樂湯雞麵館 (登龍街) (已結業)

今日同朋友去咗時代廣場附近買嘢同埋shopping, 想食個下午茶，就去咗附近嘅登龍街搵食，咁啱就見到呢一間有花膠雞做招牌嘅餐廳，同朋友就決定入去試吓，朋友話呢一間餐廳喺旺角都有連鎖嘅分店，而且口碑都非常好，下午茶時間都幾多人！✨醉豬手 ！ 豬手非常入味，而且充滿花雕嘅味道，非常濃郁嘅味道，呢一個味道亦都非常襯，作為一個前菜嚟講分量都非常多，而且絕對有驚喜，非常推薦大家叫呢一個前菜！✨砂鍋花膠雞湯翅，花膠雞湯次嚟到嘅時候熱辣辣係用石鍋上嘅，湯底亦都非常濃郁，食得出冇任何味精，而且係用老雞去做嘅上湯，食得出餐廳喺湯底嘅心機花咗好多，呢一個菜絕對非常好食，而且呢一個價錢嚟講CP值非常高，喺銅鑼灣嚟講算平，我哋就加咗刀削麵，湯底亦都同刀削麵非常配搭，下次嚟嘅話我會加飯，應該會同飯嘅配搭亦都唔錯！花膠亦都大大件，正！✨杞子蟲草花配翡翠苗，我哋再叫多個菜，都幾好食，上湯豆苗味道一流，分量亦大！我同朋友亦加左個魚皮小食！脆卜卜好味！最後加左杯豆漿！大滿足！

每次經過登龍街都見到呢間樂湯雞麵館大排長龍，今日可以親身體驗餐廳既魅力，餐廳既二人套餐只係$278，非常抵食。- 鮑汁瑤柱冬菇飯一上菜已經聞到香噴噴😍。鮑汁非常濃郁，加左冬菇碎可以提升香味，同時令口感更加豐富。- 麻辣海蜇手撕雞海蛰清涼爽口，蘿蔔同青瓜切成一絲絲，而手撕雞辣度非常強勁。- 雲腿浸娃娃菜娃娃菜份量比想像中多．味道清淡，嫌海蛰手撕雞太辣可以將海蛰手撕雞浸落娃娃菜上湯入面🤣- 砂鍋龍皇雲吞雞湯底清澈鮮甜，雞件肉質普通但數量幾多，另外有小棠菜同雲吞，非常豐富抵食。

星期日約咗同學傾功課，去銅鑼灣食個lunch 本住行過路過試新野嘅精神，係登龍街揀咗呢間樂湯雞試吓，因為見到有藥膳湯底，唸住應諳正常掛，點知…醉雞·藥膳湯拌麵雞肉好「鞋拾拾」，湯底被紅棗味掩蓋，拌麵還可以。加配杯豆漿係最正常。砂窩雲吞雞 （細）雞肉係韌嘅，湯底一般，雲吞麻麻地。入到去舖頭有陣奇怪味，先生話係酸菜味。侍應姐姐好努力推銷二人餐，但因為太早食唔落，我哋揀咗單點，亦好彩無點二人餐，如果唔係我會更加後悔。

呢幾日天氣轉涼，夜晚同朋友去銅鑼灣食飯，周圍凍冰冰，見到有間舖招牌係熱辣辣嘅雞湯，就入左食。店員推介二人餐，我哋睇過餐牌的確係抵啲，就叫左個二人餐，再另外加個椰子雞湯。涼拌海蜇手撕雞呢個前菜一啲都唔馬虎，新鮮紅蘿蔔、青瓜切成幼長絲，配埋清涼爽口海蜇，以及手撕雞食好開胃。雲腿浸娃娃菜娃娃菜份量比想像中多，煮得啱啱好，調味適中，食落唔會好咸。砂鍋花膠雞湯翅重點嘅招牌菜用砂鍋上，半隻雞嘅表面舖滿大片花膠，花膠爽口彈牙，雞肉食落鮮嫩香滑，肉汁豐富，嗰湯亦都係精華所在，有翅入口之餘，亦唔會好油膩，非常好喝。鮑汁瑤柱冬菇飯呢個飯非常足料又夠香，加埋雞場食非常夾。藥膳湯刀削麵刀削麵麵質滑身，唔會煮得太淋，藥膳湯香濃，喝得出用足料。椰子雞湯椰子雞湯充滿椰香，而且有好多湯料，飲落好清香，感覺輕盈。餐廳嘅湯全部都真材實料，喝完完全唔會有口渴或者重味精嘅感覺，的確係絕無添加，我下次有機會一定會再去。

