數(7級最佳)▁ ▂ ▃ ▄ ▅ ▆ —————————————————☻非專業食評·純個人口味☻—————————————————📍總結:終於都試到🤭夜晚黎幾次都有人龍😂小編會好懶唔想排🤡🤣🤣無失望之餘下次再食其他野先😉

花膠雞湯翅刀削麵，再另加$24花膠！廚房俾漏翅！超白色花膠完全冇味都唔知食梗咩！冇味要點辣椒油先食到！好後悔再加錢要多份軟膠😡！刀削麵超級難食！只有湯係冇味精，得喱樣好囉！唔會再去！反而覺得一間叫痴膠雞好食！堅係花膠，湯又濃又痴嘴

今日天氣涼涼地，同事帶我食呢間以雞湯出名的麵店，的確有驚喜。中午未夠1點入鋪頭已經坐滿人，都算幾火。1）花膠雞湯翅（$68）飽飽地簡簡單單飲個湯，份量唔算大，口味清淡，但絕對有雞味，花膠三件，魚翅都有細細兩三匙，金華火腿就細細粒，要六十幾蚊嘅價錢嚟講都算係咁。2）砂鍋花膠雞米線（$82）上枱已經熱騰騰，天寒地凍食最啱，雞有四至五件，都算幾滑，花膠三至四件，當然唔係矜貴貨色，但大大件已值回票價。午餐價錢中規中矩，但勝在平民價食到魚翅魚翅花膠撈飯響銅鑼灣邊度搵？

今日同事帶我去威，走到銅鑼灣食lunch， 而且天氣凍最啱食有湯嘅野。砂鍋花膠雞湯翅 $92 - 可選配飯、米粉、粉絲、米線， 我就揀咗米線，鍾意佢滑嘟嘟。 一嚟到，成個砂鍋上，而且啲湯仲滾緊， 好似食緊打邊爐咁。 再試下啲湯， 有啲淡，應該冇味精。 煲湯入面有兩、三嚿花膠，厚身又大舊，其實無咩味，但彈牙。雞嫩無雪味，應該係新鮮的。食完之後覺得嘴唇都有啲黏黏口， 應該真材實料。XO醬招牌雙寶撈出前一丁 $92 - 賣相其實有啲似普通茶餐廳出前一丁，我冇試到，但舊同事話 一試過番唔倒轉頭。 我唯有下次試吓😁

今日天氣轉凍，打算食些熱辣辣的食物，揀左間在登龍街的【樂湯雞麵館】。小編第一個客人可以自由揀位，店內裝潢平實，牆壁上掛上餐廳主打菜式的圖片。菜式以花膠、翅及雞為主。【砂鍋花膠雞湯翅  $92】可以免費配米線、米粉、粉絲、刀削麵或白飯，或加錢配出前一丁或烏冬。不過小編覺得唔太夾，都係揀番米線（不過再揀會轉刀削麵，好似特別D）。以砂鍋熱辣辣上桌，奉上時可以感受到它的熱力。花膠超級大片又厚身，而且白雪雪，同認識的花膠有大不同。咬下去不夠淋、太厚唔吸湯、冇味 …… 好似咬膠的感覺。花膠雞湯麵有不少餐廳供應，但是加入魚翅就不太多。當然沒有太大期望，用的是群邊，實際不叫魚翅，越近群邊口感就有些乾硬，不過份量取勝。這碗花膠雞湯麵的雞件有雞腿、雞翼部位，肉質不太嚡口。值得讚係雞皮滑，而且最重要冇雞毛。（小編兩個月前在九龍灣一間同樣主打花膠雞湯的小店內用餐，那些雞大大件，而且黑色雞毛沒有走清 …… 到今日黑色雞毛陰影依然在小編腦海中出現）這一個花膠雞湯翅米線售 92元，米線來說定價的確算貴。不過用上花膠及魚翅，其實都算抵食。

