正宗水上人氣鍋專門店 (已結業)

好鐘意食海鮮，朋友就立馬推介我一定要食蒸氣火鍋可以食到食材嘅原汁原味！所以呢個冬天就跟左佢嘅介紹去食呢間水上人蒸氣火鍋，食完真係返唔到轉頭！呢次點左南非龍蝦同阿拉斯加蟹，真係份量十足！一上枱比佢裊裊輕煙吸引住眼球，好似仙氣咁真係流晒口水！蒸前落左個花膠豬骨粥嘅底係鍋下面，就可以邊蒸海鮮邊煲粥，最後可以食到所以海鮮嘅精華融入晒係粥底入面啦！一開始先蒸左店員推介必食嘅蝴蝶蚌，鮮甜度好加分！邊蒸嘅期間就可以食下加拿大象拔蚌刺身先，片得厚度適中咬落好爽脆！之後就係粉絲蒸大元貝，粉絲吸晒元貝同蒜蓉嘅精華，超級好味！元貝大大粒啖啖肉！接住係重頭戲阿拉斯加蟹，蟹殼有金黃色滿滿嘅蟹膏，真係好邪惡！蟹腳每個都十分厚肉又多汁，蒸嘅時間剛剛好都好重要呢！店員十分盡責每次都會睇住時間，蒸好都會幫我地立刻開蓋，保證我地食到最鮮味嘅海鮮啊！龍蝦都係必食，有膏肉又彈！仲有貴妃蚌！食完海鮮就食肉類，蟲草花蒸雞可以補補佢，雞肉好嫩滑唔怕嚡！蔬菜係欖菜肉鬆冰菜，第一次食蒸嘅冰菜，脆度依舊，蒸完仲會有水珠係面頭，加埋欖菜肉鬆味道已經好夠！最後食埋碗花膠豬骨粥就完美啦！佢地嘅甜品都好有特色，好似螺絲同螺絲鈚嘅啫喱，超級可愛呢

今日友人邀約話想一班朋友聚聚食好西，我咁爲食又得閒緊係去啦，餐廳有2層專食蒸氣鍋及刺身粥底選了花膠豬骨，侍應下好材料就上刺身了，入面有肥美三文魚，北寄貝、希靈魚，仲有新爽口鮮甜象拔蚌啊蝴蝶蚌比較少地方有，好新鮮彈牙而另一主角阿拉斯加蟹出場了，蒸完原汁原味蟹肉豐厚又鮮甜，佢個蟹蓋啲膏好多又甘香龍蝦用上南非再開邊加入蒜蓉去蒸，超級爽口彈牙仲好香，肉身夠厚啖啖肉扇貝都好大隻啊，加入粉絲蒜蓉一齊，帶子鮮味又好新鮮，粉絲吸哂味都好正啊冰菜好翠綠爽身，就咁蒸嚟食特別香甜最後食甜埋個吸哂海鮮精華粥底真係不得了甜品係做成螺絲士巴拿嘅啫喱啊，好得意～

訂座OK, 但餐廳的套餐不抵食，套餐的食品沒有送齊，追查下才知隨意轉換套餐菜色，又沒有詢問意見。沒有刀馬貝轉為已有的芒蜆；沒有聖子皇轉為帶子。四隻漱尿蝦有兩隻不新鮮水水的，要求下才轉回兩隻。不會再去了。

