橫綱

營業中

休息中

由細到大經過呢間舖都好多人排隊，一直都未試過，直到近排有同事再次提起呢間麵店，佢地都係話好好食，所以就的起心肝去食😬可能係疫情關係，四點幾去到唔需要排隊，進到店內，人頭也不多，所以還可以坐得鬆動些。打開menu好多拉麵😂唔知食邊個好，就食好多人推介既元祖拉麵啦😚點完餐到拉麵黎到既等候時間亦不需很久😁枱面有多款調味料可供客人隨意添加👍元祖拉麵黎到😄內有一些海帶，一片紙菜，兩片叉燒。湯味沒有過鹹，但也沒有驚喜😐。叉燒味道也是不過不失，沒有感到太韌已算是比起很多拉麵店好吧。試過磨一些芝麻在麵上會覺得比較香口。真的可能聽得太多人話好食，期望過大，有點失望，又或者可能點的款式和自己口味不符吧。趁現在疫情期間，平日某些時段有八折再去試多幾款口味，希望會有驚喜發現啦😜

今日叫左個沾麵黎試試點知都比較失望 叫左櫻花蝦醬油味啲汁係好多櫻花蝦味 但食落都完全唔鮮味就係一味死鹹 算係我食過既沾麵入面最差一碗了當中個汁仲夾雜住啲蝦鬚 依到我係咁咳因為啲蝦鬚"了"到喉嚨兩塊叉燒 又薄 份量太少了 對唔住個價錢成碗麵最可取 就係粒蛋了 但係我見周圍啲人都係叫普通拉麵，咁可能佢地有湯既拉麵真係做得比較出色一點買單之後送上一粒萬樂珠 剛好解除口內濃郁味道。另外就係地方比較逼 如果在疫情下 抗拒進出密集環境既朋友 就要留意了 同埋因為真係見唔到員工有任何加強清潔既措施

兩年半前我還在使用上手「開飯喇」戶口的時候，光顧位於油麻地「彌敦道」的日本拉麵店「橫綱」，「橫綱」遺下給我最大遺憾，就是發現原來「橫綱」採用了，含提神成份的「麥茶」，作為給食客享用的免費餐飲飲品。結果我當時享用「橫綱」拉麵，去到最後就被那一杯「麥茶」，害到我整晚也無法入睡。所以我今次光臨「橫綱」，我告訴我自己知道，我務必要告訴「橫綱」店員知道，不需要「麥茶」作為餐飲，「橫綱」的好意我心領了。另一方面，由於我今次不是在星期日晚上光顧「橫綱」，所以還需要享用「雞飯」類的食品，還需要牛肉類的食品，至於是小食還是拉麵食品，我還要再看看餐牌考慮一陣。結果我終於在「橫綱」餐牌裡面的拉麵食品選項裡面，發現「橫綱」原來有很多以牛肉作為餸菜的拉麵，包括「肥牛拉麵」跟「咖喱牛肉拉麵」「橫綱」沒有雞肉拉麵，所以我只能選擇牛肉拉麵食品。「橫綱」裡面的拉麵食品，跟丼飯食品都有一個比較與別不同的地方，就是另外附設了一個套餐餐牌，套餐餐牌分別有「午餐」跟「晚餐」，主要是選擇一碗「拉麵」，加一碗「丼飯」，再加飲品而成的套餐。我需要在「橫綱」餐牌裡面，在跟雞肉有關的丼飯食品裡面選擇，最後我選擇擁有非常濃厚甜味照燒醬汁，

係拉麵店百家爭鳴嘅年代，好食啲、出名啲既，閒閒地都要90蚊起！橫岡拉麵係香港最早期嘅拉麵店，十幾年前算係好貴～唔捨得食。但而家只係90蚊內就已經食到古早味嘅拉麵，仲要免收加一！係一個性價比高嘅選擇～溏心蛋～採用左日本蛋！蛋黃色澤紅潤～烚到剛剛好！用醬油浸至淺啡，賣相吸引，餸面一流！豚骨拉麵～相信大家都唔陌生。就算如何好味都難免會出現審美疲勞，所以呢次我就選擇左呢間鋪特色嘅香蔥拉麵！未試過嘅朋友真係推介一試，會上癮的～香濃嘅辣湯底配大蔥絲，就算冇任何叉燒等肉類都極之美味～齒頰留香！對拉麵一般般嘅朋友嚟講，鰻魚飯都係一個唔錯嘅選擇！鰻魚入口即溶，醬汁色香味全，蛋絲方面有啲鋪頭（例如爭x)係會採用現成嘅蛋絲，但佢係自家製，令人一試再試！鰻魚飯另有迷你版，可配拉麵餐～