天氣開始涼涼地，最適合飲返碗熱辣辣嘅湯暖下身，今日去咗銅鑼灣嘅「樂湯雞」食返餐平民版嘅鮑參翅肚，店家主打真材實料，無味精嘅雞湯，清清地夠晒健康🙂店員介紹我地食2人餐，只係$278，非常抵食👍🏻砂鍋花膠雞湯翅（半隻）砂鍋上枱時仲係滾到卜卜聲，超足料，有成6、7舊白雪雪又厚身嘅花膠、翅裙邊、咸香嘅雲腿綠、足足半隻雞嘅份量，湯底香濃鮮味，十足十家的味道，飲完亦唔會口渴，健康又養顏🤩醉豬手爽口又Q彈，滿滿嘅骨膠原，除咗指尖嘅部份，店家亦好貼心咁去咗骨，食起上黎非常方便，入口煙煙韌韌帶淡淡嘅黃酒味，加上蟲草花同杞子，真材實料👍🏻雲腿浸娃娃菜唔會有過多嘅調味，突出娃娃菜原有清甜嘅味道鮑汁瑤柱飯推介👍🏻飽汁燴飯味道濃郁，加入香菇絲令口感更加豐富，咸鮮嘅味道一啖接一啖食唔停口紅油花膠魚翅餃大大粒又足料嘅花膠魚翅餃，皮夠薄餡料多，粒粒都勁飽滿，有蝦肉、豬肉、花膠、魚翅，以多種矜貴嘅材料製成，配上辣油更惹味😋📍樂湯雞麵館 (登龍街) (銅鑼灣)銅鑼灣登龍街41-51號地舖人均消費：$100-150食物：⭐️⭐️⭐️⭐️⭐️環境：⭐️⭐️⭐️⭐️回頭率：⭐️⭐️⭐️⭐️⭐️

樂湯雞麵館 (登龍街) 地址: 銅鑼灣登龍街41-51號地舖電話: =====================食養生湯底米線呢幾年都流行呀，我都深信病從口入這道理，且食物本身有唔同營養，均衡才是皇道。$278 2人餐好抵食，點了半入花膠雞，麻辣海蜇手撕雞，鮑汁瑶柱冬菇飯，雲腿上湯娃娃菜。花膠雞個湯好飲，鹹鹹香香，半隻雞好多肉。手撕雞夠惹味，因個湯底兩個菜都是同出一徹，食到一半會有點單調，有麻辣味沖擊一下。個飯比想像中好食，每粒米都吸了汁又上色。娃娃菜煮到好腍身。

今天約了朋友去銅鑼灣登龍街嘅樂湯雞麵館吃晚飯，這間店強調少糖少鹽，而且所有湯都係原汁原味係唔會落味精嘅，所以去試吓。呢度嘅招牌菜係砂鍋花膠雞湯翅，湯好濃稠，有好多軟滑的花膠，喝的時候感到好有營養價值。煲裡面有半隻雞🐓雞肉煙煙韌韌，鮮甜有雞味，係原汁原味嘅。還有一些群翅，絕不欺場。鮑汁花膠花菇撈公仔麵味道好，公仔麵嘅硬度剛剛好唔會好淋，因為標榜少鹽少糖，雖然花膠冬菇有鮑汁，但係唔會太鹹，好健康。冬菇大而厚，花膠都好o正呀！蟲草花杞子浸翡翠苗健康有益味道清。翡翠苗嫩綠爽口，蟲草花杞子嘅配搭好合適👍🏻👍🏻👍🏻冰凍嘅豆漿口味非常濃郁，微甜，好合我哋嘅口味。今日雖然係星期一，晚上樂湯雞坐滿了客人，證明係一間好受街坊歡迎的飯店。

其實一入到餐廳聞到有浸臭味，已經覺得奶奶地嘢。但以為係間餐廳清潔做得唔好，啲食物應該正常掛。叫咗碗口水雞米線同藥膳雞米線藥膳雞米線：一嚟到發現原來係碗湯傳出異味，浸味好似有狗仔喺側邊屙尿但冇抹咁。碗湯飲落正常，但真係好臭好似嘔吐物。而雞就好鞋。食咗幾啖完全食唔落。口水雞米線：碗湯味道非常淡，而口水雞味道正常，但冇乜肉，雞皮亦都好厚。唯一要讚就係啲姐姐好有禮貌。成餐飯食咗$150，當買個教訓，以後都唔會食。

之前食過佐敦分店嘅麻辣海蜇雞絲撈一丁，當時覺得味道唔錯，最近見到有foodie推薦砂鍋花膠翅，所以就去銅鑼灣店試吓。最後到店試咗藥膳醉雞配米線餐(送花膠海參+凍豆漿)，但未如理想。⠀首先，藥膳湯底見到有桂圓紅棗同一啲中藥，但飲落去只有極微量嘅藥膳味，係第一個失望(我唯有加醉雞啲汁落湯底調味啦)。第二，碗內白色嗰舊話係花膠，我咬落去係覺得有啲爽口又有啲韌嘅不知名食物😅，醉雞、海參、米線同凍豆漿都正常。⠀*同埋店內有陣味，應該係熬雞湯嘅味，但聞落怪怪地😅