今日老朋友生日，我們三劍合又聚首一堂，照舊想去食火鍋，但老友話不如試吓蒸氣鍋，就是這樣去左此店。我們一行三人訂了枱，入到去見菜單價錢真是一點都不便宜，老友話上網睇有套餐398元一位，但我哋見餐單是498元一位，店員話菜單日日都唔同，我們唯有安慰自己應該是海鮮時價的關係，既來之則安之，我們每人點了一個498餐， 期待著一個豐富嘅晚餐，但當我們見到待應奉上的海鮮盤，就開始知中伏，海鮮盤有：龍蝦、鮑魚、花蟹仔、聖子、貴妃蚌、芒蜆、馬刀貝和花甲，但數量不多，又無得添食， 還好海鮮都算肥美新鮮。食完海鮮後，開始食蟲草花蒸雞，三人份量 少得可憐冰菜清甜爽脆食完蒸物後，最後是食南瓜粥。甜品是馬拉糕和黑糖糕，一般貨色另送上甜品，好睇唔好食，是用啫喱糖做的， 造型逼真。整體食物質素尚可，但份量少，498位套餐加上每位28元茶介醬油、花生和加一，埋單人均要594元，以此地區、裝修和招呼，真是有點兒昂貴，如果付此價錢應該有很多更好選擇。

之前聽過好多人讚好，但從未試過，真係第一次試咋，食材新鮮，美味。先來芒蜆、花甲王及馬刀貝，味道非常鮮味，而且好大隻；然後有南非鮑魚，鮑魚上面嘅汁同鮑魚好夾呀，提升咗鮑魚嘅鮮味；服務員話隻蟹比較細，所以建議我地放落去煲粥；之後再食蟶子王及貴妃蚌，肉質彈牙鮮甜；仲有南非龍蝦，味道也不錯👍😋😋諗住今日做冬，於是額外另加瀨尿蝦皇，差不多成隻手臂咁長呀，上枱時，瀨尿蝦還是生蜢的，肉質鮮甜，呢個時候已經好飽喇，但最後都要食埋個蟹粥，仲有一個好特別嘅甜品，真係好好味呀！

book了位8:15pm, 8:30可以入座。 坐卡位，好舒適， 叫了$498餐， 食了龍蝦、元貝、翡翠飽魚、蒲苔蜆、馬刀貝、蒜蓉蒸貴妃蚌等等，全部都非常新鮮，令最後個粥十級好味😋回味無窮呀！但個海花蟹麻麻地， d蟹膏和蟹肉都一般，不知是否關品種事。 服務員服務貼心， 全部由他們代勞， 客人不用自己set時間去蒸。

久仰大名嘅一間餐廳，今日終於有時間喺午市去試試。有套餐亦都有單點，午市單點有七折，我地選擇左單點。先講價錢，蒸氣海鮮來講佢價錢算係相當貴嘅一間，淨係醬料花生同茶芥兩個人都收70幾蚊。而其他海鮮或者肉類份量都係相當之少。先講花甲，有鮮味但唔大隻， $88大約只有10隻。而蟶子呢，大約$70到一隻，但係佢放左啲南瓜蓉係聖子上邊蒸，味道有啲奇怪，明明落單嗰時係話蒜蓉粉絲蒸，落咗啲南瓜蓉搞到味道有啲差格格不入。和牛粒$198十粒，有牛味冇乜脂肪算唔錯但份量都係少。娃娃菜放咗啲肉碎上去一齊蒸，冇乜特別，真係完全烚菜咁，而且肉碎又唔夠多，唔建議叫。成餐飯有樣極級難食嘅嘢，就係佢個花膠豬骨粥。完全未食過咁難食嘅粥，白粥都好食過佢。而且落單嘅時候侍應同我地講個粥(細)係五人份量，但實際嚟到係極少，大概只有三碗，唔知係唔係因為餐廳見我同朋友得兩個人所以特登比少啲材料。總括嚟講呢間餐廳嘅食物實在份量太少，而且有啲唔老實，叫之前又話個份量係幾多，嚟到之後完全唔係佢講嗰回事，而且食物味道中下，有一部份直情係難食。