已經有一段時間冇嚟過呢度。 今日想食日本湯麵帶了阿女過嚟呢度。兩母女點了飯糰和拉麵， 如果100分為滿分我只可以比30分！ 先講燒三文魚飯糰， 啲飯嘅硬度近乎飯同埋粥之間， 但無奈阿女比較肚餓， 諗住食完可以等埋個湯麵滿足返。 但食完個飯團仲要等多20分鐘個湯麵先至嚟到！都算， 諗住食返個熱辣辣嘅湯麵， 點知個湯麵溫度我諗都冇以前食開嘅一半。 叉燒凍的、湯麵暖的、 啲湯過鹹！ 我女已經對食嘢冇乜要求都彈三彈四， 我哋呢啲食咗十幾廿年嘅老顧客更加唔洗講。總結兩個字: 失望

🍜好耐冇去油麻地，見完客突然想起橫綱拉麵，真係好耐冇食呢間以前要排長龍嘅拉麵店！星期四的晚上8點，門口依然要排隊，等左 10分鐘就有位，店員有禮，坐位依舊，迫迫地咁坐！最緊要食得開心！當市面好多拉麵要成$90-$100碗時，呢間元祖店仍然只賣$80左右！絕對抵食同好食！🍜 🌶香蔥拉麵 $79（辣味湯底）我嘅最愛就係D香蔥，最夾就係辣味湯底，一啖拉麵一啖香蔥！絕！對！好！味！ 不過食肉獸就唔好叫啦！因為冇肉嘅 ！ 🍜元祖拉麵 $79（醬油湯底） 至於鎮店之拉麵一定要叫元祖拉麵啦！清甜嘅醬油絕對係可以唔小心飲哂成碗湯嘅！拉麵彈牙！讚！🥟餃子 $38 （一客六隻） 每次必點，一陣風咁好快食哂！好味！🥚味玉  流心蛋！加左唔會後悔！好味 ！

附近上完堂, 見餓餓地, 見到呢間店鋪都有人排隊, 於是把心一橫去試下。沾汁麵其實我本身都麻麻地鍾意係香港食拉麵, 一黎我覺得水準麻麻, 二黎又食唔到地道既味道. 所以我就點左個沾汁麵黎試下。一上到黎分量都尚算可以, 不過個麵底唔知係咪煮得耐左啲, 啲麵有啲糊同稔. 今次我係點左櫻蝦麵豉汁, 櫻蝦同麵豉既味道都有, 冇搶到大家既味道, 雖然沾麵汁係會鹹啲但個汁真係偏鹹左, 要飲水沖啖先得。叉燒都不過不失, 流心蛋亦做到流心既效果但蛋味一般. 整體黎講, 真係麻麻。

聽人講呢間拉麵店好耐歷史😂次次經過都好多人排隊難得今次冇人排就試試佢啦！叫左一碗叉燒拉麵 一碗櫻花蝦叉燒拉麵叫左豆醬湯湯底一般般唔夠濃😕叉燒就還好幾夠肥 但略厭佢燒得唔夠熱呢啲叉燒真係要有小小燒味先好食😛另一個櫻花蝦拉麵 叉燒少得可憐😢 但d蝦都幾有蝦味😂😂湯底一樣係唔夠濃啊😕清淡唔襯拉麵😢唯一比較impress 既係隻糖心蛋煮得岩岩好！整體來講 性價比ok!但85蚊一碗出面會有其他好啲既選擇🤫總括而言 有少少名過其實 叫做唔難食啦😛

久聞大名！多年不下4-50次經過也見人龍，所以從來都冇幫襯，不過今晚早了點，6:30經過不用排隊，也終於有機會試吓。其實店內也差不多坐滿了七成，也好可以坐最愛的Bar 枱，可以睇師傅料理食物。點了「元祖拉麵」、「叉燒拉麵」和「薯仔沙律」，每様也很理想，質素頗高。「元祖拉麵」$75 ，選了辣味湯底，湯頭鮮味香濃更不太杰，香辣但不太辣，配料質素高分量多，計有兩塊好味半肥瘦厚叉燒，亦有大量日本芽菜、菜葉、香荀，麵條爽而不靭有麵香，呢個價錢有咁嘅質素，唔怪得咁受歡迎。「叉燒拉麵」$85 有5-6塊大叉燒，一樣係配有大量配菜，醬油湯底清甜而香口，Goid Wor!「薯仔沙律」$28-標榜用日本進口雞蛋同薯仔，啱啱一個雪糕球大啲，但係上面有整碎咗嘅薯片，非常有特色又好味，伴碟兩粒車厘茄係非常之清甜，呢個價錢都算非常之高質素。值得再幫襯！

幾年前食過一次之後，因為要大排長龍及時間關係好多年無再去過，今日除夕放早去再嘗一次，亦是最後一次！安排了我坐在bar台尾，即廚房出入口及水吧台位置，我叫了好幾次大聲及細聲「唔該」，有侍應但無人理我，咁我就向背後最近我的阿叔侍應揮手示意，佢叔即時都無理我，等左一陣先話「我收緊錢」，我知你收緊錢，咁你唔識同我講聲等陣乜都好既，我忍。麵黎到，湯底味精重，都試唔出豬骨味。因為坐bar台尾，落單我籃子就在我前面，侍應前前後後係我頭頂不停伸手，好困擾！我只想拖靜地食碗麵罷了。座位很迫，快手快腳食完就走，我企左係收銀5分鐘，阿叔侍應只顧收碗，經過我身旁仲要撞我一下，呢d真係好服務呀，唔係要大排長龍就好食！我黎食嘢，唔係黎受氣！