食過幾次醉雞配藥膳湯底， 勁好味， 個湯係紅棗圓肉味， 我次次都飲晒， 飲完唔口渴，唔燥熱今日試新野，叫花膠雞米線，湯底淡過水， 我頂唔順自己加啲鹽， 都一樣淡，唔好叫 其他野未食過

這間人氣連鎖麵館分店遍佈港九新界，主打不同口味的無味精養生雞肉麵食，湯頭每日新鮮自家熬製，真材實料鮮味十足，適合所有人士。午市時段提供多款麵食及小食，而夜市則有火鍋供應。生酮牛丸蒟蒻麵 - $58與本地品牌振興牛丸合作，首創生酮牛丸迎合國際潮流，生酮飲食可愈吃愈瘦；紮實飽滿的牛丸有豐富的肉汁，爽滑彈牙；晶瑩剔透的蒟蒻麵低熱量低醣，煙韌有勁。現食滿五次生酮牛丸蒟蒻麵，憑印花咭可換領生酮牛丸一包或招牌花膠湯一碗。道地無糖烏龍茶附送指定飲品或無糖可樂。砂鍋花膠魚翅餃雞 - $90熱呼呼的砂鍋能保持溫度，鮮味的雞湯不會過膩；一件件肥美飽滿的雞件，有著黃澄澄薄透滑溜的雞皮，雞肉嫩滑多汁；兩粒花膠魚翅餃，晶瑩剔透的餃皮煙韌彈牙，包裹著滿滿的餡料；更可以優惠價加配指定小食。花膠湯 - $60黃白色的湯頭清澈而不油膩，熬出鮮味的雞黃油，數片大塊的花膠爽滑富彈性，更加入鹹香金華火腿提鮮，健康又滋潤。無糖可樂 +$9惠顧任何粉麵飯餐，即可享飲品半價優惠。

來食魚翅撈飯不坊可以考慮去呢間落湯雞專門店！ 店內主要以魚翅及雞為主題，招牌菜魚翅雞湯飯，砂鍋雲吞雞，沙薑雞腳，至尊鮑魚大碗飯都是他們的主打王牌， 他們湯底全是原汁原味的靚雞湯，也是他們的賣點， 當日我們叫了一個魚翅雞湯麵和招牌沙薑雞腳，我很愛飲他的雞汁，超高水準！

標榜少鹽少糖的餐廳，提供養生的麵食，如有特別味道愛好，記得要在落單時提出，而太子旗艦店更有火鍋吃✨藥膳醉雞刀削麵（$76）這道麵食放滿了藥材，但藥膳味卻偏淡，藥材的味亦不重，而醉雞就夠入味，肉質正常。刀削麵薄身有弧度，算是有彈口✨砂鍋桃膠雪燕椰子雞米線（$84）椰子味道香濃，但因為少鹽少糖的緣故，整體的味道卻偏淡，幸好桌上有胡椒粉、辣椒油等調味品，可以讓食客自由調節味道。然而，桃膠的數量卻不足，可能已經煮至軟爛，讓整道菜的口感稍微有點失落雖麵館將健康元素注入每道菜式中，但味道方面仍有改進的空間

樂湯雞位於好多食肆嘅登龍街，不過喺咁多食肆當中，今次已經係我幫襯落湯雞嘅第三次水準穩定，服務態度好！叫咗呢個砂鍋<花膠魚翅餃>雞，配粉絲雞件都多，亦有雞髀、雞翼有兩隻魚翅餃，兩條菜，幫襯多次最欣賞佢個湯好明顯冇落味精而湯亦都唔洗怕，可以飲多幾啖都唔會口渴，試過配米線，今次配粉絲份量一樣好！食得飽，正！唯獨發現今次啲菜洗得唔係咁乾淨，係底部有啲黑色嘅漬，有待改善但整體食物質素，服務態度都好好有機會會再幫襯💛

《樂湯雞麵館 (登龍街)》琴日去左銅鑼灣一條友睇戲無乜留意時間😂睇完戲行左一陣去登龍街搵食，點知好幾間心水鋪頭都閂左或者last order左，見呢間好湯雞價錢又算貴，光光猛猛坐得舒服就入去試試佢。🐥花膠海蔘藥膳醉雞米線呢個米線好足料🤣可能臨落場呢所以花膠海蔘都比左好多，而且食得出係花時間煲過夠冧夠哂入味，個湯係好濃好重骨膠原🫶🏻米線應該都係用個濃湯煮所以無overcook得嚟都出奇地索左啲湯，無出現粉還粉湯還湯嘅感覺。至於個醉雞同平時食開嘅有少少唔同，佢個酒味有啲太嗆，就咁食落件雞度就有啲太哽，要用少少湯輕輕拖一拖就易入口啲，不過個雞係滑身唔柴都唔特別肥嘅。