今晚約左一大班朋友去旺角行街食飯，有人介紹依間水上人蒸氣鍋，咁個個都冇意見就去試試開餐前店員就放一啲豬骨，花膠，南瓜，珍珠米落鍋底。首先刺身拼盤，有象拔蚌、三文魚、希靈魚等等阿拉斯加蟹原隻蟹蒸，原汁原味，用蟹糕汁伴蟹肉食，滋味無窮蝴蝶蚌時令食材，聽啲水上人朋友講好少有，肉肥清甜，未食過一定要試蒜蓉大元貝個殻大過隻碗，淡淡肉好鮮味南非龍蝦大隻肉厚，加上小許蒜蓉蒸，十分鮮味！龍蝦肉好彈牙櫻花蝦丸鮮蝦打到起膠，再加櫻花蝦，鮮味又彈牙蟲草花蒸鮮雞滿滿既蟲草花，加上新鮮雞，雞不會過肥，仲有黃油！欖菜肉鬆冰菜冰菜我都係第一次食，覺得好得意，菜的表面好似有層冰水珠咁，就算蒸好左外表都好似啱啱係雪櫃拎出來咁最後係 ‘是把拿’啫喱甜品 像真度十分高

今日一班同事講起食海鮮，即晚就搵海鮮食，其中一位同事即介紹一間蒸海鮮就一行幾人一齊去～地方大，坐位舒適！一坐低先睇餐牌！有套餐揀，或單點，我地就交比介紹來個位發板～花膠豬骨粥底，材料份量十足，已經好期待如果加左海鮮既精華係咩味道！加拿大象拔蚌刺身拼盤～大大片象拔蚌刺身，入口爽彈～其他刺身大件，亦都好新鮮～第一道己經好滿意～南非龍蝦～大大隻龍蝦，肉厚，入囗彈牙～蟲草花蒸鮮雞～雞肉嫩滑～粥底～好滑好綿，有海鮮既鮮味～一流～最後的甜品很特別，外表真係似實物，味道有點似可樂糖～這個海鮮粥底真的不錯，刺身和海鮮都好新鮮！價錢合理～

今晚出旺角食蒸氣鍋，一班朋友去既好地方😊😊地方寬敞舒適，位置於旺角朗豪斜對面，十分方便容易搵！鍋底選擇左花膠豬骨粥，放在鍋底全部食完海鮮之後所有精華落左粥😍最後品嚐！首先有加拿大象拔蚌刺身拼盤， 象拔蚌刺身鮮甜美味，爽口夠凍👍🏻仲有三文魚、希靈魚等等好豐富！蝴蝶蚌店員說五分鐘就可以食，非常鮮甜，而且很大隻！👍🏻到海鮮出場啦！有南非龍蝦、蒜蓉大元、貴妃蚌、阿拉斯加蟹，見到咁豐富相當興奮。阿拉斯加蟹肉質鮮嫩飽滿，起肉非常之鮮甜😋😋而且仲好多蟹膏👍🏻👍🏻南非龍蝦蒜蓉吊味清清地帶出鮮味，而且龍蝦肉彈牙👍👍蟲草花蒸雞雞很嫩滑而且好鮮味，配上蟲草花更添滋味！最後到甜品很別緻的造型，把工具箱拿來！味道都不錯，是啫喱來的。

今晚老闆生日，我們全Team人決定請佢食好西，選擇朗豪坊附近 正宗水上人氣鍋專門店，地方方便就腳👍老闆真的好給了我們一張很大的枱，坐得舒舒服服海鮮即叫即撈即劏，真是看得到的新鮮！平時老闆對我們這麼好，當然食豪D答謝他😉😉先來加拿大象拔蚌刺身拼盤， 非常鮮甜，切功一流，爽口夠凍😍還有三文魚、希靈魚....好大一盤呢😋主角來了😍😍😍😍南非龍蝦、蒜蓉大元、貴妃蚌、阿拉斯加蟹⋯⋯不得了不得了見到都即刻開心😃海鮮逐一蒸熟可以調教timer 確保控制得剛剛好！鍋底選擇了花膠豬骨粥，擺在鍋底，當全部東西吃完之後就可以嚐這煱精華粥🤩🤩第一時間蝴蝶蚌，5分鐘即可，非常鮮甜，食唔停口😋阿拉斯加蟹~~肉質鮮嫩飽滿，任何部位都將它拆骨起肉非常非常之鮮甜😝南非龍蝦～～清蒸已經非常好味，配上蒜蓉調味，清清地很鮮味，龍蝦肉彈牙，超正👍👍蟲草花蒸雞~雞味濃而且很滑，不太肥配上蟲草花一流👍欖菜肉鬆冰菜，很特別，吃得多肉類，再吃點菜就減膩😊說時遲那時快，花膠豬骨粥食得了😍非常鮮甜，每人吃上兩大碗😂😂甜品很特別，造型令我們為一些，味道普普通通啦有點像啫喱！今晚說說笑笑有過了一個愉快的晚上，看得出老闆也很喜歡，當然大家都喜歡