咁岩係銅鑼灣收工，就黎試下樂湯雞。排左一陣就入得，姐姐都好快手安排入座。叫左個雪燕桃膠椰子雞粉絲（$82+$12時菜）時菜有得揀娃娃菜或小棠菜，會一齊連煲仔上。雪燕同桃膠份量都幾多，湯飲落都唔錯，應該無咩味精，粉絲份量都夠飽，唔會太少，但覺得小棠菜份量可以多啲，同可以淥淰啲。另外叫左個wasabi海蜇手撕雞（$58），一黎到就令人驚訝，個碟仔細細，都裝唔滿而且多數係青瓜，無咩雞絲同海蜇呢個唔太建議叫，份量少，味道無咩特別。湯麵值得一試既，但小食就無咩特別，可以唔試

見不少網評說這店的醉雞沒有酒味，但天氣冰冷下，只想求一碗熱烘烘食物。看到藥饍湯三個字，覺得心也泛起暖氣。就不信邪點了醉雞藥饍湯套飯。同行者，點了醉雞藥饍湯麵。看著她的一大碗冒著蒸汽的麵，就後悔死了。這天氣下我不該點白飯。一吃那傳聞中醉雞，果然厲害，雞肉真的完全沒有酒味但名字叫醉雞。如果雞件浸在調了味的酒內有足夠時間，根本就不會有這情況出現。其實這樣是浪費了那香香的紹興酒及給自己店砸石。幸好只係個醉雞比較叫人失望，主打藥饍湯的藥材氣味夠香濃撲鼻，味道亦不錯，入口即胃暖，不負其名。雖然藥饍湯麵的湯底就是開淡了的藥饍湯，但口味仍不失，藥材氣味沒掉。都會再來吃的，但不會約朋友在這裡聚餐，因為店內環境是屬於坐得很擠迫背貼背那一種，座位是不舒適的板凳。所以要來吃，最好是輕裝而來。

📍樂湯雞麵館今日天氣好凍，最啱就嚟一碗保暖，份量偏小，我本身唔係太肚餓，但食完都唔覺得飽，（可能我大食掛🤪）沙薑雞刀削麵$72（+$15轉藥膳湯）個湯底藥材味濃，好稠身，可能對其他人黎講酒味唔重，有輕微嘅花雕酒味，不過因為我唔鍾意嗰陣花雕酒味，所以就覺得湯底個酒味好夠，不過覺得呢碗藥膳湯麻麻哋，飲多幾啖就有種唔想飲落去嘅感覺，有啲膩同鹹左少少，沙薑雞就正正常常，冇咩特別，整體所有嘢都唔算太突出。

難得同瓜姐撐枱腳跟佢搵食中島就可以腦袋放空只需要跟住佢腳步就自然有好西食🤣—————————————————————果然符合預期所想今次帶左中島食花膠雞湯翅🙈平時行過登龍街多數都係食拉麵好少留意其他舖食咩估唔到有間係食雞湯翅粉絲不過雞湯翅就俾瓜姐揀左中島就揀個雞湯魚翅餃粉絲試下啦見到瓜姐煲雞湯翅米線熱辣辣仲係出緊泡泡嗰隻滾湯狀態睇見都流晒口水🤤好彩中島煲花膠雞湯翅餃粉絲都唔差呢啲梗係要飲左啖湯先啦泛白+點黃油嘅雞湯濃郁鮮甜唔油膩瓜姐話揀粉絲有個好處就係貪佢可以索晒啲湯汁咬開餃子好足料比食開嘅淡味因為無韭菜😂如果唔係就冚晒雞湯味啦講到尾中島都係鍾意佢個湯🙈好飲—————————————————————◂ 砂鍋花膠雞湯翅 $92◂ 砂鍋花膠魚翅餃雞 $88

叫咗個$88醉雞套餐，結果嚟到隻雞勁厚皮，勁多脂肪，仲要係全部都係骨，同個阿姐講，距話唔會換俾我，佢話佢保證啲雞冇問題，我唔係話隻雞有問題，隻雞又未至於毒死我嘅，原因係因為佢倒左醉雞汁，嗰隻雞唔可以再重用，所以佢就要我食咗佢，唔會換俾我囉，但係$88淨係食骨同埋脂肪，我唔使去你間舖頭食啦。啲服務態度真係好差，我一向都幫襯開，真係覺得每況愈下。以後都唔會再幫襯，唔緊要你唔換我都會照食嘅，我唔會浪費食物嘅，我都無同d丫姐嘈，嘈黎都冇意思佢都唔知我個重點喺邊。