橫綱係十年前親人帶我食既拉麵，當時已經大排長籠，等一大輪先有得食。而親人早已身故，所以有少少物是人非既傷感感覺，麵無變，黎食既人卻不同了！情何以堪！下午三點黎食，星期六都唔使點等位。跟餐凍檸茶，食拉麵有茶啡好似以前係無既，正常西餐廳味道。櫻花蝦拉麵，個湯好濃味，夠咸，櫻花蝦細細隻好脆，溏心蛋做到半液固態，叉燒夠軟稔，麵就好似油麵咁，似係廠拎返黎。辣味拉麵，真係辣得好過癮，又有少少芝蔴，正！每人跟餐加配45蚊鰻魚飯，都係拉麵好食d，依個無咩特別。雞串配上蛋黃醬好夾，燒得幾好，好清新。薯仔雞蛋沙律好味，側面有d脆脆地既薯片，口感好特別。希望親人係天國試到依碗拉麵。食咁多野都係330蚊好抵食。

以往經過經常見到一條人龍，心想有冇咁好食呀? 因緣際會下終於一試，果然一試難忘。舖內坐無虛席，人頭湧湧，侍應們都十分忙碌，師傅則不慌不忙。我則被安排坐上吧桌。今次點了元祖拉麵，或者人多，等上菜的時間較耐，可以理解。拉麵來的時候，吃下來寧舍不同! 鰹魚湯底非常濃香，拉麵口感煙韌，厚义燒也很入味。難怪這家店經常人山人海啦!!

最近去完日本旅行 真係好掛住日本嘅美食 尤其係拉麵 今日就嚟咗油麻地呢間屹立幾十年嘅拉麵店 感受返日本嘅氣息😆店面唔算大 真係好似日本拉麵小店嘅格調😻 之前嚟過門口好多人排隊㗎 不過好彩今日我地早嚟 十二點幾嚟到就唔駛等啦👍🏻Lunch time係有set叫嘅😬 就係拉麵加個迷你丼飯同一杯野飲 大概一百蚊到 咁我揀咗櫻花蝦拉麵 濃蝦湯底 好鍾意櫻花蝦嘅口感🦐 有少少脆 本身湯底好重鮮蝦味 加埋櫻花蝦少少嘅鹹鮮味 味道真係好鮮 拉麵仲有一片半肥瘦嘅叉燒🐷 真係成碗麵做得啱啱好👻燒鰻魚飯 四十蚊加配嚟講就唔算好抵 得兩嚿仔鰻魚🤧 而鰻魚又有啲韌 不過欣賞佢飯面鋪滿咗蛋絲🙂如果大家真係好想食日本風味嘅拉麵 呢間餐廳絕對做到嘅🙊

呢間拉麵店雖然係彌敦道既小巷，位置吾算顯眼，不過經常有好多人排隊，尤其午飯時間，好難有位。今日難道晚上經過，無咁多人，一於試一試！店內格局好有日式拉麵店feel叫左應該係招牌既元祖拉麵，配醬油湯。麵質適中吾會太軟，湯底都好味！另外叫左個set,有鰻魚細飯及鰹魚肉（吾記得全名）拉麵！呢款拉麵有驚喜！個人覺得比元祖拉麵好味！湯底好味之餘，塊肉燒到好出味好香呢到既奶茶用歐式杯裝，有d吾太match😂最後點埋餃子，都吾錯食架！

放工來到旺角油麻地附近，完全無計劃晚餐食咩好，只是定好要去佐敦「佳佳」食糖水 (正餐還未食，已定好甜品食咩好 @.@，什麼玩法)漫無目的，隨意地向佐敦方向行，經過救世軍時，見到平時好多人排隊的拉麵店，竟然無人龍呀﹗﹗﹗好啦，就呢間。去到「橫綱」門口，雖然無人排隊，但店內剛好坐滿，所以要先拎飛，我們排第一，先睇好Menu，好快就安排到位置了。店面不大，坐位有點逼，大家要坐得親密少少。師傅努力準備各款拉麵，無停過手。餐牌不算多選擇，但有拉麵/ 沾麵/ 小食/ 飯類定食，覺得已經好足夠。魚豚骨拉麵 ($85)選用了豬骨鰹魚湯底。湯底的鰹魚香味好濃，飲落質感較厚，豚肉一整塊，比手掌還大塊，好厚，肥瘦適中，燒得剛剛好，入口好淋，帶有少少豚肉油香味，但絕不會過膩，反而好惹味。拉麵軟硬適中，伴住香濃鰹魚湯底一齊入口，吸哂湯底的味道。元祖拉麵 ($79)可以選擇醬油、豆醬、辣味或清湯湯底。某人選了醬油湯底，相對魚豚骨拉麵，這個湯底無咁濃厚，幾片叉燒肥瘦比例剛好。可能因為較偏愛鰹魚湯底，所以覺得這個元祖拉麵較遜色。