成日經過旺角都會見到呢間氣鍋專門店人頭湧湧，今日終於有機會同班同事一齊約埋嚟食好西！7點去到，基本上已客滿，閒日都咁旺場真係勁！ 間鋪有3 層，人多人少嚟食都處理到，真係多人既話，我估包晒成層都得！佈置都幾光猛，乾淨，檯同檯之間都幾闊落！我哋等左陣人齊就正式開餐，待應幫我哋先放粥底材料，同事揀左花膠豬骨粥底，花膠大大件好足料下！粥底開始煲緊，頭盤加拿大象拔蚌刺身拼盤就俏俏送到，份量頗大，象拔蚌，三文魚，同希靈魚都幾鮮甜，象拔蚌爽口，三文魚仲要好肥美！食緊刺身拼盤既時間，大大隻蝴蝶蚌先落鑊蒸！幾分鐘就有得食，鮮甜彈牙！跟住出場係賣相好正既阿拉斯加蟹，鍾意食蟹既同事睇到留晒口水！ 我就對佢d鮮甜啖啖肉蟹腳垂涎三尺！同事表示蟹糕鮮甜多汁，蟹味十足！之後就係蒜蓉開邊蒸南非龍蝦！一夾離殼，啖啖肉，啖啖蒜香味配上鮮味十足又爽口彈牙既龍蝦肉，真係無得彈！食左幾樣海鮮，正想問有無其他野食既時間，肥美多肉既虫草花蒸鮮雞就出場，虫草既清甜味同嫩滑鮮甜既滑雞非常夾！我頭先無食蟹，d 雞蒸出嚟勁香，我就食多左幾件雞！同事真係好周到，除左食肉外，仲有一個係蒸菜，呢個賣相相當吸引，好似有層冰粒喺面既欖菜肉鬆蒸冰

水上人蒸汽鍋專門店六點半來到，餐廳沒有太多人，佔了個大枱，坐得舒服。呢次公司完project , 出公數，來賀一賀。首先吃的是加拿大象拔蚌刺身拼盤，三文魚好新鮮。象拔蚌勁甜，其他刺身都新鮮。即刻胃口大開。再來阿拉斯加蟹， 呢隻蟹不得了，蟹糕勁多，好鮮甜，比我手掌更大。蟹肉實正，甜，啖啖肉。忍唔住食咗三part. 包括鉗， 鉗個關節和蟹蓋。蝴蝶蚌加白汁，有芝士覆蓋上面。對比蒜頭，另一種風味。之後是蒜蓉大元貝，元目大大粒，加上粉絲，好野味，仲有好多漿俾自己調味，不過貴海鮮，繄係加鼓油最野味。貴妃蚌加蒜蓉，同大元貝食法差不多，不過較彈牙。再來個櫻花蝦丸，同巿面嘅丸味道就差不多，但係佢d 肉實正，係食得出真材實料。南非龍蝦，都係好大隻，仲要有羔，見樣蒸出來流晒口水。啖啖肉，爽口。㰖菜肉松冰菜，好似有冰蓋住雪霜，蟲草蒸雞，雞好大隻，大碟，肉質鮮美，不是冰鮮雞。最後 , 粥出爐了。用了多款海鮮蒸出來的花膠豬骨粥，好香，好綿，清甜，唔夠味可以自己加調味。總括而言，所有野都是蒸出來，完全無油，食到海鮮宴的原汁原味。靚嘅海鮮真的不用調味料。最後個粥，食完兩碗仲想繼續添。仲有個funny 甜品士巴拿。

一大班同事食飯，最緊要坐得舒服同埋地點就腳，今次同事揀咗旺角正宗水上人氣鍋專門店，去各區都好方便。地點易搵，喺朗豪坊戲院行前少少就到。裝修好新，原來仲有樓上雅座，不會背貼背，坐得舒服。醬汁區有好多醬料，適合唔同人既口味！先來一盤刺身拼盤象拔蚌刺身爽口，厚切三文魚肥美，北寄貝、希靈魚厚肉！點完餐後店員會先放一些新鮮豬骨，花膠，南瓜，珍珠米落鍋底。先食海鮮，最後食肉同粥。阿拉斯加蟹原隻蟹蒸，原汁原味，不用加任何調味，肉厚不會離殼！用蟹糕汁伴蟹肉食，好幸福喔！蝴蝶蚌時令食材，平時街市都難買，呢到竟然有，隻隻脹卜卜！蒜蓉大元貝、南非龍蝦大隻肉厚，加上小許蒜蓉蒸，十分鮮味！龍蝦肉好彈牙！貴妃蚌今次用白汁蒸，不會次次一樣味😆，味道幾特別！櫻花蝦丸鮮蝦打到起膠，再加櫻花蝦，既有鮮味亦很彈牙！蟲草花蒸鮮雞滿滿既蟲草花，加上新鮮雞，雞不會過肥，仲有黃油！呢d先叫有雞味！欖菜肉鬆冰菜冰菜係蔬菜類較名貴既一種，用來蒸會比較好，營養無咁易流失！加上欖菜肉鬆蒸，不用再加調味，味道剛剛好！最後每人兩碗花膠豬骨粥，用蒸氣來煮，每次蒸海鮮嘅汁都落曬落粥裏，可想而知呢煲粥係幾堅！人均大概$500已可以食到咁豐富嘅海鮮，

因與友人們吃飯，所以特地訂了一圍試試蒸氣火鍋。店員們先放米、豬骨、花膠在最下層，待最後吸收了海鮮的精華後，就可以吃花膠豬骨粥。首先我們先享用加拿大象拔蚌刺身併盤，果然十分大盤。當中各種刺身如有三文魚、希露魚、象拔蚌等等。賣相十分吸引，顏色鮮艷，而且都十分新鮮。接著是蒸蝴蝶蚌。蝴蝶蚌肉質爽脆，而且鮮甜可口。第二道菜式是蒸阿拉斯加蟹。阿拉斯加蟹肉質紮實，而且份量十足。蟹腳十分長及多肉。蟹蓋更藏著豐富的蟹膏，十分滋味。第三道菜式是蒸南非龍蝦。南非龍蝦已開邊，而且肉身飽滿，肉質彈牙。下一道菜式是蒸蒜蓉大元貝。元貝用上蒜蓉蒸，十分入味，而且底下還有粉絲。還有蟲草花蒸鮮雞。想不到冬蟲草的香味完全滲透雞肉當中，雞肉也十分滑嫩，我忍不住吃了四至五塊。接著還有欖菜肉松冰菜。第一次吃冰菜，感覺很特別。冰菜的表面上好像有些冰點，其實冰菜本身就是這樣的，所以才叫做冰菜。冰菜十分爽口，感覺很特別。最後就是花膠豬骨。粥花膠豬骨粥吸收了各種海鮮的鮮味味道，十分香甜濃郁。我一個人忍不住吃了三碗粥。今天真的很滿足，可以吃到各種不同的蒸海鮮及刺身！